طرائف الهلع
 

السلام عليكم اخواني وخواتي المهلوعين بووووم 🤣ياخوافين
اليوم فكرة الموضوع جديدة نغير جو ونضحك كل واحد يقول لنا موقف صارله طريف او يفشل بسب الهلع هههههههه كلنا نجيب العيد وقت الهلع اذكر واحد الله يذكره بالخير جته النوبه عند الحلاق طلع ونص راسه محلق والنص الثاني شعر ههههههه كمل تحليق بالبيت
انا طبعاً خبرة 17 سنة هلع يعني انواع المواقف بس انتظركم نغير جو وننسى الخوف شوي




الله يشفينا ويكتب اجرنا

ذكرتني بموقف يالله جبت فيه العيد بس الضحيه كان زوجي هههههه جتني النوبه وانا في مبنى مول في تركيا وحسيت بالدوخه وكاني بطيح شافني زوجي قال وشفيك قلت الارض تهز قال زلزااااال ويجري جري وانا مثلت انه زلزال قلت هيا نطلع لايطيح المول ويوم طلعنا الشارع سال الامن قال المبني اهتز قالو يتهيأ لك وانا ساااكته هههههه وبس كانت فجعه

الله يسعدك تخيلتكم 😂😂😂

عسى دوم الضحكة

ربي يديم علينا وياكم السرور و الطمانينة و الامن و الامان

امين يارب الله يرزقنا السكينة والطمأنينة نورتي عيون ❤

بعطيكم موقف مره عيد الفطر ببيت جدي ينفس الحي طبعاً دخلت وسلمت وجلست وهووووب نوبة لبست عبايتي ورحت مشي لبيتنا ههههههه والناس يدوروني قلت بنام بس بعايدكم اول خسارة التكشخ هههههههه

انا مرة كنت سايق وصاحبي معي بالسياره فجاه جتني النوبه
خلال لحظات خليت صاحبي ينزل من السياره وانا هربت للبيت
كنت بسوي مليون حادث لولا ستر الله
المهم صاحبي ما يدري ايش السالفه
عاساس نسهر ومخططين لوناسه
للان ما يدري ليش انا هربت 😂

ياروح مابعدك روح 😂😂😂

وربي نفس موقفي يوم كان عمري 14 كانت الكوفيره تزيني فيه مناسبه وكنت صغيره حطت كحل في عيني اليمين وتجيني النوبه طبعا احسبه الموت واحط رجلي 😂😂😂😂😂😂واطلع على اللي في الصاله عين مكحوله وعين لا 😫😫😫وبعد ماهديت رجعت فوق للكوافيره وكملت 💔💔

ويسعدك ياااارب☺

تلاقينهم يحسبونها حركة جديدة 😂😂😂
الله يسعدك

😫😫😂😂

مرة جتني بالمسجد وانا اصلي اللي جنبي يعرفني مع الرعشة والنفضة كتفي اليمين صقع فيه قام يردها ليا 😅😂😂😂
والله مانسى دا الموقف أستغفر الله العظيم

احلى موقف 😂😂😂
يحسبك رايق وتستهبل مايدري عن الهلع وسواياه😂😂

ههههههه 😁 إي والله مادري إني توترت وانقلبت الصلاة خوف 😱 وقلق ولخبطة أستغفر الله وأنتظر متى تخلص الصلاة بس يبقى الموقف مخفف القلق تجاه الفكرة 😂الحمد لله عدت على خير 🌹

وين الباقي

راااائعه فكرتك ام زوز
انا مع الهلع ما صرت اكل عايشه على المغذيات
وملو اهلي من كثر ما يودوني للطوارئ المهم مثلت انه بيغمى علي
ولبسوني شبب جدتي ورحت للطوارئ المهم كل المسعفين يكلمون أقرب مستوصف رجاء الاستعداد يوجد امرأه مسنه تحتاج للطورائ المهم خلصت واخذت الي ابي ورجعت شوي اطل في رجلي واشوف الشبشب والله ضحكت ضحك من قلب كنت احتاجه ومن زمان عنه قلت وياربي واقول وش فيهم يقولون امرأه مسنه عرفت السبب 😂😂😂

والله عد واغلط انواع الهلع والخوف ومواقف كثيره خلال 13 سنه

مره كنت احلق بحلاق وجاني الخوف هجم علي وابي الحلاق يحلق بسرعه استغرب مني قال وش فيك قلت بطني يوجعني مره اخلص علي قال اصبر شوي وخلصنا الحمدلله المره الثانيه الحلاق قلت جاتني دوخه بسرعه قال وش فيك قلت انخفض علي السكر لازم تخلص وانواع التصريفات مره مرض سكر مرض بطن وكلها بالحلاق وكرهته خلاص شريت لي مكينه وصرت افضل حلاق بالعالم ..

صحيح سؤال هو ليه الهلع بيجي عن الحلاق , انا كمان اشتريت مكنة وبحلق في البيت بسبب الهلع اللي بيجيني كل ما اروح احلق

عاد نا فعلا بطني تعورني لمن تجيني نوبه الهلع أصلا أحس أنو نوبه هلعي كلها في بطني
أههخ مرا كانت قريبه جدا ورايحين للبحر لسى ما طلعنا من الحاره وأقول لزوجي بطني توجعني رجعني البيت
إلا ما رضي وربي عيوني دموع في السياره وفعلا أحتجت للحمام ومعدتي صارت تقربع وأنخلطت الأمعاء مع الخوف
وكوييييس لقينا حمامات وكانت أسوء طلعه بحر كان عندي أمل أنها تكون كويسه ويخف عندي الخوف من الخروج من البيت
وَ مرات افتح شباك السياره عشان أتنفس ويهدأ الخوف شويا .
ومرات ألخبط بالكلام يصير كل شيء يقوله اللي قدامي صح لأن مخي ما يكون مركز أصلا .

نوبه الهلع تزداد في الحلاق والصلاه لانك تكون فيها مسترخي وهادي
انا جتني اليوم بالحلاق احس اني بموت احس قلبي بيوقف لازم اقوم اروح
لطبيب او البيت لكن تمالكت نفسي واخذت نفس عميق وجلس الحلاق يشغلني وش تبي هنا وهنا ، ولما اسافر بالسياره لحالي .

اطرف موقف مر علي بعد ما اكلت اكل حار جاني خمول شديد مع وسوسه وهلع رحت للطبيب يفحص قال خذ مغذي عادي وابره بطن حق التسمم المهم خلص المغذي رجعت للدكتور قلت مافيه شي تغير قال رح نام بس هههههههههه والدكتور الثاني قال لصديقي وده عند شيخ يقرا عليه

انا جتني وانا بالرياض على طريق الملك فهد وقفت بنص الشارع واذكر اني حاولت استفرغ

حسبنا الله ونعم الوكيل اشك انه شيطان رجيم يلعب فينا ولكن عليكم بالرقيه والله ان تجعله يخنس ويخرج صاغرا رغم انفه

الله يسعدكم ويقلع هالهلع عنا بانتظار الباقين

اذكر انا مره جتني نوبه هلع قويه وكنت في مكان بعيد عن البيت نص ساعه بالسياره
ونفس المكان في مستشفى
حاولت اطلع من المكان للبيت قامت النبضات ترتفع لين عدت 160 نبضه والجسم يرجف والرجول تخدر موقادر ادوس بنزين والايد ترجف
واحس بدوخه وضيق بالنفس لفيت بسرعه واروح صوب المستشفى واوقف بالبركنج وتبدى النبضات تخف والوضع يستقر

المشكله من احرك برجع البيت ترتفع النبضات وترجع الحاله من اوقف بساحة المستشفى تزول

وتميت ساعتين واقف بساحة المستشفى ماني عارف شسوي لين راح الخوف كله وادوس مسرع للبيت النص ساعه صارت كانها اسبوع ولما وصلت البيت اول ماوقفت عند البيت تزول الاعراض والوضع تقول كذاب ماكان في شي والامور عادت طبيعي

قعدت اضحك واستغفرلله من هالمرض كان في شي يسيطر على جسمك ويتحكم فيه تفقد انت السيطره الله يشافينا ويعافينا

يارب عافي الجميع
أنا خبرة 16 سنةً ولولا حبوب سيروكسات كان الله العالم إيش ممكن يصير لي
المشكلة انها تجيني وقت النوم يعني أقوم مفجوعة واتجه فورا للدردشة افتحها
ما ادري وين اروح ولا إيش تفكيري ساعتها

الله يرحمني برحمته

ههههههههه نفس الحالة اعيش فيها منذ سنين كلما تشتد علي نوبة الهلع و ما اقدر اسيطر عليها بالبيت آخذ السيارة و اروح المسعجلات مجرد ما اصل للساحة تروح هههه صار لي مرة وصلت للساحة و بقيت في السيارة ما راحت نزلت من السيارة و رحت قرب باب المدخل علشن تخف و ان ما خفت ادخل هههه و انا قرب الباب و الساعة 3 صبح و في كامرات مراقبة و ناس تنظر الي علشان ما يظنو شي هزيت التلفون و اعمل نفسي اني اكلم احد اصدقائي داخل المستعجلات حتى تخف الحالة و اعود للبيت هههه و الله الحكاية صارت لي اكثر من مرة

ههههه موضوع جيد هههه
و الله صارت لي حالات كثيرة مضحكة
حالة تتكرر كثيرا لما تشتد الهلع و ضيق التنفس و ما اقدر اسيطر آخذ سيارتي و اروح مستعجلات و هذا دائما يجيني و انا نايم في الليل لما اصل لساحة موقف السيارات الحالة تخف و اعود للبيت و احيانا لما تشتد ا نزل ا اروح قرب الباب حتى تزول الحالة و الهلع
اتذكر يوم كان في برد قارس و تعرف يكن جليد و صقيع ينزل على السيارة ب الليل و ياخذ وقت كي تزيله من على الزجاج الامامي هههه و الله اصبحت مثل يوزاين بولت قمت بالركض حتى المستشفى و كامرات المراقبة لو يشوفوني يقولو هذ يسرق و لا كيف هههههه و صلت للمستعجلات راح الهلع و رجعت للبيت هههههه
لكن منذ يومين جاتني نوبة قويه رحت للمستعجلات وصلت للباب ما خفت و قررت الدخول و ما عدت اقدر اتنفس قلت للمرضة بسرعة ادخلوني انا بموت و لاناس تشوف فيا و ارفع صوتي بسرعة و ابغي اهرب و ما اعرف فين ادخلوني للغرفة و بسرعة قامو بقياس الصغط و التنفس و كالعادة كل شيء عادي و عدت للبيت هههههه
لكن عندي سؤال ؟ كيف تحسو في ضيق التنفس انا هوا الوحيد لي يهلكني احس اني ما تنفس و اني ساختنق و احساس غريب

الله يشفيكم يارب ويشفي جميع مرضى المسلمين

مالنا الا الله فهو الشافي ,علينا بالصدقه وان شاءالله نتشافا