يوميات الموسوسين تعالو نسولف
 

السلام عليكم معشر الموسوسين 😂😂حبيت انزل هذا الموضوع وكل واحد يكتب فيه اي استشارة او فضفضه او اي حاجة في نفسه لان المواضيع كثرت بصراحة وكلها متشابهه ف خلونا هنا بالموضوع هذا احسن يكون مرجع لنا وماتكثر المواضيع وبعضها مانرد عليها

كيفكم اليوم تعالو نعطي بعض طاقة ايجابية كل واحد يدخل يقول كيف يتعامل مع الوساوس ويخفف منها وكيف يتصرف حلو اذا شفت ناس مثل حالتك ماتحس نفسك وحيد

بداية طيبة إن شاء الله عُدنا والعود احمد
جزاك الله خير 🌹 وهنا إن شاء الله سيكون قسم فضفضة وفقكم الله لكل خير

بسألكم سؤال
انتو مثلي كل ما انتهي من فكره وسواسيه جتني فكره اشد من اللي قبلها
ااااااااااااااااااااااه تعبت تعبت على مدار8 سنوات وانا من شدة الى شدة اشد من اللي قبلها ودي اصارخ باعلى صوت افكار اكلت راسي افكاااااار ذبحتني دمرت حياتي حطمت آمالي وامنياتي انا لله وانا اليه راجعون.

والله للاسف كلنا نفس المعاناه الحمد لله على كل حال انا من الصغر عندي وساوس يعني تقريباً لي 15 سنه تروح وترجع وتختلف شدتها من مره للثانيه عندي وسواس الموت والحمد لله خف الآن دخلت بوسواس الامراض والتنفس من كثر ماسمع واشوف 🤦🏻‍♀🤦🏻‍♀🤦🏻‍♀هل تاخذ علاج او لا وش نوع علاجك وهل استفدت منه ؟؟

حتى اذا جيت افرح واتفائل احس في شي بيصير 🤭ادري انه الشيطان لكن غصب تجي الفكرة

تعبنا كلنا ربنا يشفينا
المشكله احنا ما نعرف السبب الحقيقي الي وصلنا لهذه النتايج والنفسيه هذي
هلً هو وراثه ام خلل في كيمياء المخ ام عين ام شيطان

انا احس اني موطبيعيه حتى لو مافكرت بالوسواس بس طبعا كلمة الموت ماتغيب عن بالي واتجاهلها بس احس طول وقتي متأهبه كذا شعور مااعرف اوصفه تحس انك رايق ومو رايق فيك شي ماتدري وش هو😭😭😭

هذا هو الوسواس يسيطر على تفكيرك كل وقت ولا ليش اسمه وسواس قهري لانه يقهرك بالافكار ويسيطر عليك احسن هو التجاهل ثم التجاهل ثم التجاهل البدايات صعبة لكن لو تعود العقل انه يتعامل مع الافكار باذن الله مع الوقت نقدر نسيطر عليها او على الاقل نخفف منها لكن المشكلة بالاعراض الجسدية المتعبه هذا اكثر شي يخوفني ومنكد علي

التراكمات والضغوط النفسية هي اكبر سبب رئيسي

مع بداية كل يوم جديد
إبتسم للحياة
وفكر فيما يسعدك
وابتعد عن كل ما يقلقك
وأعلم أن الأمل دواء
والقلق عناء والتفاؤل رجاء..

حبيت اصبح عليكم
واتمنى لكم سوالف إيجابية حلوة
ربي يحفظكم ويعافيكم
يسعد صباحكم ❤🌹

كلام جداً جميل 👍🏻👍🏻

طبيعي وطبيعي جداً الي عليك تسويه تحاول ماتستسلم لها بكل مأوتيت من قوة والله المعين

سؤال كيف تتعاملون مع الدوخة الي تجي بسبب نوبة الهلع ؟؟

[QUOTE=تقهويتك مواجع;1398771]تدري شي المشكلة مرات يمكن ماتحس بشي من اعراض الوسواس لكن الافكار ماتغيب عنك يصير يقولك انت ماتحس بشي لانك بتموت وبعدين يدخل مرحلة يأكد لك ان انت ماشعرت كذا من قبل وتصير تدور كلامك اذا انت من اول حسيت كذا ولا لا
مايعطيك اي فرصة تكون ايجابي او تعيش باايجابية لو باابسط الاشياء
مافي استمتاع مافي اي نوع من اي سعادة[/QUOTE
السلام عليكم....
كيفكم....
فعلا كنك تتكلمي عني نفس الي احس فيه بالضبط ولما احاول اتجاهله يقولي ليش ماحسيتي بشئ اليوم ولاباعراض لانك فعلا راح تموتي ف ابدا اتعب كل لحظه وثانيه كرهنا معنا السعاده والحين مجنني في التنفس وانه راح ينقطع في اي لحظه وانه فعلا راح اموت وفعلا احس كانه مقطوع واحاول اخذ شهيق وزفير بقوه عشان اتنفس ويقنعني ان فيني مرض عضوي
اذا جاءت اي مناسبه لازم يقولي راح تموتي وماتحضريها والحين يقول لي مابتحضري عيد الاضحى واحس فعلا بهالشعور يجيني دوار وكتمه وثقل على الصدر كني عايشه في حلم غثيان رجفه قلق توتر النفس مقطوع اعوذبالله شئ متعب الله يشفينا منه يارب

والله ايش اقولك ليتها على الدوخه وبس لا كل الاعراض ماتعرفي تتعاملي معها ولما تحسي بدوخه تحسي فعلا انها راح تصير وممكن توقعي باي لحظه الاعراض كثيره ولما تكون مسيطره صعب تتعاملي معها بالغكس تزيد كنها حقيقه

اهلاً اخباركم يارب تكونو جميعاً بخير

من منكم يشعر بانتفاخ في اعلى البطن او زي التقلصات هل هذا من القولون ؟؟ او المعدة يزداد عند التوتر

مرحبا
لولا الوسواس كان حنا بخير😢😭
ايه انا نفسك بالضبط ويزيد معي فعلا مع التوتر اوالخوف ولما افكر كثير ويصير قاسي بقوه
انا مثلك ماعرف هو قولون هو ايش!!!
عندي سؤال لك
هل انتي لما ينتفخ معك ويزيد تحسي ان التنفس عندك مقطوع وكنك ماتتنفسي وتصيري تجبري نفسك قوه على التنفس واخذ الشهيق والزفير؟
لان النقطه هذي متعبتني مره ومكرهتني حياتي لي 8 شهور وسواس التنفس عندي مجنني وكل شوي يقولي اكيد قلبك فيه شئ والاكسجين عندك قاعد ينقص وانتي ماتدري كل مافكر بهالشئ تجيني هالحاله ويقولي ان فيني عله عضويه مو نفسيه

الله المستعان الله يكتبلنا الاجر على الصبر والشفاء يارب فعلاً شيء متعب متعب جداً الحمد لله على كل حال

اتوقع القولون لانه من التوتر يتأثر فعلاً اصير مقدر اتنفس واحس تنفسي مو طبيعي اصلاً لازم اراقب تنفسي واذا ماراقبت تنفسي انجن 😭😭صح اني خفيت مع العلاج بس مازلت اراقب تنفسي وكثير اشياء ابغى اسويها واخاف مثل الرياضة كنت احبها والآن مستحيل اسوي رياضه اخاف ينقطع النفس عندي 😭😭😭حتى لو ابذل مجهود بسيط في البيت احس خلاص نفسي ينقطع واوقف اخذ شهيق وزفير مقدر احس الهوا مايدخل داخل مدري كيف اشرح بس شي مره متعب ويجيني احياناً الم بالصدر من كثر ماخذ شهيق وزفير وطول الوقت احس التنفس مو عميق عندي يعني مو نفس اول اتنفس بسهوله وعادي ماكنت اراقب تنفسي ليش صرت الحين كذا معرف 🥺لي تقريباً سنه الا كم شهر على هالحاله يارب تروح والله تعبت برجع اعيش حياتي طبيعي حتى لو طلعت ورحت ما انسى التنفس ببالي على طووول مدري كيف ماركز على هذا الموضوع نفسي انسى خلاص ماركز حاولت اتجاهل بس مانجحت سويت تمارين التنفس احسها مافادتني بشي نفسي انسى فكرة التنفس هذي واقنع نفسي انها مو عضويه مو عارفه كيف دايماً اقول لو انها مشكله عضويه وفعلاً فيني شي كان من زمان مت 🤭بس اذا رجعت لي الاعراض احس لا هالمره غير اكيد صدق فيني شي 🤦🏻‍♀🤦🏻‍♀🤦🏻‍♀

طيب تعالي اقولك شي عشان تصدقين انه وسواس مو انا نفس مشكلتك بالضبط سويت اشعه للقلب وطلع سليم مافيني شي والاكسجين عندي نسبته الحمد لله دايماً تمام ادري الشخص القلق والموسوس مايقتنع يقول لا اكيد هذا مو نفسي اكيد انا غير اكيد انا فعلاً عندي مشكله كذا احنا من شدة الوسوسه الي فينا والقلق مانصدق لو نسوي مليون فحص والله مانقتنع لازم نحاول شوي نتجاهل ونبذل مجهود مو معقوله بنظل طول حياتنا نعيش بوسواس وافكار مالها اساس من الصحة كل واحد منكم جرب طريقه او حل لو ساعده بشكل جزئي يقولنا خلونا نساعد بعض لان احنا الوحيدين الي فاهمين بعض هذا الكلام لو تقوله لا احد ثاني بيقول خلاص انت موسوس ومريض وبيزيد مرضك

بالنسبة لي احس بتحسن بسيط مع العلاج الحمد لله واخذت موعد مع معالج نفسي وليس دكتور ان شاء الله لو استفدت بفيدكم معاي لكن الموعد مطووول 🤦🏻‍♀

اي والله كنك تتكلمي عني بالضبط كل الي قلتيه وتحسي فيه زي وضعي بالخرف الواحد تماما ونفسي مثلك انسى وحتى لمااطلع في مخي اكره الطلعه ووالله العظيم حتى الاكل صرت اخاف اكل خوفا لاينقطع تنفسي اقول اكيد راح يوقف وشعور ماتدري كيف تشرحيه
والله زيك حاولت اتجاهل مافاد وماكنت كذا بس لما شفت امي تحتضر صرت اراقب تنفسي حتى الصلاه اقول هاه اكيد راح اصير زي امي وبموت الحين ونفس ماقلتي بالضبط لما تجيك الاعراض تقولي هالمره صدق اكيد واذا ماراقبتيه تحسي بيوقف ياربي اول والله كنت اتنفس عادي الحين من 8 شهور وحالتي حاله

[QUOTE=توكلت عليك يارب;1399064]طيب تعالي اقولك شي عشان تصدقين انه وسواس مو انا نفس مشكلتك بالضبط سويت اشعه للقلب وطلع سليم مافيني شي والاكسجين عندي نسبته الحمد لله دايماً تمام ادري الشخص القلق والموسوس مايقتنع يقول لا اكيد هذا مو نفسي اكيد انا غير اكيد انا فعلاً عندي مشكله كذا احنا من شدة الوسوسه الي فينا والقلق مانصدق لو نسوي مليون فحص والله مانقتنع لازم نحاول شوي نتجاهل ونبذل مجهود مو معقوله بنظل طول حياتنا نعيش بوسواس وافكار مالها اساس من الصحة كل واحد منكم جرب طريقه او حل لو ساعده بشكل جزئي يقولنا خلونا نساعد بعض لان احنا الوحيدين الي فاهمين بعض هذا الكلام لو تقوله لا احد ثاني بيقول خلاص انت موسوس ومريض وبيزيد مرضك[/QUOTE
اي والله نفسها بالضبط وفعلا كنك قاعده تشوفيني اقراء ردك ويقولي لا هي غير انتي عضوي مو زيها عرفتي نفس ماقلتي بالضبط
مايبينا نقتنع لا يبيك انتي الكذب وهو الصح
اسال الله في هذي العشر انه يشفينا ياقادر ياكريم جميعا وفعلا شئ متعب متعب وياليت فيه احد بقدر يساعدنا غير التجاهل او يعطينا طريقه اقوى للتجاهل

صلي بالمشكله اكثر احس سؤال مو واضح


كنت اشرب عصير فالمطعم فاكهة الباشن فروت تعرفيها صح
؟ ف شفت فالعصير قشور حمراء اللون وسوست قالي هذا دم و في ايدز اخرجت القشور من العصير لتأكيد شفت نفس القشره او جلد مسحته بالمنديل شفت يتفتت ينتشر مدري اذا فهمت و من هاك اليوم اوسوس انه صاحب المطعم حطلي دم و دمه يحتوي على ايدز في العصير صرت اوسوس اني شربت عصير ملوث💔💔💔💔بالدم الايدز

مدري ليش وسوسلي لانه يمكن كنت صغيره شفت فيديو انه واحد يحط دمه فالمسورب و يعطي الناس ف الفكره تخزنت ف مخي 💔

تغير وسواسي بنات💔💔

ايوه يوسوس لك في كل شئ حتى في اكل المطاعم
سؤالي....
هل فيه احد عنده طريقه نقدر نخلص من الوساوس خصوصا وسواس التنفس غير طريقة التجاهل لاني عجزت انا واختي توكلت عليك يارب نتجاهل يعني الفكره مسيطره علينا علينا بقوه؟؟

وسواس التنفس كيف ؟
تحسين انج ما تقدرين تتنفسين ؟
انا خلاص تعبت لدرجة اذا كلت شي اشوف لونه احمر اقول دم

ايوه بالضبط احس كني ماتنفس كويس اواجبر نفسي على التنفس بقوه مع اني ماكنت كذا بس مجرد ماجاءت الفكره في بالي تغير التنفس عندي اصبحت كان انا الي اتحكم فيه مثلا وانا امشي او في سوبرماركت او في الشارع او في السياره يقولي ايش يضمن لك ان تنفسك ماراح ينقطع الحين وراح طيحي وتموتي ف تزيد معي الحاله الهث بسرعه او اتنفس بقوه عشان اتاكد انا اتنفس او لا واحيانا وانا جالسه فجاءه تجيني هالحاله واحيانا اذا قربت مناسبات يقولي ماراح تحضريها زي الحين يقولي ماراح تحضري يوم عرفه ولا عيد الاضحى وبتموتي قبلها والحين احس ب خوف شديد لاقرب وتزيد علي الحاله خصوصا في التنفس
فهمتي علي؟

اممممم انا مابي اخوفك والله بس انتي مشكلتك مو بس وسواس يبدو عندك مشكله نفسيه ثانيه لابد تراجعين دكتور نفسي افضل

السلام عليكم وصباح الخير
لعنة الله عالشيطان والوساوس نطلع من فكرة وندخل بفكرة ثانيه وجسمنا طول الوقت تعبان مهبط وغير هبات السخونه وهبات البرودة ومهبل فينا تعب وارهاق ونوم ملخبط وحاله حتى لما الواحد يصحى من النوم يصحى قرفان تعبان كل الافكار الموت تصحى معه كل الاحاسيس البشعه تصحى معه مايعرف يبدء يومه كيف وكل الافكار التسلطية راكبه مخه ومو راضيه تحل عنه كل يوم على ذا الحال وبعدين.

والله اشتقت لنفسي المتفائله يعني كل يوم تجيني ذكريات الفيس بوك اتضايق كيف كنت كل يوم تنزل كلام يجنن وصباحيات كلها امل وتفاؤل وحب والحين اخاف انزل اي شي عشان اذا صاارلي شي لايفولون كانت حاسه وشوفو وش نزلت اخر شي دوامه حقيرة حرمتني لذة ابسط الاشياء

تخيلو صرت اخاف من عيد ميلادي من عيد الاضحى من يوم عرفه من مليون شي متسلط علي ذي اليومين بتموتين قبل عرفه ويخليني احسب واقلق ويومي يصير اسود زي الزفت اكتب لكم الان وكل الاحاسيس البشعه والمؤلمه معاي ومو عارفه وش اخرتها اقسم بالله😭😭😭

يومين تعدي بخير ولا كانو في شي وبعدها تيجي نوبات تهد الحيل كررررهت نفسي حيييييييييل💔💔😭😭😭

استهدي بالله ولاتشحن نفسك طاقة سلبية اكثر من الي انت فيه هذي ايام فضيلة استغلها بالدعاء لعل دعوة منك بقلب خاشع تُستجاب وينفرج الهم لاتيأس ابداً مافي شي يدوم على حال وحده تأكد من هالشي اذا تسلطت الافكار حاول تسوي عكسها يعني حسيت انك بتموت وماتبي تطلع او تروح لا اي مكان لانك بتموت واجه خوفك واطلع لازم نواجه الوسواس افضل حل هو المواجهه وليس الاستسلام صح صعبه والكلام سهل بس مايمنع نجرب لو مره نتحدى انفسنا ونقهر الوساوس بدال ماهي تقهرنا خلونا نشجع بعض ونجرب انا حاسه بكتمة فظيعه وسواس ان تنفسي بينقطع والحين انا عند اهلي وغصب مابي ابين لهم ان فيني شي وراح يطلعون بعد شوي وانا كارهه نفسي مابي اطلع معاهم بس ماراح استسلم للشعور هذا بطلع والي يصير يصير خلاص لازم نضع حد لهاوساوس الي هلكتنا خليته تحدي بيني وبين نفسي اي شي اخاف منه اوجهه راح اطلع واحاول بكل قوتي اطنش الوسواس اول مره بتكون صعبه اكيد بس متأكده اني بالمرات الجايه بكون احسن وقدرت اتغلب على الوسواس فكرة انك نجحت في تحدي نفسك تستحق المحاوله

مرحبا كيفكم
فعلا والله العظيم انه نفس الافكار الي معك معاي بالضبط ونفس الشئ يقولي ماراح تلحقي عرفه وبتموتي قبلها ويخلي كنه احساس صدق كانك تتكلمي عني وفعلا لما انذكر الماضي ابكي على شخصيتي قبل الوسواس

مرحبا....كيفك...
فعلا لازم المواجهه وزيك في التنفس تماما وصرت اخاف اطلع مكان عشان ماينقطع تنفسي
وفعلا كلامك صحيح لازم المواجهه انا اليوم اولادي بدهم ملابس عيد
قلت بيني وبين نفسي حرام احرمهم فرحة العيد ف قررت اطلع السوق واشتري لهم لما بس مجرد فكرت الفكره بدى يضيق التنفس عندي وكنه بينقطع وجلس صوت في داخلي يقولي لاتروحي ترى بينقطع تنفسك وبتموتي ف قلت قول الي تقول طالعه طالعه والي يصير يصير
طلعت بعد المغرب جالس يخيلي افكار اني طحت واني الي في السوق ودوني للمستشفى المهم افكار وتخيلات الله وكيلك حاولت اتجاهلها لما دخلت السوق حسيت بدوران تجاهلته ومشيت والحمدالله تقضيت ل اولادي وخلصنا ورجعت البيت وهو يحاول يزن في اذني
والله شئ متعب لاكن ان شاءلله يدا بيد كلنا لنتخلص من هذا الوسواس اللعين وخصوصا وسواس التنفس

الحمد لله 😍هذي اول خطوات العلاج باذن الله (المواجهه) انا امس طلعت مع اهلي وطول الطريق احس بقولهم وقفو خلاص برجع للبيت احس كتمة مقدر اخذ نفس عميق بس قلت لا ماراح استسلم باذن الله وجلست اطالع الشوارع بالسياره والهي نفسي بأي حاجة صح الفكرة كانت مسيطره بس حاولت بكل مقدر اني ماستسلم والحمد لله نجحت 😍😍طبعاً اكيد وصلت للبيت هلكانه من كثر ماتحاربت انا والوسواس 😂😂بس بالنهايه احس بشعور بالرضا اني قدرت اواجه نفسي وان شاء الله هذي بس بداية الطريق والله يعينا يارب ويقوينا ويشفينا باذن الله

صدقيني بدون مبالغة لما افتح المنتدى ادخل فضفضتج في غالب الاحيان تكون معانتج نفسي بالضبط انا الحين خايفة من يوم عرفه والاضحى وقبلها العصر كنت في حالة ترقب كله انتظر اسمع اخبار مش زينه استغفرالله ، وقبل كمن يوم اجبروني انروح نخطب لاخوي في منطقة ثانيه وطول الطريق انا على اعصابي ولكن اكتشفت شي لما واجهت مخاوفي وطلعت ارتحت اليوم الثاني بطريقه عجيبه .. بس حاليا انا شوي تعبانه فجأه خفت لاني عني افكار وخيالات تخوف بشكل فضيع وفجأه صارت عندي ضيق تنفس كنت اقول في نفسي لازم اروح المستشفى ! حاولت استجمع قولي صليت العشا بالقوه وسجدت ودعيت الله انه يفرج همي ويشرح صدري ويضبط تنفسي .. حسيت مثل الضيقة ع صدري بس الحمدلله بعد الصلاه خفت الحين رجعت شوي ! لانه في مشكله عائليه عندنا فالبيت وبعد الوسواس والخيالات المستمره وفوق كل هذا محد يعرف شو فيني واني منهاره داخليا الحمدلله على كل حال ..وصلت لمرحلة ما اقدر اشرب ماي احس بكره في حلقي .. كل شي متجمع علي وانا لاحظت في الايام الفضيله يزيد علي .. ومأساتي الحقيقه اني عندي مشكله مع كبار السن في العايله اخاف عليهم ورابطه نفسي فيهم بسبب حلم ومصدقه الفكره اخاف منهم اخاف ازورهم اخاف لما يمرضون انا جدا تعبانه مب هذا الموضوع .. بس فوضت امري الله .. وعلى فكره انا خايفه اني اكتب هذا الكلام بس عناد في الوسواس راح اكتبه .. بالرغم من كورونا الا إني ما اجلس فالبيت احاول اطلع عشان خلاص ما اتحمل .. قطعت صديقاتي لدرجة صديقتي اتصلت فيني سألت عني وخفت كثير من سؤالها بس بعدين قلت خلاص لازم يتقبلون اني بعيده لين اصير زينه .. وخايفة من فكرة الزواج معنه كان حلمي اتزوج واستقر بالرغم انه محد خطبني لكن اقول كيف راح اتزوج وانا مريضة وسواس قهري فأتجنب كل المناسبات اللي احس انه يمكن في حد يشوفوني او يخطبني لها الدرجه وصلت .. الحمدلله على كل حال

الحمدالله والله يقدرنا ونغلبه وفعلا اقسم بالله زيك طول الطريق يقولي ارجعي قولي لهم يرجعون وحسيت بضيق تنفس
وفعلا محاربه مع الوسواس وانتي رايحه وانتي جايه ياتغلبينه يايغلبك😅

امييين الله يقدرنا يارب ويشفينا عاجلاً غير آجل 😭

كيفكم اليوم انا ظهر عندي الم مع نبض كأنه كهرب بالرقبه مع الوجه والفك جهة اليمين وجداً خفت وسوست ان فيني شي مو عارفه ايش هذا الالم هل من الاسنان او من الاذن او شي خطير لاسمح الله 😭😭😭😭