سؤال لأهل الخبره الطويله
 

مساء الخير للجميع
طبعا استخدم دواء نفسي من سبعة اشهر التحسن كان واضح وممتاز .. اليوم حسيت بدوخه خفيفه وانا منسدحه ماخوفتني قد ماضيقت صدري لانها ذكرتني بأيام التعب قبل اخذ الدواء .
سؤالي هل هذا تذبذب او عارض عادي ويروح ؟ والا شي جديد ؟ وهل فيه منكم من تحسن وبعدين شعر بدوخه حتى بعد التحسن ؟
المشكله الوقت متأخر وعيب اسال الدكتور الان برساله .
انتو ماتقصرون الله يشفينا ويشفيكم جميعا يارب

شكرا مساهم الله يعطيك العافيه يارب

انا خبرة ١٥ سنة
وش هالدواء اولا؟

الدواء برنتلكس ١٠ مل حبه وحده باليوم

الخزرجي الف شكر اخوي
اليوم عندي موعد مع الدكتور وراح اناقشه برفع الجرعه وان شاء الله خير .
لاني سألته قبل عن رفع الجرعه قالي نسبة تحسنك ممتازه وانتي على جرعه بسيطه وهذا مؤشر كويس خلينا عليه وبشوف اليوم .
شكرا الله يجزاك خير

هذا طبيعي جدا جدا
لا خوف عليكم ولا انتم تحزنون باذن الله
يمكن حسب خبرة 15سنة رفعةالجرعة ل 20ملجم مع استخدام زانكس لأنه عند رفع اي مضاد اكتئاب يحصل قلق وتوتر وهلع ما الله به عليم . ويمكن والاسلم الإبقاء علي 10ملجم وتخطي هذي المرحلة المؤقته بزانكس نصف ملجم.. طبعا اي علاج لابد من التواصل مع الطبيب وان يوافق عليه لمصلحتكم

اهلا وسهلا الخزرجي وفضفضه
اليوم كان موعدي مع الدكتور واستشرته برفع الجرعه وقالي صحيح البرنتلكس للقلق جرعة ٢٠ هي المناسبه ولكني افضل بوسبار على رفع جرعة برنتلكس .
قالي البوسبار تستخدميه ثلاثه شهور لحد مانتجاوز القلق ونوقفه وانا عموما طلبت بوسبار من مصر .
اخي فضفضه انا ابدا ماحب الزاناكس تعطيني شعور سيء هي والفاليوم اتذكر زمان كنت بشوي عملية ليزك بعيوني ولاحظ الدكتور توتري واعطاني فاليوم ابدا ماحبيته والمره الثانيه كنت راجعه من مصر واخاف من الطياره واعطاني دكتور الاوتيل زاناكس كان مقرف واحس اني امشي امشي على الغيم او امشي على اسفنج و دايخه هالشعور ماحبه ابدا يرعبني ويضايقني .
انا راح انتظر بوسبار يوصل واجربه وان شاء الله خير .
شكرا اخوي فضفضه وشكرا اخوي الخزرجي لاعدمناكم وما استغني عن نصايحكم و أهم شي طمنتوني ان الدوخه تحصل عادي حتى بعد الشفاء الله يجزاكم خير ويوفقكم

وش هالتفاهة تخافين من مجرد دوخة عابرة!

البائس لك من اسمك نصيب ماراح ارد عليك

افا قطرات سلامتك من كل شر وانا اختك ياعمري انت ان شاء الله إني بدعيلك ابشري😢 بس لا تقلقين ولا تعبين نفسك

يا من حطيتي في قلبي قطرات مو قطرات الا امطار من الهدوء بكلامك المريح الله يرفع قدرك ويسعدك سعادة تنسين كل الم ومر مريتي فيه انه على كل شي قدير ♥️♥️♥️

واي شي تحتاجينه و انا اختك قولي لي اي شي تامرين أمر

حبيبتي مبتلاه الله يسعد قلبك ويشفيك
ادري ماراح تقصرين والله .
ابشرك احسن بس لاحظت اننا بعد ماجربنا نوبات الهلع صرنا حساسين بزياده اي عارض نحس فيه يقلقنا واشوا ان امس موعدي مع الدكتور وسألته عن الدوخه قال طنشيها يقولي انا تجيني دوخه لاي سبب ممكن احتقان بالجيوب او التهاب بسيط لكن لاتكبرينها بافكارك وهو صادق احنا الخوف نرجع لايام التعب هو اللي موترنا .
بشريني عنك كيف صرتي ؟

يا حبيلك يا قطرات والله انك قطرات ندا على قلب لكل من يسال ويقلق من عارض يمر عليه جزاك الله خير و جعله في موزاين حسناتك والله يا قطرات ان الاعراض زي الشد القوي فالراس والدوخه الي كاني اطيح من مكان عالي خفت الحمدالله ونغزات وتنمل في اليدين والرجلين مع ثقل والنبضات والكتمممه والحرارة الي فالصدر مع ثقل فالكتف باقي فيني هاذي تبدع فيني مع اني استخدم السيروكسات ٢٠ ملغ لي شهر صح النبضات خفت للامانه بس جتني اليوم رجفه بغى يطلع قلبي من فمي 😂 وجتك قطرات كذا صعوبه فالبلع كذا زي الكهرب زي احد خانقك ما ادري كيف اوصفها لك 😂

ولله يا قطرات اني اطنش واصبر واتحمل ولا اقلق نفسي ومرتااااحه الحمدلله بس باقي فيني الي ذكرته لك

متعايشه مع الوضع ولا ابي ابدا اغير العلاج لاني غيرت كثير وخلاااااص يكفي السيروسكات مع الرقيه الين ريي يفرجها

ما شاء الله ما شاء الله دكتورك رائع جدا

تقدرين تعطيني رقمه او تسالينه عني عن الي قلته لك لان لو تدخلين في ملتقى نوبات الهلع شوفي الاخوان صح ما قصرو بس شوفي كلامهم عن السيروكسات 😢

لا تظني ظن السوء فردي ليس فيه شتيمة ولا مسبة والدوخة فعلا شي تافه ما ينحاف منه واللهم آمنا يوم الفزع الأكبر

مبتلاه انا كنت ايام الهلع فجأه ابي ابلع ريقي وكن ريقي وقف ماقدر اسوي عملية البلع اقعد افرفر وفجأه اطمر من مكاني وقلبي يدق بسرعه .
ابشري بسأله بس ترى اعراضك كلها مريت فيها واسوء منها لكن الحين عرفت انها وهم .
صاحبتي تستخدم سيروكسات وعانت في البدايه بالذات الترجيع فجأه ترجع وتقعد ترجف والله العظيم السنه اللي فاتت شلتها للمستشفى الفجر قلت بتموت صارت زي الخرقه ولما دخلنا الطوارئ قلبها تخطيطه سليم والضغط طبيعي والسكر طبيعي قال الدكتور مافيها ولا شي وهي تبكي تقول بموت قام سوالها تحليل دم وعطاها ابرة فيتامين بي وقالها هذا مهديء وهو يكذب وفجأه اسفهلت وقالت ايييه ارتحت الحمدلله وراحت اللوعه والخوف يالله نروح البيت هههههههه
ولليوم ماعلمتها انها ابرة فيتامين بس شوفي العقل الباطن والافكار السلبيه وش تسوي .
الحين ماشاء الله عليها تطامر ومعد تقعد بالبيت تقول كنت ميته وحييت .
بتصيرين احسن واحسن حبيبتي ترى الشهر مره فتره قصيره على نتايج اي دواء نفسي .
الارقام ممنوع تداولها بالمنتدى والا كان عطيتك رقم الدكتور من عيوني .
بس ان شاء الله ماتحتاجينه

تدرين قطرات الذهب ان سالفة صديقتك مريت فيها دكتور الطوارئ مل من وجهي قال بعطيك مهدئ وهو مغذي وقمت واسفهليت 😂 ولا كان فيني شي بس الي مرينا فيه موب شوي والله بس الله يجعلها رفعه لنا فالدراين وتسلم عيونك والله يحفظك بحفظه المتين اسلوبك لا قوة إلا بالله ان دل دل على انك انسانه راقيه ورائعه بكل المقايس والله ما اقولها مجامله ولا رد جميل ولكن شهادة حق الله يسعدك يا قطرات الذهب صدق ابو نجلاء

حبيبة عيوني مبتلاه اي جميل اللي يسعدلي قلبك مافيه جميل عشان تردينه ابد .. تدرين اني اذا قدرت اساعد احد بهالمنتدى الانساني شعوري انكم متفضلين علي بجميل كبير ماتعرفين قد ايش المشاركه الوجدانيه والشعور بما يشعر غيرك وشعورك انتي لما احد يشعر فيك وباللي تحسينه قد ايش عظيم هالشي .
انا لي سنه بالمنتدى استفدت كثير كثير كثير وفهمت اشياء كثير مع ان تخصصي علم نفس لكن لايمكن يشعر اي انسان بشيء الا لما يجربه .
حبيبتي انتي الراقيه والبشوشه والنفس الحلوه الله يسعدك ويشفيك ووتذكري هالايام تضحكي عليها 💐

حبيبتي قطرات امنتك الله انك اذا جيتي الرياض تزوريني واتعرف عليك وتشرفيني ابيك توعديني 🌹♥️

ابشري من عيوني حبيبتي

والله يا سعدي ويا حظي بشوفتك 😍❤️❤️❤️