ماذا يحدث عند تخفيض الريسبريدون
 

السلام عليكم.....كيف احوالكم

كنت عايز معلومات عن الاعراض الانسحابية لمضادات الذهان الريسبريدون
بمعنى عند سحب الجرعة ايه هي الاعراض اللي بتظهر وهل ممكن تتشابه مع الاعراض الاصليه للذهان ولكن بصورة بسيطة او خفيفة و بتستمر كم شهر مثلا
وكيف تفرق بين الاعراض الانسحابية واعراض الذهان ..وشكرا.....

عليكم السلام
اياك ان يكون قرار السحب منك وليس من الطبيب
لان اعراض انسحاب مضادات الذهان تكون خطيرة والسبب هو زيادة حساسية مستقبلات الدوبامين
يمكن أن تؤدي عملية الإنسحاب نفسها إلى حدوث أعراض مشابهة للفصام، حتى في المرضى الذين كانوا أصحاء من الفصام سابقاً خاصة ان كانت الجرعة كبيرة ولفترات طويلة
اما عن التفرقة بين اعراض الانسحاب واعراض الذهان ف لم يتم حتي الان حسم هذه المسألة ولذلك فقد بقيت المسألة مثيرة للجدل في المجتمعات الطبية بين المتخصصين...
اي استفسار تحت امرك

هل وصل الجواب ؟؟؟

جزاك الله خيرا اخ قضفضة نفساني....هو فعلا انا خفضت الجرعة بمعلمومية دكتور .......كنت باخد 6 مج والان ابتديت بقالي اسبوع على 2 مج ..حتى الدكتور لقيته عايز يسحب الدوا كل 1 مج في 3 اسابيع ......انا الان باخد 2 مج وحمكث ان شاء الله شهرين.....خطة الانسحاب حتكون 6 الى 7 شهور......انا عندي اعراض بسيطة نادرة الحدوث عند التوتر فقط ....ضلالات اشارة خفيفة ومش كتيرة ......اصوات داخل رأسي حاجه مثل الايحاء ليس اسمعه بأذني ولكن داخل راسي وصوت مش عالي ولا حاجه تقريبا صوت معدوم داخل رأسي ...غير كده مفيش اي اعراض والحمد لله ..برجاء الرد واللي عنده معلومة اكيدة ميبخلش

الاعراض اللي ذكرتها انتهت .....بس نتيجة تقليل الدواء حاسس بزغللة في عيني ..وازدحام في الافكار...فقط لا غير ومعنديش حاجه تانية ...دي اعراض انسحابية والا ذهان والا ايه

ازدحام الافكار بيولد عندي نقص تركيز و نقص في الانتباه

اعراض انسحابية باذن الله

متشكر اخي

طيب الم اعلى الرأس حاسس بوجع في اعلى الراس وجانبي الرأس وافكار ذي فكرة احلام يقظة بس بتطول شوية

احييك جدا
علي قوتك ومدي تحملك ل الاعراض الانسحابية
التي اعلم انها صعبة ولكنك اقوي باذن الله

الموضوع يبغاله شوية صبر ومحاولة عدم التركيز علي الاعراض

انا مش فارقة معايا الاعراض في حاجه وانا مؤمن جدا ان المرض اساسه بعد عن المنهج الاسلامي ديه عقيدتي الشخصية ولكن مؤمن ايضا ان في نقطة معينة او خط معين اذا الانسان وصله لازم ياخد علاج لان التداوي حق مشروع
تمام ........انا عايز اعرف البداية او مؤشرات الانتكاس ايه عشان كده بحكي وحتستعجب لو قولتلك الافكار والاعراض ديه كلها بتروح بالاستغفار ربنا فضله كبير

اني احبك في الله$

واستشر الطبيب اخي يعطيك دواء يعين علي اعراض السحب

الاطباء اللي منطقتي تجار مش اكتر .....ولو رحت لدكتور بعيد حيبتدي من الاول........لا اثق في اطباء من الاخر ......انا بالنسبة لهم زبون حيلف لغاية ما يرجع لهم........ده قدري .....وربنا يعين بإذنه سبحانه وتعالى.....ربنا فضله كبير........عشان كده بسأل يمكن اعرف معلومة تفيد ...بحيث لو ابتديت اتعب انا عارف حعمل ايه من غير دكتور .....

الحمد لله مستديم على جرعة ابيكسدون 2 مج ليلا قرص واحد......والحمد لله مستريح وابتديت انضبط عليها بفضل الله ومنه وكرمه وجوده........حبيت اطمنكم علي وادعوا الله لي ولكم بالشفاء القريب.......لا تيأسوا من روح الله

الحمد لله رب العالمين والله فرحت جدا جدا جدا اخي
$

جزاك الله خيرا اخي فضفضة ربنا يديم المعروف .....ربنا فضله واسع لا حدود له

السلام عليكم....كيف حالكم....كنت عايز اسأل ليه الانسان اللي عنده زهان بيتعب من الصوم بالرغم من حالته كويسة جدا ومعندوش اعراض خالص .حتى الاعراض السالبة مش موجودة وبياخد جرعة قليلة يعني من تكون ثلث الجرعة...والتعب بيكون عدم صبر على الصوم وعصبية وقت الصوم وممكن افكار تنرفذ ليس لها علاقة بالواقع......وده وقت الصوم بس...مش عارف اعمل ايه..خايف لا استطيع الصوم في رمضان...برجاء المساعدة ولو بمعلومة وجزاكم الله خيرا..اوصيكم ونفسي بتقوى الله

مريض الاكتئاب هكذا ايضا
اترك هذا الاحساس جانبا ولا تخاف اخي
وسنصوم جميعا باذن الله (كل اعضاء نفساني)
سنعدل باذن الله من مواعيد الدواء علي الفجر والمغرب
والله المستعان

متشكر اخ فضفضة .... بس لو في نظرية او معلومة موضحة السبب ارجو الاضطلاع عليها

لكي تستطيعوا الصوم بطريقة صحيحة اقلعوا عن التدخين ..لي موضوع عن الاقلاع عن التدخين صديقي العضو لاني تنسان ضاف فيديو هام جدا في هذا المجال افتحوا الموضوع واشكروا هذا الصديق الرائع .....والا حتى لو صومتم حتناموا من الفجر للمغرب ....طيب ليه الحقوا اتركوا التدخين من دلوقتي ودربوا نفسكم على الصيام

تصحيح اسم العضو لانى انسان

انا الان خفضت الابيكسدون من 2 مج الي 1 مج قرص ليلا ....بس يعني شوية عصبية خفيفة بس الحمد لله ربنا فضله واسع ...اشكره واحمده....بس يا ليت اطلب منكم ...ان لا احد يترك الدواء بدون دكتور ..انا موضوعي مختلف وحياتي مختلفة عنكم ..يمكن انتم فيه اللي بيساعدكم لكن انا حياتي لها وضع لا ينفع احكيه...لا مجال للمرض لا مجال لمساعدة احد لا مجال لاي تقدير للوضع ..لا مجال لاي تعاون على البر والتقوى ..ولكن يوجد مجال لكل ما هو سيء...ربنا يخلي ويكرم امي اعز الناس عندي واكرمهم واحسنهم واصبرهم ..ولولا انها امرأة فاضلة لقلت ارجلهم كمان ....ربنا يجزيها عني خير ...ربنا يجزيها الجنة يارب ...

تم الرجوع لجرعة 2 مج ...اظنها افضل والحمد والشكر لله على كل حال

اخ فضفضة كل عام وانت طيب ..دوائيا وطبيا الافضل
اخذ 2 مج من الابيكسدون قرص واحد والا مقسمين قرصين صباحا ومساء
ايهما يحافظ على الهدوء والثبات الجرعة في الدم بانتظام