احترت ارتجاع مريء ام التهاب حلق
 

السلام عليكم
من فترة الاحظ معي كحه طولت شوي معي
واصحى من النوم بسببها
واحيان كمان لما اتكلم مثل الحشرجه لازم لازم اكح
مو عارفه كيف اوصف الحاله بالضبط
مثل الشيي يحشرني لازم اكح
حتى لما قاعده كثر اعمل احححححم اححححم
ومعي كمان حموضه مع الكحه
والله احترت ايش معاي
خايفه يكون معي شيء خطيره وانا مو عارفه
لدرجة يألمني حلقي الم مقلق مقلق
ويتغير احيان صوتي بحة خفيفه
التعب مره عند اللوز
ومره عند نهاية الحلق
مدري ايش هذا

هل الكحه جافه ام كحه رطبه اي بلغم

وهل هناك ضيق تنفس او لا

وهل ايضا تسمع صفير عند التنفس او لا

وهل تزداد مع العطور والروائح او لا

ارتجاع المرىء يسبب هذه الاعراض مع احساس حموضة في الفم اة حرقة الصدر .يعنى توجد معاه اعراض اخرى للارتجاع .وزيارة بسيطة للطبيب تحل المشكلة باذن الله.لاتوسوس فلا يوجد ما يدعو للخوف باذن الله

لما تجاوبين على اسئلة ماندوزا ممكن نفيدك

هذي الحمووضه من المعده راجعي دكتور باطنيه يصرف لك علاج حموظه انا اعرف واحد يفز من نومه والله ويركض يدور النفس والهوا مايقدر يتنفس ولا يقدر يتكلم وللسبب الارتجاااااااع والحين ماشا الله عقب حبوب الحموضه والارتجاع اموره زينه وله 3 سنيين يستخدم علاج الحموظه بفترات اسبوع لان الحموظه توصل للحلق وللاحبال الصوتيه وتحسين لازم اتنحنحين عشان صوتك يزين لاتخافين وتشيلين هم ولاتهملين نفسك روحي لدكتور باطنيه يصرف لك علاج وامورك باذن الله 👍🏻👍🏻👍🏻

اي رطبه وتكرم بلغم
واحيان ضيق بس كيف يجي على شكل تثارب
لا الحمد لله مااسمع صفير

يارب يامولاي
ربي يطمن بالك ويشرح صدرك
اشكر لك طيب المرور

ان شاء الله
تسلمي سوسو ع المرور

صدق ياعبدالله
ربي يشرح صدرك وييسر امرك
اشكر لك طيب المرور وكرم الرد

اذا مافي حساسيه ولا ربو الحمد لله

مجرد التهاب وتحتاجين مضاد حيوي

الله يوفقك

ويوفقك يارب
وشكر الله سعيك في الرد علينا وإلتماس الجواب المطمئن

طيب معليش ماندو ازعجتك
لما اتكلم احس يعورني او تعورني الاحبال
والله مدري ماعرف اوصف يمسكني الالم للاذن
وماحب اتكلم
يمكن معي غده صح

واذا عصبت اتعب ويضيق خلقي

الغدة الدرقيه اذا كانت متضخمه تسبب صعوبة في البلع ولكن قبل هذا تسبب ضغط على الرقبه ثم تبدأ بالتضخم شيئا فشيئا

ثم تضخم الغده لا تسبب مشاكل بالرقبه والصوت والاحبال مباشره بل تحتاح وقت وهي سنوات و اساسا يكشف مشاكل الغده اذا اصبحت نشطه بشكل كبير ( ليس كسل ) اواذا تباين الكسل و النشاط واقصد هنا الغده وليس شخصك .... وعاده من اهم علامات نشاط الغده هي النحافه بشكل سريع وملحوظ ( مالم يكن سبب النحافه هو القلق )

تحليل الغده بسيط مجرد سحب دم بسيط و النتيجه بعد ساعه

يعني ماندو
اروح طبيب ايش
باطنيه ولا انف واذن وحنجرة

علما ياماندو
انو الجيوب عندي صارت تعبانه واتحسس من اي شيء
يوه احس الكل تعب مني والمستشفى حفظوا وجهي
ياالله سترك وشفاك لي

كل عام وانتي بخير خيتو


اذا تحسين انك لازم تقولين احححم احححم واذا بلعتي وتحسين كأن اذنك او الثنتين مفتوحة فهذا ارتجاع بلعومي وعند الكثيرين عااااادي جدا ... فيه اخوان اثنين أعرفهم من زمااااان وهم غالبا اذا يسولفون يسوون النحنحه هذي .. طبعا مسألة انك تحسين بحموضة وممكن ألم وسط الظهر من الخلف وأعلى المعدة اعرفي انه حموضة وارتجاع .. أحيانا يرتفع مو بس للمريء إلا بوصل البلعوم بعد ... وممكن تحسين أحيانا ان فيه أعصاب مشدودة عند الحنجرة واحيانا وخزات واماكن جافة داخل الحلق .. وكل هذا طبعا من العصارة المعدية تشعلل بالحلق


انتبهي لأكلك مزون الله يسعدك وأمورك بحول الله سهالات ... وانتي اذا عندك قولون عصبي خوذي صمغ عربي وخوذي بكتيريا نافعة بتفيدك بحول الله وتخفف من هالحوسة كثير


فيه موضوع لي أتكلم عن التغذية والجهاز الهضمي وأثرها على الحالة النفسية والوسوسة .. من جد حاولي تهتمين بالتغذية وتتغير أشياء كثير معك


وأختم بشي يطمنك وتعرفين ايش المشكلة .. روحي طبيب باطنية يصرف لك امبرازول ( دواء يخفف من عصارة المعدة ) خوذي اللي يستخدم حبة باليوم اتوقع 40 ملجم .. وكوليها بعد الغداء يومين ثلاثة اذا انتي ضابطة أكلك وتختفي المشكلة ان شاء الله .. و نامي على جنبك الايسر وارفعي صدرك بمخدة وراسك بمخدتين .. ولا تكثرين أكل ولا تجوعين وراح تروح النحنحه وصعوبة البلع بحول الله


..

وانت بصحة وسلامه يارب
كل كلامك اللي قلته عندي مثل ماقال اخوي عبدالله السالم
بس شلون اتأكد
مع انو انا مثل ماقلت لك اشتكي من الجيوب حتى اول اسبوعين من رمضان حاسة الشم عندي معدومه
شاكره لك حضورك الطيب بو سلمان

الله يسعدك ويشفيك يارب

سبحان الله سؤالك كيف أتأكد جاوبت عليه فوق لما عدلت ردي :q

الجيوب يا مزون احساسها يكون بالعيون ومقدمة الجبهه والأذنين والأنف .. وترى أول رمضان كثيرين اللي تعرضوا لزكام ورشح بسبب انه صار فيه تغيير بالأجواء .. حتى اخواني اثنين مرضوا

..

بيض الله وجهك عبدالله والله اخذ كلامك بعين الاعتبار
وراح امشي ع كلامك
بس بعد بتأكد من تحليل الغده عشان اطمن
الله يجزاك خير الجزاء ويتم عليك بالشفاء والعافية

آمين ويبيض وجهك ويشفيك ويعافيك ويسعدك


ايوه ممتاز .. مري دكتور باطنية أهم شيء .. لأن زمان مشكلة الارتجاع جننتني ومافيه دكتور ما رحت له حتى حق العظام ... ولا ريح قلبي إلا دكتور الباطنية الله يسعده اللي جلسني وفهمني المشكلة من طقطق للسلام عليكم .. وانا يا مزون جايه ومعي كيس علاجات وش كبره من الدكاترة اللي مريت عليهم وكل واحد يصرف لي شكل


بالتوفيق خيتو وان شاء الله تطمنينا بإن أمورك زانت بحول الله


..

باطني ......

يارب ياعبدالله
جعل ايامك تزين دوم مو يوم ويعوضك ربي عن اللي شفته خير

ان شاء الله بمر الاثنين
لان احيان يمسكني شد الين اذني ويمسك الالم من الحلق للاذن

آميييين وياك يارب

..