بعد انقطاع طويل زارني الضيف الثقيل
 

من بعد ٥ شهور جاني قبل شوي هلع من نبضات قلب سريعه وتنمل وضيق تنفس وقبلها كنت احس بتحركات في جسمي مثل حركة الثعبان
الم فالرقبه والاكتاف واحساس بالموت ما خفت كثر انه ضاق صدري هذا الضيف رفضت اتقبله ثقيل دم مره 😢

وانا مثلك جاني البارح في الليل رجفه ورعشه في جسمي وخوووف

لابأس عليك حبيبتي
ماتزعلي ضروري من الزيارة أحيانا لكن المهم تعرفي كيف تتعايشين معها وطنشيها وتكوني قوية
ماتستسلمين

اختي مبتلاه انتي مستمره على العلاج ولا وقفتيه
انا لي الحين اربع شهور على جرعة ٥ غرام بس

حبيبتي صامده شاكره لك اهتمامك وسؤالك جزاك الله خير يا الغاليه 🌹❤️

لا مستمره عليه ولا افكر اتركه بجرعة ٢٠ ملغ

يعني مستمره على 20 ورجع الهلع
ياربي كرهت الادويه خلااص

عادي جدا وتصير كثير
حاولي تنسين اللي صار
بالتوفيف

احسن علاج لنوبات الهلع انه باختصار يا اختي دعيها تأتي .. وكما أتت ستذهب اي عناد او خوف او ردة فعل او تجنب يزيدها ويجعلها ثقيلة كريهه .. واي حد يقولج غير هالكلام امممم ما اعتقد عنده الحل المناسب .. وهكذا ونصيحه اقرأي الرقيه مش فقط استماع ((( قراءة ))) وانفثي في ماء وفِي زيت زينون وحطي على جسمج كاااامل من الشعر الى قاع القدمين .. والبقرة اجعليها ورد يومي لو استطعتي..

سلامتك ابتهال حبيبتي
زيارة هالضيف اعتبرها انا عاديه من كثر ماتعودت عليها اتوقع ان العيب فينا احنا حتى لو ناخذ الدواء خلاص لأننا جربنا الهلع وصارت اي اعراض ترعبنا وتكبر في مخيلتنا ونقعد نفكر ونوسوس .
مره جتني نوبة دوخه وخوف واختفت وقعدت افكر واسأل نفسي كم مره جتني دوخه زمان قبل اعرف الهلع وماتركت اثر في نفسي عادي انسدحت لما راحت لقيت انه كثير جتني وماخفت وشمعنى لما اصبت بالهلع صارت الدوخه ترعبني ؟ لأننا صرنا جدا حساسين بهالموضوع لأنه قلب كياننا ولخبطنا وحسسنا اننا مو زي بقية الناس . انقلبت الافكار كلها والمشاعر وتلخبطت حتى مع التحسن على الدواء نحس برضو اننا مو زي اول بالتالي قررت اني اطنش وزي ماتجي تجي .
عادي ابتهال اذا جتك النوبه ماعليك الا تنسدحين وتتنفسين بهدوء وتستسلمين لحد ماتهدأ الحاله وترتاحين . الف سلامه عليك.
يخرب بيت نوبات الهلع تجي احيانا وانتي ناسيتها تنكد عليك اليوم كله وتحبطك وتخلين ترجعين لنقطة الصفر

حبيبتي يا اختي الفاضله نصائحك تدخل القلب ما شاء الله تبارك الله
شااااكره لك وجزاك الله خير 🌹

هلا وغلا بلي كلامها يجلي الهم ويسر الخاطر ❤️
ايه والله يخرب بيته هالهلع بس يخسى يرجعني لنقطة الصفر انا تعبت ولازلت اتعب على نفسي تدرين قطرات الهلع نعمه من رب العالمين صحح فيني تصرفات كثيره ولكن الطبع باقي اشتغل عليه مو أخفيه لا اخليه متوزان بس ياهو متعببببب انك تنشغلين في نفسك 😥

للامانه ضاق صدري امس وبكيت بس انا الي خليته يجي لاني انا اذا ضاق صدري ولا عصبت اكتم بعدين انفجر على شي تافه ولا يفجر فيني الهلع وهذا طبع لازم اغيره

ولكن فالاخير ما اقول الا يالله لك الحمد وشكر الذي احبني فبتلاني الحمد لله حتى يبلغ الحمد منتهاه

شاكره لك يالغاليه على ردك 🌹
والاخ الفاضل ابن دايم 🌹

حبيبتي صح كريه انه رجع وضيق صدري بس الحمد الله ماخفت وهذا انجااااز كبير
بعد الله يجزاه خير عطاني اجازه ٥ شهور وجاء شويات وراح 😂
لا العلاج نعمه عظيمه من رب العالمين كيف كنت والان وش صرت فرق كبير جدا الحمد لله

اوصفلك اميره وصف دقيق كيف جاني وانا اتقهوى واشوف مسلسل حسيت بحراره وتنمل طنشت وعادي مكمله قهوتي شوي حسيت ما اسمع كذا سيطر علي الهلع وش سويت حطيت يدي على قلبي وبديت اقرأ واسمي والله والله ان اختي جنبي ما حست فيني وهذا الي ابيه وإنجاز عظيم الين راح الله لا يرده

ولا اول امشي فالبيت كامل تقولين مهبوله واسمي واقول ياربي وش فيني يارب بموت اسوي حالة استنفار يالله ودني الطوارئ بسرعه ودوني واذا دخلت الطوارئ ابدا اصارخ قلبي تكفون قلبي بموت 😂😢

فالعلاج له دوره فالتغير الي حصل معاي فا لا تخافين ولا تقلقين اموره

سبحان الله نفس حاالتي بالضبط جاني وانا جالسه بالصاله اتقهوى نفس الي حسيتيه قبل ١٣ سنه بالضبط وانا الي اليوم اتخبط مره اطيب ويروح كل شي ومره انتكس ماقول الا اللهم لك الحمد والشكر والله يعطينا الصبر والقوه عليه ياكريم❤

اخواني عندي لكم سؤال انا مره بديت اتضايق من الاعراض
حراره في منطقة تحت الابط مع الصدر يعني جهة القلب كامل مع كتممه
ما خفقان قوي فقط لمدة ثانيه زي الطبل بس قوي جدا
وراااسي الالم غريبه جدا من تنمل مع شد خصوصا من الجهتين واعلى الراس

ترا انا ما اكتب الا بالشديد القوي فا انا اسفه إذا ازعجتكم بكثر ما اشتكي لكم

الله يشفيك ويعافيك ، لو تبعدين عن القهوه وتتغذين تغذيه صحيه باذن الله تخف عنك امور كثيره ، وخذي لك حبتين ريلاكسون ، ولو عندك اندرال خذي بعد

حياك الله عبدالله
انا غير السيروكسات خلاص ماراح اخذ باصبر الين تفرج وفعلا مثل ما قلت باخفف ان شاء الله القهوه وتغذيتي الحمدلله صحيه

وللامانه صارت تجيني وسواس اقول لا يكون قلبي فيه شي ولا بوادر جلطه ولا سكته ولا نوبه قلبيه ادري شي يضحك بس عاد الاعراض تشيب الراس صراحه تخليك تقلق غصب
هذا غير اقول لا يكون ما فيني شي والعلاج يسبب مثلا فصام
استغفر الله بس الله يثبتي ولا انهبل 😢😥

باذن الله بسيطه ، اعرف ان مخك قام يدخلك شوارع ، لكن لا تخافين مثلها مثل اللي راحت ، الاعراض هي نفسها وقلبك مافيه شي ان شاءالله ، ومثل ما الاعراض اللي جتك اول راحت هذي بعد بتروح وتعدي ، ثقي بالله وحطي اللي على كاهلك علئ الله وتوكلي عليه وعيشي يومك وراح تكونين افضل باذن الله
الريلاكسون ، السكوبينال ، الاندرال هذي الادويه تفيد في هذي الامور ، اشتريها وخليها عندك للحاجه ، ايه و اوميبرازول بعد ، انا مجربها راح تخفف عنك ، خذيها عند اللزوم ، والدختور اللي هبالش السيروكسات ما هبالش مهدي معه مثل زنكس

لا والله ما هبالي ولا ابيه يهبلي الصبر زين 😂😂😂😂
الله يوسع صدرك بالعافيه يا عبدالله خليتني اضحك 😂

هو انت جنوبي يا تاك 🤔
ايش قومك تحكي حكانا

هيوه جنوبي انفداش ، هيوه اضحكي انا افدى هالفره وعيشي يومش وطنشي ، بس المفروض يهبلش الدختور مهدي لوقت الضروره مثل تيه ، و خذي لش الادويه اللي قولت لش لوقت الحاجه وعسى مهابيطها العافيه

مبتلاه حبيبتي لاتخافين والله ما اكذب عليك ترى تجي هالاعراض كل فتره وفتره وحتى لو راحت ترى ممكن ترجع لك بأي وقت والحين رمضان اللخبطه فيه مثير سواء بالاكل او النوم او زحمة الرايح والجاي لاتقلقي ابدااا ابدا .
انا قبل يومين جتني الدوخه الكريهه دقايق وراحت ولو تلاحظين انه يجيك اكثر شي تخافين منه وانا فعلا اخاف من الدوخه وهي سبب اني لجأت للدواء .
اطمني وحطي في بطنك بطيخه صيفي 😂

ونعم وفداك من يشناك يا المطلق 😂

انه هبالي ته الي قولتي عنه ذا البلوى زانكس خلاني بين سماء والأرض كني خبله كبيته وتوكلت على الله الشافي المعافي

يغبى لنا مترجم يا عبدالله ما راح يفهمون كلامنا 😂

حبيبتي قطرات الذهب ♥️🌷 والله يا قطرات شي يشيب الراس الله يفرجها علينا وعليكم عاجل غير اجل يارب العالمين

ليتك ما كبيتيه ، الناس تدوره دواره ، لكن يالله لعلها خيره واسال الله يغير حياتك لحياه افضل واجمل : )

أنا جتني النوبه هدية مع الوسواس وأول يوم سويت عرس بنقاليه وهنود ودخلت اهلي كلهم الغرفه .. وصياح وصريخ وكله كذب وكلام فاضي ومره ثانيه يتني فاجتماع فالدوام ! متخيله هههههه ضغطت على فخذي بقوة هائلة عشان أسيطر ع الموقف .. اكبر كذبه هي نوبة الهلع لا تقل كذبا عن الوسواس الحقير ! نصيحة اول ما تجيك الله لا جابها ريلاكس وقوليلها حياااابج يا نور العين وسهلابج.. حيابج انتي في العين هههه ولا تسوين ريكشن تضغطين بإيدج على قلبج ومسلسل لا لا ابدا خليها تي قوليلها يا مرحبا ياللي جانا أهلا هلوعه .. ستتسلل الى جسدك شوية نبض وحرارة وبعدين كشششش خلاص وشوي شوي راح اتقل لانها سخيفه وخداعة.. وصح انتي ماشاء الله تقدمتي فيها .. هي تتوحش لما ما تفهمينها ولما ما تعطينها مجال انتي تخافين والنوبه تخاف معاج وسرى الليل وحنا ما سرينا

ليش ماتاخذين اندرال مره ريحني من الاعراض النفسجسديه
يهدي الاعراض تماما
انا مثلك اعراضي بالراس ضغط كانه بينفجر ورعشه في داخل جسمي وتنميل بس خفت لما اخذت اندرال وقت اللزوم بس

يوووه انا ادسه دس كانه كنز عندي عشان النوبات القويه اخذه هههههه

اي والله انك صادقه هههه ، يقول لك اللي ما يعرف الصقر يشويه 😂

اخذت الزانكس مدة شهر مرتين صباحا ومساء بناء على توجيه الدكتور
هو نعم خفف نوبات الهلع ولكن هبطني مره مره وخلاني جسد بلا روح بس نايمه ومتنحه

رحت لموعدي عند الدكتور الي كتب لي زانكس وكتبه لي مره ثانيه رحت لكل صيدليات الرياض الي تبيع الادويه المقيده كلهم يقولون ما فيه انقطع تعبت مره منه بعدها قطعته

بعدين كبيته قصدي تركته بالجنوبي الله يحفظك 😂

وماهو اسم الدكتور اللي صرف لك الزنكس

تبي تروح له عبدالله

بحطه في الحسبان احتمال اروح له عشان المهدئات بس

هو الدكتور مهدي العنزي في مركز ادراك
و الزانكس اعتقد خلاص اقطعوه نهائي
حتى فالمستشفيات الحكوميه والله أعلم

ههههههه

قلنا مرارا وتكرارا الخفقان الي ذكرتيه يسمى خوارج انقباض وهي طبيعيه وتأتي الكبير والصغير

ركزي معي لاني بعطيك اياها من الاخر انا في هالحاله من ١٥ سنه ودائم ابحث بالنت ماقد شفت احد مات من الهلع ولا من الاكتئاب ولا من القلق المرض النفسي طبيعي الي يذبح هو السرطان والامراض المستعصيه

ثم ان القلب لو فيه مشكله ماراح ينتظرك تفتحين النت وتسألين !! الجلطه القلبيه شديده وصاحبها يسقط وعلى العنايه او المقبره مافيه شي اسمه الى بكره بسأل رعد ولا زمالك ..

لذلك الي فيك شيطان لعين تعوذي من ابليس وارقي نفسك وماقدامك الا العافيه

ابشر وجزاك الله خير 🌷

صراحه احبطت من كلام اخوي سطان لما قال ان الادويه الي تسبب سمنه راح تسبب زياده في الكُولِسترول والدهون الثلاثية وتشحم فالكبد
مع العلم سويت تحليل شامل قبل الادويه النفسيه ولقو عندي زياد الكولسترول وتشحم فالرحم والقلب زياده بسيييطه جدا والحمدلله ما عندي دهون ثلاثيه يهمني رأي زمالك ابن دايم والجميع

فعلا ما فيه علاج كامل متكامل الا من عند الله الشافي المعافي اسأل الله عاجل غير اجل الغنى والصحه والعافيه

وترا ما راح اترك العلاج لو اصير تريله مستحيل 😢
الا بفرج وشفاء وغنى من رب العالمين من العلاج