الحرب ضد افكاري السلبيه ( نجاحاتي واكتءابي )
 

اصبت بالاكتءاب اكثر من مره ولكن هذه المره اصعب مره يمكن عشان الاحداث اللي حاصله حولي كثير اولها الانسان اللي حبيته ولقيته. ما يستهلش حبي واخلاصي والاختيار الصعب اللي حطني فيه بين حبي له سنين طويهله وبين اهلي وربي فاخترت اهلي ثاني حدث حصل السنادي موت اعز اصحابي زي اخويا ثالث سبب بشتغل مع بنت من ذوي الاعاقه من 4 سنوات دواسيا مكنتش قدره اكمل معها بالاضافه ان مستواي قل في اللغه الانجليزيه وانا بالاساس مرشده سياحيه وكنت بعلم الاجانب في فتره العربي كنت بتكلم انجليزي كويس جدا لكن بسبب ان مافيش اجانب زي زمان مستواي قل كل ده اثر علي نفسيا بالضافه لحاله الاكتءاب التي امر بها جعلتني غير واثقه بنفسي بالاضافه اني مهمله في مظهري اهملت شكلي ووزني ذاد جدا اكثر من 15 كيلو بالاضافه الي سني الذي تجاوز الثلاثين حتي هواياتي التي كنت اتمتع بها لم اعد استمتع بها فكنت اصمم الاستعراضات للافراد ذوي الاعاقه الذهنيه بالاضافه لرساله الماجستير التي علي ان انجزها في خلال 4 اشهر كل ده كانت ضغوط حوليا بالاضافه اني لازم اتحمل مسوليه نفسيي فنا لست صغيره السن قررت فضفض في هذه الصفحه عن الامي عن نجاحاتي لعل الله يحدث امرا يجعلني اجد الخلاص من ً هذه الالام

الضغوط تولد مثل هذا النوع من الاكتئاب لذلك يجب أن تداوم على تمارين التأمل والاسترخاء قبل ان نصاب بهذه الحالة المزاجية (الوقاية خير من العلاج) ، بالتوفيق لك

اول يوم العيد يارب خلصني من همي افكاري السلبيه اني سني كبر وخلاص عديت الثلاثين ومافيش شغل مناسب هيجيني واني مستقبلي خلاص. كمان مستواي في اللغه لم يعد كالسابق واني حزينه جدا علي ذلك الافكار الايجابيه انا احسن من الايامًالسابقه. زرت اقاربي بالعيد روحت النادي مع اختي كنت بسرح بس مش زي الاول

انهاردا قومت فكرتي السلبيه اني عديت الثلاثين وفرصي في الشغل بتقل قعدت علي البحر واتصلت باحد اصدقاءي وقلت اني هذاكر حاجه الارشاد السياحي تاني وكمان اني منحه دراسه اللغه الانجليزيه قدامي فرصه اعيد مجدي في اللغه واتكلم كمان احسن من الاول واني بحاول انسي فكره حلمي اني كان نفسي اكون مضيفه طيران ان ده مش قسمتي ونصيبي واني قويه ايوا قويه لان لما ملقيتش شغل في مجالي دخلت مجال ثاني وهو الاعاقه وحاولت اثبت فيه نفسي في فتره قصيره لحد ما ظروفًمجال تتحسن وظروف البلد تنعدل واقدر الاقي شغل بتخصصي المهم اخلص من روح الاحباط اللي مسيطره عليا

انهاردا صومت ودعيت ربنا ساعه الفطار اني يهون عليا اللي انا فيه روقت غرفتي انا رايحه اصلي العشاء وركعتين قضاء حاجه ان ربنا يقف جمبي ويسعدني محتاجه ربنا اوي يرشدني للطريق الصحيح

حضرت فرح بن خالي كنت مبسوطه انا والاهل يارب فرح قلبي

انا انهاردا صحيت برده متاخر لكن مرحتش عليا صلاه الظهر قمت صلتها ورجعت انام تاني صومت انهاردا ودعيت ربنا يخلصني من اللي انا فيه روحت قعدت علي البحر وكلمت اصحابي في التلفون انا نفسي ابقا قويه زي الاول

انهاردا يوم سيء للغايه تذكرت من كان سببا رءيسيا لاكتءابي منه لله

نهاردا كنت صايمه حاولت اخرج نفسي من اكتءابي قضيت وقت حلو علي البحر ممكن اني ندمانه علي حاجات في الماضي بس بحاول اتجاوز

انهاردا روحت المكتبه وكمان روحتً شوفت اصحابي ًورحت لدكتور قالي ماتفكريش في الماضي وتقولي لوًكنت عملت كذا انا احسن من الايام اللي فاتت بس برده الافكار السلبيه مسيطره عليا بكره عندي كورس انجليزي

انهاردا انهاردا روحت كورس الانجليزي كنت شاطره واتعلمت حاجات كنت نسياها هبتدي من جديد وان شاء الله خير

انا بقيت 35 عاما يا تراً فيه امل في الحياه

دعاء اليوم يارب خلص نفسي من اي نقطه شر او غيره او حسد بقصد او دون قصد الفكره السلبيه اني ما اقدر اسوي الماجستير واني محتاجه تدريب طويل بالشغل واني بقيت وحشه في اللغه الانجليزيه. الفكره الايجابيه اولا انا لست وحدي من اعاني من الشغل وقلته ثانيا مجال الاعاقه مش وحش ولازم اطور من نفسي فيه ثالثا اللغه الانجليزيه بديت كورسات المدرس بيوضح اني شاطره

اشياء جميله زياره صديقتي واني كنت اساعدها للحصول علي وظيفه

دعاء اليوم يارب نفسي اهدي نفسيا انجازات اليوم ذكرت انجليزي روحت النادي الافكار السلبيه انا مبهدله في نفسي كمان مش منطمه وفات اواني في التعليم والتدريب علي ده كمان حته تني رزقي قليل اويمكن انا ضيعت فرص ليا زمان وده عقاب ربنا ليا الفكره الايجابيه اولا ده مكتوب ولازم اسوفه ثانيا انتي في الاربع ينين الاخيره كنتي بتشتغلي كويس ثالثا لا يغير الله بقوم حتي يغيروا ما بي انفيهم يعني لازم تبتدي تغيري من نفسك واكيد ربنا هيبقا يندك

دعاء اليوم يارب اهدي لي حالي ولا تكلني الي نفسي طرفهً عين انهاردا طلبت مني دكتورتي بالجامعه طل يارب اكون قد المسوليه شوفت اقاربي اليوم وكنت مبسوطه افكار سلبيه بحاربها عايزه اخلص منها زي مظهري مستواي في اللغه ماجستيري يارب

دعاء اليوم ياربي انا خاءفه لاني لا اشعر اني علي اتصال بك كما كنت في الماضي في الماضي كنت اشعر انك بجانبي حتي عندما اخطء كنت اشعر انك تقف بجانبي اعلم اني لم اكن مواظبه علي الصلاه ولكني كنت اتوسل اليك ان تجعلني اواظب

من منا لا يعتريه هذا الامر ومن منا لا يشعر بضعف امام مواجهت احلامه او رغباته ولكن ثقي تمام انك الوحيده القادره ع التخلص مما انتي فيه فا الان اظهري جدارتك الحق في كسر هذا الجدار البسيط فا انتي تستطعين وانتي قويه وكم من مرحله تجاوزتيها فهنا تبدبن الخوض الحقيقي وهنا تكمل حقيقه شخصيتك فا اكسري كل عايق فا انك تستطعين

شكرا لك احاولً ان اواجه نفسي

تمنياتي لك باالنجاح

أعتقد لازم نعمل ثورة عللى أنفسنا ونعمل كل شيء من غير ما يكون لنا رغبة فيه مثل ما نحن نأكل الان ليس كما كنا نأكل بشهية وبحب للأكلة المفضلة لا نأكل فقط لأن حان وقت الاكل وخلاص لماذا لا نقوم بكل شيء أيضا لا نهتم بما نشعر هل نستمتع ام لا فقط إنجاز ثم إنجاز وبعدها لعلنا نجد ما نبحث عنه
أنا مثلك اكتئاب مرات عديدة وكان أول مرة لما أخرجوني من المدرسة وزوجوني وعمري 16سنة وتوالت علي السنين بهمومها وكل مرة اقع فريسة للإكتئاب وأقوم تاني وأستمر إلا السنين الأخيرة لا تحسن يذكر مع أني آخذ العلاج لكن حاسة نفسي راكبة عجلة وادوس كي اتحرك لكن بدون جدوى واقفة مكاني مثل المكبلة بقيود من حديد
من عمر 16 ل36 حاليا هي سنين للبعض أجمل سنين العمر الشباب والرشاقة والحيوية لكن أنا كلها كانت دموع وأحزان وأرق وصراخ وتكسير ووووووولا أنكر كانت أوقات جميلة لكنها ليست بالكثيرة

حروب داخل النفس البشريه هي اقسى المواجهات

. انا تقريبا بنفس عمرك عندي 35 سنه اعتقد طريقه تفكيرنا لازم تتغير انا. سمعت ان احنا نكتب افكارنا السلبيه ونحل محلها الايجابيه بحاول كل يوم اعمل كده وً بحاول الصفحه دخ اعمل فيها كده شكرا علي اهتمامك ربنا يشفيكي. ويشفينا كلنا ويهون علينا ويصبرنا

ربنا يقوينا كلنا ان شاء الله فكرت اعبر عن افكار السلبيه الخاطءه واحاول اشوف حل

دعاء اليوم اللهم صبرني على حالي واشفيني والهمني القناعة وابعد عن قلبي اي ذرة حقد او حسد لاي مخلوق على وجه الارض
الافكار السلبية لليوم انا في مستوى انجليزي قليل وزمان كنت في مستوى اعلى -------انا صعب ارجع اتكلم ذي الاول -------------انا مش عارفه اذاكر والايام بتعدي عليا
الفكرة الايجابية انا كنت بجاوب في الكورس والمدرس قلي انك اعلى من باقي الفصل معنى كده انك قليتي في المستوي وده مش عيب وكويس عشان تفتكري كمان ده فرصة انك تبقي احسن اعتمدي على ربنا مش هيضيع تعبك هيقدر بس اتعبي سيبك من النوم وقومي حاولي

الفكره السلبية : انا بهرب من مواجهة المشاكل وعدم حلها
الفكره الايجابية انتي انهاردا رديتي على ايميل في الشغل كان متأخر بس ده عايزه تدريب انتي بتكوني نفسك من جديد خليقي قوية وربنا معاكي اكيد هو سمعك وحاسس بيكي اكثر من نفسك

الفكرة السلبية الانسان اللي انا كنت بحبه كان فيه شغل بنا وكان لازم يخلص هو عملني ببرود
الفكره الايجابية الحمد الله انك اخترتي اهلك وربنا وده كفاية ربنا مش هيسبني وبخصوص الشغل هو اخده يخلصه ان شاء الله يخلصه ولو ملخصهوش اكيد فيه حل

الفكره السلبية : انا لسه محتاجه وقت عشان ابقي كويسه جدا في مجال الاعاقة
الفكره الايجابية انتي انهاردا في لحظة من الخبرة عرفتي ان الطفل من ذوي الاحتياجات الخاصة وكمان ساعدتي الام على فكره انتي واخدة المجال في الاول تطوع واكيد ربنا مش هيخزلك

الفكره السلبية انا مقدرتش اشتغل في مجال السياحة انا مدورتش ومتعبتش نفسي
الفكرة الايجابية اولا انتي ضعيفة في الحسابات وده مش حاجة فظيعه انتي عارفة قدراتك كمان السياحة وقعت ومافيش شغل او تدريب زي الاول يمكن خير ليكي

الفكره السلبية : الناس هتعرف انك بتكتبي هنا مشاكلك وانك عندك اكتئاب
الفكره الايجابية اولا انك بتكتبي باسم مستعار ومش لازم تفصحي هويتك ثانيا عادي انتي مش بتعملي حاجة غلط وربنا كطلع وعالم


انجازات اليوم : صليت كل الفروض فاضلي بس العشاء قبل ما انام وانتي مواظبه علىة الصلاه مشاء الله منذ عام ويارب ربنا يتقبل
حاولتي تساعدي حد من ذوي الاحتياجات الخاصة
استفدتي من كورس الانجليزي وكنت بتجاوبي
ذاكرتي شوية انجليزي
بتشتغلي على نفسك وتطورها

دعاء اليوم اللهم خلصني من شر نفسي اللهم ثبتني اللهم اخلق ليً قلبي من جديد. الفكره السلبيه صحيت من النوم متعكننه بسبب حلمي بمن كنت احب اريد ان اتخلص من هذا الاحساس المولم. الفكره الايجابيه ربنا قادر ينسهولك ويعودك بالاحسن قعدتي سنين طويله تدعي انه يكون من نصيبك وصليتي لوًكان خير ربنا يجبهولك ربنا عارف انه لم يكن خير وبعده عنك يارب خلصني من اللي انا فيه الفكره السلبيه انا مضايقه وحاسه اني فاشله وبتضايق اني فاشله وفيه ناس ناجحه. الفكره الايجابيه. انتي بتقابلي تحدي ما ينطبقش عليكي كلمه فشل. حاولي من تاني ربنا مطلع وعارف انك بتتعلي.

دعاء اليوم يارب بحص صلاة الفجر هون عليا عذابي فوضت لك أمري يارب انا ضعيفة مش عارفة اخد حقي هتهولي يارب وادي كل واحد على قد نيته يارب هناك من خدع قلبي يارب هاتلي حقي يارب نسيني الوجع اللي انا فيه
الفكرة السلبية : انا مستواي قل في اللغة الانجليزية وخايفة ما يعلاش تاني
الفكرة الايجابية انهاردا انتي حليتي في الامتحان كويس جدا وغلطاتك معظمها مجرد عدم تركيز انتي انهارادا قومتي وترجمتي مقال عن الاكتئاب مستمره في ترجمتك ليه
الفكره السلبية انا مش بعرف اواجه
الفكره الايجابية انك اتصلتي بمكالمات كان لازم تعمليها ولقيتي الدنيا حلوه
الفكره السلبية من كنت احبه اكتشفت اني لم اكن شئ في حياته شيئا
الفكره الايجابية اولا هو لو كنتي اخترتيه كنتي خسرتي نفسك لانك هتخسري اهلك وكمان ربك انتي عملتي الصح كونه بقا مقدرش ده واستغل مشاعرك فاكيد ربنا مش هيسيب منه لله

انجازات اليوم
روحت البحر وشربت كوب شاي وريحت اعصابي
قريت جزء من مقال انجليزي عن الاكتئاب والافكار السلبية
بتدعي ربنا من وقت للتاني انه يخلصك من اللي انتي فيه
كلمتي اصحابك في التلفون
اكلتي بامية رغم انك مش بتحبيها بس اكلتيها عشان خاطر مامتك

دعاء اليوم يارب اغفرلي ذنوبي يارب اهديلي قلبي اخلقلي قلبي منً جديد اناً ماكتبتش افكاري بقالي يومين كنت مخنوقه لاني لازم افرغ طاقتي السلبيه باستمرار. الفكره السلبيه انا افكر كثيرا في من تركني اعاني وحيده لا للاسف مازلت افكر فيه ولا استطيع نسيانه. روحت فرح احدي صديقات اختي وكنت فرحانه عشانها لانها بنت محتر مه وشقيانه وطيبه ومتجوزاه عن حب انا كنت فرحانه وزعلانه لاني كان نفسي اتجوز اللي بحبه منه لله ربنا يضيع فرحته زي ما ضيع فرحتي كان يومها جواي احساس بفرحي ليها واحساس بزعلي علي نفسي لا استطيع ان اقول اني غيرانه منها بسًجوايه احساس بالحصره علي حالي منه لله اللي كان السبب. الفكره الايجابيه انا كنت فرحانه رغم الالم وكمان صقفت لها كثير ربنا يسعدها. الفكره السلبيه مش هقدر احب تاني كمان مبقاش عندي استعداد اضحي تاني كمان طول عمري نفسي اتجوز عن حب وجواي قناعه الجواز اما عن حب او عن عقل. الفكره الايجابيه نصيبك مكتوب بالسما سواء عن حب عن عقل عن الاثنين معا الفكره السلبيه رساله الماجستير والاستمارات اللي انا بعتها مع اللي كنت مرتبطه بيه. الفكره الايجابيه كلميه بكره واستعجليه. الفكره السلبيه. مستواي في الانجليزي قل. الفكره الايجابيه انا قريت 3 مقالات عن الاكتءاب وذبعا كان فيه كلمات بتقف معايا بس غالبيه المقال كان مفهوم وسمعت انهاردا حوار عن الاكتءاب بالانجليزي وفهمت معظمه. الفكره السلبيه مشاحنات في الصباح بيني وبين ماما واختي. الفكره الايجابيه هما خايفين علي مصلحتك وبيحبوكي وعادي رجعتوا صاف يا البن حليب يا قشطه. الفكره السلبيه لما قالتلي انك عايزه تبقي عيانه ومستسلمه للاكتءاب. الفكره الايجابيه هنا خايفين عليا بس مش فاهمين انك بتحاولي تطلعي من اللي انتي فيه. وانهم مش عارفين مشاعرك ليه متكدره الايام ده بسبب من كنتي مرتبطه به هما معزورين بس انا احاول اخرج من اللي انا فيه. الفكره السلبيه انا مستسلمه للاكتءاب. الفكره الايجابيه انتي بتحاولي تطلعي من اللي انتي فيه مقالات باللغه الانجليزيه عن كيفيه التعامل. كتابه مشاعرك هنا وافكارك السلبيه واحلال افكار ابجابيه محلها. الفكره السلبيه انا الصبح بالنسبه لي كارثه. الفكره الايجابيه ابتديتي تاخذي كورس انجليزي في الصباح التديتي تصحي بدري شويه

واصلي وإن شاء الله تصلين للشفاء التام

ان شاء الله يارب الشفاء لي ولكي ولكل مريض

دعاء اليوم يارب انر لي طريقي وارشديني إلى السكينة وراحة البال واجعلي في قلبي نور اضيئ به عتمة الطريق كي أصل إلى بر الأمان
الافكار السلبية انا لا استطيع الاستمتاع بشئ كالسابق
الفكرة الايجابية انا كنت مبسوطة في البحر امبارح ونزلت الميه وده خلاني افك
الفكره السلبية استمارات الماجستير مش عارفه املها ومن كنت بحبه اخذها ولم ينيها بعد ومريح وانا كان المفروض اكلم شركات السياحة واسألهم بنفسي احسن
الفكرة الايجابية اولا زميلك على النت خلصولك جزء من الاستمارات ده وكونك مكلمتيش شركات السياحة بنفسك واعتمدتي عى من تحبي ده غلطة لان ما فيش حد مضمون الايام ده واديكي اتعلمتي وحد ساعدك على النت سيبيها على الله ربنا هيقف معاكي لانك مراعيه ضميرك
الفكرة السلبية الناس بقت بتلاحظ عليا اني مهمومة وحزينة
الفكرة الايجابية مش مهم الناس المهم انتي عاملة ايه معلش كل شئ بياخد وقته
الفكره السلبية انا الاكتئاب المرادي قاعد معايا ومطول
الفكره الايجابية انا مش اولمرة اصاب بالاكتئاب واقاوم واقف على رجلي تاني و انجح المرادي طول لان الاحداث الصعبة كانت كثير مريتي بيها عشان كده كان فيه انتكائاسات بس انا بقاوم وهقاوم لحد ما اقف على رجلي تاني
الفكره السلبية انا مستواي في الانجليزي اقل عن ومان بدل ما اطوره قليت
الفكره الايجابية انتي قليتي في المستوى بس بتحاولي وهتنجحي انشاء الله ربنا مابيضيعش تعب حد

دعاء اليوم يارب خليني ارسي علي بر امان. الفكره السلبيه انا خايفه اشتغل مرشده سياحيه لاني بقالي كتير ماتكلمتش انجليزي كمان نسيت المعلومات الاثريه. الفكره الايجابيه حاولي تقري عن الاثار تاني خاصه بالانجليزي وموضوع الانجليزي بالممارسه هتوجعي زي الاول واحسن. الفكره السلبيه انا حاسه اني محققتش اي نجاح. الفكره الابجابيه اولا انا غيرت مجالي وحققت نجاح فيه والدليل ان الناس بتتصل بيا عشان خاطر ادي عيلها دروس. الفكره السلبيه ان ربنا مش راضي يتوب عليا ومش راضي يسمعني انا بدعي كثير. الفكره الايجابيه اولا ربنا بيسمع الناس كلها وافتكري لما دعيتيه انه يديكي علامه انه تقبل منك حلمتي انك حجيتي.هو شيلكً الاحسن. الفكره السلبيه انا مش كويسه في الانجليزي. الفكره الايجابيه اشتغلي علي نفسك اتعبي شويه هتوصلي بعون وربنا مش هيضيع تعبك علي الارض. الفكره السلبيه. مش عارفه اتحكم في الاكل وتخنت. الفكره الايجابيه ابتدي رجيم ضروري عشان خاطر صحتك ونفسيتك

دعاء اليوم. هون علي احزاني واغفر لي ذنوبي وهفواتي ًًًً الفكره السلبيه انا المفوض كنت كلمت استاذتي بالجامعه منذ اكثر من اسبوعين ولم افعل ذلك. الفكره الايجابيه كفاكي بكاء علي اللبن المسكوب واشتغلي علي نفسك اكثر. الفكره السلبيه اشعر بالضيق لاني افتقد من احببت الفكره الايجابيه انا اشتريت نفسي في البعد عنه وربنا يديله علي قد نيته.

دعاء اليوم يارب افضل مواظبة على الصلاه ده يمكن الحاجة الايجابية الوحيدة اللي استفدتها من اكتئابي
الفكره السلبية انا بفكر في مستقبلي وحاسة ان الشغل صعب
الفكره الايجابية انتي كلمتي حد عن الشغل انهاردا وعايز يبتدي معاكي علطول
الفكره السلبية اني مستواي في الانجليزي قل
الفكرة الايجابية مدرسة المحادثة قالت لكي انك كويسة ويارات تخدي حاجة اعلى لانك تقدري
الفكره السلبية انا كسلانة
الفكره الايجابية انهاردا روحتي جبتي الدواء لماما كمان اشتريتي اللبن
الفكره السلبية الاكتئاب طول المرادي
الفكره الايجابية الاحداث اللي حصلت من حواليكي كثير بس قدها وقدود يعني موت صديق عمرك ممكن تصليله وتدعيله هو اكيد محتاج ده كمان شغلك السنة اللي فاتت كان دمار خلاص سبتيه مستواكي اللي قل في الانجليزي ده من عدم الممارسة وانتي ابتديتي من تاني علي فكره كلام المدرسين اللي اكثر منك خبرة في اللغة بيقولوا انك تقدري
الفكره السلبية انك مش هتقدري تنسي فكره انك كنتي عايزه تشتغلي مضيفة طيران
الفكره الايجابية اكيد مش نصيبك والله اعلم ربنا يمكن بعد عنك حاجة مش حلوه ليكي بعد عنك شر وكل حاجة بتاخد وقتها


انجازات اليوم
جبت لماما العلاج
كتب السير الذاتيه ليو لاختي وطبعتهم