ليش كده مافي تفاعل ؟! تعالو نتجمع هنا✨
 

السلام عليكم
لاحظت انه فعلا صار مافي تفاعل وناس كتير كنا نعرفهم اختفوا يارب يكونوا تعدوا مرحلة الوسواس ويجو يفرحونا👌🏼
ابو عبادي.. حجر الصيوان .. اهلا بكم.. كتيييير كتيييير فينكم؟!
المهم كلنا المتفاعلين تعالو هنا فضفضوا ونكون اكتف ومتعاونين ونحاول قد مانقدر نبعد عن السلبية❤

انا وسواسي الخوف من الحسد والعين يمنعني من التميز والإنجاز نفسي أتخلص منه 😔 والوسواس التاني واللي من جد متعب الأمراض يهدااا فجاة احس بنغرة الم اي شي يرجع ☹
وسلامتكم❤

انا صرت اتعب الصراحة .. اذا وحده من اربيعاتي كانت قاطعتني 2 سنوات و اكثر فجاه رجعت كلمتني و تسولف اخاف الصراحة اوسوس اقول شمعنى الحين كلمتني لانه عرفت عن حفلة تخرجي 💔💔

واايد خايفه ليش هي رجعتتت و شو تبا رجعت يعني صارت علاقتنا نفس قبل نسولف

واايد خايفه ليش رجعت 😣😣 ابي احذفهااا بس كيففف العلاقه تحسنت
شسوي ياربي تعبت الوسواس يقولي احذفيهاا لو ما حذفتيها بتموتين
هي رجعت لانج بتموتين )؛ ودريهااااا
يعني فجاه انقطعت عني و الحين ليش رجعت هالشي مخوفني

مرحبا حبيباتي
انا بديت وسواس الموت ثم وسواس الامراض الخطيره ووسواس القلب ثم وسواس الاكل ان اكلت قال بتختنقي وبتموتي وان ماكلت قال بتموتي من الجوع ماعاد صرت احب اطلع يقول بتموتي ف السياره وماحد بيساعدك لان قلبك بيوقف واي نغزه او الم خلاص اقول الموت وبعد وفاة امي رجع علي بقوه ابي اتشافى منه بعد الله
تعبت والله تعبني وعطل حياتي حتى عيالي ماعاد عرفت اتعامل معهم يقول لاتتقربي منهم بتموتي وبتخليهم
نفس اخت سارونز يلح علي اني اذا سويت حاجه بموت اورجع لي احد اكيد بموت اذا احد كلمني يقول بتموتي احيانا يقول انزلي من السياره لانك بتموتي كرهت اركب السياره وكرهت اروح اي مكان وكل مره يتنوع خفيت من وسواس الامل رجع لي ثاني وسواس السرطان ومرض القلب مره تعبت لانه يلح علي ان الي احس فيه صدق مش كذب😣😣
الله يشفينا جميع

بما بنجتمع هنا ..

سؤال ؟ ليش دوم الوسواس يعطينا الشعور و الاحاسيس انها حقيقيه
ليشش نصدق و نكون متأكدين انه وسواس لكن بنفس الوقت نقول لا حقيقه و نصدقه؟

انا اعاني من وسواس تحديد الايام والله هالوسواس مادري ليش مخوفني
مرة قالي بتموتين ف حفلتج و مره يقول ف رمضان بتموتين لانه اول مره صابتي الوسولس حددلي ف رمضان ..

ليش يختارلي رمضان و العيد و..الخ؟ ليش يعطيني انه الاحساس حقيقي
تخيلوا يعني خايفه من الحفلة و رمضان من الحين استغفر الله

بس والله ليشششش الشي كأنه حقيقي حقيقي لدرجة تحسين صدق انتي بتموتين و ما بتعيشين مثل احساسي الحين احسس احساس حقيقي فعلا بموت ف رمضان ولا تخرجي خايفة

ما بقول اول مره لا صار فيني بس هالمره احس غير حقيقي والله مب وسواس
تعبت من هالشعور💔💔💔😣

اهدو ياجماعه خلينا نحاول نهدي بعض لا نذكر بعض بالوسواس اللعين احنا مشكلتنا عقلنا ضاع في غيوم الوسواس ولا ليش ماتسال كل وحده نفسها كم صارلها في معاناة الوسواس والحمدلله من فضل الله ماصار شي بس ايامنا صارت مجرد خوف وقلق وكآبة وجلسه لوحدنا ولا نشارك احد سعادته ولانحقق احلامنا وامنياتنا ادري وش بتقولون لاني نفس الشي اقوله بعد مااقرى كلامكم واطمن انكم مثلي اقول لا انا غير انا احساسي حقيقي ويبدء القلب والمعدة تضرب وغيره من الاعراض الي تعرفونها خصوصا الاحساس الداخلي المقييييت الي يبقى معانا مهما صار
تدرون انا اليوم قريت مقاله ريحتني شوي وارعبتني بنفس الوقت وخلتني اوقف مع نفسي شوي واقول انا وش اسوي بنفسي احنا جالسين نقتل نفسنا نفسيا عشان كذا لازم نحط حد للموضوع والله تعبنا بما فيه الكفااااايه

سارونز انا مثلك يختار رمضان والعيد واي مناسبه عندي وعيد ميلادي واي تخطيط سفر ورحلات يعني هو متقصد اللعين يكسر فرحتنا ويقتلها الله يقتله

هذي المشكله انه يحدد لنا الوقت وخلاص يبرمج لنا المخ عليه
ونبدا نحس بالاعراض وكانها صدق والشئ الي انا موفاهمته على قولة اختنا سارونز ان حنا ندري انه وسواس ليش مانقتنع لاكن نظل نقول انها حقيقه؟؟؟؟!!!!!
من مثلي يحس بالم ف صدره ويفهمه على انها اعراض نوبه قلبيه😣😣
وتبدا تلعب دور الاعراض مع لي اكثر من 5سنين وهو معي وسواس النوبه القلبيه

تقهريتك مواجع ؛ يعني انتي يختارلج ف رمضان و تحسين انه صدق و اخساس حقيقي و رمضان سنه اليايه مخوفنجج ؟

هيه هو يخوف وااايد و تترييين اليوم بخوف )؛
و انا مثلج بعد افكر ف حفلة تخرجي و كل ما ابي اسوي نيو لوك اخاف

مساء الخير اخواتي
شئ شئ يصعب التعبير عنه وش اقول وش اخلي فعلا تعيشين يومك ب خوف وقلق وانك راح تموتين ف اي لحظه الحين اذا ركبت السياره احس باختناق بجنون يقولي انزلي من السياره وخصوصا اذا وقفت عن اشاره وجاء قدامنا سيارات ووراناء يقولي انزلي انتي بتموتين ذلحين ويبدا يخليني كاني عايشه ف عالم ثاني اعيش اللاواقعيه كنك ف حلم وتمشين مو مصدقه كل الي يدور حولك

اي والله حتى انا اتسلط علي بتخرجي والحمدلله عدى على خير سوي ولاتخافي وانا بعد حجهز ومابخاف وبحسن الظن بالله وربك يرحم بحالنا وييسر امورنا يارب

اعرف والله وحاسه لاني صرت اخاف من كل شي مثلك واقول كل شوي لنفسي نفس كلامك الله يشفينا عاجلا غير آجل يارب

هيه والله ادري انه وسواس لكننننن انا اخاف من تخرجي عشان الدعاء الي دعيته و عشان اتهرب من الوسواس دعيت هالدعاء و قصيت ع عمري 💔

اخخخخخخ والله شعور الخوف مب مخلني )؛ متسلط علي
و التخيلات الي متعبتني الي يرويني كيففف الاحداث و خايفه من رمضان و العسد و من سنه اليدديده و كل شي


تعبت من هالاحساس الي احسسسسه حقيقي

والله العظيم اخت سارونز انه نفس حالتي يخوفني من رمضان الجاي ومن كل يوم يمر وفعلا كانه حقيقه ماكنه وسواس وعلى ذلك تتعبين

اللهم امين والله تعبنا والمشكله اثر على حياتنا بتاثير كبير اعمالنا عبادتنا حتى الصلاه كل ماجيت ابخشع فيها قال ايه هذي الصلاه تبين تخشعين فيها لانك عارفه انها اخر صلاه وبعدها بتموتين ف يخليني اسرع بصلاتي لك ان تتخيلي ف كل شئ يوسوس لي ف كل شئ
تعبنا والله تعبنا وتعبت انا زياده عقب موت امي😣

بسالكم .. يعني اذا تذكرنا موقف معين. فجاه او دعاء دعيناه فجاه لحظة خوف و فجاه اتذكرنا و خفنا هذا من الشيطان صح !
الشيطان يحاول يذكرنا بالاشياء عشان نخاف و نقول صح

يعني مثل دعائي فجاه ذكرني فيه يوم شاف تخرجي قريب
وسوسلي انتي الي دعيتي يعني ذكرني

من الوسواس؟ هالاشيا

من جرب دواء البروزاك للوسواس ومتى اشتغل عندكم

الوسواس شي فضيع الله يخلصنا منه يارب بأسرع وقت

الأنسان عليه بالصبر
أنا الأن أخذ انكستين من مجموعه بروزاك

ايه هو الي يذكرنا عشان تبدين تحزنين وتضعفين وتبدا الاعراض معك والوسواس ويعيشك في هم وغم
عندك انا كل ماجيت اطلع يحط في وجهي صورة امي الله يرحمها يذكرني اياها ويخليني اتلفت يمين يسار ادور سيارة اسعاف وفعلا اذا شفتها خلاص اتذكر امي واني الحين بموت
لان امي الله يرحمها شلوها من البيت على الاسعاف😣😣
ف يربطني ف الاحداث عشان ارجع للبيت حزنانه

واذا كنت عند التلفزيون اتابع مسلسل او برنامج وانا مطمنه يجي يقولي تابعين التلفزيون وانتي الحين بتصيبك نوبه قلبيه ف يذكرني فيها وتبدا الاعراض والوسواس معي وابدا افكر
يعني يخليك تذكرين كل شئ عشان تحزنين

دوووبي قريت خبر وأحس فجاة جاني خوف وأحس بالم ماعرف متووووترك

مرحبا اخت لوليتا
ان شاءلله خير😣
انا كل لحظه كل دقيقه يجيني خوف لما ابغى انام ولمى اصحى مع ان النوم عندي متعبني مررره ولما احس بالم ولما اودي عيالي للمدرسه لما اطلع هل خوفي عادي والافيني شئ حياتي كلها خوف في خوف😣😣

صاحية ؟ تعالي نسولف والله كل الم احسوا اتوتر اسمعي كم عمرك ومن وين

خلينا نفكر بحلول ايش رايك

الحين اهم شي بالوسواس لا تسترسلون معاه ابدددا
ع طول فكرو بشي ثاني واشغلي نفسك
وفي نقطه مهمه كل ماطنشتي راح تتضايقي وتتعبي
هذا طبيعي جدا هذا بدايه الفرج ان شا ء الله حتا يتلاشى الوسواس
كونوا اقوياء لان الوسواس سراب ووهم قد ماهو كبير بنفوسنا هوه مو شي
وتذكروا كم اخذ من وقتكم هذا الوسواس وكم حرمكم اللحظات الحلوه

الله يشفيني ويشفيكم 🌹

صباح الخير
انا اسمي امل
من الرياض عمري 36
اقسم بالله تعبت منه وترى له 15سنه معي جاني ب عمر صغير وكنت افكره الموت فعلا ف جلس يروح ويجي يروح ويجي ويتنوع على كل شكل لحد ماوصلني الى ماوصلني له الان مافارقني ثانيه

عجزت القى حلول عجزت والله وتعبت ف ضليت استسلم له

اللهم امين اي والله كل ماحاولت اطنش يضايقني ويتعبني ثم يزيد معاي اقوى من اول معيشني في دوامة خوف قلق والله حتى السعاده نسيت طعمها😣

تقهويتك وكلي ليش مافكرتوا بالأدوية ؟!

صباح الخير

فكرت ازور طبيبي نفسي ويعطني حل او اي دواء يريحني فلما اقرر يحسسنس بالخوف ويقولي كيف طبيب نفسي وانتي الي فيك مرض حقيقي
يعني يجلس يحسسني اني ماراح اطيب وان الي فيني حقيقه وخفت😢

يختي دا وسواس ملعون اعوذ بالله يختي حياتنا انجازاتنا نجاحنا متوقف عليه

عندي امل اتعالج بدونها😭😭

يعني انتي تحسين بلي انا احس فيه والابس انا
الحين تطور لوسواس البلع يقول اذا اكلتي راح يوقف ف حلقك وبتموتي مره تعبني😣

ان شاءلله الله يسمع منك نتعافى بدونها الوسواس ذبحنا واحنا حيين😢

ياجماعة انتم تحسون انكم ارتحتوا وقعدتوا فترة ماتفكرون كثير بالوسوسة بعدين تنتكسون وتقولون ليش مافكرنا فيه وليش وليش
طبعا انا خوفي من الاحلام

والله ياختي مارتحت ولافكني دقيقه وحده ومره تعبني مره لما اروح السوق وانا اختار الملابس يقولي يالله اطلعي الحين بتموتي وتبدا تجيني الاعراض لما اطبخ لما اذاكر ل عيالي لما البسهم لما اغسلهم وغيره وغيره حتى ف صلاتي والله ماخلاني يخليني اصلي بسرعه عند النوم والمشكله المنتدى هنا فيه كثير نفس اعراضي ولما اقراءهم ارتاح شوي ان فيه حد مثلي بعدين انقلب يقول لي لا انتي غير انتي الي فيك حقيقه تعبت والله تعبت😢
زي الحيني يحسسني كان قلبي متوقف وانه مايدق واني ماتنفس كويس وقلبي الحين يدق بسرعه والله ان اكتب لك وانا ف ضيقه قويه