وسواس التنفس والاختناق والدوخه والرعشه والشعور بالبردهذي اعراضي
 

السلام عليكم ورحمة الله وبركاته
انا مشكلتي مع الكتمه والاختناق بس استحظر الافكار اصاب بكتمه وكاني بموت مختنق واعراضها
1-شعور بالكتمه والاختناق
2- الدوخه
3- الشعور بالبرد
4- الرعشه وحنكي يطقطق
كيف اعالج الاختناق اركض اتروج تقل مجنون او اهج للحوش او اخلي زوجتي تسولف علي وتشجعني انه مجرد وسواس او اضرب نفسي كف ي الله شقد اعاني بعدها يروووح بعدين اقتنعت انه مجرد وسواس صاير يبطي مايجيني الا اذا قلقت او بديت افكر بجسمي او اراقب تنفسي تجيني الحاله منو مثلي 😖😖👍

السلام عليكم ورحمه الله
أخوي أبو ضاري الله يعطيك الصحه والعافيه يارب

من كلامك كل اللي تعانيه كلها مجرد أفكار ووساوس ... تقول لما أستحظر الافكار ...

يعني لو تلاحظ انه نجيب الافكار لانفسنا .. وأي افكار أفكار سلبيه وقلق وسواس موت وسواس امراض

وهذي الافكار كفيله بتهيج الجهاز العصبي قولون وتبدا الكتمه وووو وهذا طبيعي جدااا

بالاضافه اصلا بدون قولون وو الافكار لوحده تشعرك انك فعلا مصاب بالشيء الفلاني ...

على الجانب العملي افضل علاج التجااااااااااااااهل التطنيششششششش

تقول كيف ما اقدر هي تجي ووو هي تجي صحيح مره ومرتين وووو لكن مع كل مره لا تتجاوب معها خلاص مراح تجي
لانها مبرمجه في عقلك الباطن انه كل شوي يطلع لك الافكار هذي

حسيت اليوم بفكرة انه فيك كتمه
قول طيب والحل لها ؟
س / هل انا مصاب بالقولون ...وصارت هالكتمه بسبب بعض الاكلات ؟
ج/ طيب زين اذا القولون السبب خلاص ابتعد عن الاكلات المهيجة له واهتم في الرياضه والفواكهة
او لا ماني مصاب .. اذا سبب هالكتمه شنو ..؟ رحت الدكتور وسالته وقال مافيه شيء
معناه انه وسواس لعين من الشيطان

الحل الفعال له التطنييييش عدم التجاوب معه ، كل ما قالي معاك كتمه معاك ووو قوله طيب
وكتمه خير يا طير . ما راح يصير لي شي لانها مو كتمه حقيقية هذي كتمه شيطانيه

ولا اريد اعمل اختبار لنفسي بجري او مشي وماني متحرك من مكاني هاه ايش عندك ياوسواس

جرب كذا كلم نفسك حارب الشيطان والوسواس كذاا انه انا فاهم انها وساوس وافكار وخلاص من الان بطنشها
صدقني فترة ولا تجيك

** طبعا قبل كل شيء الجانب الروحي :
- المحافظة على الصلاة في وقتها
- الاكثار من قراءه القران
- الاكثار من الصلاة على النبي صل الله عليه واله وسلم
- الاكثار من الاستغفار وذكر الله دائما وابدا

* بالاضافه الى الانتباه الى وقت الفراغ ...
الفراغ هوا البيئة المناسبة للوسواس ..

الله يكتب لك العافيه يارب

والله توني داخله بكتب موضوع عن الكتمه
انا مثلك من كم يوم ماسكتني كتمه واحس مو قادره اتنفس زين
الهوا يدخل جوا بس احس كأن شي على صدري
كأني لابسه ملابس ثقيله
وقبلها كنت احس بألم في صدري نفس نقص فيتامين دال
الم بالعظام او العضلات مو عارفه اوصفه
ومهما سويت مايروح
وقاعده افكر بكورونا وفقرالدم والجلطات الله يحفظنا وياكم

السلام عليكم
انا مثلك وتخيل ملازمني 24 ساعه احاول اشتته موقادره والتنفس حكايته حكايه احس احد ماسك التنفس عني او كنك غرقان في مسبح اوبحر ودور الهواء عشان تتنفس وسواس متعب
وكل مره يقنعني انه عضوي وكل مره ابكي منه واقول فعلا عضوي واكيد راح ادخل المستشفى وووووووووو افكار تروح وافكار تجي ويشتد علي خصوصا في الليل

نفسي تماما ماتدري وش تفكري والاوش تخلي والاوش تصدقي والاوش تكذبي تصيري في دوامه كنك مجنونه اومهبوله الله يشفينا يارب

وربي كانك تشرح حالتي احس انا الي كاتبه الموضوع من قوة ماوصفت الي احس فيه الله يشفينا فعلاً اصعب شي وسواس التنفس متعععب لا ابعد حد جربت انواع الوساس بس وسواس التنفس فظييييع يارب تشفي كل من يعاني

كم لك علي هل حاله وهل رحت للمستشفي وفحصت

كم لك مع الوسواس ورحت كشفت بالمستشفي؟

انا ماسكتني من 8 سنين

الوسواس اعاني منه من زمان جداً وسواس الموت يصاحبها نوبات هلع لكن وسواس التنفس ووسواس المرض والجلطات تحديداً من سنه وانا اعاني 😭نعم عملت فحوصات للقلب ايكو وتخطيط من سنه وكانت سليمة جداً الحمد لله طلع عندي فايتمين د 9 وب 12 ناقص برضه لكن ناسيه كم كان وايضاً عندي اضطرابات في القولون العصبي بسبب القلق والتوتر

تعرف سببها او بعد ايش صابك هذا الوسواس ؟؟ وكيف كانت حياتك خلال هالثمان سنوات هذي هل اعتزلت الناس والخروج من المنزل خوفاً من سيطرة الفكرة عليك خارج البيت او خارج محيطك ؟؟هل تاخذ ادويه ام لا وهل تعايشت مع الوساس واعذرني على كثرة الاسأله

انا مثلك تماماً
رحت المستشفى وحللت وطلع عندي نقص د و ب12
ب12 جنني جنني تعبنننننني حرفياً هو يمسك الصدر والكتمه
بس تعبت على ما ارفعه ولا يرتفع

من أخطر الوسواس هو وسواس التنفس


كون التفكير فيه في عده اشياء مثل القلب الرئه , وهذا يضر المريض في حال أنه يسترسل مع الفكرة الوسواسية


وافضل طريقه للخلص من هذا الوسواس هو تمارين التنفس 3 مرات باليوم 5 دقائق

جربتها ما فادتني

ترا فيه فرق بين الوسواس وان فكرة مسيطره عليك

طيب وش الاعراض ولا بس الفكرة المسيطرة عليك يعني فكرة التنفس ام ان الاعراض المسيطرة طول الوقت ... وهل تعايشت معها

لي اكثر من 15 سنه وانا الوسواس على كل شكل ولون ومن 11 شهر الحين ماسكني في التنفس كثيررر اقسم بالله عيني ماتفارق تنفسي كل لحظه يقولي بيوقف واحس فعلا انه وقف وان قلبي وقف وانه مايتحرك
لامارحت وخايفه واخاف من المستشفيات كثيرررر صار عندي فوبيا منهم خصوصا بعد وفاة والدتي

احس مكتومه وفي ثقل على صدري طول الوقت
واحس مقدر اسحب هوا بقوه واتنفس زين
ولما اشتغل او ابذل جهد اتعب بسرعه لازم ما اسوي شي كثير
ولا امشي مسافه طويله
لا مو بس الفكره موجوده فب اعراض اللي ذكرتها فوق
تعايشت معها بس للأمانه ارفضها ومو متقبلتها

طيب الوسواس هذا عندي اياه نسخ لصق نفس الي عندي .... بس سؤال عشان اثبت لك انه في يوم من الايام بيروح ان شاء الله ... هل يجيك فترات او ايام تقدرين تطنشينه او ماتفكرين فيه واجد بالعربي هاديه ومستانسه ؟

تعالجت ؟حبوب شي؟

نفس الوسواس الي عندي بالنسبة لي اذا كانت نفسيتي تمام عادي ماهتم بس مايروح الوسواس لكن ماهتم له عادي لكن اذا كنت قلقه جداً يزيد عندي وتزيد حدة الاعراض الجسدية واتوهم انه فعلاً فيني ضيق تنفس وراح اموت واحس شي عالق بصدري زي البلغم لكن من بدا عندي هذا الوسواس مافي يوم مافكرت بتنفسي وراقبته تصيبني حالة جنون لو ماتطمنت على تنفسي من وقت للثاني 😭😭😭

خلاص انتهى الاساس القلق والاكتئاب اذا زاد عند الشخص اصبح يركز بالشي اكثر من اللازم واذا كان ريلكس تكون الفكره عاديه واحتمال بدون اعراض ولا ضيق مجرد فكره فهنا العلاج انت جبت العلاج بالضبط يعني نعالج القلق او الاكتئاب وانا استخدمت دواء سبراليكس وابشرك ان حالتي ممتازه بحمد ربي واصبح مجرد فكره تروح وتجي ايضا التجاهل يعمل دووووره وفيه شي مهم عدم تطبيق تجارب الغير فينا البعض خلاص يقول هذا ماتعالج انا ماتعالجت بالعكس يوم من الايام بيفرجها رب السماء والارض مانحط في راسنا اننا بنستمر بهذا الوسواس سواء وسواس التنفس او القلب ونبضاته مثل ما شفينا منه ساعه قد نشفى منه يوم ومن يوم الى يومين ايه ويوم لا ... الخ لكن فرج الله قريب والشفاء قادم نعمل بالاسباب والادويه من الاسباب والحمد لله

الله يسعدك على الكلام والله جاء في وقته فعلاً احس باحباااط شديد لاني اقرا ان الي جاهم هذا الوسواس طول معاهم على ماراح وبعضهم معاه من سنين انا حالياً استخدم بروزاك فادني شوي بحيث اني اهدا اذا صابني الوسواس اقدر اسيطر على الفكره مو مثل قبل العلاج ولكن على ماسمعت ومن تجاربكم للقلق السبيراليكس ممتاز شكلي بقول للدكتورة تغيره لي

يعني الفكره تجيك على شكل نوبات من فتره الى فتره ؟صح ... عشان اعطيكم الجواب الكافي واسوي موضوع كامل

لا الفكرة معاي على طوووول وبكل وقت احياناً تشتد معي واحياناً تخف زياده على الاعراض الجسدية انا لو كانت مجرد فكرة عادي اقدر اطنشها ولكن فكره واعراض جسديه متعبه وكأنه شي حقيقي مش وسواس هذي مشكلتي يعني عقلي شغال دائماً بفكره معينه وهي مراقبة التنفس

وفعلاً احس بضيق تنفس حقيقي مو بس فكره ولكن ضيق تنفس نفسي وليس عضوي

طبعاً الموضوع بدا معي بالتدريج اول شي نوبات هلع بعدين وسواس المرض ودقات القلب والجلطات ولما عملت اشعه للقلب وايكو وطلع سليم كأني اقتنعت ولكن راح وسواس القلب وجاني وسواس التنفس اقول صح القلب سليم لكن اكيد عندي مشكله بالتنفس او بالرئة مع اني رحت للمستشفى اكثر من مره ونسبة الاكسجين تكون تمام يعني ماعندي مشكله صحية مشكلتي نفسيه للاسف طبعاً جاتني فترات كان ضيق التنفس عندي بشكل دائم قبل العلاج هذا الكلام ولكن مع العلاج تحسنت شوي الحمد لله

كنت مقدر اطلع من البيت او اركب السياره احس بكتمة قويه وضيق تنفس شديد جداً وعلى طول تمسكني نوبة هلع واظل طول الوقت احاول اتنفس مقدر لكن الان حالتي اصبحت افضل مع العلاج وتقريباً انتهى مصدر القلق الاول بالنسبة لي باقي مصدر القلق الثاني عندي عشان ارجع طبيعيه 😭😭😭

ممتاز وش مصدر القلق الثاني

جدا والله الامر سهل وبسرد لكم كل شي بس وش مصدر القلق الثاني وكم له وسواس التنفس معك يعني وهل قبله كان فيه وسواس لان الوسواس لعين كل يوم يتشكل ويمسك خط على شي وحبذا تكون الاجوبه بالصحيح لأن مشكلتنا البعض يكتب ويتكلم عن الجانب السيئ واني صارلي كذا وفكرت كذا ..الخ ويترك الجانب الايجابي مثلا انا خلال اليوم الفلاني تعافيت وان شاء الله بتعافى بكره وبعدة ...الخ

لا بالعكس انا جداً متفائلة ان الامور بتتحسن لانو فعلاً تحسنت عن اول بكثير يعني لو اشوف حالتي قبل كم شهر وحالتي الان يالله من فضلك تحسن جداً جداً كبير فعلاً مثل ماذكرت الوسواس يتشعب وكل شوي يطلعلك بوسواس جديد اذا استرسلت معاه انا كان عندي وسواس الموت من فترة جداً طويله بس تحديداً وسواس التنفس من سنه مو شي جديد الوسواس عندي لاني بطبعي قلقه جداً يعني ابسط الامور اقلق منها واشيل همها والمشكلة الثانيه بتفكيري دايماً او اغلب الوقت تجد الشخص الي عنده وسواس وقلق اغلب تفكيره سلبي وهذا الشي هو الي يزيد القلق ويضخم الامور بعقله ويتوقع دايماً الجانب السيء منها

لكن مشكلتي الحين لو يصير شي واحد او ضرف معين خلاص ارجع لنقطة الصفر مقدر افكر بايجابيه نفس اول على طول احس فيني خوف

ثق برب العباد ... حتى ولو رجعنا لنقطة الصفر (وهذي تصير دايم) نتذكر انتا كما تجاوزناه او خففناه في المره الاولى راح يخف في كل مره يرجع للصفر ... ادري الشعور متعب الم الصدر الضيقه الكتمه المستمره التفكير المتواصل والله ادري انه مرهق ومتعب جدا جدا جدا جدا وانا اقولها دايم بس لابد ان تشرق الشمس يوم وان غابت عننا ايام ... الحمد لله اننا مأجورين بإذن الله ... فالنظره التفائليه ونتذكر دايم انه يخف احيانا ويرجع احيانا هذي لحالها تطمننا ... وانا ان شاء الله بكتب عن كل شي في موضوع

يارب يارب الله يشفينا جميعاً ويجعل ما اصابنا تكفير لنا ويرزقنا الصبر على البلاء الحمد لله على كل حال وفي كل وقت ..

للاسف خسرت حياتي خسرت اصدقائي خسرت عملي خسرت الحريه انعزلت عن العالم ع شان اخاف احضر مناسبه او مكان عام تجيني وتطلع الفضايح كل ماطلع من البيت تهاجمني الكتمه رالدوخه وارجع للبيت تقل مجنون وانا الهث ادوور النفس بس الحين الخمد الله تغيرت بنسبة ٦٠بالميه.صرت
اطلع والهي نفسي ماربط نفظي بموعد مع احد ع شان من احس، بالاعراض اهج

أخي بوضاري

كلها أعراض قلق وتوتر ... إما اضطراب هلع أو على الأقل اضطراب القلق العام
الخفقان والإرتعاش والبرودة والتعرق والفشل والصداع وصعوبة التنفس والشعور بعدم أخذ نفس كافي وضيق الصدر وألم الصدر
وآلام الظهر والأكتاف والرقبة ووو كلها أعراض توتر زائد

تمارين التنفس (خاصة التنفس البطني العميق) يوميا لمدة شهر وراح تصير أفضل ان شاء الله

ربنا يشفيك ويشفينا جميعا

حبيبي تسلم علي المعلومات الرائعه شكراََ من القلب للقلب