اغرب وسواس مر علي وسواس القصاص
 

بصراحه كنت خايف جدا لدرجه اني اصلي رياء واجلس في البيت خايف من القصاص
واشك ان اخواني سوف يقومون تسليمي للحكم علي بالقصاص
وانا لا اعرف السبب للقصاص واضح ربما انهم يقولون اني ساحر او اني مقصر في الصلاة هههههههههههه
بس بعد فتره الحمد لله تبصرت

لا تستغرب من الوسواس عادي لو يجي يوم ويشكك انك جراده ولست انسان هههه
شر البليه مايضحك .. الحمدلله على كل حال.

ههههههههههه حتى مكتوب على الكاس الشاهي ( السيف )
هذي ماركه للكاسات احس ان اهلي يلمحون لي نبي نقصك ونخلص هههههههههههه

هلا اخوي فاقد وصباحك جميييل ولزيز 🌹
لابسم الله عليك وش ذا الحتسي وناخوك لاتفكر وتسترسل مع الوسواس ترا زي ماقالت شخص ماء لو لاتستبعد يوسوس لك بأي شئ ف بدري بدري من ذي الأفكار اوقفها وحول لأي شئ فكرة جميلة شغلة تحب تسويها تقرأ القرآن تستغفر وهكذا غير أفكارك والله يحفظك يارب 🌹

صباح الخير 🌹
اي والله ي شخص ماء 😁
تصدقي ع طاري الجراد كنا بمصلى وجات تطير حولنا جرادة واول ماجاء ببالي فكرة مرة سخيفة، يقول الحين تدخل بفمي وولاسمح الله اختنق ☹️😔 والله وقتها عرفت مدى سخافة الوسواس الحقير و فوراً التفت لصلاتي وطنشت وراحت جلست بعيد لاقربت ولا غيره، بس شوفي فضاعة الفكرة وماذا سيحدث لو فعلاً قمت بتصديق الفكرة والإسترسال معها 😂😂 الله يعافينا ويرفع عنا هذا البلاء اللهم آمين

الله يسعدك ي أخوي
شفت الوسواس خبيث يعني يبحث عن أبسط الأشياء ليقلقك لكن إنت أقوى منه بأمر الله تعالى 🌹

ههههههه لا اخوي هذا الكلام قديم جدا عام 2011 او 2012 بداية المرض عندي

الحين الوسواس مزعجني عند باب السياره اجلس اقفل نص ساعه والف على البيبان واتاكد منها

صادق الموسوس يتخيل دايما الاسوء وياكثر ما تمر علي اشياء وقتها تكون الفكرة مرعبه ، وبعدها بفتره استغرب من نفسي كيف تفاعلت مع الفكره وخفت وهي تافهه
فصرت اقنع نفسي كل مره اقول انا مريضه انا مريضه انا مريضه🙂💔
امين الله يريح بالنا ويشفينا اجمعين ..

طيب مانفع معك الفافرين ولا ادوية الوسواس مو معقوله !

تصدق .. اقسم بالله ولا شي
يعني اذا استخدمتها يخف الوسواس شوي بنسبه10٪ تقريبا
غير كذا مانفع والمشكله للحين ابلع في هالحبوب كذا بس عشان ماتجيني الاعراض الانسحابيه .. خلها على الله 🥺

مدري هل استخدامي غلط للادوية او نفس الحبوب ما ناسبتني
مدري مدري

بقولك الحقيقه انا عام 2009 ماكنت اطلع علشان اخاف ان احد يصورني بالجوال لدرجه امشي ورا البيت و اذا شفت سياره عطيتها ضهري علشان مايصور وجهي
حتى التضليل الزجاج مضلل السياره بس قلت بعاند الوسواس و اشيل التضليل واخذ الفافرين المهم الحمد لله صرت اطلع شارع قدام ناس وتعرفت على اصدقاء جدد معهم جوالات
مع ذالك ما اخاف يعني عدت للحياة
البدايه كانت 50 ووصلتها الى 100 كل يوم مع الرسبردال 1 ملج قبل النوم

انتظر تعليقك

ماشاءالله الله يتمم لك الشفاء يارب
انا اخذ حاليا 200 مل من الفافرين بس لحاله
لي تقريبا 3 شهور استخدمه
بس استخدامي له مو في نفس الوقت يعني يوم اخذه العصر ويوم اخذه المغرب ويوم الظهر وهكذا هل هذي الطريقه تقلل من مفعوله او مالها دخل
عموما انا شكلي بروح لدكتوري يغيرلي ادويتي ماش مانفعتني

اها مدري الله اعلم انا علاجاتي كل مره بوقت غير
بس انا للحين اخاف من التصوير حتى زواج اهلي مارحت لهم
طلبت فافرين من الدكتور قالي انه يتعارض مع اليبونكس
جرب ادوية غير الفافرين فيه كذا نوع ان شاء الله يناسبك

الله يعين .. شكلي بجرب البروزاك مره اشوف عليه مدح
هههههه حسيتني داخله بسطه
بس جد دايم اقرا عنه .. ان شاءالله خير
صرفولي حبوب ذهان وشريتها لكن ماراح استخدمها اخاف تسببلي جنون😐
الاسم لحاله (ذهان) يخوف
الله يجيرنا ويغنينا عن الادويه.

البروزاك انا اكلته و راحت من ياعراض انخفاض السكر السكر عندي 30 مادريت عنه هههههههه
انا اخذ مضاد ذهان نوعين واحد ليبونكس 800 والثاني رسبردال ابر 50 جرعتها

قلي وش نوع الحبوب الي كاتبها لك ابي اسمها لاني جربت كثير انواع

صرفلي حبوب اولازين (اولانزابين) 10 مل

طيب
هذا الدواء اسمه زايبريكسا انا اكلت منه 5 مل
ممتاز جدا حسيت في ثقه و لدرجه اني اروح لمزرعه وانزل ثوبي واجلس برى في البراد في الليل ودق عود
يعني عندي ثقه
والوزغه صرت ما اخاف منها ابدا عكس قبل الدواء
الشئ الاخر انزل ثوبي والعب كورة مع عيال اختي بالحوش
الثالث احس اني لما اتروش كاني اتروش بالشارع ههههههههه
ومزاجي مزاج امريكان
بس هو يخليك هادي و جسمك متماسك
جدا ممتاز الدواء هذا
انا بصراحه ماناسبني والله وتركته شاف الدكتور السيروكويل انسب لي

ههههههههههه هذي هلوسه
مزاجي مزاج امريكان😂😂😂😂😂😂😂 عليك وصف
ماشاءالله عليك مابقا شي ما جربته
زيبريكسا هذا صرفلي الدكتور بعد ماشاف حالتي دخلت عليه وانا منهاره
صرفلي اياه 5 مل قبل النوم وقال لا تستمرين عليه بس عند الحاجه ..
وتركته ..
ان شاءالله اقرب موعد اروح يغيرلي ادويتي .

انا مره تركت اهلي وكنت زعلان عليهم
وقلت للدكتور انهم ازعجوني اهلي عطان ديباكين بصراحه سببلي تساقط شعر بالبدايه توقف الان
يقول انه مثبت مزاج بصراحه احس في مزاج لطيف بس اذا الجو مغيم يا سلام جدا رايق بس اذا الجو صحو يضيق صدري جدا

لا اله الا الله يعني لازم اجرب الادويه كلها عشان اشوف ايش يناسبني!! يخوي عادي يتساقط الشعر عادي يرتفع الضغط والسكر عادي يزيد الوزن من الحبوب لكن نبغا راحة البال الله يجيبها.
انا امي دايم تقولي حاولي تتخلصين من الادويه بقد ماتقدرين واستبدليها باشياء طبيعيه وجلسات سلوكيه
بس حالتي ماينفع معها الا ادويه وتدخل جراحي🔧🔨
واخر مره قلتلها يقول الدكتور عندي ذهان
انصدمت!! وحسيت بعيونها الشفقه لوضعي 🥺
صراحه لما اشوف الاعضاء هنا لهم 15 سنه او 10 سنوات ولازالو يعانون يجيني احباط ويأس
انا لي 6 سنوات واحس خلاااااااااااااص شارفت على الهلاك

اذا عندك ذهان عالجيه موضوع بسيط
انا من عام 2007 تعبان جلست 3 سنوات بدون علاج مدري وش فيني حتى عام 2009 وبدت رحلة العلاج
حتى الان 12 سنه ضاعة حياتي وانا ارجي

الله يعوضك خير وتزين حياتك .. مالنا الا الصبر
اعتقد الوسواس اذا طول يقلب ذهان .. هذا اللي سمعته وهذا اللي صاير معي
يزينها ربي من سابع سما .. متفاءله رغم الظروف والمعاناه والالم🙂

بصراحه انا كنت انسان فكاهي جدا
فجاه قلبت اموري هلع وخوف ومخاوف كنت اوسوس في الجنون واخاف منه
بعدين قمت اوسوس بالتصوير والبهاق وبدت رحلة الذهان عندي
اصدقائي تركتهم وتركت اهلي اني اطلع معهم وما اطلع من البيت ابد
الله يعين بس اكبر غلطه اني اهملت نفسي

عادي لسى فيه امل ولسى فيه حل وفيه فرصه وفيه فرح وسعاده
انا زيك سحبت على صديقاتي غصب عني اهم شي راحتي
واغلب وقتي في البيت بس اروح الجامعه وارجع
محد بيحس فيك فعشان كذا سو اللي يريحك واسحب ع البشريه كلها اذا ودك