اخواني الافاضل ابن دايم زملاك قطرات الندا وكل من جرب السيروكسات 12 ونص
 

السلام عليكم ورحمة الله وبركاته وبعد
معاكم اختكم ابتهال العضو القديمه في منتدى نفساني
وكانت تجربتي مع السيروكسات 20 ملغ لمدة سنتين بعدها تركتها بخطه من الدكتور بسبب الزواج
وبعد الترك لمدة 3 سنوات وكانت هاذي 3 سنوات مليانه ودسمه بالضغوطات والمواقف والانفصال و ان اكون ام اب

وقبل شهرين بالضبط نمت وصحيت
على ضغط قوي بالراس كاني لابسه خوذه
نوبات هي هلع بس جديده تمسك جهةٍ اليسآر مع تنمل وكتمه و تنمل حتى الوجه وصفير الاذن
مع ضيقه وعصبيه

سويت كل الفحوصات الازمه والاشعات القلب الدماغ الفيتامينات كلها سليمه ولله الحمد


رجعت لنفس دكتوري قالي هذا توتر في الجهاز العصبي


صرف لي السيروكسات 12 ونص


الان ودي اخذه بس عندي خوف شديد من الاعراض ومن انه ياثر على مسؤولياتي الي هي بنتي والدوام


هل الرجعه بتكون قويه ولا وشو تكفون ردو علي 🥹

وعليكم السلام ورحمة الله
حياك الله يا ابتهال
ايش المشكله ارجعي له انا اشوف علاجات القلق
مثل السيروكسات والسبراليكس والبروزاك علاجات خفيفه
واعراضها بسيطه وتختفي مع الايام ولا راح تاثر عليك في مسؤليتك
ترى ما يخليك تفقدين عقلك السيروكسات بالعكس يساعدك تستمرين
وتكملين مهام حياتك

اخاف يزيد المرض بدون علاج
اشوف انك تاخذالعلاج لاتتطورحالتك

طيب عندي سؤال الله يسعدك انا احس بكتمه كاني مكتومه ويالله القط النفس هل هذا طبيعي مع العلاج وشاكره لك

اهلا ابتهال تذكرتك انت كان لك اسم مبتلاه بالهلع
الجرعة بسيطة من سيروكسات ولن تؤثر على مسؤولياتك كأم
توكلي على الله وخذي العلاج

هذي وسوسه سلمك الله استمري ف العلاج
ولا تخافين وراح تختفي منك مع الايام

والله يا صامده فيني ضيقه ما يعلم فيها الا رب العالمين واخاف ان العلاج ما يفيد معاي بعد الله مع اني اخذته مسبقا 🥹

لا تخافي اختي خذي العلاج سيخفف عنك الكثير وكما قلت الجرعة بسيطة لن تؤثر بإذن الله على واجباتك كأم

السلام عليكم ورحمة الله وبركاته

حياك الله اختي

عشان ترتاحين صلى الاستخارة و توكلي على ربك

و فالك العافية و تبشرينا

اللهم امين يارب العالمين

ترددت كثير واستخرت واقدمت 🥹 مع العلم اخذته قبل وتركته واللحين رجعت له

ولكن هل يوجد فرق بين السيروكسات العادي و cr وجزاكم الله خير


احسه اعراضه إسهال الله يكرمكم واضطراب بالمعده
وهل باذن الله صفير الاذن بيروح
وفيه شد خفيف براس
وتشنجات خفيف في الوجه
كتمه ضيقه

والله المستعان

السلام عليكم ورحمة الله وبركاته

هلا بك اختي

بالنسبة للفرق بين النوعين من السيروكسات للأسف ما عندي فكرة

لكن نزلي موضوع مستقل يردون عليك الأخوان ان شاء الله

بالنسبة للاعراض شي طبيعي في البداية
تستمر ممكن من أسبوع لأسبوعين

خذيه على معدة شبه ممتلئة و اشربي المشروبات اللي تخفف على المعدة زي منقوع النعناع و البابونج و اليانسون يخفف شوي

و دام إنك الحمدلله سبق تناولتيه و نفع معك ان شاء الله ينفع معك ذي المرة

انا الفافرين لما كنت آخذه عذبني نفس الأعراض في البداية

كذا الأدوية النفسية بعضها تكون أعراضه شديدة لين يتأقلم الجسم معاها

و فالك العافية يارب العالمين

الله يجزاك خير على كلامك الطيب

وكلكم يارب العالمين ولا تنسوني وبنتي

من صالح دعائكم ❤

اسأل الله الكريم أن يمدك بالعافية و الصحة لتربية بنتك و يجعلها ربي من الصالحات السعيدات و يجعلها قرة عين لك و تنسيك كل هم و يرزقها برك و يعوضك انت وياها عوض الدارين

اللهم امين يارب العالمين

هذه اعراض قلق لاتركزين معها.. تجاهليها وغيري روتين حياتك وعليك بالذكر والقرآن

اخواني الافاضل واخواتي الفاضلات
السلام عليكم ورحمة الله وبركاته
انا للاسف من كثر التعب في المعده
رحت للدكتور باطنيه وقال فيني جرثومه المعده
مع العلم جتني ايام نوبات الهلع قبل 4 سنوات
واخذت الكورس الثلاثي ودمرني
هالمره وش الي خلاني اروح وصرت كل ما احس بعرض
اروح المستشفى وكاني رجت لنفس الدوامه الي قبل 4 سنوات
انا اللحين ما ودي اخذ الكورس 🥹


تكفون افيدوني وجزاكم الله خير

السلام عليكم ورحمة الله وبركاته

هلا بك ام احلى بنوتة ربي يحفظها

وش رايك اختي تتركين العلاج النفسي و تاخذين علاج جرثومة المعدة خذي الكورس كامل قد يمتد لعدة شهور ، و جنبي الان العلاج النفسي يمكن ما تحتاجينه

لان كثير بعد ما انتظموا على كورس علاج جرثومة المعدة تعافوا تبارك الرحمن من الهلع و الوسواس و القلق و كل الأعراض النفسية المصاحبة

استخيري و استشيري و توكلي على ربك

ربي يدبرنا وياك بحسن تدبيره و يرزقنا العفو و العافية في الدنيا و الآخرة
و جميع المسلمين
اللهم امين يارب العالمين

العلاج النفسي بديت فيه لي اسبوع ما اقدر اتركه اما الكورس اخذته قبل ودمرني والله العظيم

السلام عليكم ورحمة الله وبركاته

حياك الله اختي الغالية

انا ما فهمت كيف دمرك علاج جرثومة المعدة

لازم يا اختي تاخذينه حتى تروح منك الجرثومة و الاوجاع
لأنها كذلك تأثر عليك من حيث امتصاص الفيتامينات و المعادن ، الجهاز الهضمي ما يمتصها من الأغذية لانه تعبان ،. انا اللي اعرفه يعطونك علاج اسمه نكسيوم يمكن معاه علاجات ثانية ،. إذا ما ارتحت للأدوية و اتعبتك مافي مشكلة خلي الطبيب يغيرها او شوفي طبيب ثاني بس لا تتركين علاجها

مافي مشكلة تابعي العلاج النفسي اذا ارتحت عليه ربي يريحنا وياك بالعافية و يكتب لنا من خيري الدنيا والآخرة و جميع المسلمين
اللهم امين يارب العالمين

انت شوفي كذا طريقة للعلاج لا تيأسين
لان ما تتخيلين كيف جرثومة المعدة تأثر على النفسية تقولين سحر و العياذ بالله، قلق و خوف و رهاب و اكتئاب .. يمكن بلاك هذا منها ما يدريك

بدال ما تكونين اسيرة للأدوية النفسية مجرد كورس لو استمر كذا شهر مصيره ينتهي بإذن الله تعالى و تتخلصين من جرثومة المعدة

طيب انا سمعت بالعلاج عن طريق العسل الطبيعي و بعض الأعشاب الظاهر منقوع الليمون الأسود

ابحثي عنه و يارب يدلك على الخير و يعافينا وياك معافاة الدارين

اللهم امين يارب العالمين

بنسبه للاعراض اللي تجيك هذي اذا تجاهلتيها
بتختفي منك مثل صفير الاذن وشد الوجه وتشنجات
والكتمه وضيقه ركزي على حياتك سولفي واضحكي
وكان ما تحسين بالاعراض وراح تختفي
خاصه صفير الاذن انا كان يجيني ما التفت له
واشغل نفسي ويروح على طول

اختي الغالي بعطيك ياها بختصار اي عارض يجيك
لا تقعدين تفكرين فيه سرعاً ما يختفي اذا ما فكرتي فيه
ولا تخافين منه انه ماراح يروح ماعليك راح يروح منك
مارسي حياتك الطبيعيه هذي اعراض بسيطه جدا

الله يسعدك اخوي الطويرق على النصائحك الي اتطمن 🥹

اخوي الله يسعدك هل كان يجيك الالم في المعده اذا ايه

ممكن تذكرها وجزاك الله خير

بالنسبه لي عايش على علاج الغثيان والمعده والامساك

مافيه دواء بدون اثارجانبيه
ربي يشافيك ويعافيك

يارب اخوي الطويرق يرد علي يارب 🥹

لا الحمدلله الباطنيه عندي كويسه
شيكي على قرحة المعده او القولون ..

الزبده اذا سمعتي صفير باذنك طنشيه علطول يختفي
انا يصير معي كذا اذا ركزت بصفير يزيد عندي
واذا طنشته وقمت اشغل نفسي يختفي ..