لن اسامح كل من لم يساعدوني
 

يالميا اعلمي انك مبتلاه والله لايؤاخذ المبتلى والمريض .. ماراح اقولك استغفري ربك بهالوقت ماراح تطيعيني لكن كيف تبينا نساعدك ؟ تبين نعرض عليك طبيب متمكن والا نوجهك لطرق العافيه ؟ هنا الكل مريض زيك اختي وعلى الله ثم على الفضفضه مابيدهم لاحول ولاقوه ولو بيدهم شي ساعدو نفسهم .
ماراح اقولك انتي تمرين بنوبة اكتئاب حاده لا انتي تبين من يسمعك ويفهمك ويحتويك لازم تروحي لمعالج سلوكي مع دكتور نفسي .
كل شوي تقولين انا ملحده كيف ملحده وتعترفين بوجود الله وتقولين هو اللي ابتلاك وامرضك ؟
استفزاز مشاعر الناس هنا بالحادك لن يفيدك بشي ولك كم يوم تصرخين محد ساعدني ..
سؤالي كيف تبينا نساعدك ؟ هنا الزبده والمختصر .
ملاحظه : ممكن اتعرض لما تعرض له الاخوه من الشتم والاتهام بالنفاق لايهم المهم الصراخ ومحاولة لفت الانظار راح تتعبك انتي وصدقيني الاعضاء كلن فيه اللي يكفيه يطلع من المنتدى ناسي وش هو اصلا كاتب .
شوفي وش يريحك واطلبيه بهدوء واللي بيده يساعدك بيساعدك

الله يشفيك اختي
لايكلف الله نفس الا وسعها اعملي ماتستطيعي من العمل .
وان شا الله احنا معذورين في بعض الامور
انا اراسلك من سنين لا احساس لا بصلاه ولا بخشوع احس قلبي مو موجود
لكن متأكد ان الله ليس محتاج ليظلم سبحانه
لكن ماندري لعل الاخره لنا .

لا حول ولا قوة إلا بالله العلي العظيم..... الصبر مفتاح الفرج..... اللهم شافي كل مريض يا رب....

بعدين من تجربتي الله ماسلب الايمان منا
عندنا مشكله بالاحساس والشعور عشان كذا مانحس بشي الا اتوقع لو يتشافي الواحد منا راح يرجع شعوره بالايمان الا هو موجود باذن الله كنا زمان قبل المرض ع معاصي وذنوب بس موحدين ونعبد الله فكيف اللحين واحنا منكسرين اكيد مع ربنا لكن المرض اللي فينا مثل الغطا الاسود غطى وحجب عنا كل شي جميل تقريبا .

الله يبتليك يارب ثم تسالين عن تجربه ولا احد يرد عليك امين بعدين راح اصحح انا مش ملحدة انا كافرة لاني اعترف بالله ولا أؤمن فيه انتي منافقه ومطببه لهم ولا فيك خير ولا قلت لك اعرضيني على طبيب ولا تفتين من راسك وهو يعرف السؤال الي سألته مرح اسامحك على سوء ظنك بي

ايه يمكن خير لك

بالنسبه لي الله مايبيني

اشكرك لانك قدرتيني وتفهمتيني

يا اخت لميا خلي ايمانك بالله ماراح اناقشك فيه
وياليت ماتذكرين هالشي لان احنا هنا نتكلم عن المرض النفسي مو منتدي عن الاعتقاد والدين .
السؤال
ليش ماتراجعي دكتور نفسي وتبحثي عن الافضل وياليت تتعرفي بمنطقتك علي وحده تفهمك وماره بمثل حالتك تكون لك عون واطرقي باب العلاج خلي كل تفكيرك وتركيزك هالمرحله بالعلاج وابدأي هذي الرحله بس لازم يكون معك من يساعدك ويفهمك

انتهى كل شي ما اقدر اسوي شي انا بالدمام بغير الدكتور

روحي كرنيش الخبر واجلس مقابل البحر وتأملي خلك وحدك تأملي ريحي ع قلبك ادري بتقولي ذول مو فاهميني لا فاهمك زين ومرينا بما تمرين ولازلنا نعاني انا مابقول جلسةالبحر بتشفيك لكن تغيير ياصابت ياخابت
بعدين لاتسوي شي ماحد طلب منك واللي يطلب طنشيه انتي ادري بمقدرتك لاتسوي شي غصب عطي نفسك اللي تبيه

يالشاهين
لها مشاركات زمان طيبه وتدل ع ايمانها لكن هي بحاله مرضية شديده اتوقع فصام
لازم نقف بجانبها انت ماتخاطب عقلا هنا كلنا مرضي فاقول ناخذ بيدها ونحتويها ولا ندعها
باللطف واللين مهما هي اخت لنا
وبكره ممكن يصير لاي احد منا مثل ماصار لها
الله الله في اللطف
هذا اللي يظهر لي والله اعلم بالنفوس

نعم انا معتوهة واعترض على قضاء الله وقدره وكافرة وبدخل نار جهنم اعلم اني محاسبة انا ما ادري اهلوس او لا و اذا يبون يحضرون عضويتي المنتدى لهم ولهم شأنهم

اشكرك لانك قدرتني وتفهمتني انا ما ادري ايش يصير سامحني اشعر بالم شديد وكره لله

مهلا أخي الفاضل أولا الادارة تحذف كل المشاركات السيئة ويحتاجون فقط للوقت لرؤية الرد وهنا أقترح أن يرتفع عدد المشرفين حسب الأكثر حضورا من الأعضاء كي يتسنى لهم متابعة الردود أول بأول وحذف مايجب حذفه في الحال
أما مسألة الحظر فلا أتفق معك هذه الأخت تمر بظروف سيئة ولو قامت الادارة بحظرها فلربما أدى هذا إلى سوء حالها أكثر مما هي عليه ويكون إثمها حينئذ علينا نحن

عادي اختي صامده لو يبون يحظرون عضويتي يسون الي يبون بس مرح اسامح كل من ضرني ولا راح اسامح نفسي ولا من خلقني اتمنى لو ياخذ روحي عشان الكل يرتاح مني

ادعي علي لو تبي عشان تكمل جميلك

هلا لميا تراه ماوقفت على البدراني وغيره كلنا هنا نأقف معك ونساعدك بالي تبين ولايهمك لكن ياليت تحاولين تمسكين نفسك شوي بدون قولة اكره الله ومن الكلام انا مقدر وضعك وفاهم الي يدور براسك وتحسينه ادري انه شي قهري غصب عنك وهذا اكبر دليل على قوة الايمان بالله عندك وصدقيني كره الله مارايح يغير شي ابد لانه غني عن العالمين اضغطي على نفسك شوي وطنشي الافكار بذات الله ترا كل الناس يجيهم سب وشتم الذات الالهيه لكن انا ادري انك مريضه ماعندك قدره تتحملين وماتقولين الي بداخلك ابي انا تحطي هالايه قدام عيونك ( ومن يهن الله فماله من مكرم) حاولي تقاومي وتحقرين الافكار المتعلقه بالله قدر استطاعتك واي سؤال يدور براسك اسئلي وكلنا هنا تحت امرك وراح نوقف معك ونساعدك

حذاري... ان تمل من الصبر!!
لو شاء الله لحقق لك مرادك في طرفة عين، هو لا تخفى عليه دموع رجائك ولا زفرات همك، هو لا يعجزه إصلاح حالك و ذاتك لكنه يحب السائلين بإلحاح.. (إني جزيتهم اليوم بما صبروا)
لم يقل بما صلوا.. أو بما صاموا.. أو بما تصدقوا بل (( بما صبروا)) لان الصبر عبااااادة تؤديها وانت تنزف وجعا...

تدرين حالتي اقوى منك وامر بوضع مايعلم به الا ربي لومت بفراشي محد درى عني وكل لحظه افكر اقوم من هالفراش وأفتح النافذه وارمي نفسي
لكن لاتلومين حد لاتلومين حد يالميا كلهم بشر وش بيدهم؟ احس حتى علاجات ماعد لحالتي علاج ولااتعب نفسي باي علاج حالتي ميؤس منها
اناصرت اتعلق باي احد يقول بساعدك قمت اتعلق باي شي ادور العافيه واكتسفت ان كلهم بشر مابيدهم شي بيواسونا ويدعمونا معنويا وينصحونا اكثر شي يقدرون يقدمونه
اما الروحانيه انا فاقداها من سنوات وعلاقتي بالله ماتت ووولاعد اخشع ولاااحس باي شعور روحاني
ياحسرتي على ايامي وسنيني الي بتروح ونا طايحه فوق فراشي ولااتحرك لين اموت

يالميا انتي عندك ابوك
وش تقولين للي لاام ولااب وعاشت اليتم من الطفوله وعاشت مشرده متبهذله وكبرت وداخلها طفله تتعلق باي امل واي احد تدور العافيه وتغيير حياتها وحاولت وجاهدت وبالنهايه طريحه للفراش استسلمت وسلمت الرايه ولاادري بقدر اعيش واتنفس ونا لهالحال الكسيف اواقوم واسزي شي يريحني ويخلصني من الحاله البئيسه ذي

انا تركت العلاج فجاه وانتكست ان جسمي بالدنيا وروحي في جهنم لي 3 اسابيع عندي عصبيه واندفاع واعراض صعب تنوصف اشكرك لانك تبي تساعدني انا ابي اسالك عن التقاعد الطبي نفسيه افيدني كيف الطريقه

ما افهم ايش تقولين سامحيني

اذا تبين ابوي اوك بس تتحملين ضربه اهم شي لو يصير عمرك 60 وماتقدرين تحطين عينك بعينه وتتحملين سبه وصراخه يوميا لو فيه مجال اقدر مع اني ماقد دعيت عليه ان زعلت دعيت على نفسي مدري ليه ما اقدر كأن فيه شي مقيدني ويتحكم فيني سامحيني مدري ايش قاعد يصير

مادامك تركت العلاج فجأة هذه أعراض انسحابية تحتاجين العودة للعلاج وعندما تقررين التوقف توقفي بالتدريج
أنصحك خذي حبة زناكس 0,5ونامي شوي ستحسين بأنك بدأت تعودين للواقع

الدكتور يقول مافيني شي انا بغير الدكتور مشكلتي حاليا اكبر من مرض نفسي شي مايتخيله العقل او يوصفه

غيريه دامه يقول ماعندك شي
هذا مو بصاحي
التبطيل للعلاج فجأه اشوفه انتحار وظلم للنفس

وانت مين سمحلك تقول للاخت الفاضله لمياء انها معتوهة رح وأقرأ كلامها وتعليقتها قبل لا يشتد عليها البلاء بعدين شوف مين المعتوه انت ولا هي استغفر الله يا اخي حاول انك تقول خير لو مره ولا انطم

مسامحتك وربي ترا مسامحك الله يفرجها عليك وعلينا وعلى جميع امة محمد

حسبي الله ونعم الوكيل فيك

الله يكثر من امثالك وجزاك الله خير

الاخت تعي ماتقول وتدرك كل كلمة تقولها ولذا لمتها لان الذي يعي مايقول محاسب عليه وهي ذمت الذات الالهية وهي في كامل وعيها وادراكها فكيف بالله عليكم تلوموني في لومها مادامت مدركة لماتقول فيجب لومها ويجب منعها اما لوكانت غير مدركة لماتقول فهناك كلام آخر اما مادامت ترد وتناقش فهي واعية ومدركة لخطورة ماقالت والساكت عن الحق شيطان اخرس
المؤمن يتوجه الى الله ويتضرع اليه وينكسر بين يديه ويناجي ربه بأن يكشف ضره ويلزم الاستغفار والدعاء لا يسب ربه ويصفه بماوصفته به
الاخت مدركة لما تقول وهاهي ترد بكامل قواها العقلية فلا يحق لها ان تتفوه بما تفوهت به مهما كا مرضها مادام العقل حاضرا

يا لمياء خوفتينا عليك وش جاك
بسم الله عليك ماكنت كذا

سبق وقلتي انك تركتي علاجك
يعني هل الحالة هذي بسبب اخذك للأدوية ثم تركها !!
لأني اخبر حالتك قبل الادوية ، افكارك ماكانت كذا ابدا
ياليت تذكري اسم علاجك السابق
تيقنت للأسف ان الادوية طريق اذا مسكه الواحد مافيه رجعه
وللأسف ان الادوية اذا تم تركها بعد ماتعود عليها الجسم
ممكن تسوء الحالة وممكن تستجد اعراض غريبة في التفكير ماكانت موجوده قبل

ودي اساعدك بأي شي بس مابيدي الا ادعي لك بظهر الغيب

اذا ودك يا لمياء تراجعي عيادة فيه الدكتور السبيعي ممتاز بعيادة ادراك

ولاحظت انك مهتمة بالتقاعد وتسألي عنه
سألت لك وحدة وردت لي انه لازم تقرير من الهيئة الطبية
يحددوا فيه نسبة العجز الصحي او النفسي
وبناء عليه يتم اصدار قرار التقاعد
اذا الموضوع يخصك يا لمياء انصحك تاخذي اجازة
وماتتخذي اي قرار الآن بخصوص التقاعد

اتق الله كيف حكمت أنها في كامل وعيها فقط لأنها ترد على الأعضاء
من يستطيع التحقق من ذلك هم أهل الاختصاص لما يتم الفحص السريري
على رأيك حتى الذين يرتكبون جرائم تحت تأثير أمراضهم ويعتروفن بجرائمهم ورغم ذلك يعفون من العقوبة بعد عرضهم على المتخصصين من الأطباء فإن رأيك أن يكتفو بالحكم عليهم من مجرد ما يتقولون به
اتق الله
وعندك الادارةتواصل معهم بكل سرية وأخبرهم ونبهم على ماتريد دون أن تزيد من جرح هذه المسكينة هنا هكذا على الملأ

....

و هل ترى أن سمومها على قولتك عقلية و منطقية !!

وش قال سموم قال

هي مشاعر من القلب أثقلته الهموم و المصائب مشاعر من القلب عكسية بسبب أعراض المرض من يأس و إحباط و كره و عصبيه و غياب سيف الصبر الشطير !!

و لو مررت بما مرت به و أشد لإلتمست لها الأعذار و المجرب الخبير ليس كمن لم يجرب و فاقد الخبرة

فرفقا بالقلوب المنهكة

تأمل قول خاتم الأنبياء محمد صلوات ربي و سلامه عليه

إن الله تجاوز عن أمتي الخطأ و النسيان و ما إستكرهوا عليه .


قال الله تعالى : رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا، وقال الله في جوابها: قد فعلت. أخرجه مسلم.

كنت عارف إنك تاركة العلاج و المرض أشتد عليك و كرهتي كل شيء و قفلت معك
لميا روحي لمجمع الأمل تحتاجين للتنويم و تقييم حالتك بواسطة أوراق إستبيان يعطيك ياها الإخصائي السلوكي و على ضوئها يتم صرف العلاج المناسب لحالتك بواسطة الدكتور

4 محاولات إنتحار و لا تنومتي و لا مرة و الله مصيبة


صدقتي و الله يا إبتهال
العضو الشاهين فاقد للمرونة الله يعينه على نفسه و الله يعينا عليه
أقسم بالله يالشاهين يبغالك دورة تدريبيه و ورشة عمل في المرونة و اللباقة
يااخي ثقف نفسك في المرونة و اللباقة و إلتماس الأعذار و أدب الحوار و سياسيته و المداراة بدال ما أنت جالس هنا لا شغل و لا مشغلة

الله يشفيكم جميع و يرزقكم صلاح البال و راحته

رعد القلوب رد عليها سؤالها

البنت تعبت من العمل بسبايب المرض و تريد الجواب و لا لقت جواب
أسعفوها بالجواب

ايتها الغالية لميا دعك من هذا الطبيب وشوفي غيره
او خذي بنصائح الإخوة وارجعي لعلاجك من نفسك أولا تهدأ عندك الأمور وترجعي لوعيك وبعدها ممكن تذهبي لطبيب آخر يعدل لك الجرعات او يغير لك الأدوية
أنا لو أوصلك آخذك على الطوارئ جري وما أنتظر أكثر
ضروري من العلاج ولو سمعتيني على الأقل حبة زناكس ونامي وبعد ما تصحي شوفي الفرق ستجدين نفسك كأنك كنت في حلم مزعج أيام متواصلة

هذا موضوع للأخ رعد عن التقاعد الطبي للمريض النفسي ممكن يفيدك
https://www.nafsany.cc/vb/showthread.php?t=134140