|
هذا هو وسواسي الغريب (فمن مثلي؟) ادخلو كلكم رجاءًا
السلام عليكم
انا قررت اقول لكم ايش نوع وساوسي لانني فعلاً سأفقد عقلي في بداية وساوسي تأتيني على شكل شكوك في اخلاقياتي انني مثلاً ارسلت صوراً خادشه وتأتيني التخيلات والشكوك وعندما اذهب الى مشوار بسيط لا اريد ان اذهب لوحدي لانني اخاف من نفسي ومن تصرفاتي اخاف ان افعل شيء بذيء (مع انني ولله الحمد انا انسانه ملتزمه واخاف الله وحريصه جداً على سمعتي وتربيت في بيت محافظ ولله الحمد) لكن اشك في نفسي فأنا لا اثق في نفسي ابداً حتى انني عندما اذهب الى دورة المياه فإني اضع جوالي في الغرفه واضع فوقه اي شيء مثلا عطر او اي غرض ثم بعد ذلك اذهب الى دورة المياة كل هذا لانني اشك في نفسي انني مثلاً سأصور نفسي في دورة المياة (مجنونه) لكن غصب عني وتفاصيل كثيره كثيره لا تدخل العقل ثم بعد ذلك اتاني وسواس اخر ولكن في (اخلاقياتي ايضاً) ذات يوم كانت ابنة اختي الصغيرة نائمه في الغرفة ذهبت لها كي اتأكد هل هي لابسه (الحفاظه) او(المبامبرز) ام لا وعندما تحسست لكي اتأكد اتاني وسواس مخيف بأنني من الممكن ان أأذيها فخفت خوفاً شديداً وخرجت من الغرفة وانا منهارة نفسياً ماهذا؟ مالذي يحصل لي ؟ لماذا هذه الافكار ؟ فأنا الحمدلله فطرتي سليمه ، ومن ذلك اليوم وانا اخاف من الاطفال اخاف ان أأذيهم او (اتحرش بهم) وساوس ومخاوف ، ودائما عندما ارى اي طفل اهرب منه واخاف واتجنبه ، لان تاتيني صوراً ذهنيه بذيئة ، واخاف ان أأذيهم ، واستمرت حالتي 3 سنوات اشك في نفسي واخاف من نفسي واتجنب لقاء اي طفل ، اصبح ذلك كابوساً لدي واخبرت امي واخوتي عن ذلك فقالو لي تجاهليها واستعيذي بالله من الشيطان ، انتي مستحيل تفعلينها نحن نعرفك . ثم بعد ثلاثة اشهر من الان ، اتت اختي الى بيتنا زياره فكنت اتجنب واخاف من ابن اختي الذي يبلغ من العمر 7 سنوات وهو في الصف الثاني الابتدائي ، فكنت اغلق على نفسي الغرفة واخاف ان أأذيه ، ودائما اذا رأيته يقترب مني كنت اصرخ عليه واقول اذهب بعيداً عني لاتجلس جنبي وهكذا ومره كنت في المطبخ في اخر الليل كي آكل فشعرت بضيقه في الصدر وكتمه وحزن وبدأ راسي يعصف بالاوهام والشكوك والمخاوف والتخيلات ، فأتاني خيال شنيع بذيء دمرني نفسياً فصرت اشك بنفسي هل انا فعلته ؟ جن جنوني ذهبت لامي وانا منهاره وابكي ومن شدة الهلع والخوف استفرغت 3 مرات واخبرت امي بماشعرت به فقالت لي لا تلتفتي لهذه الوساوس ، ومنذ ذلك اليوم وانا في صراع مع نفسي وشكوك ووساوس وتخيلات دمرتني نفسياً صرت كالمجنونه اتاءل مع نفسي هل يمكن ان افعلها ؟؟ اصبحت لا انام الا بالمهدئات ، مالذي يحصل لي يااارب والله من شده الهلع والشكوك والتخيلات القذره كنت سأنتحر لكن خوفي من الله يمنعني ومنذ ذلك الحين الى اليوم وانا في شكوك وتاتيني تخيلات وانهار منها ، اسئل نفسي دائما الف مره هل يمكن ان اكون فعلتها؟ تاتيني صوراً ذهنيه وتخيلات تشكنني في نفسي لا اتحمل هذا الوسواس تدمرت فعندما رأت اختي كيف وصل بي الحال وانني جداً متعبه بعد مرور شهر ونصف قالت لي سأتصل باختي واسأل ابن اختي لكي ترتاحي وتتطمني فاتصلت اختي بإبن اختي وسألته اسأله فكان يجاوب بلا لم تفعل شي ولكنها كانت تصرخ في وجهي وتنهرني عندما اقترب منها فسألته مره اخرى هل انت متأكد بأنها لم تفعل شيء اخر لك فقال نعم متأكد لم تفعل شي غير انها تصرخ بوجهي وتقول ابتعد عني ، انا سمعت كلامه وارتحت قليلا لكن مازالت الوساوس والتخيلات وتاتيني وساوس انه من الممكن انه نسي او انه صغير لا يفهم علماً بانني لا اذكر انني فعلت شي ولكن شكوك دمرتني لماذا اصابني هذا الوسواس ؟؟؟؟؟؟ والله تعبت منه نحل جسدي واصبحت لا اريد الطعام واصبح هذا الخيال يلاحقني في كل شيء واصبحت اشعر بإني انسانه غير سوية وانسانه قذرة وانا اساسا حريصه جداً على سمعتي وعلى نفسي هل من الممكن ان اكون انسانة سيئة؟ مر 3 شهور على هذا الوسواس ولازلت في شكوك وحيره احيانا اقول في نفسي لا مستحيل ان افعلها واحيانا تتملكني الشكوك والخيالات واصبح في حيره من امري هذه بإختصصار وساوسي وكان اخر وسواس هو بمثابه القشة التي قصمت ظهر البعير . انتظر ردودكم واراءكم بحالتي . وشكراً لكم . |
انت بنفسك تقولين خيالات يعني عارفه انها مو حقيقه و ما تسوينها
ما عندي شيء اقدر أفيدك لكن الله يفرج همك و هم كل مهموم |
اقتباس:
لكن الشكوك ذبحتني🔪🔪🤦🏻♀ |
حبيبتي شخص ما الدكتور قالي عن هالحاله انها مؤقته لها اسم طبيا تحي بعد ضغوط قديمه او جديده واحباطات متكرره اعملي جلسات سلوكيه وتمارين لكسر حلقة الافكار اللي تجيك لان كل ماسترسلتي فيها غذيتيها وتطورت .. انتي حاولي تسخفينها قولي انا اعرف انك وسواس وفكره سخيفه وراح اتجاوز واقدر اسيطر .. طبعا بالبدايه صعب لكن راح تتعودين على تسخيف الفكره وراح تختفي .. المهم لاتخافي .. جيبي ورقه وقلم واكتبي كل افكارك السلبيه بدون اي تحفظ اكتبي اي شعور واي كلمه تطري على بالك بعدين اقرأي الورقه وقطعيها قطع صغيره وارميها بالزباله وانتي بكرامه .. هذي الكتابه التفريغيه رائعه .. الله معاك
|
اقتباس:
انا في صراع دائم مع الفكره ولولا رحمة الله لهلكت والله يرعبني هذا الوسواس فقد اخذ صحتي واخذ راحة بالي وهز كياني اتمنى استطيع تسخيف الفكره سأحاول وطريقة الكتابه انا افعلها ولكن لا امزق الورقه بل احتفظ بها لقد اصبح لدي ملفات من كتابتي للوساوس ولكن اخر وسواس قضى علي حسبي الله ونعم الوكيل |
لا انتبهي حبيبتي من الاحتفاظ بالاوراق السلبيه انتي كمن يؤكد للعقل الباطن على وجود الشر والسلبيه بواقعك .. قطعي الورقه وكل الاوراق اللي عندك وخلينا نبدأ من اليوم اعملي التمرين وبلغيني شعورك بعده حتى لو شعور مريح بسيط لايتجاوز الواحد بالميه يعتبر انجاز واول خطوه بالتحسن .. صدقيني وخلي ثقتك بالله وحده انه ماراح يتركك تصارعين شي ليس بيدك سلطه عليه .. راح يكون معك ويساعدك . بسم الله نبدأ ..
لاتخافي كلنا معاك وقبلنا الله القوي العزيز |
اعرف هذا النوع من الوسواس وكأنه طارق يطرق بشر يأمرك بايذاء نفسك او الاخرين ومهما حاولتس تغيرين الافكار ماتتغير لكن اهدأي وقت نوبة الوسواس واقرأي الفاتحه واية الكرسي والمعوذات وخلي الفكره تمر بسلام وقولي هذي افكار القلق والوسواس مو حقيقه لكنها متعبه وراح تعدي .. من الكرق كمان العد التنازلي يعني عظي من ١٠٠ الى ١ مثلا : ٩٩ ٩٨ ٩٧ ..... الخ لين توصلين للواحد المخ راح يشتت الفكره السلبيه لانه مركز على العد .. طمنيني عليك وارجع اقولك لاتخافي هالنوع من الافكار من اسخف انواع الوسواس واسهلها بالعلاج
|
اقتباس:
بإذن الله راح اطبق طريقة العد فكره جميلة وراح ابلغك ان شاءالله بالتطورات اتمنى انه يكون كذلك وسواس سخيف وسهل جزاك الله الجنة على كلامك اللي طمني وريح بالي الله يريح بالك .. |
امين اجمعين .. الله معك
|
وين الباقين؟؟؟؟؟؟؟؟ ☹
|
لا تستسلمي اختي واجهي فكرتك وازا اجتك احكي فشرت انا مستحيل اعمل كذا او كذا ... واوعي تستسلمي يكرا بدك تتزوجي وتجيبي اطفال .. اطلعي وخالطي العالم.. رح ترتاحي اكيد
|
انا مشترك في منتدى اجنبي للوسواس القهري
هذا النوع من الوساوس شائع و سببه القلق من الكلمات اللي يحرصون عليها الاخصائيين النفسيين: - الأفكار مجرد أفكار فلا تشعري بالذنب - الأفكار السيئة اللي تقتحم مخك لا تعني انك انسانة سيئة فلا تخلطي بين روحك الجميلة و الافكار اللي تخطر ببالك - لا تعطين الافكار اكبر من حجمها و لا تهربين منها و بنفس الوقت لا تتعمقين فيها و تستغرقين بالتفكير فيها.... يعني اذا مرت براسك هالافكار خذي نفس عميق و خليها تمر اهم شي واظبي على الدواء واظبي على الدواء واظبي على الدواء |
اقتباس:
|
اقتباس:
كلام رائع فعلاً لان مع هالوسواس اشعر بأني سيئة الله يعين |
اشكرك متأرجح اكدت على كلامي بأن لاتقاوم الفكره المطلوب الهدوء وجعل الفكره تمر .. بالضبط هالنوع من الوساوس تحي مع القلق الاي يسبقه ضغط نفسي او احباط وطبعا الشخصيه الحساسه جدا اكثر من يصاب بهالنوع من الالام النفسيه
|
ياعالم هذا الوسواس دمرني تدمييييييييييير تدميييييير تدميييير
اتمنى الموت ما ابغا شي من الحيااااااااااااه خلااااااااااااااااااااااااص دايم على اعصابي دايم على اعصابي متوتره متوتره احيانا ودي اصرخ باعلى صوووووووت او اطعن نفسي وارتاح يارب ان لم ترحمني والله سأهلك بموت بقعد كذا طول حياتي؟؟؟؟؟؟؟؟ ياااااااااااااارب ضاقت ضاقت ضاقت |
احس اني مو مثلكم ..
انتو ماشاءالله تقدرون تتعايشون انا انتهيت ياعالم اتمنى الله ياخذ روحي وانا على طاعته دايم اتساءل اقول كيف بيفرجها ربي كيف؟ والله من شدة الكرب اللي اعيشه اقسم بالله اني ما ابالغ تعبت اهلي معااااي انا لله وانا اليه راجعون |
اقتباس:
|
شخص ما حبيبتي راجعي دكتور نفسي عشان ماتستهلكي طاقتك و روحك بهالمعاناه ترا كل شي له حل لكن اسعي للحل .. صدقيني راح ترتاحين سواء بدواء نفسي او علاج سلوكي مكثف . طمنينا عليك
|
اقتباس:
ماخليت دكتور الا رحت له خليها على الله |
لاتخافي حبيبتي انتي كم لك على استخدام الدواء ؟ مثل مافهمت من الاخوه بالمنتدى انه يبين مفعوله بعد شهر الى شهرين .. اصبري .. اعرف كلمة الصبر بقاموس الانسان اللي يعاني صعبه لكن مالبيد حيله غير اللجوء الى الله والاستعانه به ابحثي عن طرق تهديء من روعك على الاقل لين تعدين فترة الشهر واطمنك كل شي بيكون احسن من اول بحول الله وقوته .. طمنينا دايم عنك واكتبس هنا كل ماشتدت عليك الاعراض والضيق وكلنا معاك
|
السلام عليكم
أختي الكريمة، الحالة اللي انتي فيها من الاحتمال الكبير بسبب القلق لان القلق يسبب اكتئاب ووسواس وهلع انا ببداية الامر مثلك وساوس ونوبات هلع (شديدة) الان الحمدلله سنتين ومستمر على العلاج ومستقرة الحالة كنت اسوء منك مهلوع وبس على المستشفيات وخايف لاتخافين يا اختي ، انتي محتاجة تقوين نفسك وتواضبين على العلاج الدوائي + العلاج السلوكي |
اقتباس:
كلماتك كالبلسم ❤ انا لي ع الحبوب 3 شهور ونص الحمدلله استفدت من الحبوب لكن لازالت الفكره ولازال الشك في وسواس مضى يعني الى الان وانا اتساءل مع نفسي هل انا فعلتها ام لا وتاتيني تخيلات لا ادري هل هي خيال او حقيقه والله زي المجنونه |
اقتباس:
لكن ممكن اعرف ايش اسم العلاج اللي تستخدمه ؟ |
اقتباس:
كل حالة تختلف علاجها الوساوس القهرية مثل حالتك أسالي طبيبك عن علاج أسمه فافرين حسب كلام اطباء افضل شي للوساوس القهرية علاجي انا سبراليكس 20 ملجم علاجات كثيرة الطبيب راح يحدد الاصلح لك لكن اساليه عن فافرين فهو ممتاز للوساوس والافكار القهرية |
اقتباس:
|
شخص ما اذا حسيتي انك مو مرتاحه مع الدكتور غيريه وغيري الدواء تحت اشراف طبيبك لان اتوقع ٣ شهور مده كافيه انه الشخص يحس بتحسن بس لاتقلقي فيه مليون دوا اذا مانفع معك هذا يينفع غيره واشوف كثير استفادو بالعلاج كان معهم وساوس وافكار سلبيه وخطره والحمدلله لما لقو الدواء المناسب تغيرت امورهم للافضل واختفى الوسواس .. الله معاك
|
التجاهل افضل وانجع
الله يشفيك ويعافيك اصبري واحتسبي. |
اقتباس:
بس انا تدرين وش مشكلتي الازليه اللي شيبت راسي؟ ابغا اثبت لنفسي انو ماسويت هالشي ، تخيلي من اول ماوسوست الى يومك هذا وانا في شكوك وحيره تعبت حسبي الله ونعم الوكيل ابغا اثبت لنفسي انو لااااا عشان ارتاح بس هذي مشكلتي الله يحلها ، صرت اقول اتمنى اصير زي الناس اقول ايه ماسويت وانا واثقه او ايه سويت وانا واثقه مو شكوك وحيره ارهقت تفكيري مع اني سويت كل الطرق اللي اشوف انها ممكن تريحني سألت ابن اختي يمكن 5 مرات يقول لا ماسويتي شي لكن انااا لازلت في حيره وشكوك لان الموضوع مو سهل الموضوع مرعب مرعب وكمان وسوست في الشغاله ههه وانا ما ابغا اظلمها لكن انا مريضه موسوسه جننت اهلي يومياً ابكي وانهار عليهم اقول اثبتوا لي انو ماسويت ابغا ارتاااااااااااح وامي تقول اصلا ماسويتي شي عشان تثبتين او لا موضوع طويل الله يعين تتوقعين قطرات بتمر هالفتره؟ ولا بقعد طول عمري رهينة هالفكرة وطول عمري افكر فيها ؟؟ عايشه في حييييره |
مابي اقولك مثل اي احد يبغى يطمنك انها فتره وتمر بس الا بأكد لك انها بتمر وبتتذكرينها بقرف وتحمدين ربك انك تخلصتي منها قولي ليه متأكده ؟ انا اقولك : اول سبب يخليني متأكده انك طلبتي المساعده سواء من دكتور او من اصدقائك بالمنتدى معناها عارفه انه فيه شي غلط يحصل معاك وهذي اول خطوه مهمه بالعلاج .. ثانيا انك انسان وربي مايترك الانسان يتعذب وهو ارحم الرحمين فقط اشكي اليه واستعيني به والجأي له و توكلي عليه حق التوكل وكل الامك بتكون ماضي .. التوكل مو باللسان التوكل عقيده واستشعار حقيقي الله يذوقك حلاوته .. ثالثا ومهم جدا تعملين علاج سلوكي معرفي مهم جدا جدا جدا لان العلاج السلوكي فيه اساليب كثيره جدا لتشتيت العقل عن الفكره السلبيه تمارين تسوينها رائعه .
توكلي على الله وطمنينا عنك |
حبيبتي شخص ما تذكرت شي مهم ابغاك تكتبي وتكتبي وتكتبي كل اللي تشعرين فيه ويرعبك وابيك ترجعين للطفوله قد ماتقدرين واكتبي كل احداث حياتك سواء سلبيه او ايجابيه وراح تطلع لك اشياء ماتوقعتيها مخزنه بعقلك الباطن .. تخلصي منها بتمزيق الورق حرري افكارك ومشاعرك لاتظل حبيسه لانها احد اسباب الامراض النفسيه بالكبر .. طيعيني واعتمدي هالطريقه لمدة اسبوع وبتشوفين تغيير رائع .
بشرط ماتحتفظي بالورق ولا احد يطلع عليه |
اقتباس:
واكيد حاسه ان فيه شي موطبيعي فيني شي فوق المعقول ونعم بالله توكلت عليه وفوضت امري اليه انا حاليا اخذ جلسات سلوكيه مع اني مو مقتنعه فيها كثير لكن بكمل اشكرك اشكرك من كل قلبي قطرات على ردودك وعلى اهتمامك اسعدتيني وطمنتيني الله يطمن باااالك ويسعدك ويلبسك العاااافيه والراحه ياااااارب |
اقتباس:
حبيبتي الله يسعد قلبك نصايحك ذهب |
رجعت لك اقولك عن حالتي عشان تطمني .. اول مشاركه لي كانت شكوى من الهلع والخوف والدوخه ونوبات بشعه واعراض مابعد النوبه من قلق حاد و توجس شي مخيف بيحصل الدوخه تقريبا طول الوقت عدم توازن رحت لطبيب نفسي من كم شهر وكتب لي سيبرالكس وما اخذته لأني امرأه بالخمسين وفيني ضغط مع انه اكد لي سلامة الدواء لكن ماحبيت ادخل بدوامة الادويه سعيت وبحثت عن طبيب اخر لقيت دكتور سلوكي و دوائي استشاري وعنده مركز متكامل ورحت له وقعدت معات ساعتين كان مستمع رائع ويوجه اسئله ذكيه جدا قالي خطوه جيده انك ما اخذتي دواء واعطاني كم تمرين فقط للتنفس والاسترخاء انا بصراحه قلت وش هالسخيف كل اللي احس فيه بيروح باسترخاء ؟ عملت كل اللي قالي خف عندي الهلع لكن الدوخه مستمره بالزياره الثانيه قالي ابغاك تمشين ٢٠ دقيقه كل يوم مشي تأملي يعني مشي بطيء وقلت له تجيني دوخه قال حتى لو جتك طنشيها وامشي وبالفعل صرت امشي وازود كل فتره عشر دقايق لين وصلت بالمشي ساعه خفت الدوخه بفضل الله ٧٠ بالميه نفسيتي تغيرت الخوف تلاشى .. رجعت الدوخه بعد فتره وكمان في زيارتي له قلت جتني دوخه غريبه ماعمرها جتني قال القلق الحاد قذر يهاجمك بجميع الاعراض والاشكال وكل ماسيطرتي على شي يجيك باعراض جديده ومختلفه ودخلت هنا سألت الاخوان وماقصرو الجميع طمني وبالفعل طنشت واختفت .. الوسواس شي بشع ادري ويختلف عن الهلع لكن شيء سهل اذا مشينا بخطوات صح بعلاجه لانك اصبحتي من تصحين من النوم لين تنامين انتي قلقانه من تكرار الافكار السيئه وهلم جرا انتي تقاومينها لكن بقلق تقوم تجي وتجي حاده كمان .. عالجي القلق الحاد عندك وتختفي الافكار والوساوس .. جربي طريقتي اول ما اصحى من النوم اقول انا اليوم افضل الحمدلله واي فكره بتجي بطنشها وراح اتحدى نفسي والشيطان .
الاهم من هذا كله ان لي شهر اقرأ سورة البقره كل يوم مره واذكار الصباح والمساء وايات السكينه ولله الحمد والمنه انا تجاوزت ٨٠ بالميه من حالتي اللي كانت قبل . انتي تحدي نفسك كتجربه وعلميني وكل ماجيتي تستسلمي تذكري كلامي وحاول تسيطري اول مره ١٠ دقايق وكل مره زودي الوقت واكتبي انجازك بنجاحك وكم المده .الله معك |
كل شوي اتذكر شي وارجع لأني اتمنى من كل قلبي تشوفين السعاده وربي ☺
عند جرير كتب تلوين هذي للتوتر والقلق تلهي العقل عن الافكار السلبيه جيبي واحد منها وابحري بعالم الالوان الجميل ادري طريقه بسيطه لكن مفعولها جدا جميل . |
اقتباس:
بإذن الله اطبق اللي قلتيه خصوصا سورة البقره انا ما استمريت عليها وبحاول ما افكر اطول مده الله يسعدك جد استفدت كثير منك مشكوره قطرات حبيبتي |
بالسلامه حبيبتي وتأكدي كل مازاد عندك التوتر وقدرتي تسيطري كل ماقربتي من النجاح والشفاء .. اعتبريها حرب قولي يا انا يا هالوسواس 😀 وكل مامريتي بشي سواء سلبي او ايجابي اكتبيه هنا عشان نسخف الفكره وتتلاشى
|
اقتباس:
الله يعين على هالوسواس الله يسعد قلبك ماقصرتي ياقلبي |
| الساعة الآن 01:23 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا