|
ايش رايكم في لوكستانيل 6 ملغ وهل متوفر في السعودية
شبآب ايش رايكم في لوكستانيل 6 ملغ وهل متوفر في السعودية
+ وش افضل نووع مهدي قوي للأكتئاب والرهاب الاجتماعي |
عن تجربه اللكسوتانيل ضعيف
اقوى شي اللورازيبام والزولام وخاصه الزولام للرهاب الاجتماعي تفوت وايدك بالهوى كأنك انتحاري😂 بس نصيحه لا تتعود عليها خليها عند الحاجه |
والله وانا اخوك انا اشوف مو بس المهدئات ادمان حتى العلاجات النفسيه ادمان وصعب تتركها لازم تتدريجي
+ وانا اخوك والله العظيم اني بحاجه لهآ وجربت كل الادويه مافادتني حتى وصلت اني باليوم اكل 7 علاجات من كل نوع ومافيه اي فايده نهائيا وماينفع معي الا المهدئ |
انا مثلا بالضبط مارتاح الا عالمهدئات حاليا استعمل ريفوتريل
وبس يفقد مفعوله بغيره اما مضادات الاكتئاب تخليني انسان جامد لا مشاعر لا احاسيس كإني خشبه بس احسن بدونها صعب اعيش |
اانا سواء استعملت علاجات للاكتئاب والرهاب او ماستعملت ماتفيديني في اي شي وانا قلت للدكتور وانا اتعالج يمكن لي 9 سنين
بس المهديات مايصرفونها لك حتى لو كنت محتاجها بقوه وفيك قلق قوي مايصرفونها لك والله شي يقهر طيب انا مافادتني العلاجات وحتى العلاجات الافيكسور وغيره ادمان واذا تركته اسبوع الله يعينك تروح فيها واما من ناحيه المهديات متشددين مايصرفون لي شهرياً يصرفون لي بالسنه مره وبالقوه بعد والقهر الي فيني اني اعرف اشخاص من اصدقائي يصرفون لهم ريفوتريل شهريا ماينقطعون ومعهم واسطه وقلت لهم دخلوني معكم ساحبين علي والله شي يقهر قبل 9 سنين ماكانو زي كذا الحين مايصرفون لك الا بالسنه مره وانا محتاجها شهريا على الاقل حل دايم احسن من العلاجات الي اكلها بدون اي فايده وتسبب ادمان وتركها مستحيل والله شي يقهر |
صراحه مدري عنكم بالسعوديه الله يعينكم
بس اني بالعراق في صيدليه بيها صديقي اي دواء اريده يجيبه الي عدكم انتو متشددين حيل لان يعتبروها مثل المخدرات وفيه كثير ناس ياخذوها لهالشي تعال اقنعهم انك مريض وضروري تاخذها مايقتنعون مصيبه اهل محلات الادويه يبيلهم حرق هههه |
مايقنتعوني نهائيا
لاازم لك واسطه او معرفه تعرف احد بالمتسشفيات كذا يصرفونها لك اما ماتعرف احد مثلي انا مايصرفونها لك لو تقتل نفسك |
حياك يالمطيري
كل المهدئات من فئة البنزودايزبين ممتازة للقلق وما يحتاج أحذرك من إدمانها لأنك اكيد عارف من قوة المفعول فهي تتفاوت من شخص لشخص لكن بشكل عام أعتقد الزنكس اغلب الناس ارتاحت عليه عيبه انه قصير المفعول لذلك هو متميز للي عندهم رهاب اجتماعي واذا تبي من ناحية التوفير كون صرف المهدئات جداً معقد الريفوتريل 2mg يعتبر ممتاز جدا لعدة أسباب أولاً مفعولة قوي على القلق ويبقى في الدم أطول من الزنكس بكثير بالاضافة حبه من الريفوتريل 2mg تعادل حبتين من الزنكس 0.5mg يعني تاخذ نص حبة ريفوتريل تكفيك لكن بكل حال من الأحوال لا تعتبر هذه علاجات بل مجرد مهدئات اي تسكنك ليوم ثم تعود على ماكنت عليه وكانك تعبت من الأدوية جرب حبة فلوناكسول نص مل خفيفه وما تضر وممتازة للقلق وما لها بروتوكلات معينة يعني تتركها متى ما بغيت ما تحتاج لا تدريج ولا هم يحزنون احط لك اضافة ثانية استفادوا منها كثير من الناس عشبة سانت جونز خفيفه ومفيدة جداً بالتوفيق |
مشعل المطيري
ترا مش شرط زناكس او لوكستانيل في بدائل اتمنى انك تشوفلك طبيب يقدر يصرفلك مثل فاليوم فو دواء لطيف تقدر تستخدم دوجماتيل 200 حبتين صباحا بعد او قبل الاكل وحبتين مساءا وانتظر اسبوع راح تعجبك النتيجه |
اقتباس:
|
اهلا اخوي مشعل
بالنسبة لي افضل مهدئ على الاطلاق هو لوكستانيل جرعة 6 ملغ بس ما اخذه الا وقت اللزوم والضرورة القصوى لانه يفقد مفعوله اما متوفر ما لك الا تفتح ملف في مركز الجامعي للطب النفسي عند الدكتور محمد العقيل وهو يصرف لك كل شهر اما توفره لا يتوفر دائما لكن غالبا تجده مب مثل الريفوتريل والزناكس لانهم هم المشهورين وعليهم سحب علي اما لوكستانيل فهو يتوفر كثيرا |
اخوي متأكد يصرف لي شهرياً ولا بس مؤقت ثم يقولي انقلع مثل الدكاتره الي عندي يقهروني قهر يقولون ادمان ياخوي العلاجات النفسيه والكيماويه كلها ادمان في ادمان وصعب تتركها الا بتدريجي صح كلامي ولا انا غلطان
المهم الدكتور محمد العقيلي ابروح له بس انت متأكد انه يصرفها شهريا لاني تعبت من الدكاتره الي مايرحمون |
انا اعرف الدكتور سليمان الصغير والعياده له هو ودكتور ممتاز وانا اصلا اول ماتعبت على طول جيت د سليمان الصغير وهو عارف حالتي
تتوقع لو اجيه يصرفها لي شهرياً |
اي احد له معرفه لا يبخل علينا واذا احد عنده واسطه لايبخل علينا والله اني بحاجتها فيني رهاب واكتئاب والعلاجات اكلتها كلهآ مآخليت علاج الا اكلته بس مافيه فايده
الي له معرفه او واسطه لا يبخل علينا |
ان شاء الله العقيل ما يقصر معك بس الى اعرفه انه غير متوفر جرعة 6 ملغ والجرعة لموجودة 3 ملغ
بس انتبه لازم تاخذ علاج معه نظاااااام المركز كذا يعني تاخذ علاج اساسي ثم يصرفون لك مهدئ يعني التكلفة عااالية |
اما لوكستانيل 6 ملغ ماهو موجوده
طيب انا ابغى مهدئ قووي يهديني بقوووه لان نفسيتي قوويه مره تفكير في تفكير ابغى شي يهجدني واذا تبيني اروح اروح ل محمد عقيل او سليمان الصغير مع العلم انهم كلهم في نفس العياده واذا تعرف مهدي قوي مره علمني |
اهلا مشعل
انا يمكن عشان اراجع عندهم من عشر سنوات وخااااصة العقيل لذلك يصرف لي اي شي ابيه اذا كان متوفر الريفوتريل اقوي شي بجرعة 2 مل سوالي هل قد جربت ليركا فهو يقوم مقام المهدئات |
انا مثلك ي اخوي انا عندي ملف عند العياده هاذي الملف له 9 سنين
بس اخر مره راجعتهم قبل 3 سنين المهم انا الحين اتعالج عند مطمئنه الدكتور طارق الحبيب العياده له وصرفو لي فاليوم 10 ملغ بس للاسف دورته في كل مكان مالقيته نهائياً والحين بروح للدكتور وبخليه يبدلها لي ب لوكستانيل 6 ملغ وهل تتوقع القاه او ماهو موجود بالسعودية انا بروح للعياده وبراجع عند سليمان الصغير لأنه يعرفني سليمان الصغير من بدايه المرض ابراجعه وبقوله اصرف لي ريفوتريل 2 ملغ وهل قطره ريفوتريل متوفره بالسعوديه |
اقتباس:
|
اللريكا جربتها ماتنفع
|
اخوي مشعل برسلك رسالة
|
وصلتني الرساله انا براجعه بعد بكره يوم الاربعاء
بس هو متى يتواجد محمد عقيل الصباح او المساء والساعه كم |
العصر الين ٩ مساء
|
طيب ي ولد دوسر انا محتار وش اطلب من المهديات ووش افضل شي للأكتئاب والرهاب
ريفوتريل 2 ملغ واقدر اطلب 3 علب ريفوتريل او علبه 1 وهل موجود ريفوتريل قطره بالسعوديه واذا تقدر تعد لي المهديات الزينه ولها تأثير تعلمني انا بروح ل محمد العقيل وبطلبه بس اخاف يردني وانا اخوك او يصرفها لي مؤقت |
يا هلا وغلا مشعل
ليست المسئلة اقوى واضعف المهم ما يتوافق مع جسدك ويريحك اكثر باالاول بلا منازع الزانكس لكن يعاب عليه انه لا يبقى بالدم سوى من 6 الى 8 ساعة وسريع الادمان الثاني ريفوتريل قووووي جدا ويعتبر اقوى مهدئ على ما اعلم وجرعته تبدا من نص ملغ الى 2 ملغ الثالث لوكستانيل كذلك دوووووواء رااائع جدا واحبه شخصيا بقوة وجرعته 3 ملغ وممكن تصل الى 6 ملغ اكثر من كذا يعتبر ادمان مب مشكلة الوصفة المشكلة هل يتوفر الدواء بالصيدلية او لا اذا توفر كن على ثقة ان الدكتور بيصرف لك العلاج الصيدلية بجانب العيادة وممن تتاكد من الاستقبال قبل دفع الكشفية هل يتوفر او لا رح للعقيل وزي ما ارسلتك بي يتوصى فيك مراااااااا الف سلامة عليك وما تشوف شر اما صرف اكثر من علبة لا يصرف الا علبة واحد تكفي لشهر واذا انتهى تجي تجدد الوصفة انت مب خسران شي رح للعيادة وناقش الدكتور واذا ما صرف لك ما راح تخسر الا ميتن وخمسين بس انا على ثقة انه سوف يصرف لك وصفه |
انا ودي في لوكستانيل 6 ملغ بس انت تقول ماهو متوفر + هل يوجد ريفوتريل قطره بالصيدليه + زينكس 2 ملغ يوجد بالصيدليه اذا كان لك علم + يوجد مهديات توصل قوتها 15 ملغ بس ماعرف وش اسمها
انا بروح له حسب تعلمياتك بس صعبه كل شهر اراجع يعني لو يصرف لي ل 3 شهور قدام يكون افضل ويكون كل 3 شهور اراجعه بس اذا كان كل شهر مافيه مشكله انا عندي مراجعه بكره في عياده د طارق الحبيب صرفو لي فاليوم 10 ملغ مالقيت متوفر بالرياض وبقوله اصرف لي ريفوتريل بديل لفاليوم 10 ملغ بعدها بروح ل محمد عقيل |
اهلا مشعل
لا يوجد قطرة ريفوتريل انما حبوب قوة 2 ملغ اما الزناكس مقطوع من فترة طويلة وصعب تحصله لوكستانيل متوفر في كثير من الاحيان اما فاااليوم ممكن تصل الى جرعة 15 ملغ في اليوم لكن يستخدم للنوم وللتهدئة من القلق اما بشان مراجعة كل ثلاثة اشهر لا لا ما فيه لازم كل شهر واذا حصلت دوائك خير وبركه وفضل من الله المهدئات عليها طلب هااائل جدا لذلك يصعب توفرها بارك الله فيك |
ي ولد دوسر اذا تقدر تعطيني رقمك ابغى اتواصل معك ارسل لي رساله خاصه
|
| الساعة الآن 05:09 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا