القهوة والانتكاسات
 

السلام عليكم ، يا جماعة حبيت انوه على موضوع مهم جدا ، انا بطبيعتي لا اشرب القهوة او المنبهات نهائيا لكن الفجر صحيت اليوم وشربت كوب قهوة بعد ساعة جتني انتكاسة قوية استمرت لمدة ساعات وشعرت بعودة الاعراض بشكل سيء جدا ، والسبب هو كوب القهوة الي شربته ، الحذر يا اخوان من المنبهات مثل الشاي والقهوة ومشروبات الطاقة لانها تسبب انتكاسات قوية حسب تجربتي ،،،، وانا قبل فترة قرأت رد لأحد الاخوة ان شرب الكافيين يسبب انتكاسات لكن ما توقعت انتكاسة بهالسرعه ،، وفعلا كلامه طلع صح ،،،،،،، وسلامتكم

هلا بك مستر نشمي سلامتك .
انا من تسعه شهور وقفت الشاي والقهوه خلاص من اول يوم هلع وقفت كل شي .. لان القهوه تعمل خفقان واصلا كنت مرعوبه وماني قادره اتحمل اعراض زياده .
تصدق صاحبتي لها عشرين سنه تستخدم سيروكسات وغيرته من سنتين الى فينيكس وتشرب قهوه بالهبل يمكن تسعه فناجين باليوم وعادي عندها .
انا وقفت الشاي والقهوه والبيتزا والمعجنات بشكل عام لاحظت لما اكل بيتزا يجيني غثيان و دوخه قلت بلاها .
حلو انك لاحظت ايش يتعبك عشان تتجنبه بالمرات الجايه بس لاتقلق انت لسا بأول اسابيع الدواء واللي فهمته يحصل هذا التذبذب .
ماتشوف شر ان شاء الله

انا الي لاحظته مريض الهلع ذو الاعراض الجسمانية يكون جسمه حساس جدا ، وافضل غذاء له بوجهة نظري الماء والاغذية الملينة والشوربات والابتعاد عن الاكلات الدسمة بشكل نهائي ... انتكاسة الفجر بسبب كاسة قهوة وانا متاكد الدواء ليس له علاقة .. وخلال هاليومين سأترك التدخين بشكل نهائي بإذن الله (دعواتك) ... صراحة الهلع معاناة لا يشعر بها الا من جربها وهي أشبه بالمصيبة حقيقتا عبارة عن براكين بداخل الشخص اما من الخارج للناظرين ؟؟ انسان طبيعي !!! و لكن ما يهون الامر أنه لن يصيبنا الا ما كتب الله لنا ...... وهذه المعاناه كفارة للذنوب بإذن الله .. فصبر جميل والله المستعان ..... للعلم انا وصلت لمرحلة البلادة يعني خلاص ما عاد تفرق معي الي يصير يصير وهالشي اعطاني جرأة انه ما اهتم لاي شيئ !! لي اكثر من خمس شهور وانا خايف من المجهول وما صار شيئ لي ؟؟ الى متى .. ... خيتو انتي ايش اخر اخبارك في تحسن ؟

نعم أنا قلتها بموضوعي

القهوة بالذات اذا كثرت منها
ترفع هرمونات التوتر والهلع والقلق
الادرينالين والكرتوزول


ومن تجربة وملاحظة شخصية

قسم بالله تكررت معاي كم مرة

اللي اذكرها زين 3 مرات

تناولت الكافيين بكميات كبيرة
وبعدها بفترة قليلة جتني النوبة

اخر مرة كنت نايم العصر
وصحيت بالليل
وتقهويت كم مرة
وكميات كبيرة

ورحت الدوام

وجتني بالخط النوبة
وعلى طول تذكرت القهوة

اشرب قهوة لكن بكميات قليلة
فنجالين ثلاثة باليوم عادي

والأفضل قطع المنبهات بالمرة

قهوة + شاهي + مشروبات غازية وطاقة

من جسم الى اخر يختلف الوضع ، انا شربت فنجان قهوة الفجر وانا اصلا من شهور طويلة ما شربت قهوة

من فنجان واحد فقط حسيت باقتراب حدوث النوبة

الافضل ترك المنبهات نهائياً مثل الشاي والقهوة ومشروبات الطاقة وغيرها ... لانها تزيد الوضع سوءاً .

صحيح الاجسام تصير حساسه جدا وبسرعه تتلخبط جسديا ومزاجيا توتر وخوف وقلق .
انا ابشرك الحمدلله فيه تحسن بالذات من ناحية الدوخه المقرفه خفت كثير بفضل الله صحيح تجي بس خفيفه جدا يارب لك الحمد والهلع انا خف عندي من قبل الدواء من ايام العلاج السلوكي تمر نوبات خفيفه لكن اتجاوزها بحول الله .
يعني تقييمي التحسن ٥٠ بالميه يارب لك الحمد والمنه والفضل .
عقبالك يارب وعقبال كل روح تتألم من مرض او حزن او خوف

الحمدلله رب العالمين ... الله يتمم الشفاء علينا ... وانا نفس الشي التحسن عندي جيد والدوخة خفت كثير عن اول لكن احيانا تصير لخبطه بالجسم مع تعب .. الواحد يتكركب . ان شاءالله شفائنا قريب .

بسألك هالدوخه هذي تحسيها غريبه ؟ يعني مو مثل الدوخه الي يعرفها الجميع؟ احس اشياء غريبه بأعلى راسي مع الدوخه مثل الهواء او التنميل باعلى الرأس واشياء ما اعرف اوصفها اصلا... ودائما وانا واقف بحس بالسقوط وكاني رح اوقع عالارض مثل شي يسحبني للاسفل رغم انه لا يحدث السقوط هو مجرد احساس فقط... وضعي مشابه لك؟؟

قسم بالله يامستر انك وصفت دوختي بالضبط مو زي الدوخه اللي كانت تجيني عابره زمان . دوخه غريبه ماعرف اوصفها للدكتور ابدا احيانا اقول اكيد في راسي شي مو معقول هذا قلق ابدا وبعدين مستمره تخف شوي وترجع وكل مره تجي باعراض غير وفجاه احس زي الصحن الدوار يلف يلف يلف بسرعه غريبه احس الحين الحين راح افقد الوعي واحيانا تجي مع نبض براسي وتزيد دقات قلبي .
ماتجيني وانا منسدحه كثير .. تجي اكثر لما اوقف كثير بالذات في سوبرماركت او اكون مع ناس صرت اتوتر مابغى اشوف احد واحيانا يجي معاها غثيان اعراض كثيره وغريبه ماني عارفه اوصفها ابد .. واذا خفت اعيش بخوف وحزن وكأني رجعت للصفر مهما اكون متحسنه وصار لها كم يوم ماجت بهالقوه اتفائل بس تجي انتكس نفسيا واحبط كثير .
الان خفت هالدوخه الغريبه صحيح تجي لكن اخف واملي بالله ثم هالدواء يشيلها تماما .
تدري انا قعدت سته شهور اعالج سلوكي ومتحمله كل شي بس خلاص وصلت لمرحلة اني مو قادره مع اني كنت رافضه الدواء تماما لكن استسلمت وكان احسن قرار اني اخذت الدواء بصراحه .والحمدلله اولا واخرا على كل شي .
تعرف انا انعزلت عن كل العالم بسبب هالدوخه الله لايوريها انسان .
اروح الدكتور يامستر اقوله يادكتور مو عارفه اوصف لك وش احس قالي القلق الحاد له اعراض كثيره ومتغيره دايما وغالبا المريض مايعرف يوصفها كلامه طمني نوعا ما بس لما ترجع الدوخه انسى وارجع احبط .
اتذكر مره كنت عنده وجتني الدوخه وقلت له يادكتور جتني جتني وهو ببرود يقول عادي مافيه شي قلت له يادكتور انا بيغمى علي قال ماراح يغمى عليك وحتى ماراح اقيس ضغطك لأن مافيم شي الا القلق تصدق راحت الدوخه لان الدكتور شتت افكاري وماخلاني اغذي الفكره .
بس بلحالي ماعرف اسيطر .
طولت عليك لكن حبيت اوصف بالتفصيل عشان ترتاح وتطمن اخوي

كانك توصفي حالي .. احيانا اقول مستحيل قلق في شي براسي وعقلي يروح لافكار غلط وابلش افكر بالامراض ،، بس الي يطمني كلام المجربين بالمنتدى مثلك ووالله اعتز بمعرفتك والحمدلله انه نطمن بعض ولولا فائدة الاخوة لبعضهم يمكن صابنا الجنون . تعرفي لو الهلع بدون دوخه واعراض جسمانية كان كل الموضوع بسيط بس صدقتي فعلا هالدوخه اللعينه الله لايوريها انسان هي سبب تعبي هلكتني الشهور الماضيه ،، تمر فترة اقول مافيني شي ترجع الدوخه تسببلي قلق وكركبه وارجع للدوامه من جديد..بس الحمدلله خفت كثير مع الدواء وان شاء الله بتزول تماما قرييا والحمدلله عكل حال

ان شاء الله مستر انها تنذكر وماعاد تشوفها ..
اللي تعبني اني كنت شخصيه مرحه اجتماعيه سعيده وفجأه انقلب حالي صرت منعزله تماما لكن الحمدلله .
نسيت اقولك على احد اعراضها تو تذكرت لما تبدا نوبة الدوخه احس بحراره شديده براسي واذني ووجهي واصير اعرق بس بايدي وجهي مايعرق وتصير رجولي من عند الركبه الى القدم ترجف كأنها مو قادره تشيلني .. هذي من الاعراض الجسديه اللي اتذكرها غير الاعراض النفسيه وقت النوبه ومابعد النوبه شي رهيب وقت النوبه احس اني غريبه عن هالعالم ومابغى اسمع اي صوت واحس بشعور غريب ماعرف اوصفه كأني بعالم اخر وبعد ماتعدي النوبه يجي الحزن والاحباط الشديد وارجع اترقب النوبه القادمه .
صحيح المنتدى له ايجابيات كثير الله يبارك بالقائمين عليه ويبارك بالاعضاء نحس انهم قريبين جدا وكأنهم اخوان لنا الله يشفينا ويشفيهم اجمعين يارب

نسيت شي احيانا احس بحركه براسي شي يتحرك او يطقطق واسمع صوت كأنه بسكوت يتكسر ..واحيانا الم بمؤخرة الراس من جهه وحده وشد قوي في عضلات الرقبه الخلفيه واحيانا ثقل بالعين والحواجب كأني نعسانه بس مافيني نوم واحيانا كأنه فيه كائن يسبح براسي

كل ماتذكرت شي راح اكتبه هنا .. احيانا كمان تجيني كأني في قارب وكأني وسط موج وتتقفل اذاني كأني بطياره واحيانا اسمع صوت باذني مو طنين لا زي الصوت اللي نسمعه بالحديقه بالليل .. عملت كل الاشعات والفحوصات على الاذن والراس ويارب لك الحمد كل شي سليم .
اكثر وقت تجيني هالدوخه لما يكون فيه ازعاج واصوات ناس كثير تتكلم مع بعض بنفس الوقت اصاب بضجيج مزعج .
كمان اول ما اصحى من النوم واصلي واقعد تبدا باعراضها المقرفه

بخصوص الاذن عندي الاذن اليمين والله احيانا اسمع صوت فيها قلت اكيد الدوخة من الاذن الوسطى (بضحك على نفسي) ههههه ورحت لدكتور اذنين وقال لي سليم

انا وقت كانت تجيني النوبه في البدايات قبل ما اتعمق بموضوع الهلع قلت خلاص بموت الان والارض ماكانت تشيلني من الخوف وضيق نفس وجفاااف بالفم وكرة بالحلق وما اقدر امشي غير القلب الي يدق مثل الماكينه ... ياربي شعور لايوريه لحد فعلا انها نوبه حقيره ووقتها صابني وسواس الموت صار تفكير الموت بعقلي 24 ساعه

وغيرها وغيرها من الامور...البداية كانت صعبه جدا...

صحيح اخي مستر نشمي المنبهات تزيد اعراض القلق وتسبب خفقان قوي
انا من وقت انتكست لم اعد اشرب الشاي ولا القهوة ابدااا لكن تاتيني الدوخة الغريبة تماما كما وصفتها وقد احسنت الوصف

يارب اشفينا جميعا فعلا الدوخه من ابشع اعراض القلق والهلع لكن الله سبحانه كريم ورحيم

الله يشفيكم

بعد البحث لمدة 5 سنوات
عن علاج لهذا المرض
تواصلت مع معالج
يعالج الدوخة والصداع
ويقول اعالج القلق والتوتر
عن طريق العمود الفقري
ويقول كثير تشافوا من الدوخة عنده
وشفت مقاطع فيديو
لناس يحكون تجاربهم
وكيف استفادوا

إن شاء الله بروح له هاليومين
واكتب لكم التجربة

مابي اكتب الموضوع
قبل ما اجرب واشوف النتائج بنفسي

أي معروف الكافيين خصوصا القهوة أو النسكافيه يزود القلق والهلع والتوتر

صحيح انا نفس الشي دوختي غريبه مو زي الدوخه العاديه احسها زي الخمول وراسي فيه تنميل والنظر يخف سبحان الله شي غريب

طيب السؤال الحين اذا شربت قهوه وحصلت معي نوبه هلع وش المشكله النوبه صحيح مؤديه لكن غير ضاره والشي الثاني افضل طريقه للتعايش معها هو تجربت النوبه وليس تجنبها هذي وجهت نظري ونا اكثر واحد عاندت النوبه صحيح تعب جسدي وكثرت الاعراض بس ابي اشوف وش نهايتها طلع لا شي لكن بالنهايه كل شخص لازم يعرف امكانياته وقدراته والله يعين الهلع عرفته من 9 سنوات وبالنهايه لم يحصل لي شي مجرد اوهام مدمره والله يشفي الجميع

القهوه تزيد الخفقان للي عندهم قابليه للخفقان وطبعا حنا يااصحاب الهلع عندنا فعشان كذا البعض تجيهم النوبه انا الحمدلله القهوه ماتاثر علي ابدا من ناحية النوبه او النفسيه بالعكس احسها تحسن مزاجي

ابو الهلع المشكله مو في النوبه المشكله في اعراض مابعد النوبه شي مقرف خوف وترقب ومزاج هابط جدا ورعشه في الجسم واخس اني مو على بعض تستمر ساعات واحيانا ايام

صحيح الاعراض مزعجه انا الرعشه الي كانت تجيني من قوها احسبها هبوط بالسكر لكن بعد فتره تخف بس الي اقصده انه شي مو خطير ولازم نتعايش معاه مهما صار

من تجربة القهوة تسبب نوبات هلع وتزيد القلق النفسي والتوتر سأتوقف عنها

ابو الهلع رضينا والا مارضينا متعايشين غصب هههههههه ادري نو خطيره بس تقلب حياتي فوق تحت تزعجني وتنكد علي الحمدلله على كل حال

لي يومين تارك التدخين وبعدت عن الاكلات الدسمه وامشي نصف ساعه والنفسيه اصبح فيها تحسن ملحوظ الحمدلله وهذا دليل انه في امور كثيره تزيد التوتر مثل القهوة والتدخين وغيرها من الامور بعض الناس يستهينوا بها لذلك يجب تجنبها للحصول على نتيجة شفاء أفضل ،،،، دعواتكم بالثبات

من احسن لاحسن مستر نشمي الله يفرحك بعافيتك وراحة بالك .. والله ثم والله مافي اجمل من العافيه بهالدنيا لا اموال الدنيا ولا اكثر متع الحياه تغني عن الصحه .. بجد اذا صحة الانسان ممتازه راح يستمتع بأي شي وبكل شي ومجرد مايتعب الدنيا كلها بعينه ماتسوى شي

ايه والله ... كلام صحيح 100%
ما فائدة الدنيا وما فيها والصحة غير موجوده .
اسأل الله ان لا يحرم الصحه أحد والله إنها نعمه عظيمه لايشعر بقيمتها الا من فقدها ،،، الحمدلله..الحمدلله..الحمدلله

البلاء من الكافيين أنا حتى حبوب الصداع اكسترا لوشربت حبتين من أجل الصداع بعدها أحس بقلق وضيق بالصدر ونبض القلب غير منتظم والسبب احتوائها على الكافيين مثل القهوة وبقية المنبهات

صدقت انا بنادول نايت وشراب السعال واي دواء فيه نسبة منوم مايناسبني ابدا

ﺍﻟﺮﺍﺣﺔ ﺍﻟﺤﻘﻴﻘﻴﺔ ﻫﻲ ﺃﻥ ﺗﻘﻮﻝ ﺍﻟﺤﻤﺪﻟﻠﻪ ﻋﻠﻰ ﻛﻞ ﺷﻲﺀ ﻭﺭﻏﻢ ﻛﻞ ﺷﻲ ﻳﺤﺼﻞ ﻣﻌﻚ ﻗﺪ ﻻ ﺍﻋﺮﻓﻪ
ﻭﻟﻜﻦ ﺍﻋﺮﻑ ﺗﻤﺎﻣﺂ ﺍﻥ ﺍﻟﻠﻪ ﻳﺤﺒﻚ ﻟﺬﻟﻚ ﺍﺑﺘﻼﻙ
ﻓﺄﺑﺘﻠﻰ ﻗﺒﻠﻨﺎ ﺍﻟﺼﺤﺎﺑﻪ ﻭﺍﻟﺼﺎﻟﺤﻴﻦ
ﻭﺍﻻﻧﺒﻴﺎﺀ ﻣﻨﻬﻢ ﺳﻴﺪﻧﺎ ﺍﻳﻮﺏ ﺍﺑﺘﻼﺀﻩ 18 ﺳﻨﻪ ﻭﺳﻴﺪﻧﺎ ﻳﻮﻧﺲ
ﻓﻜﻠﻪ ﻓﻲ ﻣﻴﺰﺍﻥ ﺣﺴﻨﺎﺗﻜﻢ
ﻓﻼ ﺗﺸﻐﻞ ﻧﻔﺴﻚ ﺑﺎﻟﺪﻧﻴﺎ ﺍﺑﺘﺴﻢ ﻓﻜﻞ ﺷﻲﺀ ﻣﻜﺘﻮﺏ ﻟﻚ ﺳﺘﻠﻘﺎﻩ ﺍﻥ ﺷﺂﺀ ﺃﻟﻠﻪ ﺧﻴﺮ
#واثق_بنفسي

شربت كوب اكسبريسو هاد المساء.. و السعاعة الان العاشرة صباحا لم انم بعد.. جدا متوتر و قلق
آخرة مرة اشربها آآآخر مرة

فعلا ، الشاي هو اللي جاب لي نوبات الهلع

انا كنت اعاني سنوات طويله من موضوع الخفقان بالقلب بسبب المعده والقولون العصبي تزيدها القهوه والمنبهات ولمن اخذت اوديتي البروزاك والأندرال قلت كثيرا