حالتي النفسية بعد اسبوع من ترك الدواء والاعتماد علي المكملات
 

دا الجدول اللي انا مشيت عليه خلال الاسبوع دا بعد ترك الدواء النفسي " سبرالكس "

1- حباية مالتي فيتامين فيتا مكس بلس يوم بعد يوم
2 - حباية فيتامين ب مركب يوم بعد يوم
3 - اوكستروبيل 600 مجم تلات مرات يوميا
4 - كولوفيرين A حباية قبل الاكل تلات مرات يوميا
5 - 5-Htp حباية 100 مجم بعد الفطار يوميا

حالتي النفسية جيدة مفيش انتكاسة زي اللي كانت بتحصلي كل مره لما اترك الدواء , اعراض انسحاب الدوا الوحيدة اللي حاسس بيها هي كهربا خفيفة عند الحركة المفاجأة
تركيزي زاد وحتي الرؤية عندي بقت اوضح , مبقتش عايز انام طول النهار زي ما كنت باخد الدوا , كنت بضطر اشرب قهوة اكتر من مره في اليوم علشان اظبط دماغي وافوق وبرضوا كنت ببقي مش مركز ,
دلوقت بصحي فايق ومش بحتاج اشرب قهوة رغم اني بشربها دلوقت تعود ومن بكره حقطعها لاني حاسس انها ملهاش لازمه خلاص ولو بطلتها حيبقي افضل .
انا بتمرن كل يوم كمال اجسام وبجري علي مشاية , دلوقت المجهود اللي ببزله في التمرين بقي الضعف وحاسس اني اعصابي جامدة , الاول كنت ببقي مش قادر ارفع الاوزان ومفيش اتزان في اللعب
كنت بعض علي سناني بسبب الدوا ودلوقت العض خف عن الاول وكنت بريل وانا نايم برضوا دلوقت قل ,دماغي اصفي من الاول , وقت الدوا كنت دايما حاسس بشد في الجزء الامامي من دماغي واغلب الوقت كنت ببقي قافل حواجي ومكشر , كان عندي تبلد ولامبالاة وقت الدوا , الوضع دلوقت اخف
نقدر نختصر ونقول ان كل الاعراض الجانبية للدوا بتخف مع الوقت وسلبيات ترك الدوا اقل والفضل للمكملات والادوية اللي باخدها
طيب هل في اعراض جانبية للادوية والمكملات ؟ مفيش اي حاجة ظهرت سلبية جديدة من استخدامي ليها بالعكس حاسس بفايدة وان كانت مش ممتازه ولكنها معقولة ومرضية بالنسبة ليه
هدفي من التجربة هو النجاح في الخروج من دائرة مرض الاكتئاب والهلع عن طريق علاج عضوي للمخ بدون اثار جانبية او ادمان وتعود واعراض انسحاب
كل اسبوع حكتب موضوع كدا اقول فيه التطور في الحالة

الله يتمم عليك شفائك يارب وتبشرنا بتغير الحال الى احسنه يارب .
القادم اجمل بحول الله وقوته

شكرا ليكي

الله يعافيك يارب و يديم عليك عافيته و رضاه

يا الله على كذا مرة كانت الاثار الجانبية للدواء كبيرة

اجل نوم و خمول مرة صعب للي عنده مسؤوليات

كنت ناوية اتناول بروزاك حسيت اني ترددت

شكرا ليكي

كنت بستخدم سبرالكس , نص حباية يوميا قبل النوم

السبرالكس كان كويس اوي في الهلع تقريبا مكنتش بجيبني اي حالة هلع وانا باخده , اما بالنسبة لمفعولة للاكتئاب فكنت بتحسن بنسبة 60 او 70 في المية
اسوء اعراض الادوية هي الخمول والتبلد والكسل والوهن

اما بالنسبة للضغط على الأسنان من كثر ما كان الفكان يصطكان ببعضهما ايام تناولي للبروزاك أثناء النوم حسيت انها تكاد تنسحق ، لدرجة تظل عظام الفكين توجعني طول النهار لغاية الصداع

غير الكلام و الهواش و احيان الصراخ اثناء النوم ، فضايح الله لا يعيدها من أيام

يوم استعرضتها الآن ترددت في العودة للعلاج

وش ذي الادوية النفسية اللي مثل المنية اذا انشبت اظفارها ألفيت كل تميمة لا تنفع ، ليش الواحد يضطر يرجع لها كل كم سنة


ابفهم ليش كذا ، مع ان المفروض الدواء النفسي يهدي الواحد و ما يخليه يصب ضغوطه على اسنانه و اعصابه


انا تاركة الحين العلاج النفسي حول ثلاث سنين و لكن القلق و الرهاب الاجتماعي ارهقني و منعني الخروج من المنزل لذلك اضطررت للتفكير بالرجوع للبروزاك الذي يعد أهون العلاجات النفسية

انا حشرح فوائد كل المكملات والفيتامينات اللي انا بخدها دي علشان اختصر علي الناس البحث
مالتي فيتامين دا طبعا بيعوض نقص الفيتامينات نتيجة الاكتئاب والحالة النفسية وبرضوا سوء التغذية وكمان بيزود النشاط وبيعلي التركيز
فيتامين ب المركب معروف علاقة هذا الفيتامين بالاكتئاب وانه بيقوي الاعصاب
اوكستروبيل بينشط خلايا المخ ويحسن من وصول الدم للمخ ويحسن من الناقلات العصبية ودا احنا محتاجينه لاننا عندنا مشكلة في النواقل العصبية المسئولة عن المزاج
كولوفيرين A للقولون العصبي واعراض التوتر والقلق
5-HTP حمض اميني لزيادة مادة السيرتونين واللي بيعاني مريض الاكتئاب من نقصها في المخ

نصحتي ليكي اقري واقري واقري وبعدين جربي , يعني تقري فوائد واضرار اي دوا وتقري استشارات وتجارب الناس وبعد كدا تجربي , وممكن تلاقي حاجة ترتاحي معاها بدون اعراض جانبية
للاسف انا ليه تجارب سيئة مع دكاتره نفسيين كتير علشان كدا قررت اقري قبل ما اخد الدوا واشوف اضراره قبل ما اخده , لان قليل النهاردة اللي عنده ضمير وبيخاف علي الناس , كل هم اغلب الدكاتره دلوقت هو الفلوس وبس مش صحة المرضي
طبعا في دكاتره محترمة بس للاسف بقي عمله صعبة في زمانا

الله يجزاك اخوي خير على الإفادة و أسأل الله أن ينفع بالمكملات و لا تحتاج للعودة للعلاج النفسي

أما بالنسبة للبروزاك يصنف من بين الادوية النفسية إنه أخف علاج من حيث الأعراض الجانبية الغير مرغوبة و مع ذلك العودة إلية تعد مجازفة

الله يعيننا جميعا و يبصرنا بما ينفعنا و يعين جميع المسلمين

بقالي كام يوم حالتي كويسه مفيش اي تعب والنهاردة زودت علي الادوية اندرال علشان انا ضغطي عالي وكمان بيساعد في تقليل اعراض القلق

انا توقفت منذ عشرة ايام احس بالام في بطني وتنميل في جسمي و اريد التخلص من الادوية نهائيا لانها سببت لي ضعف ذاكرة و تشويش و تبلد الاحساس

أخي هل هذه المكملات تستخدمها جميعها في يوم واحد !!

بصراحة انا معرفش انتي بتاخدي دوا ايه علشان اقدر احكم , انا بحكي تجربتي مع السبرالكس واعراض انسحابه , اما بخصوص ضعف الذاكرة والتشويش والتبلد فدي الاعراض الجانبية بتاعه ادوية الاكتئاب اللي برضوا كنت بحس بيها
اه طبعا كل يوم وفي مواعدها

هو شي جميل انك تركت الادويه السيئه
لاكن لازم تعمل تحليل ونشوف الناقص سوا فيتامين دال او ب والغده الدرقيه لان زيادت الفيتامينات تسبب مشكله طيب انت تركت الادويه بالتدرج ام على طول وهل حسيت بي اعراض وكيف وضعك الحالي مزاجيا افضل من يوم تاخذ ادويه

انا عملت تحاليل وعملت حاجات كتير وبعدين زيادة الفيتامينات او المكملات دي انا ححلها باني ابطل اسبوع او اسبوعين علشان جسمي يرتاح
بخصوص تركي للدواء فانا تركته مره واحده وبالنسبة لوضعي المزاجي فالوضع مقبول بالاضافة لاني احسن في التركيز وبنام كويس وبقوم فايق واغلب الاعراض الجانبية اللي كانت بتبقي مع الدوا خفت كتييييييييييير

ماهي مادة اوكستروبيل و كولوفيرين؟

اوكستروبيل يحتوى على البيراسيتام الذى يعمل بشكل انتقائى على الجهاز العصبى المركزى عن طريق اليات مختلفه.
البيراسيتام يحسن من وظيفه الناقلات العصبيه المسئوله عن الذاكره و التعلم .
البيراسيتام يزيد من نشاط خلايا المخ ولاسيما العجز.
البيراسيتام يحسن تدفق الدم الى المخ بدون ان يتسبب فى توسيع الاوعيه الدمويه كما انه تبين انه يساعد فى زياده استهلاك الاوكسجين فى خلايا المخ .

------------

كولوفيرين A وركز لان في اكتر من اصدار لكولوفيرين

ف النوع دا مادة كلورديازيبوكسيد Chlordiazepoxide هيا اللى بتصاحب الميبيفرين ودى بتكون الماده الرئيسيه ف دواء Librax.
والمادة دي بتهدي التوترات العصبيه ( ينتمى إلى مجموعةBenzodiazepines المهدئه )
النوع دا من الكولوفيرين بيستخدم ف اضطرابات الجهاز الهضمى المصحوب بالتوتر والقلق زى القرحه المعديه او قرحة الاثنى عشر والقولون العصبى.

وممكن تعمل بحث في جوجل وحتلاقي استشارات وتجارب ناس وكمان معلومات اكتر عن كل دواء او مكمل انا كاتبه

النهاردة انا اهدي وكل يوم بيزيد تركيزي عن قبل رغم اني حصلي مشكلة كبيرة جدا من كام يوم والمشكلة دي كانت اتكررت زمان وقت لما كنت باخد الدوا وكنت بنهار وبتعب نفسيا جدا وقتها, لكن الفترة اللي فاتت دي كنت مضايق بس ومكنش في اي انهيار او ازمة نفسية .
بالمناسبة انا بقالي كمان 4 ايام مبتمرنش كمال اجسام او حتي اي رياضة لاني كان عندي اصابة خفيفة والنهاردة حرجع للتمرين تاني
القهوة للاسف مقدرتش ابطلها بس خففتها بالحبهان لان الحبهان بيهدئ ويقلل من مفعول الكافيين اللي فيها

تم اضافة
خليط من الكركم والفلفل الاسود لجدولي اليومي
الكركم في ابحاث اثبتت انه بيجدد خلايا المخ والفلفل الاسود بيساعد علي الحصول علي كل فوائد الكركم

وتم تعلية جرعة اوكستروبيل لحباية مرتين كل ست ساعات مرتين فقط في اليوم
الاندرال بقي 80 ملجم كل ست ساعات مرتين في اليوم

اخي الحالم .. اسمح لي اقول لك بكل صراحة ..

انك تتلاعب على نفسك بأدوية وعلاجات غير منضبطة ،، والتي لن تجني منها غير الضرر عاجلا او آجلا ..

وكلي ثقة انها لن تفيدك وبمجرد مرور الوقت ستعود اسوأ مما كنت تتناول الأدوية النفسية ..

اتمنى ان اكون مخطئا .. واعتذر إن ازعجتك .. ولكن اردت ان اكون اخا ناصحا لك ..

شفاك الله وعافاك ..

هو حضرتك دكتور ؟
حضرتك عرفت منين ان الادوية والعلاجات دي غير منضبطه ؟
حضرتك عرفت منين انها حضرني عاجلا او اجلا ؟
حضرتك جبت ثقتك الكلية باني حالتي حتسوء منين ؟ هو حضرتك بتقري المستقبل ؟
حضرتك متصور انك كدا بتنصح !!! , يا اخي الفاضل بلاش تفتي بغير علم , لما اكون قاري نتائج ابحاث عن فوائد احماض امنية ومكملات من اكتر من مكان ولما اقري استشارات من دكاتره نفسيين بيمدحوا في ادوية بعينها وهما اعلم مني ومنك المفروض ارمي كلامهم في الزبالة واسمع كلامك اللي ملوش اي مدلول علمي !!!
رجاء شخصي بلاش تنصح حد تاني وفر نصايحك لنفسك

من شويه اختبرت قوة المكملات والادوية الغذائية في مواجهه موقف دايما كان بيسببلي ازمة هلع , هو الذهاب للحلاق , دايما كنت بتعب من زيارة الحلاق وبعد ما اخدت الدوا سبرالكس نوبة الهلع كانت ساعات متجيش وساعات تيجي قوية مره ومره تانية خفيفة , بس اوقات لما كنت ببطل الدوا كانت اكيد تجيني وتيجي قوية جدا , النهاردة رحت احلق وكنت متخوف وقلقان انها تجيني وخصوصا اني مبطل الدوا ومعتمد فقط علي المكملات والادوية البسيطة دي , وكانت المفاجئة ان كنت طبيعي جدا بل علي العكس كنت اجتماعي جدا وبضحك واندمجت مع الزبائن في المحل .

اعتذر لك اخي الكريم الحالم ..

فلا تسيء فهمي ،، ولن انصحك مرة اخرى ..

لان ما علي قد قلته وابرأت ذمتى ..

تمم الله عليك العافية ..

مع احترامي لكلامك يا سر القلم ... الحالم بغد أفضل قرر أن لا يخضع طول عمره لأدوية كيميائية لها من الأعراض الجانبية والأضرار على المستوى الطويل ما نعلمه جميعا
أوافقك في شغلة أنه المفروض ما يستمر على علاجات أو حتى فيتامينات لفترات طويلة قد تتسبب في الضرر ، لكن الرجل يبحث عن ضالته اللي ما قدرت أنت ولا أنا نتجاوز علاجاتنا عشان نبحث عنها
موجود كثير من المكملات اللي تختص بالصحة النفسية منها ما يساعد في افراز مادة مثل السيروتينين أو الدوبامين أو غيره هي أصلا افرازها قليل لدينا ، أو يساعد في تقوية أو زيادة النواقل العصبية

أنا أشجع أخي الحالم وأشد على يده و أقول له أنت أفضل مني على الأقل رحت تدور وتقرا خصوصا في المواقع الاجنبية اللي فيها تجارب على مستوى أضخم بكثير من عندنا
انا عندي رغبة في أني أبدأ في المكملات لكن بالتبادل يعني أكمل على منتج شهرين ثلاثة واذا ما نفع رحت للمنتج اللي بعده مثل 5htp و L-Tyrosine و gaba الين أوصل للمنتج اللي يخليني أعيش حياتي بشكل صحيح مثل العالم مو آخذ دوا ويخليني ربع انسان عايش ولاني بعايش

اشكرك اخي الكريم على ابداء رأيك برقي كشخصك الكريم ..

المسألة ليست لعبة .. حتى تجرب وانا اجرب ..

ابتعدت عن الادوية المقننة والتي استفيض حولها التجارب في المختبرات العلمية .. والنتيجة ..

ترك الدواء الطبي ،، والذهاب لحبوب ومكونات واستعمالها ليس لاغراضها التي من اجلها وضعت .. والتركيزات عالية وغير منضبطة .. ( يعني تركت حبوب الى حبوب اخرى )

بحجة اني لا اريد الدواء النفسي ..

كل ما يتم الان مجرد ايحاء نفسي .. سيأخذ وقتا لن يستمر طويلا .. ثم ينتكس وربما باضرار اضافية وهذا ما اخافه ولذا حذرته منه ..

الامر الاخر : الدواء النفسي لا يأسرك ان كنت تتعامل معه بعقل وبحكمة .. ولا تجعله محور حياتك وتتعلق به ..

فانا تارك للدواء النفسي ما يزيد عن السنتين تقريبا .. ولا احتاجه .. وبفضل من الله تعالى بخير وعافية ..

اتمنى ان تقرأ موضوعي هكذا شفيت بعد توفيق الله ..

وفقك الله أخي الحالم وتمم عليك فضله وعافيته ،،،

تحياتي ليك اخي الفاضل
الاخ تصور اني ممكن اخد مكملات او ادوية من غير ما كون قريت كتير عنها , انا بالذات لو دورت علي مشاركاتي حتشوف مشاركة حتلاقيني رفضت اخد دوا عطهوني اكبر دكتور في مصر في المرض النفسي لاني قريت ان الدوا دا بيعمل فشل كلوي رغم نجاح الدوا دا في معالجة الاكتئاب , طول عمري بفتح روشته الادوية واشوف الاعراض الجانبية للادوية ومش بكتفي بكدا بس لا بدور علي استشارات وتجارب الناس علي الدوا ودا لما يكون الدوا دا حاخده لفترة كبيرة .
وكمان كاتب هنا في مداخلة اني حبطل كل دا اسبوع او اسبوعين علشان جسمي يرتاح رغم ان باخد جرعات امنه تماما ممكن تتاخد لمدة كبيرة ولكن انا كاتب في الجدول اللي عاملة لنفسي اني حاخد كل المكملات والادوية دي شهر ونص وابطلها اسبوع او اسبوعين , وكاتب كمان ملحوظة في الجدول اللي عاملة اني كل فترة حروح اعمل تحليل وظائف كبد وكلي .
وبعدين الاخ بيقلك كل اللي بيحصلي دلوقت ايحاء نفسي
وهو الايحاء النفسي ممكن يخلي اعراض الانسحاب من الدوا محسش بيها , انا امبارح والنهاردة مفيش كهربا في جسمي خالص ومفيش دوخة ولا قلق وعصبية فظيعة , الايحاء ممكن يحسن حالة مريض بنسبة 40 في المية انما يشيل اعراض جسدية لانسحاب الدوا وكلنا عارفين اعراض الانسحاب القوية بتاعه الادوية دي
قوة تركيزي ورؤيتي اللي اصبحت اوضح دا ايحاء برضوا !!!
اللي حواليا اللي لحظوا تحسني برضوا ايحاء !!!
قوتي الجسدية اللي انا قلت اني قدرتي في تمارين كمال الاجسام اصبحت الضعف ومش بحس باجهاد دا برضوا ايحاء !!!
معقولة كل دا ايحاء !!!
وبعدين هو انا باخد دواء وهمي علشان يبقي ايحاء , الايحاء دا لما بتكون بتاخد دواء وهمي , انما انا باخد مكملات وادوية معروفة بتعمل ايه .
الانسان يا اخي اناني بطبعة وانا بخاف علي نفسي اووووووووووي , والاخ الفاضل دا مش حيخاف عليه اكتر من نفسي .
وانا مش بقول لحد يعمل زيي , انا بقول تجربتي وبكرر يا جماعة متخدوش حتي مني الادوية والمكملات وتاخدوها من غير ما تقروا , اقروا اقروا اقروا
تقبل مودتي

الف شكر علي تشجيعك

تم تغيير الفيتامين لنوع اخر لان الفيتامين غير موجود ولكن تقريبا نفس المكونات
اسم الفيتامين الجديد رويال فيت جي
رجعت لتمرينات كمال الاجسام تاني

ربي يوفقك و يتمم لك بالعافية

جميل جدا ابعدنا الله من الانتكاسات وتمم الله شفاءك

تسلمي يارب
تسلم يا اخي الفاضل

بقالي يومين في مشكلة كبيرة ولما اتكلم عن المشكلة مع الناس بتكلم بانفعال وعصبية شديدة معرفش بقي اعراض انسحاب ولا بسبب ان المشكلة كبيرة فعلا
انا حبيت اقول كل اللي انا حاسس بيه علشان ابقي صادق معاكم
كمان بقيت اتكلم كتير اوووووووووووووووووي , زي ما اكون كنت فاقد النطق ورجعلي صوتي تاني .
من يومين نزلت رحت لدكتور اسنان وكشفت وكنت قاعد مش قلقان ولا متوتر بالعكس مستقر تماما وكمان وانا ماشي في الشارع حسيت اني كنت ساجن نفسي والناس عايشه تحت وانا لازم انزل واعيش حياتي , كان احساس جميل جدا .

ماشاء الله تبارك الله ربي يديم عليك الاستقرار و الراحة

حاول انك ما تراقب نفسك أخونا حالم لأنك راح تدخل في متاهات انت في غني عنها

دام تركت العلاج النفسي الحمدلله خلك على المكملات و ربي يرعاك


بالنسبة للمكملات اللي جربتها وش تنصحني فيه كمدعم للبروزاك بحيث يسيطر على القلق الزايد في بداية تناول البروزاك لأني بصدد تناول عقار البروزاك في الفترة القادمة بعد الاستخارة بإذن الله

شكرا علي دعوتك واهتمامك
بالنسبة للمراقبة انا براقب حالتي علشان اشوف نتيجة المكملات معايا ولو بعد كام شهر لو لقيت الوضع بقي تمام مع المكملات حستمر علي المكملات بجدول محدد
موضوع اني انصحك بنوع مكمل او دواء دا صعب لازم تجربي بنفسك , يعني انا جربت اكتر من مكمل علشان القلق في اللي نفع معايا وفي اللي كان تأثيرة خفيف وفي اللي معملش اي حاجة معايا نهائي وعلي العكس بلاقي ناس المكملات اللي منفعتش معايا نفعت معاهم وكذلك الادوية .
وبعدين كل واحد فينا ليه حالة خالص
يعني انا مثلا اخترت دا "كولوفيرين A" لاني بعاني كمان من القولون العصبي وكمان اعراض الجانبية نادرة الحدوث وخفيفة ومش خطيرة وكمان لا يسبب ادمان
حاولي تقري في المواقع وهنا في المنتدي عن المكملات والادوية الاخف في الاعراض واللي متسببش تعود وشوف المناسب ليكي وجربي
تقبلي ودي

طمنّا يا بطل
هل سبق جربت l tyrosine ؟

للاسف المشكلة كانت كبيرة جدا واضطريت ارجع للدوا مؤقتا علشان اهدي , لكن تم حل المشكلة وحكمل تاني التجربة من بكره بس المره دي حاخد دوا واحد فقط
بيراسيتام 800 مرتين في اليوم دا طبعا بالاضافة لمالتي فيتامين مصري
tyrosine مجربتوش وغير موجود منه في مصر وللاسف المكملات دلوقت بتاخد وقت كبير في الجمرك علشان تدخل لو جبتها من بره مصر .

ياتري لسه بتدخل وياتري حالتك إيه دلوقتي ؟
أتمني إنك تكون بخير وصحة ..
تجربتك مثيرة جدآ للإهتمام وبتهيألي ممكن تكون أمل لناس كتير لو كنت كملت فيها ونجحت معاك ..
لو دخلت في أي يوم من الأيام وقدرت تقول للناس شئ مفيد هيكون لطف كبير منك
ربنا يسعدك

السلام عليكم
شباب انا جربت هذ رزمة اسمها رزمة السعادة اشتريتها من مشفى الحكمة وهي عن طريق الانترنت وموقعهم في فلسطين وهي عباره عن 8 علب وقيمتهم حول 1000 ريال للاسف انا اكتشفت ان الامر خدعه ولا تغير شي معي انا كنت متأمل وقلت ان شاء الله فعلا القى العلاج واريد الاستمرار فيه كونه طبيعي ولكن للاسف طلع كلام فارغ وتجاره اكثر من هي علاج