الخمووول تعبني وش الحل
 

السلام عليكم ورحمة الله
اخواني انا صارتي تجيني نوبات من الخمول القوي الي بالقوه اقدر اتحرك منها كانه بيغمى علي..
مين فيكم تجيه
اقوم من النوم نشيطه وعادي بعد كم ساعه جسمي يكسل ويبدا خمول يخوفني ويجيب القلق معه..

هل ممكن سكون العلاج النفسي القديم اثر على اعصاب الجسم.
ولما قريت في قوقل انفجعت بزياده قالو ممكن تكون امراض خطيره في الراس.
يارب رحمتك

اخي شيل الوسواس من عقلك انت سليم لا تسترسل مع الافكار السلبية وفكرت قرات عن امراض خطيرة في الراس شيلها من دماغك الي عندهم امراض خطيرة لا يقدرو يكتبو مثل ما كتبت انت انت معافي باذن الله اوشوف طبيب نفسي يوصف لك دواء خفيف للقلق

ان شاء الله.

حياك الله اميره
اول شي الغي قوقل من حياتك نصيحه لوجه الله
بالنسبه للخمول عندي كم سؤال
كم تنامين من ساعه
من متى هالمشكله
متى موعد نومك وهل هو ملخبط ؟

هل توقفتي تمامآ عن الدواء؟ كم صار لك بدون دواء؟؟

نومي تلخبط تماما بعد رمضان بس انام كثير تصل ل9 ساعات
واحس بعد ماشبعت نوم ومافيني طاقه.
المشكله كانت تجي في رمضان مرتين ثلاث في الاسبوع..زي النوبه..

صار لي سنتين على جرعة وقايه فقط.
الي هي اكسر العشره واخذ 5

الحاله والله معاي من سنوات اول ماقوم كويس بعدها يبدا الخمول والصداع وثقل الراس ارجع اطيح على الفراش

وعليكم السلام ورحمة الله وبركاته ..

ما اعتقده ، انها اعراض انتكاسة .. فالمرض الاصلي لم يختفي ..

وهو يظهر لك بشكل نوبات ..

تحتاجين لتقييم حالتك والدواء عند الطبيب ..

عافاك الله وشفاك ..

ايوه نفس حالتي

اللهم امين

من زمان معاك وهل يصاحبها اعراض اخرى

تقصدين تاخذين 5 ملجرام من سيبرالكس؟

وبسالك وش رايك اوقف الدواء ولا استمر عليه لاني وقفته سابقآ 5 شهور وجتني اعراض انسحابية قوية جدآ ومؤلمة رجعت له صالي الان 4 شهور

الجرعة الوقائية من السيبراليكس 10 ملج

طالما ان حالتك مستقرة مع الدواء ، فاستمر على الجرعة الوقائية سنة كما ينصح اغلب الاطباء ..

لي سنتين .
لاكن رجع القلق وكل شي.
وقرر الدكتور لازم ارجع لجرعة عشره..
لان زياده القلق تضعف مناعة الجسم.

وهاذا كلام الدكتور فعلا لابد من الاستمرار على 10.

لاتوقفيييين الا اذا عندك استعداد تام لتحمل التعب..
ايش علاجك؟

الخمول يجي ويروح
الاعراض الثانيه..القلق المستمر
ترقب الاعراض والجسم
رجفه في الجسم .
احساس بالخوف وضيقه

فاهمه وش تقصدين كانه قمة النعاس وكل شي بجسمك واقف بس مخك شغال

انا يجيني معها خوف ومغص وضيق تنفس

عليكم السلام ورحمة الله وبركاته

اولا شيلي فكرة ان براسك مرض خطير...هذا وهم, كلنا تجينا هذي الاوهام والتخلص منها مهم

ثانيا نعم تجينا بكثر, احس وزني كانه وزن فيل,وعضلاتي عضلات نمله, كسل شديد وضعف ودوخه وتعب وحيل مهدود وبالكاد ارفع خطواتي
اذكر مره شكيت من هذا الشي لطبيب عام سوداني..قال لي انت تشعر بالاحباط, وفعلا كلمته حسيتها جت على وتر حساس وانه فعلا شخص الحاله مع انه طبيب عام وليس طبيب نفسي

بالنسبة للعلاج النفسي اذا كنتي تركتيه من زمان فانصحك تستمري, وابتسمي للحياه واعملي اي عمل يسعدك ويشعرك بالنجاح, حتى لو طبخ او تنسيق حديقة المنزل او زراعة ورد بأصيص او زيارة لصديقه هاديه وممتعه

انا اعاني من نفس معاناتك, بس انا عندي زياده عليها مرض جسدي بالرئه فهذي تصعب علي الامور

لكن الانسان يصبر ويتوكل على الله, وللصابرين اجرهم بغير حساب..وهذا شيء يعطي الانسان شجاعه وثقه ان الله تعالى لاينسى خلقه

الضاهر نسيتيني انا الي كنت مشارك معكم بموضوع المتعافي الجديد دوائي سيبرالكس

ما المقصود بالجرعة الوقائية؟ وهل تقصد اذا الواحد يرك الدواء وحس باعراض شديدة ومؤلمة انه يرجع مدة سنة يستخدم الجرعة الوقائية؟

الجرعة الوقائية هي اقل جرعة فعالة للدواء ..حتى تعطي الجسم والمخ فرصة للتكيف والافرازات الكيميائي في الجسم ذاتيا دون تدخل كبير من الداوء..

والله اعلم ..

انا كنت اخذ 10 ملجم من سيبراليكس لمدة 10 سنوات ووقفتها وحصلت لي اعراض انسحابية شديدة وماقدرت اكمل ورجعلت لدواء اخر كتبه لي الطبيب

ما فيه اي مشكلة ..

هي منهجية افضل يتبعها اغلب الاطباء .. ولعل الله ينفعك بها ..

فعلا رحت للدكتور ورجعني للعلاج.
كتب لي ديبرالكس 10 بديت فيه من 5 ايام.
الحين احس بثقل في الراس ولخبطه..
ان شاء الله انها من العلاج وماتطول

وش اعطوك علاج جديد؟؟

برينتيليكس

سلامتك ربي يمتعك بالصحة و يعافيك يارب
ما فكرت في موضوع نقص الفيتامينات عندك؟
مو يمكن عندك نقص عامل لك هالخمول و التكسير بالجسم لا تستهين بهالنقطة جدا مهمة.

اذا تقدر تروح لطبيب باطني تخليه يكتب لك على تحاليل في هذا الخصوص بس من باب الاطمئنان
كثير أمور نشتكي منها و يطلع في الاخر كل الحكاية نقص فيتامينات

انصحك لوجه الله اذا كان اكلك ماهو صحي ما بتاكل كفايتك من الفيتامينات و المعادن اللي بيفقدها الجسم مع مرور الايام او دخلت سن الأربعين لازم مكمل فيتامينات شاملة بغض النظر حاس بخمول او لا كثير ناس تغفل عن هالنقطةو هي من أساسيات الصحة .

اللهم امين يارب.
حللت لكل شي.طلع سليم
الظاهر انه نفسي

الخمول وعدم الشعور بالطاقه و حب النوم من اعراض الاكتئاب وهي تكون يد بيد مع اضطراب القلق

المشكله ان الاكتئاب والقلق يعالج و لكن كثير من الاحيان وعند نزول الجرعه لمستوى قليل يبدأ الاكتئاب بالزياده وعندها يجب علينا استشارة الطبيب لرفع الجرعه لان العلاج قد يأخذ فترة اطول

هذا امر ليس بغريب لاني تركت الادويه مرتين والان انا بالمره الثالثه بالدواء فهو امر قد حدث لي بالفعل


ايضا هناك امر اخر وهو ان الجرعات القليله وان كانت وقائيه قد تسبب الاكتئاب ، والجرعات المرتفعه قد تسببها ايضا ... ليس كل الاعراض بل بعض الاعراض ، اما خمول وعدم وجود دافع، اوعسر مزاج، او ارق، او زيادة نوم، شراهه طعام، او انسداد الشهيه ، وهكذا

امثالنا يجب ان يستخدم الدواء لفترة طويله ، ف في حالتي اعتقد اني سأستمر الى الابد .... كما اقول دائما ... اخذ الدواء واعيش شبه طبيعي ولا اتركه واعيش في جحيم

اتمنى لك التوفيق

ايه صدقت..
ابشرك رجعت للعلاج ماقدرت صراحه..جسمي تعب جدا

وهاذا الي انا قررت اسويه..دام المرض مزمن وهاذا المتوقع فبستمر عالعلاج.

ايه والله صدقت
الله يجزاك الجنه

انا كتب لي عليه بس ماخذته واخذت ديبرالكس..
خفت من اعراض جديده.
كيف العلاج معاك وهل فتح الشهيه ولالا وكم لك عليه

انا كان معي خمول من سبراليكس وسيركويل
فصرت اشرب بالنهار اسبريسو والحمدلله اختفى الخمووول

الحمدلله

لي يمكن 7 شهور الدواء مايبين معي الان لان حالتي ليست مستقرة بسبب تركي للدواء واعراضه الانسحابية لكن الشهية اقل من العادية بعكس سيبرالكس كان فاتح شهيتي ..واخذ معه دواء قبل النوم عشان انام ناسي اسمه

انتي اساسآ ماوقفتيه فقط قللتي الجرعة لكن غريبة صارلك وقت طويل المفروض تكونين تخطيتي اشد الاعراض؟ هل هناك تعب شديد بعد 7 او 8 شهور؟؟