مفزوعة الكل يدخل بليز ):
 

السلام عليكم
والله اكتب لكم وانا ارجف

توني صحيت من النوم من حلم مفزع جداً
طبعاً انا معاي وسواس الموت و قلت هانت لان لي مدة الحمد لله قادرة عليه
فقلت انتهى خلاص

خايفه خايفه من الحلم لدرجة ودي اقولو بس اخاف !

عقليا بسمع صوت يقول هذا مو حلم هذا رويا لانو انتي خلااص الوسواس انتهى من عندك

والله احتاج اقول الحلم ):

طبعا من اول ما صحيت و قلبي يوجعني

احس جد مافي اي احد حلم نفس حلمي عشان كذا ابغى اقول بما في معناه بس لسه خايفه

والله اني كنت احضر لاختبار دراسات عليا الحين عقليا مافي نتيجة ليش اذاكر خلاااص

و احسني في نفس الوقت خاايفه بس جدا متبلدة كيف كذا ؟
مو فاهمه احساسي ابداً

مو رؤيا هذا من الشيطان ليحزنك انفثي عن يسارك ثلاث وانتهى الموضوع ماحد يعرف يومه لا بحلم ولاغيره

قاله اشرف الخلق صلى الله عليه وسلم
قوله : ((الرؤيا من الله، والحلم من الشيطان؛ فإذا رأى أحدكم شيئاً يكرهه؛ فلينفث عن يساره ثلاث مرات إذا استيقظ، وليتعوذ بالله من شرها، فإنها لن تضره)).

وعليكم السلام ورحمة الله وبركاته
لابأس عليك يا اختي شدي حيلك وإصبري وأحتسبي كلنا والله بنحلم احلام مفزعة 😢 ونصبر بس تأكد وأعملي بكلام الأخت ام زوز فإنها لن تضرك إن شاء الله ولاتقولي الحلم تعوذي بالله منه وانسيه وأمضي بحياتك الله يوفقك

والله عملت بنفس الي قالتو اختي ام زوز اول ما قمت بس لسه خايفه
لان اول مرة احلم حلم كذا

نصيحه تجاهليه انا اعاني من وسواس الموت ومبهذلني لكن اتجاهله لان الوسواس يتعب المخ وكذاب

اليوم رحت المستشفى علشان اسوي عمليه قال لازم تسوي تخطيط قلب لان ضرباتها غير طبيعيه والله رحت سويت تخطيط وانا مرتاح ولاشايل هم عادي

في الاخير طلع بسبب قلق الوسواس الي يحاول يخيفني

انا اعاني من الوسواس 13 سنه تخيلي اققعد استمعله اني راح اموت 13 سنه بالله هذا يعقل تجاهلي مافيك الا العافيه صدقيني

والله يا اخ عبد الله
انا احس من وقت ما وعيت على الدنيا و هوا معاي
طبعا يروح و يجي باشكال
و من 5 سنوات و معاي وسواس موت

كل مرة بقول غير و بصدق و ما يصير شي ...

بس هذا الحلم غير عن الي قبلهم كليا

اقسم بجلال الله وبذمتي

مافيك الا العافيه

تجاهلي الوسواس |

الله يسعدك

قاعدة احاول بكل قدرتي ان اتجاهلو بس انت مجرب و تعرف قد ايش
هوا متعب و مخيف لابعد حد

فعلا متعب ومخيف وكذاب يريد اشغال بني ادم عن طاعاته

لكن هل انتي تجتمعين مع اهلك ام معزوله

هل تستخدمين ادويه وماهي

كنت استخدم قبل كم سنه و الدكتور بنفسووقفو
و اختفت نوباات الهلع الحمد لله

بس الوساوس ترجع لي دايما
اجتمع دائما بس عقلي مو معاهم ابدا خصوصا مع الاحلام

ماشاءالله كويس

للعلم انتي بتعاني من قلق عام

اذا تريدين نصيحه روحي لدكتور نفسي علشان يصرفلك علاج كويس وراح تتغيرين 100 درجه

انا استخدم العلاج ولله الحمد ساعدني كثير صرت احب الخرجات والاجتماعات واحب اروح للعمل مبسوط

وبديت اصلي ولو مقصر بس العلاج غيرني كثير الحمدالله

والله انا اكثر شي اخاف منو الاحلام
لانو دائماً تجيني تواريخ و اعوام

هل ممكن اتخلص منها لان جد خايفه منها بمجرد اخذ الدواء ؟

ياحبيبتي الوسواس ايش شغلته غير انه يوسوس لك
ويوهمك ويدخل عليك في الاحلام حتى في النوم مايتركك لحالك
اهدي انتي بخير ماراح يضرك شي الا ربي كاتبه ومقدره لك
قولي الحمدلله وتعوذي منه
فكري بنفسك طول هالسنوات هل تحقق شي من اللي هو وسوسه لك؟
طيب طول هالسنوات عايشه ومقيده نفسك بالتفكير والخوف
طنشييييييه نصيحه لانك اذا قعدتي تفكرين بكلامه ماراح تخلصين منه وبيزيد حياتك سوء

كلامك صح والله

بس هالمرة يقولي غير خصوصا انو الوقت الي حددو لي هالمرة بعد سنوات

هذا الي بيفجر راسي انو بنتظر كل هالوقت وربي ببكي

و كمان قبل ما انام كنت بفكر بالموت بس مو عني

عن بابا لانو تعبان ، بس جا ع اساس عني ):

يعني بالله هو عالم الغيب ?
هو بيده الحياه والموت?
اعطاكي تاريخ بعيييد عشان تعيشي في خوف طول السنوات الجايه
ريحي نفسك واعصابك لاتخافين ولاتفكري بشي
وتفسري الامور بسوء
عيشي حياتك بتفائل صدقيني ترتاحين بس طنشي
تلاقينه فرحان ومبسوط انه خلاكي تصدقيه وتخافين وتقلقين
انتي اقهريه واقلبي الطاوله عليه وقولي له ماني خايفه منك ياعدو

الله يشفيه ويرفع عنه ويخليه لكم يارب

والله كلامك صح و بعمله ساعات كثير

بس بيجيني بكل الطرق انو غير و غير ، كل مرة بقول خلااص ماراح اوبع في كلامه و اقناعاته يفاجاني بشي اقوى و اقوى وربي احس بتجنن.

نوبات الهلع راحت و بقي الوساوس الي ظنيت انو انتهيت منه

بس هالمرة جاني على شكل كوابيس

حبيبتي ماحد يدري عن يومه هذا بعلم الغيب والمعجزات انتهت بانتهاء الأنبياء عليهم السلام وغير هالكلام تخاريف ووسوسة شيطان بس

يارب امين

استعيني بالاذكار صباحا ومساءا
خلي علي لسانك اعوذ بالله من الشيطان
حطي امام عينك انه ( لن يصيبنا الا ماكتبه الله لنا)
هو يتفنن لك بيطلع لك في كل مره شكل جديد الين ماتتعبي وتستوعبي وتنسين يدور طريقه ثانيه يلاحقك ماراح يتركك
جاهدي الين مايضعف ويتركك باذن الله
خليكي قويه لاتضعفين

الله يعوض عليك ويشفيك اخي 13 سنه وانت تعاني

اللهم امين يام محمد

نعم 13 سنه اعاني من الوسواس

بعد العلاج الحمدالله رجعت بخير ولله الحمد وتوظفت وامارس يومي عادي واختلط واتعرف على الناس ووظيفتي تبعد عني 90 كيلو اروح واجي زي الفل

واسف على التاخير بالرد كنت منوم بالمستشفى عملت عمليه

الف سلامه عليك اخي

الله بيعين هاد وسواس من الشيطان
بس ممكن سؤال كيف ابتدأ معك الوسواس...