شخص فالثلاثين وشخص فالسبعين
 

شخص فالثلاثين منعزل حزين منكسر كسول خامل وماله خلق لعمل أو يفكر بالزواج وتفكيره سلبي 0دا

وعجوز فالسبعين مرح وسعيد وحركي واجتماعي ويشتغل ويذهب ويجي ويبي يتزوج 😳

؟؟؟؟؟؟؟؟؟؟؟🤔كيف كذا احد يفهمني الي قاعد تصير

الشخص المنعزل : لا يملك شيء من الدفاعات حتى يتدافع عن نفسه ضد الامراض النفسية ..

بس هو من يعزز استقرار المرض بأن يتحسر ويتذكر ويجدد آلامه ..

اما العجوز السبعين .. فلا يجلس لوحده حتى تهاجمه الهواجس والوساوس والامراض .. فليس

فارغا وجدانيا وبل مشغول حتى شوشته ..

الاختلاف بينهما : في التعاطي مع الحياة ..

هنا من يريدها ان تسير حسب ما يريد ، وهذا لن يحدث ..

وهناك من يتصالح معها ويتكيف لتحقيق ما يريد وهذا الناجح ..

والله اعلم ..

اخوي سر القلم هو منعزل موبكيفه مريض باكتئاب شديد هو لو بوده كان ماكان في هالوضع لاكن بسبب الاكتئاب يسلب منه كل شي ايجابي وياثر عالجسم والنشاط وكل شي معناه هو ليس السبب وليس هو اختار المرض

كلامك سليم استاذي صبري ..

لكن يستطيع ان يعاند ويكسر هذه القاعدة بالخروج والاختلاط بالاخرين ..

ومع تكرار الفعل تتولد عادة جديدة مفيدة تحل مكان الاولى ..

الان حديثي معك من خلال المنتدى ، كسر لعادة الانطواء وتشعر بتحسن من خلال التعامل معي بالحديث ..

والا لا ؟؟ #!

صح كلامك 👍
مشكلة البعض لايريد ان يتعامل الا مع اوضاع مثاليه
سواء في العمل الدراسه او في التعامل مع الناس
في هذه الدنيا هذا محال ..
يجب ان نتعايش ونتصف بالمرونه كما قلت

شكرا لك من الاعماق اختي .. على مشاركتنا رأيك وتفاعلك الايجابي ..

يارب يجعلني ايجابي مثلكم
استاذي مين الله يجزاك خير صبري حتا ماكمل دراسته هههههه المصاب جلل الموضوع ليس اختلاط الموضوع عله بالمزاج شي ماقدر اوصفه هبوط شديد بالمزاج وتعكر وضيقه بالصدر

والله إنه شي يقهر ويالم
اذا شاب بدايه عمره يتدمر وامانيه وأحلامه تنتهي وشايب مبسوط ويبي يتزوج ثانيه او ثالثه

تكفى يا اخي الكريم صبري .. لا تكن مكتوف الايدي ، وتحسد الناس على ما آتاهم الله ..

انت عندما تقول ظلم .. فأنت توجه الاتهام الى الله تعالى .. وما الله بظلام للعبيد ..

الله جل وعلا يقول : إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ - الرعد:11 ..

ابدأ بتغيير نفسك ، وسوف تجد الخير الكثير ..

اعرف ما تعانيه ،، وقد كنت مثلك 3 سنوات بالميت ،، ولم يتغير في شيء رغم تناول الدواء بانتظام ..

ولكن عندما بدأت اكسر رغباتي في الخروج والمشي والاختلاط .. بدأت أتغير للاحسن ..

حشاه سبحانه وتعالى عن الظلم اعدل العادلين
سر القلم كيف تتجاوز الاعراض الجسمانيه المميته مثل الدوخه والخوف والرجفه والهبوط ونفحات البرد والحر والكثير الكثير

عقلك اقتنع انها مميتة ،، فتبعه الجسم تصديقا له ..

الان جربي ..

امشي في بيتك 10 دقائق كاملة ،، وسبحي على اصابع ( سبحان الله وبحمده ) 100مرة ..

وتعالي هنا اسألك بعض الاسئلة ؟!

هل انت جاهزة للتحدي؟!

انا جاهزه بدخل معكم التمرين

الله يحييك استاذتي ..

ايه صح فيه شوية راحه لكن باقي فيه اعراض دوخه وعدم تركيز لان عندي قولون عصبي بالاضافه للاكتئاب والوسواس والهلع
والحمد لله على كل عطاياه

اعطي درجات من 10 ( في اجابة كل سؤال ) ؟

1- كيف كان توترك ؟

قبل التمرين : ، بعد التمرين :

2- كيف كان تشويش التفكير ؟

قبل التمرين : ، بعد التمرين :

3- هل سقطت على الارض ؟

نعم ، او لا ..

ان كانت الاجابة بـ لا : فلماذا : ..........................................

4- كيف كانت درجة الوسواس ؟

قبل التمرين : ، بعد التمرين :

تكفي هذه الاسئلة . (:

الختام ..

التمرين كان بسيط ..

اشغال العقل بالتسبيح ..

واشغال الجسم بالمشي ..

فتبين ان جميع منظومة نفسك صحيحة وليست معطلة ..

المهم .. لا تعطليها انت ..

انا مشيت ١٥ دقيقه طلعت من البيت بالسياره ونزلت عند الصيدليه ومشيت منها للسوبر ماركت ورجعت لمكان السياره استغرق اكثر من ١٠ دقايق كل ماداهمني الخوف وحسيت بدوار قلت هذا قلق نفسي كملي مافيك الا العافيه والحمدلله وكنت اسبح واسمي واستغفر .بارك الله فيك اخوي سر القلم بالفعل الهاء العقل من اقوى تمارين العلاج السلوكي واتبعته فتره وشفت نتيجه حلوه .
كمان من اساايب الهاء العقل انك تمسك ورقة شجر او ورده طبيعيه وتتحسس تفاصيلها الخشنه والناعمه .
كمان طريقة الالوان يعني لما تطلع من البيت تقرر انك تكتشف اليوم لون معين وتبحث عنه مثلا لون اصفر طول ما انت ماشي عينك تبحث عن اللون الاصفر سواء بلوحه اعلانيه او لوحة محل او ملابس طفل المهم ابحث عن اللون ولو كان لون صعب يكون احسن ..
ربي اشفي الجميع انت ارحم الرحمين

ما شاء الله .. تبارك الله ..

انت فعلا إنسانة مبدعة .. وافكارك مبتكرة ..

زادك الله علما ومكانة .. ومن عليك بالشفاء والعافية ..

آها ... لقد زرت الصيدلية ، فيس معصب ..

يعني ما عندك مشكلة مع الدواء .. كذلك فيس معصب بس مهو الاول واحد ثاني ..

اذا لماذا لا تتوكلين على الله وتأخذين دوائك ..

استاذي افهم انو انا سليمه !وان الاعراض الجسمانيه مهما كانت قويه مالها وجود..؟؟كذا قصدك؟؟

استاذي افهم اني سليمه!والاعراض الجسمانيه لاوجود لها ؟؟مجرد انشغل بشي تزول؟ وهل لو دربت نفسي على نفسي على كذا تتلاشى مع الايام ام مجرد حلم احلم فيه

تدري اخوي سر القلم ان هوايتي الصيدليات ماغير اشتري كريمات ومراهم لامهات صديقاتي المسنات واجهزه مريحه للرقبه وللارجل واقعد بالصيدليه ساعه تقريبا .
بقولك شي فيني الخوف من الدواء هو حاجز وهمي لازم اكسره واتجاوزه وللامانه خوفي مبني على ان الدواء النفسي one way صعب الرجوع منه صحيح يمكن اتعافى وارجع مثل اول واحسن ويمكن ادخل بمتاهات انا مو قدها .
بتقول ليش اخذتي الجانب السلبي وما اخذتي الجانب الايجابي بقولك هذا ما اسعى للتخلص منه الخوف والسلبيه اللي سببها لي القلق .
تشخيص الدكتور ان اكتئابي انفعالي ولو زالت بعض الامور يمكن ينتهي الاكتئاب .
قلت له في امور صحيح كنت اسعى لها واحبطني عدم الحصول عليها لكن الان نسيتها او ماتهمني قال انتي تقولي نسيتيها لكن عقلك ومشاعرك الى الان تنتظرها ولما تعمقت بنفسي لقيت انه صح .
ابشرك امس وقبل امس اخذت سركويل ٢٥ مل ونمت اخيرا نومه ريحت بدني . لكن يبقى الاهم هو البرنتلكس وفي طريقي ان شاء الله اني اكسر هالحاجز واخذه .. اشتقت لنفسي ولروحي القديمه المتفائله المرحه الاجتماعيه .

فيه شي مهم بقوله انا جدا متفائله ان كل شي بيعدي وبعد العسر يسر وعارفه ان بكره اجمل وراح اطلع من اللي انا فيه بحول الله وقوته وعندي يقين بهذا الشي .لكن متى وكيف ما اعرف لكن ماقول الا الله لايطول لي ولا لكم شده يارب

لاتبتئس يوم الثلاثاء اللي فات كنت عند الدكتور وكان اهم محور كلامنا هو الدوخه لانها تجيب وراها كل الاعراض القلق والخوف والرجفه وكل شي ويجي الخوف من السقوط وعدم السيطره والاغماء قال كم مره دختي وما اغمى عليك انتي تخافين من الفناء واللاوجود فكرت بكلامه صح فكرت ليه اخاف من الدوخه ؟ لاني اخاف افقد الوعي والحياه قلت طيب يمكن يكون براسي شي خطير قال الجمجمه حجمها صغير ماتتحمل ورم او تغيير لمده طويله الاعراض للمرض الخطير تظهر خلال اسابيع مو اشهر صحيح تطمنت شوي لكن اذا جت الدوخه اقلق مره ثانيه وان شاء الله احاول اطنش قد ماقدر .. سلامتك من كل شر

اختاي الفاضلتان :

لا تبتس ..

قطرات الندا ..

يقولون في المثل ، الشمس لا تحجب بغربال ، ومن خلال متابعتكما في المنتدى وردودكما ..

استطيع ان اقول وبكل اريحيه ..

انكما تملكان مهارات رائعة جدا في طريقة التفكير ومعالجة المشكلات ..

ولكن من التجربة ، أيضا اقول ..

قد لا تخرجان من عنق الزجاجة الا باستخدام الدواء المناسب ، والصبر عليه ، حتى يتأقلم جسمكما عليه ..

واسأل الله تعالى ان اكون مخطئا .. وان يمن عليكما بالصحة والعافية عاجلا غير آجل ..

امين اجمعين اخوي سر القلم .
الله يحفظك قد ماتعطينا دفعات معنويه .
ممكن سؤال اخوي سر : انت ايش كانت شكواك اصلا ؟ وهل مرت عليك اعراض شبيهه باعراضنا ؟ الدوخه فقط لو اتخلص منها راح انط نط الفرس لكنها تعيقني عن كل شي .. اليوم معزومه وقررت اروح اذا الله اراد وراح اتحدى الدوخه وربي بيكون معاي وبيقويني ويساعدني بحوله وقوته

انا اصبحت اسافر 100 كيلو في السياره على رغم اعراضي الجسديه ثقل شبه دايم بالراس واحس بحاله الحلم والضبابيه في الرؤيه شبه مستمره ومع السياقه احس تخف حاله الحلم والدوخه

والاعراض تخف شوي بس موجوده

كتمه ودوخه وثقل بالراس انواع النغزات بالصدر والجسم

ملرات احس بالاغماء والانهاك
انفاخات بالبطن والمعده والصدر احس مرات مليان هواء



ومع ذلك ظغطت على نفسي واصبحت اخرج

ممتاز يا ابو مسريييب ..

50% مما تشعر فيه مسببها واحد وهو القولون .. اضف الى خروج بالسيارة المشي 10 دقائق وزد الاوقت كل يوم 5دقائق .. سوف تختفي الـ 50%

وهي ( اتفاخات البطن ، المعدة ، النغزات في الصدر ، ضعف عضلات الصدر ، تعب الرقبة ، الدوخة تقل وتتحكم اكثر في نفسك ، ضيق التنفس ) ..

بقي الانهاك والتعب وهذا مع الاستمرار يقل تدريجيا وراح يأخذ على الاقل اسبوعين ثم تلاحظ الفرق ..

لا تستسلم انت صح الان ..

وانتقلت من نقطة السكون الى نقطة اخرى ،، ان تراجعت سوف تجتمع كل الاعراض مرة اخرى ..

وتبشرني ان شاء الله بسلامتك ..

ردود جميله شدنيَ العنوآن ..
بالمناسبة فعلا فآرق عجيب ومبكي بنفس الوقت
لكن أشعر من وجه نضري أن المنعزل يجبَ أن تكون عنده
موهبة بالغالبَ .. يعني الله لازم يعطيك شيء جميل حتى بعز
المعانآه .. عندي جدي الله يحفضه عمره تعدى التسعين
ومع ذالك دايم نشيط ومرح وطآقته أيجابية
مره قالي عمي خلك مثل جدك (مفهي) عشان تصير سعيد
هههه .. الله يسعدكم جميعآ..

استاذي احمد كل عام وانت بخير < اذكرك يااخي السنه ألي فاتت ذكرت انك توظفت وكنت تبحث عن مهذئ يساعدك ببداية العمل<< المهم طمنى اخي الكريم هل مارست العمل ! ومشت امورك او ماقدرت !

كل مابي اخلص حياتي شي داخلي يقولي اصبر شوي

ابو مسرييب هلا بك ..
ليه ماتسأل دكتورك عن دواء مفيد للقلق ؟ جرب يمكن ترتاح وانا متأكده انك بترتاح ان شاء الله بأمر الله .
انت اعراضك صارت نفسوجسديه وهي حقيقيه مش وهم لكن مالها سبب عضوي كلها من القلق وانت مستهون بالقلق تحسبه شوي تفكير ومزاج سيء لا القلق مرض بحد ذاته مقرف .
انا ضغطي مرتفع له اسبوع والدكتور عمل لي كل التحاليل وكل شي ممتاز بفضل الله قالي لازم تاخذي الدواء النفسي اللي وصفه لك الطبيب النفسي لأني ماراح اغير لك دواء الضغط الكلى عندك كويسه والدهون والاملاح والغده الدرقيه معناها الضغط مش عضوي الضغط بسبب القلق .. لو جربت ادويه نفسيه غيرها وغير دكتورك بدل تضييع الجهد والوقت حرام الايام تضيع بهالتعب بجد .
من كم سنه حصل لي نفس اعراضك كتمه وضيق تنفس وما اقدر اخذ نفس عميق واقعد اتثاوب لين ارتاح ولا انام وقلت فيني شي بالرئه وعملت اشعات وتحاليل ومن دكتور لدكتور الى ان وصفت لي وحده الله يجزاها خير دكتور استشاري باطني وتخصص امراض باطنيه ذات منشأ نفسي من اول ماحكيت معاه قال عندك قلق حاد وماصدقته قلت انا فيني بلاء احس بالاعراض كنها الموت واتذكر كنا برمضان المهم عطاني عشر حبات بكيس مدري وش اسمها وعطاني شريطين حبوب ثانيه اسمها موتيفال وقالي اشوفك بعد اسبوعين ولأني ماكنت اعرف الادويه النفسيه ماخفت منها كليتها واحسب اني من اول يوم بتحسن وماتحسنت بغيت ارميها واتصلت عليه ثاني يوم قلت له مانمت وخايفه ومعاي كتمه قالي استمري على الدواء وبالفعل بعد اسبوع بديت انتعش وشوي شوي اختفت كل الاعراض استعملت الموتيفال شهرين كل ماخلصت وصف لي غيرها وبعد شهرين سحبها صار يقولي خذي يوم بعد يوم وبعدين قلل عند اللزوم اما الحبوب الثانيه خلصت وخلاص ماكررها لي ومن بعدها وانا مرتاحه .
لكن الحين فيه انترنت وانا ملقوفه اقرا عن كل دواء عشان كذا اماطل وما اخذت الدواء مع اني متأكده انه سبب بأمر الله بيريحني .
التشخيص الصح والدكتور المتمكن هو المطلوب لك يابو مسرييب .
عسى ربي يرزقك الراحه والعافيه

اهلا أخي الغالي لحضة حلوة .. نعم مآرست العمل سنه فقط ..
والآن عآطل بإيجابيه أن هناك شيء ولو طآل سأصل له ..

مافهمتك لكن حرام تترك عملك لانه مع الوقت بيكون افضل علاج سلوكي