مشكلتي هل فيه احد عنده حل ؟؟
 

الحل تضعين المنبه بعيد عن مكان نومك عشان تظطرين تقومين لاغلاقه

انا ما احس فيه عشان اقوم يعني بعيد ولا قريب ماعمري حسيت فيه ابد ما احس بشي نومي ثقيل مرررة مدري هل للاكتئاب علاقه وهل فيه احد منكم عنده نفس المشكله وابي حلول ؟
واحيان اقولهم صحوني وقت معين ويصحوني ولا احس وبعدين اقوم واشوف الوقت راح علي واجلس اقولهم ليه ماصحيتوني ويقولون قومناك بس ماقمتي ؟ يعني ابد م احس الله يعين وهالشي صعب مع الدوام : (

سوي حجامه بتفييييدك ...باذن الله

لا يقولون تطلع اثار والانثى غير عن الرجل يعني الرجال يقدر يسوي بينما الانثى عادي لو ماسوت

يجب معرفة الحاله الصحيه هل تعانين من امراض عضوية او لا .... هل تأخذين ادوية للإكتئاب او لأ وما انواعها واسمائها وجرعاتها ... وايضا هل هناك ارق في النوم وهكذا حتى نستطيع ان نرى ما اذا كنا نعلم او لا نعلم ونساعدك اذا كنا نعلم

الحمدلله ماعندي اي مشكلة سويت اكثر من مرة واخرها قبل اسبوعين فيتامين د والغدة وفيتامين ب واملاح والدم والحمدلله عندي كل شي كويس وادوية اكتئاب ماعندي كنت استخدم سيبراليكس تركته من سنتين .. انا عندي هالمشكلة من زمان والحين اختي الي دايم تصحيني بتتزوج ف ماعندي احد وعندي دوام الاحد وصعب مررة يعني اززمة بتكون الله يعين يارب فعشان كذا ابحث عن حلول للموضوع

اذا كان كل شي سليم ( الحمد لله ) فأعتقد ان النوم عندك يبيله تضبيط فقط وتعويد

افضل نصيحه اخذتها من سنوات قبل دخولي بعالم الامراض النفسيه طبعا لان نومي الان صار معركه اساسا .... لكن افضل نصيحه اخذتها ايام نومي الثقيل كانت تثبيت وقت النوم

يعني امشي لمدة شهر بوقت نوم ثابت تماما يعني انام الساعه عشره يوميا ،، اجازه عمل ما تفرق النوم الساعه عشره يوميا واحط المنبه بنفس التوقيت الصبح يوميا الساعه خمسه.

يوم اصحى ، يوم ما اصحى ويوم اصحى اطفي المنبه وانام ويوم اصحى اطفي المنبه واقوم .... بس للحق ايام مدري عن المنبه انه ضرب اصلا واصحى ثمانيه والاقي المنبه شغال يعني ع الفاضي


المهم مثل ما قلت تثبيت وقت النوم و وقن المنبه لمدة شهر وكل ما زادت افضل المده بنفس التوقيت ورح تشوفين ان النوم تعدل والثقل راح

بالسلامه

مثل ما قالو ضبطي نومك
و ابعدي ع الاكل الدسم وغيري مكان نومك
انا احس هالحاله بتجيني باماكن معينه ولما غيرتها الحمدلله
وامشي ع نصايح الشباب

انا نفسك انام غصبا عني حتى لمدة يوم كامل بسبب الاكتئاب و اصحى الشغل منأخر اخذ 600ملجم من السيروكويل و هو المسبب للنوم لكن ما اقدر اتركه لان الارق اصعب منه

ياختي العافيه اهم من الاثار اللي تتركها الحجامه وبعدين نومك الثقيل يمنعك من اداء بعض الصلوات اذن لازم تسوين حجامه حتى وان كان لها اثار مع اني تحجمت مرتين وكلها اضطريت احلق جزء بسيط من الشعر لكن فترة قصيره ورجع الشعر طلع والاثار انمحت تماما واصلا الحجامه راح تكون بالكاهل والاخدعين واليافوخ وكلها مناطق مو ظاهره
اول ماتتحجمين ادهني هالمناطق بزيت زيتون او عسل اصلي وبسرعه يختفي اثرها

الناس اللى عندها نوم ثقيل بهذا الشكل عليهم شرب القهوه والاستعانه باقراص تحتوى على الكافيين وهناك دواء اسمه برافاماكس يعلاج النوم الثقيل ويساعد على اليقظه التامه وقت الصحيان

ما في فايدة والله جربت كذا بكل الاماكن نفس الشي هذا انا كل يوم انام بوقت معين ولا به اي فايدة والمشكلة انه لو يتركوني انام ( عادي انام اكثر من 16 ساعه ) بدون م اقوم يعني انام كثير مرة مرة والاحساس بالمنبة ابد م احس بادنيا حتى لو فكككرت اني بصحى بهذا الوقت مدري ليه هلمشكلة عندي زادت بشكل كبير للاسف يوم صابني الاكتئاب من 10 سنين

والله العظيم زاد الشي هذا من يوم جاني الاكتئاب من 10 سنين من بدااايته وهالحالة زادت بشكل كبير صعوبة الاستيقاظ من النوم وحتى لو صحيت احس راسي ثقيل مرة مرة ما اقدر اشيله يعني امسك راسي بيدي لاني احسه ثقيل مرة واضغط علي عينيي بقوة ابي اصحى مافي فايدة

اظن المجهود النفسي هو السبب من جاني الاكتئاب من 10 سنين زاد اضطراب النوم اظن لازم اعرف السبب هو من الاكتئاب او مشكلة ثانية اشكرك اخي العزيز لمرورك

لا مابي اثار ولا ابي جروح وماودي بالحجامة احس مش متقبلة هاللشي

حلو والله بس اخاف لو استخدمته ياثر علي وخصوصا مع الوقت او يسبب لي مشاكل بالنوم او ارق او اعراض جانبية او ياثر علي مع الوقت خصوصا لو بتركه لان انا فقط عندي مشكلة الاستيقاظ من النوم لكن لو جيت باانام احيان يكون عندي ارق

افكر اطلب هالمنبة من امازون امي تقولي لو بالف ريال اشتريه او سمعت عن منبه الخراشه او منبه سيكو ولله يعين يارب

https://www.youtube.com/watch?v=93RvM7NnpJU

نااامي العصر عشان تشبعين نوم

ههههههههههههههههه
يبدو ان حتى الوالده طفشت من نومك الثقيل

في حل اخر لكنه مؤقت .... تبرعي بالدم وبتجلسين عندة ايام الى اسبوعين نومك خفيف ... بهالفتره دربي نفسك على المنبه لانك بتصحين بشكل سريع وبعدها بيكون عقلك الباطن تعود ع صوت المنبه وبيصحيك غصب

لا تتبرعين اذا عندك فقر دم ، يجب التحليل قبل كل شئ

إياك و نومة العصر تجيب الضيقه و النكد

الساعة الخراشة حلوة تفك أزمتك

سمعت انو للغده دور ؟
شيكي

اشربي منبهات كثير اتوقع يخف عمق النوم عندك

اي والله مرة طيب انا دمي يعني كويس والتبرع سويت تبرع بس ان شاءالله بينحل كل شي بححاول اشوف لي طريقة

لا مره ماينفع لو انام العصر مرح انام بالليل

بشوف اقرب فرصه اشتريها او ااطلب الي بالفيديو فوق

شيكت عليها ققبل اسبوعين ولله الحمد كويسة

لو اشرب منبهات مرح انام بيصير عندي ارق وبتاخر بالنومة مرح استفيد شي بس يبيلي اشوف لي طريقة اخفف النوم الثقيل وبنفس الوقت مايكون عندي ارق الا احصل طريقة : (

واللّه اختي قفلتي جميع الابوب
لازم عندك مشكله بدمك او شي لان نومك غريب

والله مدري وش المشكلة بعد الاكتئاب زاد هالشي بشكل كبير يعني ايام الجامعة كان عندي اكتئاب وماكنت اصحى وامي ترش على وجهي ماي اخر الحلول وبعدين اصحى لكن كنت ازكم عشان الماي فصرت اقولها لاترشين مدري والله هل هو من لاكتئاب او لاا والمشكلة ان التحالليل كل اسبوع او شهر بما اني اعمل بالمجال الصحي اسوي دايم بمكان عملي لكن كل شي كويس الحمدلله بس قلت باشتري منبه قوي مدري اذا فاد بس الله كريم متوكلة عليه سبحانه

هو اكيد الاكتئاب يلعب دور كبير في النوم وثقله هذا مافي خلاف

مدري انا كنت نفس الحاله سبرالكس حجم 10 بس نايم

والله مادري اظن انه من الاكتئاب او فيه مشاكل ثانية غير عضوية او شبه عضوية وفعلا كنت اخذ سيبراليكس وتركته من سنتين لكن حاليا كلمت اختي تصحيني قبل الدوام بساعتين لانها بتكون مشغولة وترش على وجهي كوب ماي قبل تطلع : ) لين القى حل الله يفرجها يارب

ياخت لميا اذا انتي بمستشفى حكومي باي مدينه

هذا ليس مسبب للنوم فقط بل هو ابو النوم تكفي جرعة 100 او 200 تنومك وانت ماشاء الله 600 زين ماوقف قلبك الصراحه
هذا الدواء اصلاً للذهان انفصام الشخصيه وحتى المصاب بهذا المرض هذي الجرعه تكون كبيره عليه وانت تعديت فوق المسموح بكثير

اعملي حجامه والله مفيده
والاثار تختفي وتروح لا تشيلي همها تختفي تماما تماما
انا كان عندي اكتئاب وانام كثير
وايضا كنت مصابه بعين وحسد وهذا سبب النوم وعدم القدره على القيام من النوم