|
استفسار مستعجل لاهنتم
السلام عليكم ورحمة الله وبركاته
كيف حالكم ان شاء الله بخير ؟ ياشباب انا عندي مشكلة وماعرفت افصل ايش هي بالظبط المشكلة كالتالي في يوم من الايام تقريبا من شهرين كنت جالس باحدى مقاهي القهوه وفجاه بدون سابق انذار حسيت بدوخه وصداع ورجفة وتعرق ورجعت للبيت بسرعه فماعرفت وش المشكلة المهم قعد اقرا عنها في الانترنت وتبين لي انها نوبة هلع وقريت ان نوبة الهلع ممكن تجي للانسان مره واحدة فقط في العمر بعدها قعدت اقرا عنها وصراحة شلت هم من بعض الناس الي مصابين فيها .. فصار معي بعدها قلق وتوتر وتعب جسدي رحت لطبيب نفسي قلت له السالفة كلها فقال انت قعدت تفكر كذا وصار معك قلق وتوتر صرف لي حبوب ( Dogmatil 200 ) نصف حبة يوميا في الصباح والمساء فالحمدلله تشافيت تماما من الاعراض الجسدية .. ولكن صار عندي مشكلة اذا بغيت اطلع خارج البيت اخاف واتوتر انه تصير معي نوبة هلع مره ثانيه باي مكان مع العلم ماصار معي نوبة هلع الا مره واحدة فقط الي ذكرتها قبل ولكن هذا الشعور ياتيني دائما كل ماجيت اخرج من البيت وخاصة اذا كان مع احد اصدقائي اتوتر اكثر واحس بدوخه بسيطة واني بفقد السيطرة على نفسي واذا قعدت في البيت او خرجت لوحدي مايجيني ولا شي ولله الحمد علما اذا طلعت مع زملائي ياتيني توتر ودوخه بسيطة ولا احس بالمتعه وبعض الاعراض البسيطة ليست نفس اعراض نوبه الهلع اللي جتني اول مره ... فما ادري هل هذه نوبة هلع ام هذه اعراض توتر لاني افكر بالموضوع كثيرا ؟ سؤالي الثاني : كيف اعرف اني مريض بنوبات الهلع ويلزم اخذ الادوية النفسيه لها ؟ لاني محتار الحين هل انا مصاب بنوبات هلع ام مصاب بتوتر و قلق ؟ علماُ بان شخصيتي حساسة جدا اسف ع الاطالة وانتظر اجابتكم ياغالين |
اتذكر موضوع مشابه لهذا قرأته وارسلت رد عليه
بكل الاحوال نعم هذا قلق وتوتر و علاجه سلوكي مدعوم بالدواء اذهب الى الطبيب مع شخص قريب منك حتى تشعر بالامان قليلا وانت خارج المنزل الى المستشفى كن معافى |
بما انها جاتك مره وحده فقط
فان شاء الله انها عابره كل اللي فيك قلق وتوتر وبالنسبه للقلق والتوتر عند الخروج من المنزل هذا طبيعي بعد الحاله ويسمى برهاب الساح وعلاجه بالعناد والمواجهه وفعل الشي اللي تخاف منه بالتوفيق |
نعم انها نوبة هلع في بدايتها .
اما كيف نعرف ذالك فالطريقة النمطية هي تذهب للطبيب يفحصك و يجري التحاليل اللازمة و اذا لم يجد مشكلة عضوية مسببة و مع الاعراض الواضحة انها حالة هلع يتم التشخيص. هذا الفحص مهم صحيا و نفسيا لانه تتاكد انه لايوجد ما يجعلك خائفا و يخف القلق نسبيا. مع انه يظهر انه هلع فقط لكن يفضل زيارة طبيب للفحص .معافى ان شاء الله |
واضح من كلامك ان اللي جاك أعراض عابره وبالنسبه أحرفك هذا طبيعي بسبب انك شخص خواف
تجاهل وعيش حياتك وبتصير مع الوقت ب احسن حال لاتقلق مافيك الا العافيه |
الله يسمع منكم ويكون الي فيني مجرد خوف لا اكثر
|
لا النوبه ممكن تكون راحت لكن عذي الاعراض اللي تجلس بعد اختفاء النوبه التفكير السلبي توتر عدم ارتياح وهذا اللي اعاني منه بدون الدواء طبعا مع الدواء لابأس تخف بعض الاعراض
|
الله يعطي كل من شارك بالرد العافيه ويمنحة رضاه
واللي عنده تعليق لا يبخل ياغالين |
اقتباس:
انه انا حاليا عندي وسوسة ورهاب الساح |
هذا توتر يا اخي وقلق من تكرار النوبة مرة اخرى، وهي ايضا من مخلفات النوبة الاولى فحسب تجربتي بعد نوبة الهلع يصاب الانسان باكتئاب وقلق وعدم ارتياح نفسي ويتحاشى الناس والاماكن المزدحمة ويتحاشى الخروج ايضا. الله يعافيك وان شاء الله مافيك شر
|
اقتباس:
يعني مو معقوله مانطلع ولا نجي بسبب هالتوتر !! |
اقتباس:
انا اقنعت نفسي اني لازم اخرج لازم اشوف العالم وامارس حياتي الطبيعية ماأمكن ورغم اني أميل للانعزال الا اني صرت اقاوم رغبتي في البقاء لوحدي وصرت اقول لنفسي اني ساخرج وان جاتني النوبة في مكان عمومي سأصبر دقائق ولاشك انها ستمر كسابقاتها، كما اني لتجنب الاحراج اذا ماجاتني النوبة وانا وسط الناس صرت اقول لهم اذا لاحظو تغيري انه عندي هبوط وحاسة بدوخة واستئذن ان كنت قريبة للبيت ارجع وارتاح وان كنت بعيدة اروح اي مكان قريب واجلس على كرسي حتى يروح الهلع لانه مهم جدا عدم كبح المشاعر ثم انك بمجرد ماتقول لنفسك هاذ الكلام تكون اقوى من تلك الوساوس ومن التوتر وبتقدر تخرج وتختلط بالناس لان اكيد مش رح تجيك نفس الحالة كل مرة خرجت بها لكن الافكار في عقولنا بتخلينا نعتقد اعتقاد يكاد يكون جازم اننا اذا خرجنا سنختبر نفس الحالة مرة اخرى وسنتعرض للاحراج وبالتالي هذه الافكار تجعلنا نميل اكثر للانعزال. لذلك نصيحتي لا تخضع لخوفك وقلقك من نوبات الهله ومادمت جربتها مرة واحد لا انصحك ابدا بالمبالغة في الخوف لان ذلك ليس في صالحك بالعكس كلما استصغرت شيئا صار صغيرا...اتمنى لك كل الخير |
اقتباس:
كلامك كله صحيح 100% ولكن انا الي شاغل تفكيري هل انا مصاب بنوبات هلع مستمره ولا هي نوبة وحده جتني وخلاص لان اول مره جتني هالنوبه كانت قبل شهرين وبعدها ولله الحمد ماجاني شي ابدا الى اني مثل ماذكرت كل ماطلعت احس بخوف وتوتر ودوخه واحس انها بتجيني مثل المره الاوله فيبدا يشتغل التفكير عندي هل هذي اعراض توتر وخوف ولا بداية لنوبة ثانية وبكذا اصير مصاب بنوبات هلع مستمر ؟!!! انا لو احد يجاوبني على هالسوال بشكل واضح كان انا بخير |
اقتباس:
|
اقتباس:
|
اقتباس:
|
والله لازالت الاعراض تجيني اذا طلعت وهي دوخه بسيطة وتشتت بالذهن للاسف !!!
|
اقتباس:
وافكار سلبية الله يعين |
اخي واضح ان مامر بك نوبة واحدة مستقلة وليست اضطراب هلع تتكرر فيه النوبات بشكل مستمر ويومي،انت بهذا التفكير والقلق ستجلب النوبات وتتكرر معك،ارح نفسك واطمئن وكرر في داخلك انها مجرد نوبة ومرت،واي فكرة تراودك تجاهلها وواجه ماتخافه خاصة في الخروج من المنزل .
واي احد لن يستطيع ان يثبت ويؤكد لك هل هي مرة واحدة ام ستعاودك لاقدر الله،لانه ممكن في فترة من الضغوط والتوتر ستعود ولكن انت عرفتها وعرفت التعامل معها فلا تدع التفكير والقلق الزائد فيها يعرقل ويعوق حياتك،وان لاقدر الله عادت ولم تستطع السيطرة على وضعك فالحل موجود هناك ادوية وستساعدك كثيرا على تخطيها، فلا تعطي الوساوس والافكار اكبر من حجمها وتدعها تدمر حياتك. |
اقتباس:
بس هل تخطيتي هالخوف والافكار السلبية ؟ ياليت تفيديني |
اقتباس:
لكن لما اطلع مع اي شخص خاصة تجيني هالافكار والتوتر وعدم الارتياح شي خارج عن ارادتي والله اما اذا طلعت لحالي اقعد برى 3 ساعات واكثر عادي مايجيني لا توتر ولا خوف ولاشي هذا اللي مخليني بين نارين |
اقتباس:
تحليلي المتواضع لموضوعي انا اصلا بطبعي شخصية قلوقة وأفكر في كل شي فطبيعي اول ماجاتني نوبة هلع وانفجعت وسويت دراما حصير اخاف منها خصوصا انه اسبابها مجهولة وخصوصا انه انا شخصية قلقة فأقول في نفسي الأفكار السلبية والتوتر والخوف نتج من الموقف اللي ماله اي سبب كنت جالسة في أمان الله حصلي الهلع فصرت أفكر كيف لو جات مرة 2 وسوسة شيطان بالموت والمرض وافكار سلبية والله بوصلك شعوري تخيل اكون في محل في المول عادي وبختار وكده مع زوجي فجأة أقوله يلا نرجع البيت احس بخوف وتوتر وسيطرة أفكار سلبية ماعرف ايش سببها بس المهم نتجاهل وانا قاعدة احاول قد ماقدر أتجاهل وأنسى اللي صار حتى احيانا مو دايما اركز بنفسي واحس اني نوعا ما مكتومة لانه لو ماقدرت لازم علاج دوائي يخليك ماتفكر ومسترخي بس ان شاءالله اقدر هل حالتك زيي؟ ؟؟؟؟؟ معليش كلامي ملخبط بس قد مانقدر لازم نحاول نساعد نفسنا وبقولك شغلة كمان تصدق انه يمكن لو مابحثت في ألنت كان ممكن انتهى الموضوع ونسيتوا بس انا دخلت بافكار سلبية ووسوسة واعراض من القراية الزايدة في اللي ماله داعي ارجع اقولك خلينا نحاول نتجاهل ونشغل وقت الفراغ ودايما مانعطي مجال للتفكير السلبي 👍🏼 |
اقتباس:
والله انا مثلك بالظبط لعلمك ترى انا جتني مره وحدة فقط وماجت مره ثانيه ابد ولكن صرت اذا جيت بطلع خاصة مع اصدقائي احس بتوتر واقعد افكر وشايل هم ... وفعلاً انا اول ماجتني ماكنت اعرف انها نوبة هلع ولكن من اللقافة اللي فيني قلت بدخل الانترنت وبكتب الاعراض اللي صارت لي ابي اعرف وش المشكله بعدين عرفت انها نوبة هلع الا الحين الوضع تمام لما قريت بعض الردود اللي يقول تعبنا منها واللي يقول دمرت حياتنا واللي يقول الادوية حقتها ادمان هنا بدا معي القلق وصار كل تفكيري فيها اذا تكررت وصرت من مريضين الهلع وش راح اسوي وبدت الافكار من هالنقطة للاسف .. انا اتوقع اللي فيني يبغالي دكتور نفسي سلوكي او معرفي وتنحل المشكله |
اقتباس:
وان شاءالله نكون تمام 👍🏼 انا والله بحاول لانه مو حابة فكرة الأدوية وبإذن الله فترة وتعدي لو كبرناها حتكبر ولو مااعطيناها وجه حننسى وتصغر 👍🏼 لا تكرر كلام كل يوم ينحط في العقل الباطن ونصدقه في النهاية وهوه اوهااام |
الي فيك قلق وتوتر
|
اقتباس:
|
| الساعة الآن 04:28 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا