|
أستشيركم في العمل . ضروري الله يجزاكم خير
السلام عليكم و رحمة الله و بركاته
أنا كثرت غياباتي في العمل و بعد اللقاح جرعة كورونا ما صرت أنام زين . صار نومي متقطع و بشكل مقزز يعني ما أرتاح في النوم أبد كنت حاط ببالي أواصل سنة كاملة ثم آخذ تقاعد مرضي يعني بعد سنة كاملة من بداية عملي ، أما الآن فأقول خلاص بترك العمل قبل ما أكمل سنة و يضيع علي فرصة إني آخذ تقاعد يعني يا فصل يا إستقالة ما فيه شيء يخليني أمسك العمل يعني مثلا الزواج خلاص ما عاد أفكر فيه لأن حصل خربطة بعد اللقاح : أعوذ بالله بس و الشيء الثاني اللي هو هَمَّ المزاج و العقلية و التفكير المغلوط الشبه متواصل و المتغلغل و العزلة المملة بالعمل و بعد الخروج من العمل و أيضا كره النهار ملازمني لزوم و عملي نهاري وش الحل : قسما بالله للحين أقول طز بالعمل تعب و عزلة و روتين ممل و صاير أقول أنا وش حدني بالعمل هذا و نكبت عمري فيه ليه أنا كذا أنكب عمري دايم . كنت قبل على سعودة و مرتاح . الحين لو أفصل أو أستقيل ما ني محصل سعودة أبد يعني بآكلها تبن ما غير إعانة التأهيل الشامل و الضمان الإجتماعي أهلي و النفر من الأصدقاء تغيرت نظرتهم لي بعد ما توظفت يعني فرحوا لي شديد الفرح بس أنا ما عندي أي محفز للمواصلة كلها سيان . و أكيد لما أطلع من العمل بتتغير نظرتهم لي للأسوء و للتكشير و بأن هذا الشخص ما فيه أسوء منه بالكون و بيعاملوني أسوء معاملة / إيه كذا بتكون نظرتهم : يا سبحان الله يعني بس الوظيفة هي اللي تغير نظرتهم لي الكلام يطول ما أقول إلا الله المستعان و عليه التكلان و لا حول و لا قوة إلا بالله وش ذي الحياة بس وش ذي الحياة مليت قسم بالله مليت و القهر شابّ نيرانه بجوفي يااااااااااااااااااااااااااااااه ودي أفرغ كمية القهر بس كيف . أوف بس |
طاقة حب المال و حب الزواج و حب الأطفال و و و . كلها مشوشة و مضطربة و مختلة
يقولون لي جمع دراهمك أهه ما لي نيه أبد أجمع . |
نصيحتي لك لاتتخذ قرار بهذي اللحظات لو تاخذ اجازه وتريح شوي بعدها اجلس مع نفسك بهدوء وفكر زين
|
اخاف اقولك كمل وقاوم وتحس اني ماني حاس فيك
واخاف اقولك اطلع وارتاح ويكون القرار الخطأ حاول تكمل المستقبل قدامك وبإذن الله تتحسن وتستقر يارب حسبي الله على من خدع الناس باللقاح |
المقاومه المقاومه المقاومه صدقني لست لوحدك وهنالك من هو أسوأ منك ... تخيل ربما هنالك عضو يقرأ الان ولايستطيع الكتابه نهائي بسبب اضطرابه النفسي
يحاول يكتب لكن لايستطيع بل قد يصل الى حد انه يقرآ ربع الرد ولايكمله ويقفل المتصفح .... هذا الكلام ليس للتحفيز هذا امر واقع اخوي بونجلاء لهذا لدي لك نصيحه فضفض هنا بإستمرار واستعن بالصلاة دوما واكثر من الاستغفار وأيضا ياأخي لابد من مراجعة ادويتك وعمل تقييم لها يجب عليك اعلان التعبئه العامه والاستعداد للحرب سواء في مقاومة مشاعرك السلبيه او لو يصل الامر لتغيير جذري للادويه لكن اياك اياك ورفع الرايه مهما حصل لك من ضغط نفسي لن تموت الا في يوم قدره الله لك ولهذا انا لاأطلب منك شي فوق طاقتك بل اطلب منك المقاومه التدريجيه وانا ارى بالاساس انك دائما تقاوم الامراض بشخصيتك المرحه والمحببه لدى كل اعضاء المنتدى وهذا المرح والفكاهه وشي من الاحساس الطيب الرومانسي فيك لم يآتي قط من شخصية انهزاميه فأنت تملك كل الادوات لتعبر ليس حاجز بل حواجز كثيره الى مرحله على الاقل شبه مستقره .... اما بالنسبة للتطعيم قد يكون له بعض الاثار مع اني اخذت جرعتين ولم اشتكي من شي .... لكن ربما شي مؤقت ولا تجعل التطعيم في عقلك دائما بل حاول تتخلص من الفكره بإيجابيتك .... ابقى في عملك ( واقضب ارضك وتعوذ من ابليس ) ( ونبي نشوف لك بنت الحلال اللي تسعدك وتسعدها ) |
اكمل هذه السنة بالعمل
بجميع الظروف ستمر الأيام وستمر السنين خلااص مقاومة الأعراض ستزيد الألم تقبّل كل شيء رحّب بكل ما يمر بك لا ترهق نفسك في محاربة ظروفك وأوجاعك ولا تلتفت للمصطلحات الطبية (النفسية) النفس لااااا يعلم تفاصيلها إلا الذي خلقها اعمل اي شيء المهم ما تجلد نفسك ولا تشعر بالندم على اي قرار خذ الأمور بكل اريحية |
اقتباس:
حسبي الله و نعم الوكيل و الله العظيم ودي أواصل لكن الحالة رغما عني و ودي أتغير جذريا لكن الأمر ليس على ما يرام حسبي الله و نعم الوكيل و الله نكبت عمري و يا هي نكبة . أوف اللهم لا ضجر ! مافيه نوم زي الناس و ما عندي تحمل لرؤية الشمس و حرارتها الزايدة و مع مزاجي الهابط و عقليتي و تفكيري المختلفة و رفضي للقوانين أي قانون سماوي و أرضي و بشري كلها تصدني لا حول و لا قوة إلا بالله أنا بس أريد يبعد ربي تمني الموت و التفكير بالإنتحار و أعيش بسلام مع نفسي رغم الظروف الغير مواتيه الله يجزاك خير تبغين تنفعيني و لكن هذا أنا وش أسوي بعمري ! |
اقتباس:
ما عاد فيه أمل للعمل و الزواج أنا باليالله أعيش مع نفسي براحة و سلام و العزلة المقيته تلاحقني و أنياب الماضي لها أثرها اللعين . قلت خلاص بطيب لكن نسأل الله الجنة القهر لما تشوف بالقروبات ناس متوظفة و تضحك ملء شدقيها و تنام متى تبغى و متزوجين و مخلفين و سياراتهم فارهة ، تتيقن كبير اليقين إنك في مصايب شتى لا حصر لها و فيك ما لا تعلم عنه إلا إنك تعيش بصعوبة بالغة مع نفسك و القهر الثاني ( النظرة ) يعني لما يشوفونك متوظف تتغير نظرتهم لك يهشون و يبشون بوجهك و لما تفلس من الوظيفة ينظرون لك ك عدو و إنك لا شيء و إنك نكرة حسبي الله و نعم الوكيل . الله يعين بس و مشكور |
اقتباس:
مشكور أخوي مزارع الله لا يوريكم مكروه و يسعدكم و يجبر خواطركم الأخت توكلت عليك يا رب تسلمين الأخوين البارق و المزراع تسلمون |
بقاوم مقاومة شرسة و بحضر بكرة و أوقع حضور ثم أروح مستشفى الأمل ( إرادة ) و أقول لهم يحولوني على التأهيل ( مجموعة الـ NA )
موعدي في 27 / 11 مع الدكتور و بقوله يشوف لي صرفة مع الأدوية و أقول له على الأنفيجا و الليبونكس و اللاتودا لأن وضعي النفسي دمار دعواتكم تكفون تكفون تكفون بصلاح ديني و دنياي أعوذ بالله بس فيني عبرة يا رب و كفى |
الله يصلح لكم دينكم و دنياكم و يعيشكم بسعادة دايمة تدوم لكم بدنياكم و ببرزخكم و آخرتكم
يا رب خذ بأيدينا فإنك المدبر و لا نحسن التدبير يا رب يا رب |
الله يبكي عيون اللي يبكونك
|
اقتباس:
بس العتب على الشوف و الله سامحني دعواتك لا حرمتك يا غالي |
الناس ما تحس .. وحالك اسوا من حالي .. اللي يشوف مصيبة غيره تهون مصيبته
الله يصبرك ما عندي شي اقوله التقاعد صعب؟ |
اقتباس:
ابونجلاء انت ونخوك عاقل كيف تشوف ناس اعلى منك ماديا انت لازم تشوف الادنى منك وتحمد الله انك تدخل دورة المياه لوحدك دون مساعده هناك من هم اقل منك بكثير ... ومليون مره قلتها لكم مالكم علاقه بنظرة الناس .. الناس ماهي شايله المرض عنك ولاتدري عنك اصلا اذا تعبت ..... طبق سياسة هذا انا اللي عاجبه عاجبه واللي ماهو عاجبه يضرب راسه بالجدار ... والقروبات اذا لها تأثير عليك اطلع منها وريح بالك مره .... حسنا فعلت انك تراجع عيادتك انا ارى يجب مراجعة ادويتك وتغييرها ... وربي يشفيك وهذا اللي معاك الاضطراب بالمزاج يوم فوق يوم تحت يوم زيادة اكتئاب يوم اخف شوي يوم قلق كثير يوم اقل شوي يوم مافيه طاقه يوم عصبيه ... ودوامه تلزم الانسان الذهاب لطبيب وتغيير الادويه .... والصبر ... ربي يشفيالجميع والله انك غالي بدون معرفه وعساك دوم سالم بس طول بالك ونخوك وربك يبي يحلها |
قلبك معك والله يبو نجلا الله يسهل عليك تمسك بالأمل
انت ما تعرف وش يصير بكرة وتوقعاتك السلبية ما راح تصير بالصورة اللي انت تتوقعها في ذهنك وانت قد جربت قبل حاول تقنع نفسك بتوقعات جيدة وعادية بتصير في المستقبل الله أقوى من كل شي وقادر يبدل حالك وقادر يشفيك ويبعد عنك الأمراض توكل على الله و قاوم لا تستسلم كلنا معك |
أسأل الله لك نورا وفرجا قريبا
وأن يفرغ عليك سكينه وطمأنينة.. خذ اجازة لفترة بإذن الله ستتجاوزها |
اقتباس:
لا هنت و تسلم و بيض الله وجهك و الله يعين كل مصاب دعواتك بلسم قسم بالله و تلقى مثلها يا بعدي في القريب العاجل و الأحباب جميعا |
اقتباس:
أنا لازم لي تأهيل ( NA ) لأن وضعي إن مشى كذا ما راح أقدم شيء بحياتي و راح تدمرني نفسي تدمير شامل . أولا عشان أحس إني في مجتمع و بين ناس ، و العزلة هذي بتوديني بدواهي و ثانيا الناس اللي بالتأهيل أقرب لحالتي و فيه إنتظام من ناحية النوم بالليل و القومة الصباح و أشياء ثانية هي من أهم المهمات ما رحت اليوم المستشفى أبخليها على الموعد ما بقى إلا سبعة أيام على الموعد و الله يكتب اللي فيه الخير ربي يزين حالك و مآلك يا بكرة أجمل . كلكم خجلتوني من وقفتكم معي و الله يعينكم و يعين كل مصاب مشكور بعد راسي |
اقتباس:
اقتباس:
الله يحلها الله يحلها الله يحلها رحت الدوام اليوم الحمدلله بس أحس يالبارق لون جلدي و بشرتي تتغير للأشهب من التعب و الشمس الله ياخذ فقر الدم ذا هو اللي متعبني كثير و الا قبل ما كان عندي و مزاجي الصبح ملعوب فيه و ملل فظيع و انحشت من الدوام الله المستعان و الحين تعدل الحمدلله . طيب يا مخ خلك معتدل دايم مو في مصدر رزقي الوحيد . الحمدلله على كل حال بس . يدور في بالي فكرة إني أقول لهم خلوني في البيت و هذا عذري الطبي فيني اللي فيني و لا هو فيكم و عطوني دراهمي و أنا بالبيت أهه دعواتك ربي لا يحرمني منك يالبارق و أنت كذلك أخ و غالي و عزيز و محبوب يشهد الله . الله لا يوريك مكروه و يسعدك مشكور يا بعد راسي مشكور و بيض الله وجهك |
اقتباس:
ما فهمت أنت تسأل أو تتكلم عن نفسك ؟ باقي لك خمس سنين تصبر عليهم و بعدها بترتاح مشكور و الله يزيح الهموم و يرفع عنا و عنك إنه خير مسؤول تسلم و الله يبيض وجهك |
اقتباس:
لاانك ماتحب الصبح وتستانس على السهر واعتاد جهازك العصبي عليه خلاص .... المهم اترك البشر ونخوك ناس واجد ماتسوى اللي انت لابسه برجولك تكرم خابرين الامور .... منتظرين وش يصير معك وبلغنا وطمنا عليك $ |
الله يكون في عونك أخي عالي معادلة صعبة وحلها الصبر فقط أخي الصبر ثم الصبر
|
شافاك الله وعافاك اخي الغالي ابو نجلا ولا باس طهور ان شاء الله
بس اذا باقي لك سنة على التقاعد قاوم نفسك واصبر وراجع ارادة يعطونك اجازة شهر وقاوم من هنا وهنا عل وعسى واخيرا اذكر نفسي واذكرك ( يا ايها الذين امنو استعينوا بالصبر والصلاة ) هذه اهم جزئية في حياة الانسان فلا تتركها وكثف منها والله أسال العفو والعافية والشفاء العاجل لي ولكم . |
اقتباس:
إقرأ عن النيكتوفيليا هو عشان لحظات الصمت الدائمة و العزلة الملازمة و السبب فيها هو : الصمت و عشان كذا كرهت أشياء مريحة و مهمة لكل إنسان طبيعي . حسبي الله على كوني غريب . و الأرق اللعين سبب أيضا .. الله يعين بس و دعواتك ما أستغني عنها الحين أريد شيء يفرحني للدوام ، ما فيه شيء ! |
اقتباس:
الله يعين مالي إلا الصبر و راضي بحكم الله علي إيش اللي يصير يصير و نسوي اللي علينا و الباقي على الله . حسبي الله و نعم الوكيل بس لا تحرميني من دعواتك يا غالية |
اقتباس:
لا مو اللي باقي لي سنة ، بل هي السنة الأولى لي في العمل و باقي لي كم شهر أعتقد 4 شهور و أدخل في عمر الـ 39 خذيت إجازة مدتها شهر و خلصت كيف آخذ إجازة من مجمع الصحة النفسية إرادة : هل يعطوني و يوافقون عليها العمل ؟ الله يعين الكل و يشفي الكل الشفاء العاجل يا رب إنا مسنا الضر و أنت أرحم الراحمين ربنا إنا مسنا الشيطان بنصب و عذاب دعواتك لا عدمتك يا غالي و سلامتكم كلكم و الله لا يوريكم مكروه و لا بأحبابكم |
القرارات هي تبع للمزاج اللعين المتقلب
مرة فيني حماس و تدرون متى يجيني الحماس ، مو في وقت الدوام ، لا بالعكس يجيني لما أكون بالليل المغرب أو العصر / و في وقت الدوام تجيني أفكار بالهروب منه و هواجس بالفصل أو الإستقالة و التغيب ما أدري ليش ؟ |
بكرة أجمل يا غالي
عيادات علي السلامة عندهم مهدئات يصرفون مهدئات أو لا |
هلا ابو نجلاء
انا ماخذيت مهدئات بس كتب لي وصفة دواء برنتلكس وخديته من برا من صيدلية الدواء ما اعرف إذا عندهم صيدلية في العيادة او يصرفون |
أهلين يا بعد راسي يا بكرة أجمل
كفيت و وفيت يا خوي الغالي أنا أقصد المهدئات مو المضادات الله لا يخليني منكم يا غالين |
| الساعة الآن 04:47 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا