مليت وانتكست
 

السلام عليكم
انا مخطوبه من سنوات وللحين ماتحدد زواجي وكبرت بالعمر واهلي ساكتين واهل خطيبي متكبرين علي مايتواصلون معاي كلش المصيبه اني عاقده قران زود على همومي ومشاكلي يصير معي هالشيء ياجماعه صدقوني انا مو دراما بس حياتي جالسة تتعطل تحسنت فترة ومن انخطبت انتكست حالتي رجعت مااحب الطلعات وبس من دوامي للبيت وابوي شديد وماينتفاهم معه وخطيبي كويس معي بس يسكتني كل مره يبغى يحدد ومايحدد تعبت نفسياً احس اني معلقه وبنفس الوقت متردده بالانفصال واحيانا يجيني شعور ان هالزواجه بترجعني لورا خصوصاً من اهله شسوووووي قسم بالله متضايقه ترا جالسه افضفض لان مااحد حاس فيني

الله يهونها عليك ويتمم عليك بكل خير ..
مالك مني الا الدعاء بأذن الله

نصيحه لا تفكرين في الانفصال اذا كان خطيبك كويس مثل ما ذكرتي
اليوم فتيات كثيرات جدا اصبحن عوانس
اسأل الله ان يختار لك مافيه خيري الدنيا والاخره

الحل بسيط جدا
عليك بالاستخاره
وفوضي امرك لله سبحانه واعرفي مافيه تاخير الا لسبب لايعلمه الا الله سبحانه
انصحك بالاكثار من الاستغفار

حبيبتي عسى الامر خيره لك ومايأخر ربي شي الا لحكمه .
فوضي امرك لله وتأكدي انه بيختار الصالح لك .
الله يوفقك ويتمم لك بخير ويسعدك

[QUOTE=نعنّاعه بتكبر;1330566]السلام عليكم
انا مخطوبه من سنوات وللحين ماتحدد زواجي وكبرت بالعمر واهلي ساكتين واهل خطيبي متكبرين علي مايتواصلون معاي كلش المصيبه اني عاقده قران زود على همومي ومشاكلي يصير معي هالشيء ياجماعه صدقوني انا مو دراما بس حياتي جالسة تتعطل تحسنت فترة ومن انخطبت انتكست حالتي رجعت مااحب الطلعات وبس من دوامي للبيت وابوي شديد وماينتفاهم معه وخطيبي كويس معي بس يسكتني كل مره يبغى يحدد ومايحدد تعبت نفسياً احس اني معلقه وبنفس الوقت متردده بالانفصال واحيانا يجيني شعور ان هالزواجه بترجعني لورا خصوصاً من اهله شسوووووي قسم بالله متضايقه ترا جالسه افضفض لان مااحد حاس كلفيني[/QUO

كل الناس عندهم هموم ومشاكل بعدين وين المرض النفسي بالموضوع هذي مشاكل عائليه حليها مع اهلك وخطيبك

[QUOTE=رعد القلوب;1330742]صح كل الناس عندهم مشاكل وهموم بس مريض الاكتئاب ينتكس منها انا معي رهاب واكتئاب وما كان له داعي ترد

مشكورين كل اللي ردوا جبر الله خاطركم ❤

هلا بك اختنا الغالية نعناعة

من أول ودي أرد بس حسيت إن ما عندي إضافة على ردود الأخوان و الأخوات الله يجزاهم خير ..


لكن ابقلك على الأشياء اللي تريحني خاصة لا صار الظرف خارجي ..

أول شي كل شي مكتوب قبل اخلق لذلك لو اجتمعت الأمة على منفعتي أو ضري ما راح يقدرون على ذلك إلا بإرادة خالقهم و خالقي سبحانه

ثاني شي : في أي أمر او حدث او علاقة او وظيفة و كان فيه خلل ما أو شي ما هو مريحنا نجيب ورقة و نقسمها و نكتب الايجابيات اللي تريحني بجهة ، و السلبيات اللي تقهرني بجهة ، و إذا زادت السلبيات يا أختي لا أبوها حياة و لا عاش من يكدرني و اشوتها بطرف حذائي ( و أنت بكرامة )


الحياة بنعيشها مرة ، و الواحد ما يبي يخوض حياة معينة أو يعيش ببيئة او مكان إلا و هو مرتاح

يعني ما يكفي ضغوط الحياة كمان نبي نتحمل ضغوط بشر لا يحملون أدنى فهم أو تقدير هذي مشكلة ؟

و اللي يقول عنوسة و ما عنوسة .. الرزق على الله .. و إذا انقفل باب يبي ينفتح ألف باب .. لأنها أبواب رب العباد ما هي أبواب العباد

يشهد الله أن الوحدة خير من رفيق السوء اللي يبي يقصر العمر بلومه و لؤمه .. فيه ناس سبحان الله كذا تخصص نكد و ما يبين في عينهم معروف ، و ليش اغث نفسي و أضيع عمري معهم ..

لا تعتبرينها دعوى للتحريض معاذ الله .. لأنك أنت عايشة الوضع و تدرين عنه أكثر مني

أنا فقط اقلك لو شفت إيجابيات العلاقة أكثر كملي و عين الله ترعاك .. و إلا أما حياة تسر الصديق و إما ممات يغيظ العدا و لا يكلف الله نفسا إلا وسعها


خاصة أنك ما زلت على البر و ما في ذرية و أولاد حتى نقلك اصبري

و أسأل الله لك التوفيق و السداد و إصلاح الحال و العفو و العافية و لجميع المسلمين

اللهم آمين

الجميع له الحق انه يفضفض
طلعوا كل اللي في صدوركم
بكره اجمل باذن الله

[QUOTE=نعنّاعه بتكبر;1330754] انتي ماذكرتي بالموضوع انك تعانين من مرض نفسي توي ادري من ردك هذا انك عندك رهاب واكتئاب

طيب انتي تعرفين وش السبب في عدم تحديد الزواج والا ماتعرفين

حبيبتي مشكوره على كل كلمة حلوه ودعوة ولك مثلها ❤
كلامك صحيح انا الشيء الوحيد اللي مخليني اتردد ان اخلاقه كويسه ومتغاضيه عن تصرف اهله معاي الله يكتب اللي فيه الخير.

وش اللي حدني ادخل الموقع غير اني نفسيتي تعبانه واكتئابي متذبذب مرات يختفي ومرات ارجع اخس من اول
لا مااعرف

ماتشوفين شر نفسيتك تعبانه اكيد عندك مشكله يبي لها حل وهي مشكلة تحديد الزواج وهالشي بيد خطيبك معروف عند الناس اذا انتي كلمتيه ولا عطاك جواب ولا لارد عليك انا اقولك هذا لعاب و كذاب جالس يتسلى فيك انا نصيحتي لك بالانفصال عنه وتفكين عمرك قولي لا بوك انا هالرجال مابيه ولا عاد اشوفه بحياتي مادام اهله متكبرين بعد وش ترجين منه وشلون تبي تعيشين عندهم لو تزوجتي امسحيه من حياتك مسح علشان تقدرين تعالجين نفسك بدون اي ضغوظ وترتاحين وتعيشي حياتك
ولاتخافين رايح يجيك نصيبك وانا اقولك هذا الرجال خطيبك انا مارتحت له ابد رايح يضيع حياتك على الفاضي تخلصي منه بدون تردد

شلون مخطوبة وعاقده قران ؟
واذا مملك عليك ليه قاعده في بيتكم سنين؟

انا ماقلت له ولا سألته وابوي ساكت مااعرف ليش دايماً اللي اعرفه تحديد الزواج بين الرجال عشان كذا ترددت اسأله بكره بإذن الله راح اتشجع واسأله إذا اعطاني جواب مو مقنع راح اخذ القرار اللي يريحني

عاقده قران بس لسى ماصار الزواج رسمياً وقاعده ببيتنا لان مااحددوا الزواج اللي هو الاشهار

يكفي الرد اللي فوق والله يكتب اللي فيه الخير

معقول ماقلت لي له ولكم سنين مخطوبين فعلاً الغريب في الموضوع انك ابوك ساكت طبعاً الرجال هم الي يحددون الزواج لكن انتي ليش ترددين اسئليه باسرع وقت وش تنتظرين خلاص انهي الموضوع هذي حياتك وانتي حره فيها

كل ما ضاقت عليك تأكدي بأن الفرج قريب بأذن الله

على مايبدو ان العريس اهله ماهم مساعدينه بالزواج
وهذا سبب التأخير الحل اللي بقى هو اني اطلع من حياته الله يعوضني

تراك بتتزوجين العريس ما تتزوجين اهله وانتي وش عليك من اهل العريس اذا انهم ما يبونك وهو يبيك ومتعلق فيك؟
واذا اهله ما ساعدوه تساعدو معه انتم وقللو المهر وتكاليف الزواج
واما اذا انه خواف ويخاف من اهله وشخصيته مهزوزه واهله يتحكمون فيه ويتدخلون في حياته الشخصية فهذا صراحة انسان ما ينوثق فيه ولا هو اصلا اهلا للثقة
اما اذا لاحظتي انه ماهو مهتم فيك ولا يحبك فاتركيه وعليك وعليه السلام وعيشي لوحدك احسنلك من عريس الغفلة

لاحول ولاقوة الا بالله

كيف وشلون ماعلي من اهله تخيل ان اهل العروس مايبونك غير تعافها نفس الشيء انا حاسه بالنبذ من اهله قسم بالله ماادري وش اسوي صعب اوصف شعوري ومااحد مهتم بالموضوع حالياً طابت نفسي

الاحساس يندرج يا اختي تحت الظن ..

وان بعض الظن اثم ..

لا تتخذي مواقف مسبقة دون اسباب واضحة ومقنعة ،، فتندمين حين لا ينفع الندم ..

وفقك الله في حياتك واسعدك ..

حلك بسيط جدا وقلته لك قبل
استخيري وتوكلي على ربك
ماراح تاخذين الا اللي ربي كاتبه لك

ونعم بالله

يا اختي انتي وش عليك من اهله اذا انهم ينبذونك ؟!
انتي في الاخير بتعيشين مع زوجك في بيت لوحدكم واهلك واهل زوجك مابيقعدون طول الوقت يطاردونك ابوه وامه اذا كبرو في السن او انهم كبار في السن بيودعون الحياة قبلكم اذا الله كتبلكم عمر
واخوانه واخواته بيتزوجون وبيعيشون حياتهم وبينسونكم ولاعاد بيجون يطاردونكم

وفي الاخير بتصفى عيشتكم لوحدكم انتم وعيالكم

وانا بالنسبة لي عادي حتى ولو اهل زوجتي مثلا ما يبوني طز فيهم اذا البنت تبيني وانا ابيها هذي حياتنا الشخصية والمفروض ما يتدخلون فيها اهلينا

اذا اهله مش هاضمينك هذي فيها صعوبه بعدين لكن عليك التحمل اذا انتي مصره على الاستمرار معه ضعي اسوأ الاحتمالات من اهله في بالك اذا انتي راح تصبرين عشانه ومتاكده انه ماراح يتغير عليك فيما بعد فااحزمي امرك معه والاستخاره قبل كل شي

لماذا لا تتجهين الى الطبيب النفسي؟
ان كنت لا ترغبين بالأدوية فأنصحك بالجلسات النفسية مع معالج نفسي، تتحدثين و تفضفضين له بمشاكلك و سيساعدك على صنع افكار ايجابية تفاؤلية و استراتجيات نفسية لمقاومة تلك الافكار السلبية.
يمكنك ايضا سماع و مشاهدة الفديوهات التي في نفس موضوع مشكلتك على اليوتيوب اكتبي اسم المشكلة و ابحثي عن اكثر الفديوهات مشاهدة لأنها غالبا الأكثر نجاحا و نفعا وابحثى عن فديوهات الايجابية و التفاؤل و الامل طبعا مستحسن ان تبحثين عن كتب تساعدك و تعلمك تقنيات مفيدة و فعالة.
ايضا بعد تحسين الصلة مع الله تعالى انصحك بممارسة الرياضة و ان تتابعي فديوهات و مسلسلات كوميدية .

مشكورين كل اللي ردوا
ربي اعلم بخنقة صدري وألمي على حالي يارب هون علي

شوفي أختي أنا عشت مثل تجربتك انخطبت و بقيت سنتين مخطوبة و هما كل مرة يماطلو و يقولو ما عندنا مصاري للزفاف و خطيبي احيانا كويس معي و احيانا يهجرني بلا سبب و تزوجت و مادام الزواج غير سنة وحدة و تطلقت و عندي طفلة ؛ صارو يتكبرو علي و بدهن ياني كون خدامة عليهم و اصرف عليهم و زوجي يقلل من شأني قدامهم و صارو يقدمو ملاحظات عني و اني كئيبة و منعزلة و كنت آكل الدوا خفية عنهم ؛ و الآن ندمت اني ما فسخت الخطوبة و كانت عندي اشارات أنهم مو ناس كويسين ؛ نصيحتي الك انتي لازم تكوني قوية و حازمة و لازم تعرفي ليش مأجلين الزواج و لا تخافي من العنوسة لأن العنوسة أهون من الطلاق ؛ و استخيري الله ؛ و الله يوفقك لما فيه الخير ..

هذا الشيء اللي خايفه منه ممطاله وبالنهايه الضرر علي
ترا انا نفسك مرات يقطعني فجأه وتعودت اصلاً
والمصيبه اهلي امري مايعني لهم مااعرف يمكن هذا إبتلاء