بشفى وبساعد غيري على الشفاء "مهم"
 

السلام عليكم ورحمة الله
هذي اول مشاركة لي وانا دخلت اهني لافيد واستفيد ان شاء الله
بعد معاناة من التعب و الاكتئاب والهللع و الوسواس القهري بجميع أنواعه و السوداوية الكبيرة
توصلت مع دكتوري النفسي الي يعالجني سلوكي (لاني ارفض الأدوية تماما)
ان عندي جرثومة المعدة بنسبة مرتفعة
كنت ابحث وايد عشان القى سبب وقبل سويت تحاليل شاملة(بس ماتشمل جرثومة المعدة) و ماطلع معاي شي غير ان الحديد قاصر
الحين ابتديت العلاج مضادات وادوية متعبة نوعاً ما و لكن هذي بداية الطريق
انصح أي واحد يسوي هالتحليل و اذا طلع معاه جرثومة يكتب لأفيده بالنصائح الي فادتني
الله لازم يشوفنا نسعى عشان يعطينا .. الفرج مايجي بإنتظار بدون فعل

يارب تشافيكم كلكم و يبعد عنكم الحزن و يرزقكم السعادة ويهديكم للسبب الحقيقي وراء المرض النفسي البشع 🙏🏻💙

جرثومة المعده ماله علاقه بالمرض النفسي ابد

رعد القلوب للأسف ان كلامك غلط انا اتكلم من بعد بحث متواصل لمقالات اجنبية ودراسات و جهد مني بمساعدة دكتوري النفسي (والدكاترة النفسيين نادر مايعزون السبب لمرض عضوي) .. انا شفت عضو كان اهني اسمه "ربي يحبك" تقدر ترجع لكلامه بالتفصيل وهو الهمني ايضاً ربي يوفقه وين مايكون ...

انا بعون كل واحد محتاج يتكلم .. الجرثومة مو سبب وحيد ولكنها مجموعة اسباب .. اي أحد يبي يضيف شي حياه .. الله يشفي الجميع 🙏🏻

صعبه جدا جرثومه المعده امي تعبتها نفسيا النوم ما تتهنى فيه و الادويه حقتها صعبه عليها مره دوبنا اكتشفنا هالشي عندها صعبه مره لما تجي لكبار السن القولون على طول منفوخ و مصدعه المعده بيت الداء اي اذى يلحق بها يأثر على نفسيه الانسان شي طبيعي الانسان كتله وحده مترابطه .
ممكن تكتبي لي اسماء الادويه اللي اعطاك هي الدكتور و هل شفيتي من هذه الجرثومه الحمدلله و في خلال قد ايش تختفي ؟

عارفه تجيها اعراض زي النزله المعويه و خمول و خاطرها متكدر و تحس عدم اتزان زي الدوخه حتى وهي نايمه و عدم رغبه للاكل و عدم رغبه للخروج غير الكوابيس حقيقي متعبه هالجرثومه لي كم يوم اقرأ عنها الله يشفيك و يشفي امي و يشفي كل مريض يارب .

الله يشفيك أختي , أنصحك بالاستغفار وعدم زيادة التوتر النفسي على نفسك وتدارس الخواطر والأسباب

لا حول ولا قوة الا بالله العلي العظيم.... اللهم شافي كل مريض يا رب

حبيبتي ماعلى أميمتج شر بإذن الله تتعافى ... انا الادوية بداية اول كورس فيمكن ماتكون مناسبة للوالدة ..غالبا الجرثومة ادويتها مضادات معروفة و معظم الدكاترة يكتبونها للمرضى .. لكن في شي أهم من الدواء نفسه .. انا عن نفسي متبعة حمية غذائية خاصة جداً وانا ايضا اشكي من زمن من القولون بس كنت اتجاهله .. فتخيلي ان الجرثومة مع قولون شسوي بجسم الانسان؟ 💔

مثل ماقلتي المعدة بيت الداء .. لازم الحين تتبع حمية صارمة .. تبتعد ابتعاد تام عن السكر و الدهن و الخبز واي نوع من مشتقات القمح لانها غالبا تحتوي على غلوتين وهو بروتين معرقل للعملية الهضمية .. اذا فيها قوة تمشي كل يوم لو نص ساعة هذا يسرع عملية الشفاء لان اثر المشي وايد قوي على الجهاز الهضمي ... شرب ماء كافي خلال اليوم لترين زين .. عسل المانوكا على الريج انا توني خذيته و استخدمته حطيت قفشة بماء فاتر وشربت الماي وعقبها بساعة اقدر آكل ..

هذا الي حضرني الحين واذا في أي سؤال انا حاضرة .. الله يشفيها يارب ويرد عافيتها وصحتها 💙💙

اعرف هالشعور زين .. كل الاعراض المتعبة تجي مع الجرثومة اللعينة .. انا سببت لي وسواس هلكني بالاضافة لكل هالاعراض والكوابيس و الفزع الحمدلله على كل حال ... انا الحين كملت اسبوع من العلاج .. وانا مدة علاجي شهر تقريبا عشان ارد اخذ فحص

ولكن اذا راحت الجرثومة وارد جداً تواصل الاعراض .. لان الجرثومة خصوصا اذا كان لها مدة ومصاحب لذلك القولون معناته الجهاز الهضمي بحاجة لشفاء كأنه يحتاج ترميم و حمية غذائية لمعالجة التقرحات و الالتهابات .. هذي الاشياء يبيلها صبر وتوكل على رب العالمين

يارب تشافي كل مريض 🙏🏻

يارب عزيزتي اللهم آمين
امي متجنبه مشتقات الالبان كلها و الدهون
مسكينه كل شوي تفتح مقاطع و تسمع كلام الدكاتره عن الجرثومه المضادات قويه عليها لو نامت و راح موعد الدوا لو بساعه تتوجع و القولون ينتفخ عندها ربي يكون في عونكم و يشفيكم و يعافيكم
انتبهي تراها معديه تنتقل عن طريق اللعاب اغسلي الادوات اللي تاكلي بها و عقميها بعد استخدامها .

هلا بكم جميع

كان المفروض منك أختي نور روح تذكرين العلاج الكيمائي لكي يكمل الموضوع و تبعثين الأمل في المرضى القرحة و القولون

الله يقويك و يشفيك

بكم سعر عسل المانوكا و أي ماركة تنصحين فيه


الغاليه خلود أنتي تقولينها ؟! أيهم المعدي القرحة أو القولون و الا كلهم :(

الله يشفي أميمتك و يعينها و يقويها

اهلين يا عالي
جرثومه المعده ممكن تنتقل من شخص لشخص عن طريق اللعاب
الله يكفينا و اياكم و يشفي كل مريض يارب

الفحص يكون بعد 3 اشهر عزيزتي الله يحفظك و اللي تاعب قولونك هي الجرثومه انتبهي من كثره شرب العسل لان الجرثومه تعمل سكر كذاب تأثر بصفه عامه على كل شي يبغالك تشربي منقوع ورق الزيتون او القرفه عشان تعملي موازنه هذول الاثنين يخفضوا السكر بالدم و بإذن الله تروح عندك و عند امي الله يشفيكم و يعافيكم يارب .

اذا ما عندك ضغط اشربي زنجبيل و كلي ملعقه كمون قبل الوجبات بيريح قولونك ان شاء الله .

لا تفتح مقاطع لأحد أي كان ... مو كل دكتور يطلع يقول كلام معناته صحيح والاعراض تختلف من شخص لشخص .. واحيان السماع لهم يضيع لان كل دكتور يتكلم شكل غير والواحد نفسيته بالارض ويتأثر بأي شي فالأحسن ماتسمع لهم الله يعافيها🙏🏻
الحين اهي تاخذ مضاد ولا للحين ماخذت؟
بس على حسب علمي ان الجرثومة موجودة بمعظم الناس نسبتها لازم ما تتجاوز 0.8
فاذا كانت النسبة اكثر اهني المشكلة تكون الجرثومة نشطة ... فشلون تكون معدية اذا اجسامنا فيها اوردي نسبة من الجراثيم؟

أهلا فيك أخوي .. ماعرفت الدوا الكيميائي أي واحد ؟ دواء الجرثومة ؟
عسل المانوكا ماركة NZ الي مكتوب عليه 15+ ..
تقريبا خذيته ب ١٦ دينار بحريني ١٦٠ ريال سعودي ..

اامعدة والقولون مايعدي بس الجرثومة احتمال تعدي والله أعلم ..

دمت بخير 🌷

بس هذا العسل غير تركيبته وقوامه بالاضافة للحاصية الي فيه القضاء على الجراثيم وبحثت عنه لان ماخذ خطوة الا انأكد من الي بسويه و ان شاء الله يجعل فيه الشفاء

شكراً حبيبتي بجرب بعد الزنجبيل مثل ماقلتي .. الله يمن علينا بالشفاء العاجل ❤

كل الدكاتره اللي راحت لهم يقولوا معدي وصوها تنظف الله يكرمك حمامها كويس و كمان الادوات اللي تاكل او تشرب بها
للوقايه و سلامه من في البيت والله اعلم هي تاخذ مضاد و دوا ثاني يحد من نمو البكتيريا بس والله احسهم ثقيلين عليها ولو تاخرت شوي عنهم تتعب طوال اليوم الله يفرجها عليها و على كل مريض .

دوبي قرأت كمان مغلي الشبت و الشاي الاخضر و البطاطس المسلوقه و اكل التوت البري هذه الاشياء ممتازه
جربي اخلطي المستكه المطحونه مع الزبادي قليل الدسم
و طمنينا عليك من وقت للثاني الف سلامه عليك .

عيل بتحذر الله يكفي الجميع شر هذا البلاء 😭

انا حالياً مقاطعة الزبادي وكل انواع الحليب و الأجبان واسبدلتهم بحليب نباتي حليب جوز الهند او حليب اللوز وايد اخف وارحم من حليب البقر .. وعشان لازم يكون عندي بكتيريا نافعة فانا خذيت لي كبسولات معظم الاخصائيين في هالفترة ينصحون فيها

شكراً لج حبيبتي .. ان شاء الله بعد هالتعب اشفى حاليا احس روحي مو بالدنيا واحس بغربة لكن الله كريم يفرجها علينا و يشفي مرضى المسلمين 🙏🏻

الزبادي حبيبتي فيه خمائر مفيد جدا جدا للمعده و القولون اسمعي كلامي قبل الوجبه اخلطي ملعقه صغيره مستكه مطحونه مع ملعقتين كبيره زبادي قليل الدسم لو عندكم اكتيفيا ممتاز للقولون و كلي الخلطه هذه و بعدها ملعقه كمون صغيره كليها مع شوي مويه قبل وجبتك حتحسي بالفرق ان شاء الله البكتيريا النافعه اعرفها كويس حلوه للناس اللي عندها امساك تمشي لهم القولون الزبادي فيه بكتيريا نافعه بس خذي قليل الدسم .

الله يفرجها عليك و يطمنا عليك يارب انا اختك هنا وقت تحبي تكتبي لي حياك ربي 🌹

حبيبة قلبي والله❤ ان شاء الله بجرب.. دكتوري النفسي ايضا وصاني بالروب قال لي اكلي روب بلدي احسن .. بجرب طريقتج ويارب تنفع .. ماقصرتي الله يرزقج كل خير ❤❤

السلام عليكم ورحمة الله
سبحان الله اخواني كل شي يصير يدل على ان الجرثومة لها علاقة وطيدة بالاكتئاب
انا الصبح كليت اكل يبدو انه ملوث و مادريت الا لاحقا رغم حذري الشديد
لكن شسوى فيني؟؟؟
نفسيتي بالارض و رجعت الأفكار السوداء بقوة و كره للحياة مجدداً
وانا ما كنت رابطة موضوع الاكل الي كليته الصبح بمزاجي ... كنت احسب ان انا منتكسة بدون سبب
ولكن راجعت وضعي وصحتي شفت الم المعدة مصاحب لنوبة اكتئاب بشعة 😖
ولكن الحمدلله على كل حال الله يشفينا و يهدينا للطريق الصح الي نعرف اسباب مرضنا اللهم امين .. للي يقرون دمتم بخير ونصيحة (فلينظر الإنسان إلى طعامه) صدق الله العلي العظيم

المعدة هي الدماغ الثاني بدون شك وأنا عندي جرثومة معدة وبنسبة عالية بعد واخذت مضاد ثلاثي ورباعي وباقي ما فحصتها بعد الرباعي ، وأكيد إنها بتعكر صفو المزاج خصوصا وأنها تزيد الحموضة بشكل رهيب وأنا أخشى بحكم أنها تتخبى من الحمض بالحفر في جدار المعدة إنها تنهش في العصب العاشر أو الحائر الي يمتد من الدماغ وينتهي بالأمعاء ويمر بالقلب والرئتين وأشياء كثيرة ، وأنا مشخصين عندي أن العصب العاشر مستثار ، لكن أشوف صعبة كل شي يرمى على هالجرثومة اللعينة ولكن ما يمنع أن الواحد يكافحها لحد ما يتأكد أنه قصى عليها .

اختي انا نفس الشي بدات معاي نوبه خوف من بعد حموضه والتهاب معده وجرثومه وقولون بس معرف صراحه منها القلق وتوتر وخوف انتي كيفك ذحين اش شوستس

انا كنت اقول ان جرثومة المعدة هي السبب تبين ان الحاله النفسيه تثير جرثومة المعدة انا اخذت المضادات لمدة ٣ شهور وباقي فيني الهلع

اختي طمنينا اش سويتي انا كلمت عطار في المدينه مشهور وقالي نفس. كلامك مع اني ذحين اتعالج نفسيا قالي اتركي الادويه وتمشين على اعشاب وبإذن الله تتعافين

الأعضاء تؤثر على النفسية خصوصا القولون لكن بحدود أيضا .. والأفضل تكون تشخيص من دكتور مختص والله يكتب لك الشفاء يارب