ليش يرفض الصيدلي اعطائي هذا الدواء ؟
 

السلام عليكم ورحمة الله وبركاته
صلوا على الحبيب اما بعد ..

ذهبت الى الصيدلية لشراء هذا الدواء سيروكسات (CR)
ولكنه رفض !!
طلب وصفه قلت له ماعندي قال ما اقدر اعطيك الا بوصفه

انا يا اخواني رحت مره وحده للطبيب قبل شهور
واعطاني بروزاك لكن ما استخدمته

الحين افكر اخذ علاج بدون وصفه لكن اغلبها غاليه

هل يوجد علاج رخيص يساوي مفعول سيروكسات (CR) ؟
هل يوجد علاج للاكتئاب والرهاب بدون وصفه ؟

وعليكم السلام ورحمة الله وبركاته
اخوي السيروكسات يصرف بدون وصفه وآخر مره اخذته امس يمكن ذا الصيدلي فاهم النظام غلط
شف صيدليه غيرها وان كنت من الرياض فموجود بأغلبية الصيدليات وماتشوف شر

بصراحه اسعدني ردك
هل سعره 80 ريال ؟

اشكرك على تجاوبك مع الموضوع

باروكسات أرخص وبنفس فعاليه السيروكسات من تجربتي
سعره 60 منتج وطني لو سبب لك صعوبه بالنوم ممكن تستفيد من بنادول نايت لو كان الرهاب يمنعك من العمل يمكنك تستشير الطبيب في اندرال 20 او غيره هل معك إكتئاب ؟

اهلا اخي الغالي
نعم اكتئاب ورهاب
مشكلة المواعيد بالشهور وانا اعرف حالتي
قبل قليل ذهبت ثلاث صيدليات غير الاول
اللي يقول اول مره اسمع فيه واللي يقول غير متوفر
برايك ايش الحل؟

انتظر اجاباتكم يا اخواني

هلا اخوي
السيروكسات سي آر اخذه انا ب94 ريال 25 ملجم
ويوجد في كل مكان والدواء ممتاز ونفع كثير من
الناس وانا منهم

ليس مقيد بوصفه هذا الدواء

ولكن يفضل ان تأخذه تحت اشراف طبي لذا ، انا احيي هذا الصيدلاني بصراحه

بارك الله فيك اخي الغالي
على تفاعلك
اسال الله العلي القدير ان يعيننا ويرحمنا برحمته

مشكور اخي

استشير الطبيب في إستابلون للإكتئاب و باروكسات الرهاب

يصرف بدون وصفه أنا ودي اقابل الصيدلي و أتفاهم معه صح

تحييه على إيش يا ما ندوزا على إنه ماشي بالنظام ههههه هذا فاهم النظام غلط

لو الصيدلي قاله إذا أنت مريض نفسي إفتح لك ملف بمستشفى الصحة النفسيه افضل لك فأنا أحييه هنا أما أحييه على منع دواء يصرف بدون وصفه فبالعكس أنا أجيب العجره و أصنه على قفاه

روح لصيدليات غير اللي رحت لها اول
وستجده بأذن الله

لٲنه لا يصرف الا بوصفة

http://www.gnclivewell.com.hk/eng/de...wort_90s_b.gif


st john's wort gnc

تجده في شركة أرمال وكلاء Gnc

يصرف دون وصفة ،،، خذ النوع الذي في الصورة أعلاه ،، سيظهر المفعول خلال أيام إن لم يظهر خلال ساعات ،، ولا تنساني في دعائك

عادي بعض الصيدليات واكثرهم يصرفونه بدون وصفه
بس افتر على مذا صيدليه راح تحصله

اذا هو غير مقيد على ايش تحييه
نفس الشي راح تروح عياده خاصه ويكتبله الدواء
وبدل مايدفع حق الدواء فقط راح يدفع للعياده وللدواء
المضطر الي يعرف الدواء ومجربه والماده ماتكفي شيسوي مثلاً
ينتحر يعني .. استغرب من شخص يقول كلمه وهو مايعرف وش راح
يحصل من سببها ؟؟؟؟

بالعكس ... احييه لانه حذر بصرف الادوية هذي

انت قلت اذا الشخص ما عنده ماده او من هالكلام ... لكن انا اقول في مستشفيات حكوميه نفسيه .... واذا كان ما يتواجد بمنطقته يقدر ياخذه عن طريق وصفه من طبيب اعصاب مستشفى حكومي .... في اكثر من حل لكن نرجع للاستغراب الي انت قلته ... يا اخي هذا انت تشوف بعينك ناس تاخذ ادويه وتجرب وناس تبي تتعالج تسمع قصص الناس الي تجرب وتبقى تعاني طول عمرها عشان واحد مع احترامي دلخ قاعد يجرب على نفسه ادويه


الان صاحبنا صاحب الموضوع يتسائل ليش يرفض الصيدلي ، لكن احنا ما نعرف هل هو يتسائل يبي يجرب او ه يتسائل لانه يستخدمه من فتره ويكمل كورسه العلاجي

ثم انت ليش حزين يعني كذا كذا الدواء ما يحتاج وصفه مو واقفه علي يا صديقي لهذا لا ترفع ضغطك على شي انا قلته لانه رأي يمثلني فقط لا اكثر

اخي دكتور الاعصاب مو اكيد يعطيك الا ادا تبي تترجاه وبعدين وين الموعد الي بيوم وليله اسألك بالله مستشفى حكومي واستشاري اعصاب
اي موعد بعد شهر ولا شهرين هذا اذا لقيت وحتى اذا لقيت ممكن مايكتب لك انت تحسب الدنيا والدكاتره على كيفك كان ماتعبنتا تنطر مواعيد
بالشهور وبعدين حنا مانتكلم عن الي ياخذ وصفه من شخص انتكلم عن شخص كُتب له دواء من دكتور ويريد يستمر بالدواء يعني كل شهر او شهرين لازم يروح لعياده عشان تكتب له وادفع؟؟اقسم بالله ان وضعي المادي الحمدلله 100/100..واقدر اروح للعياده بالشهر ثلاث مرات وليس مره فقط ولكن يحزنني من هو تعبان نفسي ولا يملك مال ..اين يذهب لاتفكر في نفسك فكر في غيرك . لاتقول حكومه والله اسمع ناس تقول اموت ولا اروح مستشفى حكومه ذل ومهانت المواعيد ويصرف ولا مايصرف يعطيه موعد بعد شهرين وهو من ول اسبوع اتعبه الدواء ولا ناسب له ينتظر شهر وين يروووح ؟ لا اخي فكر فيها والصيدلي يعرف الشخص الي محتاج من الي ليس محتااااج ؟؟

صدقت لا يوجد مستشفى حكومي مواعيده قريبه وانا معاك في هذا الشئ

لكن هذا مجرد رأي بني بشكل عام ولا تعتقد اني مثلا سعيد ان في ناس مو قادره تتحصل ع الدواء الي تحتاجه

انا اتكلم بشكل عام ان الصيدلي شخص كويس لانه ينتبه على هذي الانواع من الادويه ويقدر صاحبنا ياخذ وصفته القديمه وعلبه القديمه وياخذ من الصيدلي بناءا عليها

وارجع اقول هي ليست مقيده مثل ما جاوبت الاخ يعني ياخذها من غير وصفه ما عطاه الصيدلي ذا يروح للي بعده

انا كلامي فقط كان بشكل عام

روق يا صديقي انا ماني ضد شي ترى

رفض الصيدلي اعطائك الدواء لان أتوقع عمرك تحت 19 سنه


وعن نفسي افضل أن تأخذ الدواء إلا بوصفه طبيب

لان الطبيب هو من يعلم بحالتك ويعرف التغييرات عليك ويقدر ان يقيم حالتك النفسيه على اتم وافضل وجه

ليش مكتوب عمره على جبهته
وحتى ماعمري شفت صيدلي يطلب بطاقه او يسأل عن العمر
يعني لو اشتري دواء لامي الكبيره او والدي الذي لايستطيع يمشي
لازم حضوره شخصياً مثلاً ولا اجيب توكيل هههههه عنه اسمحلي طولتها شوي
بس صحيح كلامك ليس بصحيح

اعصابك طيب هههههههه
الصيدلي فاهم كل شيء والعمر واضح من الشكل

السيروكسات 20مج الاصلي من الشركة الام ب 67 ريال وهو اخو البروزاك وارخص منه

وتصرف الصيدلي ترى طبيعي جدا

ايوه اخوي الـ CR اصلي مافيه منه مقلد

SEROXAT CR 12.5MG

سعره 72 ريال

تشكراتي وتحياتي لك

حلوه هذي العمر واضح من الشكل????

ياشين الصيادله اللي يتفلسفون ، مره طلبته سبراليكس جلس يحقق معيُ ، لايش تستخدمهُ ، عطيته أجابه مبهمه ، يعني لازم اشرح لك اعراضي عشان تعطيني الدواء؟