شو الحل ???
 

السلام عليكم ...
غصة بالحلق وضيق مستمر صعوبة بلع تفكير بدون انقطاع وجع راس وصلان للأذان لعية نفس احساس أنك ماعاد تتحملي اكتر وما تصدقي ايمتى تنامي ليرتاح جسمك
وما بتقدري تفشي قلبك لحدا شعور كك على وشك الانهيار عم اخد حبوب اعشاب بس مافي فايدة

انه القلق و ما ادراك ما القلق .حله الانشغال و تقليل الجلوس وحيدا قدر المستطاع...اما عن عدم القدرة على التنفيس فالاخوة هنا و كلنا اذان صاغية لاتحملي هم هذا.مع انه وجود زميل قريب شيء جيد جدا ان توفرت فيه الصفات.
حالة و تزول ان شاء الله.

القلق النفسي
عالجي السبب يختفي كل شي
اعرضي نفسك على دكتور نفسي ووقفي معاناتك

مشكوورين " حدا بيعرف دواء للقلق بس خفيف بدونا ما فوت بدوامة الادوية النفسية بخاف منها

هذا هو النفس اذا كانت تعبانه يصير الشخص منهار لااكل لانوم ولا راحه عليك بالقران والرقيه

صحيح ان هذه الاعراض مزعجة لكنها و الله اعلم لا تحتاج دواء نفسي اذا كانت تنحصر اعراضك في ما سبق و لا تؤثر على حياتك اليومية و ان كان و لابد ربما دواء مثل دوجماتيل يصفه لك طبيب لا يسبب التعود و لا له اعراض انسحابية يعني لا دوامة و لا غيره

أخي مولاي هي الاعراض عم تصير معي بسبب اني معي تبدد واقع وعم خاول بشتى الطرق انساه وماعم اقدر اتغلب عليه لذلك دوم متدايقة وخاصة انو مشتتلي نظري وتركيزي ومعطلي دراستي خمس اشهر وانا اكرر المحاولة دون جدوى

السلام عليكم طبعا لا يجوز التهاون في هذا الامر خصوصا مع تيسر العلاج اطرحي مشكلتك على طبيب و لو طبيب عام سيصف لك دواء بسيط و هناك طيف
واسع في هذه الحالة مثل بروزك جربته لم اجد له تاثيرات جانبية بتاتا بفضل الله و زولوفت و غيرها لا تتهاوني سيضيع عليك وقت ثمين اعزمي و شوفي طبيب .و سلامتك

اختي الجميله انتي اللي عندك مشكله نفسية ولازم تعالجها ب ادويه نفسيه

راجعي طبيب تفسي وراح يساعدك ويكتب لك علاج مناسب لحالتك

حبيبتي لا تخافي ما بك غير شويه اعراض للقلق ..لكن لابد في رايي من العلاج والطبيب النفسي..حتي لا تعاني اكثر ودون فايده..وانا اعدك انك ستكونين بخير وفي فتره معقوله باذن الله بالشفاء ..

أنا مشكلتي خايفة من الادوية بسبب انو كتير من الاعضاء كان مشاكل بسيطة وبعد الدوا صازت عظيمة وصار معن اكتئاب وشي اختلال الانية أنا لسا تبدد واقع اشوا من اني فوت بشي تاني عم حاول اطلع بدون دوا الا اذا دوا خفيف وخاصة انو ممكن كتير ترد ترجع معي الحالة ولو خصت منها لانو نحن بسوريا الضط النفسي قائم بكل وقت معقول كلما يصير معنا ظرف نقوم ناخد دوا والله مافينا نبعد عن الضغط النفسي هو قائم فينا بؤا لازم نحاول نخرج بطريقة سلوكية ولو اني حابة اخد دوا واخلص بس خايفة بكرا يطلعلي مصيبة اعظم من اني ماعم شوف وبعدين كتير بسمع ناس نقص نظرن بسبب الادوية النفسية وهاد يلي بيزيد الامر عليي انا بدي اخد الدوا ليتحسن نظري مو ليستاء

ياقلبي الله يفرج عليكم ونفرح بعودة سوريا قريبا
ويشفينا وجميع مرضى المسلمين يااارب

فرج الله علينا و عليكم ،اذا لم ترغبي في الدواء فيمكنك البحث عن اخصائي نفساني يعلمك طريقة استرخاء و كيفية الخروج من الحالة.
و اذا لم يتوفر هذا فهناك بعض الكتب المتخصصة تفيد مثل كتاب
استشعر الخوف ثم افعله على اي حال ل سوزان جيفرز
علاجك النفسي بين يديك موجود نسخة الكترونية في موقع مجلة الابتسامة
وكتب مفيدة مثل.
دع القلق و ابدا الحياة ديل كارنيجي
جدد حياتك للشيخ الغزالي
قوة التفكير الايجابي لنومان فنسنت بيل
الدواء مع العلم ان العلاج السلوكي يتطلب ارادة وصبر و اصرار ولكن فائدته افضل

أنا كنت متلك ، اعملي متل ما قلتلك بموضوعك السابق كلما يصير معك شي احكي انو هاد نفسي ورح يروح اذا تجاهلتو وبسبب هالظروف بالبلد مهما حاولتي رح يضل عندك طرف قلق اصلا كل الناس هيك بس لانو انتي زاد معك بتصيري تضلي تدققي وبتوهمي حالك انا رحت عند كومة دكاترة ووصفولي ادوية صارت حالتي سيئة كتير رح يموتوني مع انو اول دكتور رحت لعندو قال قلق ووصفلي دوا خفت آخدو رحت عند التاني قال بيجيني من حالتك تلاتة اربعة كل يوم قال كتري سوائل واعملي رياضة وطنشي ووصفلي مسكنات وانا كمان ما اقتنعت لانو كنت موسوسة ضليت افتل ودور حتى اقتنعت انو هالشي نفسي وأثر عليي صار معي فقر دم ونقص فيتامينات ومغنيسيوم * كلو من النفسية ها لانو تدريجيا بطلت اكل ونوهمت كتير عحالي * بئا لا توهمي حالك واذا بدك دوا في دوجماتيل الي حكو عنه ، هون بسوريا دامتيل 50 قلي الدكتور حبة صبح وحبة مسا لشهرين بس متل ما قلتلك ما اخدتو واكتفيت اني بقنع حالي انو وهم ولهلا كل فترة بوسوس من شي بس خفيف لانو ضغط دائما ووضع سيئ والحمدلله على كل حال.. بس الله يفرجها علينا بتروح هالآثار البسيطة.. انتي لا تتوسوسي وتوهمي حالك عالرايحة والجاية بعدي عن كلشي بيوترك قدر المستطاع كتري شرب سوائل خصوصا عصير طبيعي وكلي فواكه واعملي رياضة + اتركي وقت استرخاء وعبادة كل يوم واخيرا شغلي حالك مع الناس كيف ما كان .

امين الله يسلمكن اخواني وشكرا اخي مولاي على اسماء الكتب بقرأ قيهاان شالله

بشكرك كتير ميلاد امل بتصدقي انو بعد ما قلتيلي انك طلعتي من الحالة فرحتيتي كتير وخليتي عندي امل اكتر كنت خاف تكون الشغلة عصبية او اتضرر شي عندي وماعاد يرجع وعم حاول اعمل متل ما قلتيلي بس متل ما قلتلك سابقا مشكلتي اني ببيت لحالي وابني عسر يعني بدل ما اجتمع مغ ناس او ادرس وانشغل دوبي لاحقتو ماعم احسن اعمل برنامج والشغلة الاهم كل يوم بقول مابدي فكر بالقصة وبرجع بفكر وهاد الشي بجنني انو لازم مافكر بالقصة لاخلص منها الله بيعين

بيسعدني انو صار عندك امل تتحسني وهاد المهم ، حاولي تحاكي حدا مو ضروري يكونو معك بالبيت اشغلي حالك بقصصهم وهيك ، طبيعي يضل التفكير مارح يروح بسرعة بس انتي كلما تفكري بهالشي قومي من مكانك واشتغلي اي شي بيشغل العقل قراءة ولا لعبة عالجوال مثلا اول فترة حتى وانتي شاغلة حالك حتفكري بس شوي شوي بيخف، خليكي واثقة انو هي فترة وبتخلص..

بإذن الله :-)

مرحبا اختي انا بس قرأت حالتك واعراضك تذكرت نفسي انا متلك بعاني
صداع خلف الراس واصل لأذني الشمال وجهي الحمد لله اشعر ب تنميل في بعض المرات
تنميل بالجسم يدين رجلين احيانا الصداع يحيط رأسي وتبدأ دوامه الهلع أحيانا بس ابدأ بالاكل
ومرات غثيان وووو ضبابيه علعيون وصعوبه بالتركيز
اذا استمريت بالتفكير اتعب وتزداد الاعراض ... لما اطنش واحكي نفسيه تبدأ تخف وتروح
ارسلت استشاره لدكتور اعصاب اخبرني لازم اعمل صورة رنين للدماغولشرايبن الدماغ
طبعا اثار خوفي اكثر من الاول وجلست اوسوس.
قررت أطنش ... الله المستعان عهاي الحاله. اسفه عالاطاله

ورقة وقلم وأنا في ناس صاروا يقلولي عملي رنين بس متل مالك شايفة كتير ناس بتصير معا وبتروح بالراحة والتطنيش معناها اكيد نفسية وعلى فكرة انا أمر من التنميل بيجني وجع وخدر بوجهي بس قلي دكتور العصبية كلو من القلق

الاخت امانيات
اسأل الله لكي و لي و لكل من يشكو من شيء الشفاء العاجل .
اهم ما يجب ان تعرفيه انك لست وحدك في هذا الحال , قد يكون هناك من يشكو مثلك و لا يفصلك عنه سوى جدار و لكننا نتكتم لاننا نعتبر الشكوى ضعف , مررت بتجارب مريرة و لا زلت و الاعراض التي تشتكين منها هي اقل مشاكلي امام نوبات الهلع .
موضوع الطب النفسي في عالمنا لا زال في طور التجارب و انا استنتج هذا من كثرة من يشتكون من العلاجات و غيرها .
لفترة طويلة كنت اجهل اني اعاني من نوبات الهلع و مع ذلك عرفت بالتجربة الطويلة والمريرة انها لن تقتلني و كان هذا منعطفا تاريخيا بالنسبة لي , و هو كذلك بالنسبة لك , و لغيرك , ذكر لك الاخ مولاي بعض الكتب و متاح لك ايضا تجارب الاخرين فأبدي بالشعور بالراحة , و الاسترخاء و تخيلي انه و بطريقة ما تم جمع كل من يشكو مثلك في مكان معين , صدقيني انك لن تجدي لك موضع قدم , فهل تشعرين الان انك وحيدة ؟ لا اظن ذلك .
توجهي الى الله فهو خالقك و سيشفيك . كوني على ثقة من هذا

صحيح كلامك أخي بن مسلم لكن أنا وقت بعرف انو الشفاء بإيدي هون بحاول أسأل واستفسر وخاصة انو عم يضيع عملنا وشبابنا 'أنا كمان بيعاني من الهلع كن نوعا ما ماعاد خفت لانو غير مؤذي لكن سبحان الله عندما تصل لدرجة تخاف ان تنظر حولك وتفقد تركيزك بشدة هون نحن بحاجة للتغلب 'صحيح عزاؤنا أنا لسنا وحدنا لكن هاد مو يعني نرخي همتنا بسبب انو الكل هيك لازم كل واحد فينا بهل المنتدى يشد بإيد التاني لنخرج جميعا بما أنها اسمها امراض نفسية وبجوز حدا يقول ما جربت لا أنا مرئت بفترة اكتئاب وصعبة جدا ما بنساها لكن بظن انو كلو بنقدر عليه وأنا بعلم إني أقل من غيري بكتير بالاعراض والله بيعلم اديش بدعي لكل حالة بتمر معي شفانا الله وإياكم

لو سمحتي ميلاد أمل ولو اني كترت عليكي بالأسئلة ما تآخزيني هلئ أنا ممكن مثلا روح عنذ اهلي يومين واتغلب بتفكيري على غشاوة العين وانسى وبكون مبسوطة كتير بإنجازي وبحس إني بلشت بالشفاء بقصد اني بلشت انسى وأخطو بالشفاء بس لمن برجع عل البيت هون ببلش التفكير يرجع يعني انا صفيان يومين تلاتة ممكن انسى القصة شبه تماما وبرد برجع بعد يومين وهكذا هلئ هون سؤالي أنا بهل الحالة ما اسمي بلشت بمرحلة الشفاء حسب تجربتك
بما أني انسى وبلش ورد ارجع :'( بس بالمناسبة صرلي كم يوم خوفي اخف بكتير ونفسيتي احسن إنتي كنتي بفترة تحسن نظرك ماعم تجي ببالك الافكار بالمرة ولا تجي وتتذكريها وتنزعجي بس انو ما تعطيا وش وتلاقي انك عم تكملي لطلعتي تماما اسفة عل الاطالة ال

أمل د ميلا
 

جوالي عم يخبص اقتبست لاعملك اشارة فوق بس طلع كلشي لحال والكتابة كمان

اختي امانيات
" تخاف تنظر من حولك "
ركزي جهودك في هذه الجملة
تخاف من ماذا ؟
ان تسقط على الارض ؟
ان ترى كل الناس يحدقون بك ؟
كنت اقطع الشارع مرة و اخاف ان تصيبني نوبة هلع , و بالصدفة وضعت يدي على جانب رقبتي فشعرت بانها مشدودة جدا دون سبب الا من التوتر .
كنت اصلي في المسجد فاصابتني النوبة و خشيت ان اسقط فخرجت دون ان اكمل الصلاة .
تصرفت في هاتين الحالتين بشكل غريزي و استجبت للخوف فكانت النتيجة زيادة الخوف .
بعد ذلك بفترة قطعت نفس الشارع و عندما شعرت بتصلب عضلات رقبتي كنت قد وصلت الى الجزيرة في منتصف الشارع و كان فيها عمود كهرباء , اتكأت بظهري عليه لدقائق حتى مرت النوبة و عندما نظرت الى المارة كان كل منهم مشغول بأموره و لم يكن احد ينظر الي .
و في المسجد ايضا لم اخرج كما فعلت في المرة السابقة بل جلست و اكملت الصلاة .
كانت استجابتي للخوف مختلفة في الحالتين , اسألي نفسك ما الذي سيحدث ان فقدت تركيزك او وعيك هذا ان حدث , ما العيب في هذا , غرف الطواريء في المستشفيات تمتليء بحالات الاغماء لاسباب متعددة , لم يسخر منهم احد , الخوف من الاغماء لا يشبه الاغماء على الاطلاق لان في جسد الانسان الية معينة تتدخل في اللحظة الحاسمة لتمنعه من السقوط لاسباب وهمية كالتي تحدث حين نخاف ان نسقط .
واجهي ما تخافين منه بالتدريج , ابدأي بالنظر من حولك للحظات في كل مرة و زيديها قليلا كل مرة و رددي عبارات تشجيعية اثناء ذلك , او فكري بمسألة حسابية , علاجك تجديه من خلال تجاربك الشخصية , و متابعة تجارب الاخرين , و ما ينجح مع غيرك ليس بالضرورة ان ينجح معك , لا تقولي اخاف ان يحدث شيء , بل قولي لماذا اخاف من الاصل ان
يحدث هذا الشيء , و ماذا ان حدث , لن يعاقبني احد .
اسأل الله لكي الطمأنينة و السكينة و راحة البال.

صحيح كلامك بن مسلم بكل حرف لكن أنا مشكلتي أني لحل قضيتي لازم ما أنظر كتير حولي وركز بيلي بإيدي فقط لانو مشكلتي الأساسية هي ضبابية الرؤية الشديدة أغلب اليوم بحس حالي مخنوقة وكل يلي تغلبو على هي القصة بيقولو انسيها وانسي الاعراض بالمرة شغلي حالك ولا تراقبيها مشان تروح وما تزيد وأنا كل ما بطلع حولليي بخاف لاني برجع بتوسوس وبفكر اكتر وبحس حالي حضل هيك هون بدي اتخلص من الخوف بس بدون ما اتعمق فيه أو واجهو لأني بكون رجعت فكر بالقصة بئا شلون بيكون الحل وخاصة أنا مشغولة فيها ليل نهار ?

بالعكس هيك منيح كتير ، طالما لقيتي تحسن وانتي عند اهلك معناها تأكدتي تماما انو ماعندك مشكلة وفيكي بهالفكرة بس تتخلصي من هالاعراض نهائيا طبيعي كتير كلما تكوني لحالك تفكري بالموضوع وتحسي بانتكاسة بس ضلي اقنعي حالك انو وهم وانتي فيكي تشوفي منيح بعد فترة رح تلاحظي التحسن ان شاء الله .. يعني هلا انتي بلشتي بمرحلة الشفاء خليكي قوية..

امنيات اسف على التأخير هذا رقمي واتساب بعد اذن الاداره
00966550188641

اخ ورقه اغلب اللي فيك اعصاب في الراس هواء داخل مثل حالتي شف لك احد يصبخ على راسك وبعدها حجم وباذن الله ترتاح

ميلاد أمل التحسن ما كان بنظري للاسف بس كان بتخفيف التفكير الله يسلم أيديكي بشكرك كتير

مافي مشكلة أوهام أهلين فيكي ان شالله بنتواصل صحيح أنا مسمية حالي أمنيات مابعرف ليش هيك انوعج الاسم

الله يجبر بخاطرك ميلاد أمل أنا تحسن عندي الخوف كتير والتفكير وصرت عيش حياتي تقريبا متل قبل يعني ارجع ساوي نفس لشغلتت يلي كنت ساويها قبل وانبسط
الحمد لله
بس بضل بقول اني ما تحسن نظري معناها ما بيروح او بشك.احيان انو الموتيفال يلي اخدتو سبع ايام هو يلي اثر فيني ويمكن اثر جانبي وماعاد يروح وأحيان بفكر انو شي تاني وخاصة انو مافي اي تحسن بالنظر مع اني براجة.نفسية كبيرة وماعاد في توتر او خوف وانشغل تفكيري بأمور كتير
والله مللتك من الاسئلة بس استفدت منك كتير وعم ادعيلك الله يفرح قلبك
هلئ انتي كانت تجيكي هل الاسئلة انو يمكن ما طيب وعندي مشكلة عادي الواحد بيضل يفكر هيك وهاد التفكير ما بيمنع من التحسن وخاصة انو راح الخوف ورجعت لممارسة الحياة الطبيعية
وفي شغلات حابة رد اتأكد منها هلئ أنا ما كان عندي انو حاسة حالي بمنام او انو أنا مو حاسة بجسمي او نفسي ابدا انا مجرد ضبابية وعدم تركيز بالنظر مو اكتر انتي كان كان عندك هيك انو مو حاسة بجسمك اختلال انية ? وانك بحلم
أما عن اعراض بحسها ما سألتك.عنها انو بالاضاءة الخفيفة بتحسي بدك.اضاءة اكتر لتشوفي
وبتحسي كلما تفوتي على غرفة كأنك بدك تأقلمي نظرك مع كل غرفة وكل حركة ?? لانو بأي تغيير بتشتت
ووقت الشمس الكتيرة والقوية كمان بتشتت
وعيونك بتنعس وقت تكثر الاضاءة ? الاعراض الاخيرة كلها معي بس مامعي اختلال انية حبيت اتأكد اكتر منك
الحمد لله قطعت شوط بالتخلص من لخوف والاعراض النفسية والتفكير بس نظري وشكي انو حضل معي الاعراض
وشلون حاولتي تقنعي نفسك انك.عم تتحسني وقتها او حتتحسني ?
آسفة كتير عل الاطالة

انتي نفس المعاناه اللي احسها الان
لدرجة خايفه انو يكون معي غده والاحظ تغير ف الصوت بس ماعندي ألم في البلع ابدا

ميلاد أمل رجاء ردي على التعليق السابق يلي بعتلك فوق زائد سؤال نسيت اسألو انو كان عندك الضبابية غير منقطعة 24ساعة ? والاسئلة يلي فوق زكاتك :'( :'(

لاءما دخلها بالغدة خاصة اذا تجي وقت التوتر والزعل فهي نفسية بحتة.

بعتذر عالتاخير بالرد
الحمدلله انك استفدتي وان شاء الله قريبا بتتحسني تماما.. بالنسبة لاختلال الآنية صار معي صحيح بس لما كنت بمرحلة اختلال الانية ما فكرت اصلا بموضوع النظر ، لما تخلصت من اختلال الانية بعدها بفترة صار هيك ونفس اعراضك.. وبالنسبة للاضاءة اي متل ما وصفتي هلا بما انك تحسنتي كلما تفكري انو مو قادرة تشوفي منيح او كذا اثبتي لنفسك انو غلط وركزي انو انتي اكيد شايفة منيح بس هاد خوف ووسوسة وضلي ذكري حالك انو هي اعراض القلق بس وبتلاقي انو راحت هالاعراض باذن الله انا اتبعت هالطريقة ونفعت جدا.. وممكن تضلي فترة منيحة بعدما تتحسني اكتر وانتي عم تفكري نفس التفكير بس لا تخلي هالشي يسببلك انتكاسة خليكي عم تتبعي نفس الاسلوب قدما طول معك الموضوع وايمتى ما خطرت لك هالافكار ولو لبعد شهر

سلامتك اختي من كل شر
حاولي تهدي اعصابك وتتطمني انتي من الداخل قبل العلاج
اسال الله يشرح صدرك ويشفيك يارب

امين واياكم

بإذن الله 'شكرا كتير