وسواس هلكني😣
 

مرحبا كيفكم....
ارجوكم انا كل ماحاولت اطنش واتجاهل يضغط علي لما اتكلم معكم وارتاح شوي بعدها يرجع لي اقوى واقوى ارجوكم ساعدووني ابي اعيش حياتي طبيعيه ماقدرت وسواس الموت والقلب وانه بيتوقف ملازمني كل ثانيه مايروح عن بالي منسده نفسي عن الاكل النوم كل شئ
اليوم المغرب كنت زائره اختي في بيتها فجاءه حسيت كان قلبي وقف كاني بيغمى علي حسيت على طول بزي النغزات زي السكاكين وبعدها لازمتني الكتمه ضيق تنفس الي تجيني دايم نفسها مازادت علي و جاء ف عيوني زي الزغلله قالي خلاص بتموتين الحين بتموتين انتي معك مرض قلب وبتموتين المره هذي غير ابي اتكلم مع اختي ماعاد قدرت احس اني ف عالم ثاني فجاءه احس اني بفقد عقلي ابغى اهرب واصيح ب اعلى صوتي مابغى اسمع صوت اي احد عصبت على عيالي بدون سبب ابغى انحاش من البيت ماقدرت اصلح لهم عشاء او اذاكر لهم
البيت عندي الحين والله كنه صندوق وحاطيني فيه ومسكرين علي ماشم هواء ولاتنفس مخنوقه اتصلت علي وحده قبل شوي قلت خلاص اكيد ماتصلت الاحاسه اني بموت ف بدت الكتمه تزيد معي جلست ادور ف البيت كني مجنونه افتح باب الشارع وارجع مابغى البيت احس الكل يودعني كانه اخر مره اشوفهم فيها
ساعدوني ايش اسوي😣😣😣😣😣

انتي كيف حالتك النفسيه في حياتك العاديه يا كلي شيء

وسواس الخوف من توقف القلب انا قلتلك كان عندي ووسواس الموت ووساوس اخررررري
وانتقل علي وسواس كيف وكيف وكيف
وخوف ونفسيه ما يعلم بيها الا ربي
وخايفه يكون عندي مس لان حالتي استأءت اووي
وعندي وسواس الخوف من الجنون من كتر الافكار والوساوس الغريبه هل انتي هكذا

حالتي النفسيه والله تعبانه بعد كل ماصار لي ظروف و بعد وفاة امي ظلت هذي الوساوس ملازمتني 24ساعه كل لحظه كل ثانيه يقولي انتي بتعبين زي امك وبتموتين وغير ذلك فاقدتها بقووووووه كانت هي الي فاهمتني الله يرحمها وكانت دايم تخفف علي بس بعدها زاد كل شئ علي

انا دخلت على مواضيعك وقريتها كلها نفس اعراضك بس يقولي الوسواس ان الي فيك صدق مو وسواس
ايوه انا اجلس افكر ان معاي مس لان حتى صلاتي مايخليني اصلي وفعلا صرت اوسوس اني بنجن اوخلاص انجنيت احس اني بفقد عقلي خلاص وعلى قولتك كل يوم حالتي تستاء اكثر واكثر واثرت علي وعلى حياتي وعلى حياتي مع اولادي هلكني اتعبني حتى السياره والله ماعاد صرت اركبها بسببه والافكار مره بتجنني من وسواس موت قلب وسواس الاكل وسواس التنفس احيانا يروح مني انا واجلس اوسوس ف عيالي انه راح يصير لهم شئ وينتقل مره اوسوس فيهم مره اوسوس ف نفسي

السلام عليكم
هذا أول رد لي على حالتك بعد غياب دام 5 أشهر شوفي أختي في أمراض روحية تسبب هالوساوس وكل فكرة ملحة هي وسواس كم مرة قولتي هالمرة بموت وقلبي يوقف وما وقف معناته لي فيك وسواس وسببه فقدانه أمك وقد يكون سبب ثاني (لي هو مس) والوسواس هذا بيجي نتيجة صدمة أو فقدان عزيز أو بسبب مرض روحي مثل ما ذكرت وأنا حصلي نفس الشي بعد فقدت ناس وانصدمت وساءت حالتي ووصلت لدرجة الجنون ما خليت طريقة ما سويتها علاج بالأدوية علاج سلوكي ورقية تتحسن حالتي شهر شهرين ومرات أكثر شوي وترجع وكانت ترجع أقوى من الأول بس مؤخرا بعد ما رحت لطبيبة عامة حكيت لها حالتي بالتفصيل كانت سبب بعد الله سبحانه وتعالى في شفائي بنسبة 80 في المئة لدرجة استغنيت عن الأدوية بس ركزت على الجانب الديني كمان لي ساعدني من التخلص من حالتي وما صرت أدخل للمنتدى لأني لقيت حالتي شفيت ولأني قد تزوجت قبل شهرين وأسبوعين وبعد زواجي أحس حالي مش تمام نفسيتي مرة تمام ومرة لا وحبيت أدخل أفيد الناس وأعرض حالتي لي راح أحطلها عنوان مستقل وموضوع جديد بس رسالتك شدتني أختي أحب أقولك لا تستسلمي لحالتك لأنك راح تندمي إنك قاعدة تضيعي وقتك وتهملي بيتك وأولادك بسبب وسواس من الشيطان وهذا هو دوره منذ خلق الله سبحانه هذا الكون بس إنتي خليتي الشيطان يتغلب عليك ويتلبس فيك لأنك عطيتي له المجال وصار يلعب براحتك وسعادتك مثل ما يبغى أختي الغالية نصيحة مني لك سوي برنامج وممكن أساعدك فيه برنامج شامل من رياضة ورقية وعلاج سلوكي لازم تؤمني بشي أنه بيجي يوم وتشفي وتعيشي حياة طبيعية مثل الأول وأحسن إحكي مع عقلك الباطن وقوليله أنا أقوى منك وراح أتغلب عليك وراح أشفى بهادي الأشياء كلها قدرت أتغلب عليه حتى بعد ما ترجع لي الحالة أقدر أسيطر عليها وما أخليها تؤثر مثل الماضي أتمنى تكوني فهمتي كلامي إذا عندك سؤال أنا جاهزة

مرحبا اختي لي الشرف الكبير انك رديتي على حالتي...
وريحتيني برسالتك الله يريحك ويفرج همك....
فعلا انا فقدت اشخاص قبل امي وانصدمت ف اشخاص اولهم زوجي الي طلقني ورماني انا وعيالي ف الشارع انا اول نوبه جاتني وانا ف ثاني جامعه قبل زواجي تقريبا قبل 12سنه اول مره صراحتن كنت احسبه الموت فعلا بس عدت الايام الحمدالله على خير وكنت اسلي نفسي بوجودي بين امي وابوي الله يرحمهم بعد تخرجي من الجامعه تزوجت ولد عمي وكنت احبه كثير واموت فيه وقلت حلمي تحقق وبتزوج الانسان الي حبيته والى الان حتى بعد ماطلقني والله ولافكرت حتى اتزوج بعده
كنت عايشه زي الملكه بين امي وابوي وزوجي الي حبيته
قبل زواجي بفتره صار لي حدث كبير وهي ان امي الله يرحمها صابتها جلطه سببت لها شلل نصفي جلس معها لين توفت الله يرحمها
قبل 7 سنوات توفى ابوي فجاءه كان رجال كبير ف السن بعدها جاءتني صدمه نفسيه رجعت لي كل شئ من امراض وسواس كل شئ بعدها بفتره خفيت بس على خفيف بعد وفاة ابوي ب 3سنوات طلقني زوجي الي ماتوقعتها منه ابد صدمني دخلني حالة اكتئاب شديد هلوسه صرت كني مجنونه جلست اقوم بامي وانا تعبانه مره وكانت الله يرحمها تسولف معي تواسيني تعلمني تونسني الين جاء ليلة رمضان الي راح يعني قبل 5شهور توفت الله يرحمها فجاءه بعد ومن بعدها خلاص ماتت السعاده ف عيني صرت اشوف الدنيا سوداء وافكر كل لحظه كل ثانيه بالموت حسيت بالوحده الوحشه كني ضايعه
هذي قصتي والحين وساوس تروح وساوس تجي الحين زادت علي بقوه حتى صرت اكره ركوب السياره واخرج من البيت
والله ياختي تعبت اتمنى تساعديني بعد الله وطلعيني من ما انا فيه
سؤال
هل تحسي بالاعراض كنها حقيقه وكنك عايشه ف حلم وكل الي حولك كذب مو صدق؟

حياك أختي وأبشري وبظل معك خطوة بخطوة لين تشفين بإذن الله تعالى
أولا قصتك مرة أحزنتني ولي قاعدة تمرين فيه نتيجة كل لي حصلك موت أبوك أمك طلاق زوجك لي تحبيه وما توقعتي هذا الطلاق شي طبيعي لي قاعدة تمرين فيه ما أقول غير الله يعينك
بالنسبة لسؤالك أيوة فعلا كنت أحس أنه الأعراض لي فيني حقيقة ما قدر عقلي يتقبلها على أنه وسواس كنت أحس أنه الموت قريب مني في مكان وزمان كنت بالشغل موجودة جسدا بس عقلي بعالم ثاني وفلمة العيلة موجودة أسمع كلامهم أجاوبهم أضحك معاهم بس جواتي أنا في عالم غير لدرجة كنت أستغرب وأقول شلون يضحكون أنا موجودة في الواقع أو في حلم هالناس حقيقية أو أتوهم يعني جنون جنون وكنت أنام وأصحى من النوم مفزوعة على إني بموت لحظتها ما أكذب عليك أنا للحين أعاني بس مو مثل زمان على الأقل مقتنعة أنه لي فيني وسواس مدري سبب صدمات فقدان غوالي أو فيني مرض روحي هذا لي قاعدة أقنع حالي فيه وكنت ماشية تمام لولا حلم قبل البارح أفزعني وفسرته وخلاني أعيش انتكاسة جديدة
طيب أختي بترك لك المجال إنك تحكي أكثر أو تسألي زيادة أو تبي نصيحة موجودة في أي وقت

الله يسلمك ويفرح قلبك اي والله ابغى اطلع منه ابغى ارجع ل حياتي ابغى ارجع لعيالي اقوم فيهم بمتطلباتهم بدراستهم بكل شئ
الله يشفيني ويشفيك ويشفي كل من يعاني معنا ف المنتدى
فعلا ماتوقعت طلاقي ابد ابد
وعلى قولتك الاحلام بعد تلعب دور والقصص والتلفزيون والمسلسلات ومواقع التواصل الاجتماعي بعد لها دور كبير قبل شوي دخلت التويتر لقيت هاشتاق لاعب ف منتصف توفى بعد المغرب بازمه قلبيه ويالله خفت خفت كثير😣😣وبدت الاعراض ترجع لي اكثر واكثر...
حلمك حاولي ماتقوليه ل احد اوتفسريه لان الرسول يباغنا نفسر احلامنا للاحسن...انشاءلله نتعاون حنا وياك وكل موجود معنا ف المنتدى ونتغلب على هذا الوسواس اللعين

لي زاد الطين بله هي وسائل التواصل الاجتماعي تصدقي أنا الفيس بوك ما صرت أدخله لأني كل ما أدخله ألاقي كوارث حوادث وفيات مشاكل قلت الشي لي يخلي حالتي تسوء لازم أقطعه وفعلا حذفت الفيس بوك من موبايلي
بالنسبة للأفلام والمسلسلات لما تشوفي مشهد مؤثر أو كلام يتغير مزاجك لدرجة ما صرت أتابع غير الأفلام الكوميدية شي ثاني حتى وأنا أسمع قرآن أو أقراه تجي كلمة موت أو عذاب أقول ليش وقفت هنا ليش ركزت على هالكلمة هادي أكيد إشارة وأصير أسترسل والمشكلة فالاسترسال لو مشيتي معه خلاص تدخلي دوامة الوساوس لي ما لها نهاية فهمتي علي عشان كذا طنشي أي شي يخلي حالتك تستجيب لهادي الوساوس

صباح الخير اختي
اي والله هي الي تزيد الطين بله ان حاولتي تسلي نفسك فيها لازم تسمعي خبر مو كويس ان سكرتي الجوال والتلفزيون جلستي تفكري ويبدا يشتغل معك الوساوس اختي والله ثم والله احاول اطنش الفكره احاول اتجاهلها بس كل ماطنشتها وتجاهلتها تضغط علي بقوه وتضغط علي معها الاعراض واذا حاولت اسلي نفسي اوالهيها باي شئ يقول ايوه الحين سويتي كذا عشان بتموتي ايوه سويتي كذا عشان قلبك حيوقف الحين والله وكيلك تبدا الافكار تلعب معي

صباح الخير كيفكم
اليوم طلعت بالسياره كان عندي شغله بسيطه ومع ابني الصغير لمارجعت وكنت واقفه عند الاشاره حسيت بالشي الي كتم على نفسي وكني بموت وجالس يقول هذا الموت يالله روحي للمستشفى جلست اشوف ابني وابكي وافكر ف عيالي الي ف المدرسه وابكي قلت بموت الحين وبخليهم حسيت كني ماشوف الدنيا كاني بيغمى علي وجلس راسي يدور وجلست ارجف ابغى اتنفس ماقدرت يقول يالله افتحي الباب وانزلي ف الشارع ولما حاولت اتجاهله زي ماقلتي لي وقالوا اخواني ف المنتدى قبل جلس يضغط على من ناحية التنفس وخلاص بس ابكي وارجف ووصلت البيت كني هديت شوي بس لازلت متضايقه مره دخلت الغرفه بسرعه وخليتها ظلام وماعاد ابغى اسمع اي صوت....تكفين اختي ابغاك تساعديني بعد الله لاني مره تعبت تعب وعلى فكره لما مسكني اليوم الوسواس جلس يحط قدامي صورة امي وابوي وكيف ماتوا😣😣😣😣

يا أختي صدقيني ما راح يحصلك شي بإذن الله تعالى شفتي كم مرة حصلك كذا وما صار لك شي انتي تسترسلي في الأفكار وهذا الشي يسبب لك نوبات هلع وهذه النوبات هي لي تخليك تصدقي أحاسيسك وتصيري ترجفي وقلبك يدق بسرعة وتحسي بالإغماء
ولازم تعرفي أنه الشيطان عارف نقطة ضعفك ويخليك تصدقي هالأشياء ويصور لك قدام عينك أمك وأبوك عشان تخافي أكثر فهمتي علي عشان كذا راح أقولك على برنامج تسويه بس قاومي عشان تقدري تطبقيه ولا تستسلمي وأقول هذا الكلام من خلال التجارب لي مريت بها

ايوه فاهمه عزالله يخليني اصدقها واسترسل معها ولاحاولت اطنش تزيد وكل مره يقولي هالمره حقيقه مو زي المره الي راحت وساوس ويالله وفعلا كل مره تجيني ولايصير الحمدالله شئ

فعلا هذا لي قاعد يصير مع كل مريض موسوس
أختي الغالية خليك قوية وبداية بطلب منك إنك تبحثي عن رواية أي نوع من الروايات لي تحبي تقريهم بس يستحسن تكون رواية هادفة مو حزينة وحبذا كذلك لو تكون قصيرة نوعا ما عشان ما تملي من البداية هذه الرواية أبيك تسوي لها دراسة شاملة لها مثلا تخليص عام للرواية الأحداث الرئيسية أبطال الرواية الرئيسيون والثانويون
ابتدي بهذا الشي وبقولك بعدها على أشياء أخرى والله يقويك أختي

اختي كل شيء الله يعوضك خير يارب ويصبرك ويشفيكي
انا كمان مريت منذ صغري بظروف صعبه ابي كان ديما قاسي علينا ورمانا منذ صغرنا وتزوج غير امي وضييع كل شيء علي زوجاته الاخريات وحنا ورانا الذل في كل شيء وتزوجت وديما في مشاكل وبهددددله مع زوجي واسلوب ونفسيه زي الزفت وتوترات
ربنا يعوضنا خير يارب ويحفظنا لاولادنا ويشفينا من اجل طاعته ومن اجل اولادنا يااااارب

اختي كل شيء عوزاكي تصدقي ان كل ما تعانين منه وسوااااس كنت اعاني منه بالضبط بعد اول نوبه جاتلي من 8 سنين وابتدت المأساااااه والدوامه وكل الافكار الي جتلككك مثلي بالضبط
والفكره المللللحه الي هي من الوسواس
كان يجي يقولي يمكن انتي مختلفه عن الاخرين هما وسواس وانتي حقيقه
او يقولي يمكن المرادي غير كل مره
وافتحي جوجل وابحثي هتلاقي نااااااس كتير تعاني مثلك

اختي وفاء افتحي جوجل واكتبي الجنرال احمد نفساني ابحثي في المواضيع عن موضوعه في المنتدي هنا واقرءيه هو عن الاحلام
هتطمني خالص

الله يعينك أم محمد والله يعوضك خير يارب

طيب أختي أم محمد الله يجزيك كل خير

اللهم امين الظروف هي الي جبرتنا والشيطان استغل فرصة ضعفنا وحزنا وبدا يلعب اللعابه اللهم امين يشفينا ويشفيك والله شعور صعب

ان شاءلله وان شاءلله نتغلب عليه لانه شعوره والاحساس بهذي النوبات مره صعب ان شاءلله بحاول

صباح الخير
االبارح واليوم حاولت الهي نفسي باي شئ وكل ماحاولت يذكرني بامس يقول نسيتي الي حصلك امس كنتي بتموتين تراه بيرجع لك الحين ف البدايه كنت حاستسلم وحزنت شوي ف حاولت اطنشها واطنشها لين اختفت والحين يحاول يذكرني ويلح علي بها😣😣

أهلين أختي كل ما تجيك هالفكرة انه لي حصلك البارح بيحصلك الحين قومي من مكانك فورا روحي لعند أولادك والعبي معاهم واضحكي بصوت مرتفع عشان ما تخلي الصوت لي يكلمك يشوش عليك

مرحبا
والله حاولت والمشكله لما بلعب معهم يجيني بفكره ثانيه يقولي ايه تلعبين معاهم عشانك بتموتين اليوم كلمتني عمتي وجلست تسولف معي وتدعي لي الله يخليك لعيالك الله يخليك لهم بعد ماسكرت بدا الوسواس شغال معي يقولي اكيد ماطلبت لك الا لانها داريه انك بتموتين قريب وبدا يلح علي الحين😣

مرحبا اختي
ايه انا اجلس مافيني شئ فجاءه احس بقلق بخوف واني بموت ذلحين وتبدا نفس الاعراض الي معك معي وتبدا تشتغل دوامة الشيطان بعدها اتضايق واحزن واقول خلاص بموت الحين ايوه وكنك بتفقدي السيطره على نفسك اوبتصابين بالجنون اخاف واقلق وانا امشي او اكل اواقعد اواطالع التلفزيون اوبرا واوفي البيت ف كل وقت وكل لحظه كرهني كل شئ حتى وانا والله اذاكر ل عيالي فجاءع يجيني
اللهم امين الله يسمع منك

السلام عليكم
إيه أختي تطمني أغلب المرضى بالوسواس عندهم نفس حالتك ومنهم أنا في مناسبات كثيرة مرت بعيلتنا حسيت حالي ما حضرت لها جسدا وروحا الجسد موجود والعقل مع الأفكار الوسواسية لي أفقذتني لذة كل شيء
هو الوسواس كذا كل ما تحاولين تطنشين الفكرة يضغط بقوة ويخليك تحسي أنه هالمرة غير وما يصير شي وهكذا إلى أن تلاقي نفسك صرتي حبيسة له وما تقدري تسيطري على هالأفكار وبالتالي تتركي مجال لنوبات الهلع تسيطر على جسدك
وأنا كيف تغلبت عليه بنسبة كبيرة هو القيام بنقيض تلك الفكرة صدقيني مع الوقت تتلاشى مثلا الوسواس قالك لا تروحي هذا المكان ترى لو رحتي بتموتي وانتي تخافي وما تروحي بالعكس روحي وخليها فيد الله لأننا كلنا فيد الله وما راح يصير لك شي مثال ثاني تحبي تتصلي تطمني عليها أو أحد من أحبابك يجي الوسواس يقولك ليش تبي تتصلي كيد عارفة حالك بتموتي عشان كذا بتتصلي لأختك وإنتي بسبب هالفكرة لا تتصلي لا أختي وقتها بقولك اتصلي وما راح يصير لك شي بإذن الله تعالى صدقيني لو سويتي نقيض الفكرة لي تجيك مع الوقت راح تصيري تتغلبي على هذا الوسواس.

أختي الغالية لا تخلي الوسواس يسيطر عليك لهذا الحد منطقيا هادي لي اتصلت عليك مو عارفة إنك بتموتين لأنه العلم عند الله وما حد يدري بس الوسواس كذا يخليك تتصرفي بغرابة وعاذرتك أختي بس نصيحة مني أنا تغلبت عليه بنسبة كبيرة لما صرت ما أسوي نقيض هالفكرة لي تجيني مثل ما قلت للأخت مثلا لما كنتي تلعبي مع أولادك وقالك تلعبين معاهم شفتي بتموتي ووقفتي لعب المرة الثانية واصلي لا توقفي أو مثلا تبي تتصلي لأختك يقولك شفتي بتموتي عشان كذا بتتصلي لأختك وانتي لا تتصلي لها لا وقتها اتصلي وبقوة وأي فكرة تجيك سويها لا تسوي نقيضها فهتي علي.

هلا والله
ايوه انا الى الان ماسترسلت معها ومشيت يومي عادي بس قالي انتي الي ماقلقتي ولاخفتي من الموت يعني بتموتين صدق والى الان وانا احاول اتجاهل الافكار هذي عشان مايمرني الي مرني والحين انا وياه حرب احاول اطنش ويبي ياثر علي باحساسي بالكتمه والتنفس😣

تعالي بقولك شي خلينا نتفاهم على شي بنجيب موضوع ونتناقش فيه احكي لي عن يومك كيف بتقضيه مثلا وكيف علاقتك بأولادك أو جيبي رواية نقراها سوى ونناقشها وبعدها بعطيك أسئلة وانتي تجاوبيني كأنك تلميذة بالقسم نرجع لأيام الطفولة ههه

😅😅والله حلوه ايام الطفوله
ابدا يومي اقوم الفجر اجهز اولادي للمدرسه وافطرهم والبسهم وبعدين يروحوا ارجع انام شوي بعدها اقوم اجهز للغداء لمايرجعوا من المدرسه ابدا اخلص ترتيبات الغداء ولما يخلصوا نبدا مذاكره العصر كله بعدها يجلسوا يلعبوا مع بعض يضحكوا يسولفوا اذا فيه حاجات ناقصه ف البيت نروح نجيبها لين ياذن المغرب بعدها يصلوا ابدا اجهز عشاءهم يتعشوا يجلسوا لين يصلوا العشاء ثم اخليهم يناموا بدري المربط هنا لما يناموا ابقى لحالي وحيده يا اشوف التلفزيون يا اخلص اشغال البيت بعدها خلاص اجلس لحالي تبداء الوساوس والدوامات والذكريات معي احن ل امي ل طليقي ل ابوي اقول كيف صرت ووين كنت لاني العام كنت اجلس اسولف مع امي اذا ناموا السنه هذي خلاص بقيت وحيده ف ابدا اتعب وافكر واحس😣😣
علاقتي مع اولادي كويسه الحمدالله

كيفكم بنات

حلو يومك تقريبا مع أولادك تلتهي شوي طيب بالليل ما عندك صديقة تسولفي معها أو أختك تدردشي معها لين يجيك النوم
انا قبل ما أتزوج كان يومي يمر بصعوبة لين لما سويت برنامج صرت أطبقه وما أروح فراشي الا لما أتعب حيل عشان أنام وما أحلم بكوابيس أو ما أفكر

الحمدلله بخير وانتي كيفك أختي؟؟

الحمدلله عندي الم عضلي زي تشنج عضلات وقاعدة اوسوس استغفر الله وكل ماافكر فيه احس ولما انسى يروح شي غريب

لا تخافي أختي مشكلة بسيطة وبتعدي استغفري الله او جيبي حاجة فيدك اقريها لهي نفسك عبال ما يجيك نوم

حتى انا والله والحين ماسكني تخيلي خايفه وبردانه ونعسانه واحس بيغمى علي وبموت بسم الله علي الله لايوفقه هالوسواس 😭😭😭😭

والله يااختي مرات اقدر اصيطر عليه مثل ماتقولي ولاكانه يتكلم وبعدين يهاجمني مرة وحدة ويضعفني وابقى تحت تاثيره ايام نفسيا وجسديا من تعب وحرارة اذوني وبرودة جسمي وشد راس وعدم اتزان ومعدتي وغيره من الاعراض ولي كم يوم الهلع والخوف مع بعض ورا بعض كذا مرة باليوم وانا اكتب الحين وخايفه وبردانه واحس بيغمى علي وكانه يصيرلي شي اعوذ بالله😭😭😭😭

الحمدلله كيفك انت