مهدئ يساعدني على السفر
 

انا استخدم السيروكسات اعلى جرعه من 7 سنوات الحمدلله خفت نوبات الهلع لكن تجيني لوسافرت بقوه ،، هل فيه مهدئات ممكن استخدمها وقت السفر

اندرال يستخدم للرعشة والتعرق والخفقان

شكرا لك لكن لا مايفيد اندرال خوفي من السفر يعني نوبات قويه يبغى لها شي اقوى

حبه اندرال 50ملي

اندرال نعم مهدئ للقلق
لكن خوذي ١٠ ولا ٢٠

لكن السؤال
ليش تزيد بالسفر
أيش السبب
عالجي أصل المشكلة

هل تخافي من الطائرات مثلا

لا مايفيد كنت ابغى اسأل عن زاناكس مثلا اذا احد جربه

لا مااخاف من الطائرات تجيني حتى بالسياره لو مسافه طويله الفكره انها تجيني بالوقت اللي اخاف فيه من انها تجيني ويكون صعب السيطره عليها

نصيحه اخويه عليك بالعلاج المعرفي السلوكي مهم جدددا يعالج المشكله للابد لاتعتمدي على الدواء فقط

شكرا لك اخوي

السلام عليكم

انا نفسك اخوي نفس الحكايه من افكر فيها تجي لي على طول وتتم معاي لين اوصل للمكان الي اشعر فيه بالامان ساعتها تقول كاذب خصوصا اذا كنت لحالي مافي احد معاي

فاليوم أو لكسوتانيل

استخدمي عقلك اقوى بمليار مره من الادويه النفسيه

اتمنى لكن مااعتقد بيفيدني حالتي مستعصيه

وعليكم السلام على الاقل انت افضل مني اذا وصلت المكان تروح انا لا تظل لحد ماارجع بيتنا

هل جربتهم و ايهم افضل

الدجماتيل والاندرال مايسسون شي لي /الزناكس والفاليوم ماعمري جربتهم بجربهم / الابره كيف متى اخذها وهل هي اقوى من الزناكس ،،، بالعكس السيروكسات جبار لكن جسمي بدا يتعود عليه و طالما انا في البيت يفيدني اذا سافرت رجعت لي النوبات

انا اقصد تروح لما اوصل البيت الي هو نقطه الامان تخف النبضات بس في اعراض ثانيه تستمر على طول

مافيه شي اسمه مستعصي امور سهله يبي لك علاج وعلاج سلوكي المهم قاومي وان شاء الله الامور سهله

ريفوتريل 2 ملغ قبل السفر بساعة ونصف ولو خذتي حبتيني مافيه مشكلة لكن تراك بتنومين في الطيارة

صدقت لكن تعبت والمقاومه تعبت مني لازمني ادويه انا مااقدر بنفسي فحسيت الادويه تريحني اكثر

بجربه قبل ان شاءالله واشوف لكن مشكله اذا لازم وصفه

اكيييد تحتاج ادويه وبعد ماتستقر بحول الله راح يفيدك ويغيرك للابد لكن حاليا تحتاجي طبيب تمشي معه

انا على الادويه سبع سنوات ماقدرت اتركهم للاسف ,,شكرا على نصيحتك وبحاول اشوف طبيب ان شاءالله 🌹

بالعكس قادره ان شاء الله لان العلاج عالج الخلل وكل شي ان شاء الله لكن مازال هناك بقايا اثار بالذاكره وهنا يكمن دور السلوكي يحتاج وقت لكن ثقي تماما بالتغيير توكلي على الله وابحثي عن طبيب مميز اهم شي

اتمنى يكون خلل وزال انا اشوفه مثل ادوية السكر والضغط لازم استمر عليها او راح اخاطر بنفسي ,,اذا انت قدرت تتركهم معناه اللي فيك ممكن يكون عارض وساعدتك الادويه وزال عنك
ان شاءالله لكن انا حالتي تختلف والله يديم عليك الصحه والعافيه يارب 🙏🏻

انا مازلت قيد العلاج وفيه تحسن الحمدلله ،،، وابد الازمان يكون بامراض نفسيه محدوده والهلع بشكل عام قلق وقابل للعلاج لكن لابد لابد المراجعه اول باول حتى الاعراض تختفي وتدمجي السلوكي لان السلوكي يجعل من العقل يتجاهل الاعراض والافكار وهذا الاهم وثقي ان حالتك مهما كانت متشابهه مع احد الا انها تفرق فرق السماء عن الارض ،،، توكلي على الله وراجعي مع طبيب ثقه ويخاف الله ولاتنسي طبيب سلوكي بحول الله تشوفي الخير

تسلم ربي يسعدك ماقصرت اخوي ان شاءالله بحاول ولو كنت عارفه اني مافيني امل ، شكرا على مساعدتك 🌹

وياك يارب وابد لاتقولي مافيه امل انتي جربي السلوكي لانه علاج وهناك ابحاث تقول انه اقوى من الادويه ببعض الاحيان !
توكلي على الله وبحول الله تتخلصي منه للابد الاهم تطبقي السلوكي مع مختص متمكن

ان شاءالله بجربه شكرا لك اخوي الله يسعدك دنيا واخره