|
صراااصير ............( زهيوية )
بسم الله الرحمن الرحيم
سبب كتابتي لهذا الموضوع هو ........... اللقافة .... و بلاغة الشف يعني هو طلب .... أطلبة من كل الأعضاء .... ممكن تساعدوني ؟ يمكن تقولون بشنو نساعدك ؟ أقولكم ...ممكن لو سمحتوا إذا عرفتوا أي معلومة عن الصراصييييييير أو بمعنى آخر .... الزهيوية ممكن تعطون إياه ؟ يعني مثال ..... شكل الصرصور ............و نوعة و الفصيلة التي ينتمي إليها و حجمه ......أين يعيش .... يعني مثل هالشغلات لأني الصراحة شفت أحد الزهيوية ..... و قلت لازم أعرف كل شي عنهم يعني سبحان الله .........هالصرصور له معدة ؟ شكبرها ؟............ له قلب ؟............... شكبره ؟ بس .... الله يعطيكم العافية..... ساعدوني ......... شفتوا اللقافة إلى وين توصل ؟ يمكن تقولون ما عندي سالفة ..... و أنا صج ما عندي سالفة لكن أما نة طلبتكم الله لا يحرمنا من ضحكتكم الحلوة |
باذن الله اذا وجدت شيئا فساساعدك باذن الله
تقبلي احترامي البتار |
شكرا لك أخي البتار
الله لا يحرمنا من ضحكتكم الحلوة |
بترتر ...... حتى بصراصير تساعد ....... الريوس مفصول عندك ........ وبعدين انا شرهااااااااااان عليك حيل ....... ست لاف موضوع لي ....... مامريت ترقعني بدعوه !!!!!!
ضحي ..... حبكة إلا صراصير .......... طيب طيب ...... روحي للمخزن او دحدري تحت الفرن .....او فتشي مخابيك يمكن فيه ثلاثه ........ طلعي واحد منهم ..... واخذي فاس وعلى رجله اليمين وصفقي رجله اليسار حيييل ولاتنسين يدينه ....بعد ماتشلين حركة هالصرصور ........ شقي بطنه وطلعي قلبه وكبده والمصارين وتأملي ..... هذا بحث تطبيقي مافي مثله ....... ولاتنسين لازم تنزلي موضوع عن التجربه aaa::aaa8 |
شوفي ضحى أنا المره دي بساعد حق وحقيقي أموووووت بالمساعده0
أخذي بف باف00والا سوبر ريد المبيد00اقول أحسن بف باف00 وزارة الصحه تمدحه00زين000 ما شيه معي00وبعدين روحي لمستشفى معروف في المنطقه الشماليه(00أعطيك أسمه بعدين)0هاه00معي أنتي000وبعدين تلقين منديل مجحوره في حفيره بالجدار00هاه أنتي معي0وبعدين تروح لك الصراصير تتدحدر وراء بعضها جيش وبعدين رجعي المنديل لمكانها0000 هاه أنتي معي000علشان ‘ذا ما رجعتي المناديل تستمر الصراصير بالتوافد00هاه أنتي معي عاد ارمي النعله((تكرمون))) وأخبطي فيهم واحد وراء الثاني خبط بكل قوه000طاع 00طيع00طاع 000طيع0 بعدين جيبي مجهر و دبوس وأقعدي بخشي فيهم جمعي المصارين بمكان والكبود بمكان00والكروش بمكان00والعيون بمكان00ولا تنسين الرادارات تراها مهمه000بس أحذري من الصراصير الحوامل000ترى مو زين0000aaa::aaa14 عــــــاد أعذريني إذا لوعت كبدك00المستشفى ذا جلست فيه يومين00أخ وش أقول عمرك شفتي أحد حاطين فيه المغذي وهو واقف ورافع ثوبه ولابس بوت0a:aa:60 جلست أصيح من صراصير شفتها 00قلت خلاص طلعوني 00ما فيني شئ00 توبه ما راح أنمرض000:( أتمنى أني فدتك!!!!!!!!!!!!!!!!!aaa::aaa12aaa::aaa12a:aa:5 |
أخ ثامر :
شكرا على المساعدة .... لكن الصراحة شفت الزهيوي في أحد الحدائق و أعتقد إنك تعرف إن فصيلة الصراصير و خاصة الليلية تتجمهر في الحدائق . و اشدعوااا عاد ... فاااااااس مرة وحدة ....بشرح الصرصور و إلا ايدي ؟ ناوي علي انتا ... ما عليه ....... و بالطنازة ... مستانس ها ؟ لكن هم ما عليه .... كما تدين تدان .... لكن والله ترى أتكلم جد ... ( مش عاوزين هزار ) الله لا يحرمنا من ضحكتكم الحلوة |
اختي الشهيدة :
شلونك ؟......... راحت طناقيرك ؟ وما تشوفين شر ....... من ناحيتي الحمد لله و لا مرة طحت في يد أحد سراير المستشفى إلا أول ما طلعت من بطن أمي من ناحية تذبح الصراصير .... مساكين ليش نذبحهم ؟ الصراحة يكسرون خاطري ..... مساكين تشوفين إللي بروح لأهلة أو عيالة ناطرينه ....ليش كل هذي الوحشية ؟ و على فكرة .... ليش الصراصير الحوامل نحذرهم ؟ الله الا يحرمنا من ضحكتكم الحلوة |
السلام عليكم ورحمه الله وبركاته
بصراحة ومن دون ما أطوول بالرد انا لفت نظري إسم الموضوع لكن يوم قرأت الموضوع تاكدت إنكم ماعندكم سالفه ..!! وبعدين الصراصير هذي موجوده في كل مكان يعني مايحتاج نعطيك معلومات عنها ..!! اقتباس:
|
ضحى أنا بخير والحمدللهaaa::aaa7
أنتي خليكي مني الحين وخلينا بالصراصير000المهاجر رجع علشان يعطيك صورة الصرصور000يعني عرفتي شكله وأنحلت المشكله00aaa::aaa4 00لكن ضحى أنا أخاف أنك تبغين تسوي فيه ضحية العيد00000a:aa:6a:aa:6 أنتبهي 00بعد حيي أنتي0a:aa:70ترى ما جاب السارس للأسيوين غير بلع الصراصير 00مره شفت في قناة دبي بزنس صيني يقرمش بصرصور 0بعدين طب لأنه بالسارس00الله يبعده عنك0 وبعدين الله يهداكي يا بعديّ 00ما رحمتي غير الصرصور00الصرصور ينرحم يا ناس!!!!0000لكن لو عمره تعربش برقبتك كان ما رحمتيه!!!! أخبطيه ولا ترحمينه لا بعد تلذذي بقتله0a:aa:50مو أحسن مت 4ملايين دجاجه أعدمت بسبب أفلونزا الطيور0 ضحى صراحه أنتي شكلك متأثره بكونان والا عبقور000ما لقيتي غير الماخوذ ذا تسوين فيه تجارب!!!!!aaa::aaa13 عطيني أمك أكلمها00000000aaa::aaa12 |
الصراصير نوعان
صرصور النخل// شكله غريب لكن نظيف !!!يعيش في المزارع والحدائق ذو صوت موسيقي حاد مزعج صرصور الاماكن الرطبه والمظلمه //ويسمى ابو بشت !!!لكبر جناحيه وفي بعض المناطق يسمى الصرصار الملكي كما ان هناك ذباب ملكي !! انا لا امزح ولكن اقول الحقيقه العجيب ان الانسان مهما اعجب بنفسه واعطاها الالقاب الكبيره الا ان هناك من يشاركه فيها من احقر مخلوقات الله |
اخي المهاجر :
الصراحة مشكووووور وااااايد على الصور قلت لكم إن ما عندي سالفة ...... صدقتوني ألحين ؟ الصراحة ساعدتني وايد الصور حلوة المؤرفة بس شسوي ... هذي عراتي أجيب معاي الشغلات المؤرفة الله لا يحرمنامن ضحكتكم الحلوة |
اختي الشهيدة :
شلونك ..... حمرة و إلا خضرة ؟ لكن الصراحة المشكلة ليلحين ما انحلت ... و اشفيك ناوية علي ؟ تبين أضحي بصرصور ؟ اسم الله علي قلتي معلومة خطيرة عن السارس .... ودي نتناقش ... لكني أخاف تزعلين مثل ذيك المرة ... لكني بصير شجاعة ... و أتكلم .... بس لا تزعلين مرض السارس ... جا من نوع من أنواع الفئران ... و من بول الفئران ( تكرمون ) و تم في اليابان قتل القطط البرية التي تأكل تلك النوعية من الفئران .... مو تزعلين ....... إذا زعلتي ترى أزعل عليك ...اتفقنا الصراحة عن رحمة الصراصير .... ما أحب أقتل أي حيوان و لا حتى النمل و بعدين شنو إللي ضارك فيه ... الصرصور ترى يسبح ربه و إذا على أمي ..... أمي تخصص أحياء .... و متخصصة في التشريح و غير ذلك .... يعني إذا بتفتنين ترى هي بصفي ... ها ها ها الله لا يحرمنا من ضحكتكم الحلوة |
اختي قمر الدجى :
مشكورة حبيبتي واااااااااااااااااااااااااااااااااااااايد بس ... سين سؤال : ما في في العالم إلا هالنوعين ؟ الصراحة حبيبتي ما ادر و شلون أرد جميلك .... سا عدتيني الله لا يحرمنا من ضحكتكم الحلوة |
يا بعد حييّ أنتي وش يزعلني
لاني حمره ولا خضرة_بنفسجيه مخططه بزهري منقطه بعنابيaaa::aaa12
بعد حييّ_ معلومه حلوه عن السارس لكن جريدة الشرق الأوسط نشرت موضوع مرةٍ من المرات بأن ذاك المأخوذ وهو الصرصور يحمل فيروس السارس00لا أتذكر العدد لكن الحين بروح أبخش في الأعداد السابقه وأدورلك المقال00يعني ما جبت الموضوع من عندي00:( ويا بعدي أنتي_أنا لما قلتك أنهم_ الي عيونهم ممطوطه _ياكلون الصرصور أنا صاجه 00ياكلون الصرصور والدود والذباب والقطو والكلب ووووو0aaa::aaa80000 ويا قيصومتي وشيحتي أنتي أنا مو ناويه عليك _الله يسامحكaaa::aaa5_ بس قلت صرصور وبالعيد يعني وش تبي فيه_aaa::aaa14 ويا خزامتي وعشبتي أنتي الصرصور ما ينرحم _ليه لأنه يجيب الأمراض الفتاكه_وترى أنا فيني وسواس قهري من الحشرات يعني إذا شفت حشره أطلق صفارة الأنذار_a:aa:6 وإذا شفت صرصور بالمطبخ_أستعين بالكيماوي_بف باف_سوبر ريد_وجميع أسلحة الدمار الشامل0aaa::aaa4 وبعدين يا ناقتي(لا تزعلين البدو يدلعون بعضهم كيذا) ليش خايفه مني أنا مو مفترسهa:aa:3 مثل ما تتصورين_أنا واايد حنونه_ بريئه_ كلي برائه_ والله لا يحرمنا من ضحى الحلوه |
مشكورة اختي الشهيدة :
ممكن جايز الصراصير تسوي كذا ... لكن حتى الفيران .. و المعلومة هم انا قاريتها بالجريدة ....( جريدة الوطن الكويتية ) لكن موتزعلين .... و أنا عمري ماراح أزعل عليك لكن شسوي ما أحب أقتل ... و أدوس على الحشرات و الحيوانات البريئة بعدين أضيف على معلوماتك معلومة عن أصحاب العيون الممقطة انهم بعد ياكلون الفيران .... لا نعيب عليهم بعيونهم لأن مو هم إللي خالقين عمرهم , و بعدين معلومة ثانية .... ( انا عيني ممقطة ) ... و أتضايق إذا حد قال لي يا ام يعون محزوزة مرة ثانية لا تزعلين مني الله لا يحرمنا من شهودة الحلوة |
يا حليلك يا ضحى00والله أول مره أضحك من أعماق قلبي00والله سوالفك عسل
وأنا وش دراني أن عيونك ممطوطه00000أسفه 00ما راح أعودها00 وبعدين طول اليوم أدور في الجريده00ما لقيتها00الظاهر أني ماسحه فيها الدريشه ليلة العيد00طبعاُ مع منظف الزجاج00 علشانك راح أراعي حقوق الصراصير ولا راح أضربه00علشان ضحى بس نرحم الصرصور0000 راسك00راسك00أقبله0aaa::aaa7aaa::aaa7 |
تسلمين لي يا اختي الشهيدة
و حتى انا يوم قريت ردك فطست من الضحك على العموم الله لا يحرمنا من ضحكتكم الحلوة |
الأسره السعيده00التي ضاعت أحلامها00
كان يا مكان في قديم الزمان00 كان في عائله سعيده من الصراصير000تتكون من أب وأم و عيالهم000العائله سعيده جداُ تنعم بالرخاء والحب والحنان000الزوج والزوجه تزوجوا عن حبّ 0الصرصور الأب التقى مع الصرصوره الأم في دولاب المطبخ في علبة السكر00وأعجبوا في بعضهم البعض وأحبوا بعضهم حباُ جماُ00وأتقفا على الزواج00وجابوا صبيان وبنات000
إلا أن جاء ذاك اليوم المشؤم الحزين00لما ناموا أهل البيت الي هم ساكنين عندهم00وطلعت الصراصير تبحث عن رزقها000 وطلع المسكين يبحث عن رزقه ورزق عياله00وودع زوجته وعياله00ودخل كيس الخبز000وفي نفس الوقت 00قامت الشهيده من النوم تتمغط00عطشانه يمل اليّ000ودخلت المطبخ وشافت الصرصور في كيس الخبز000وأطلقت صفارات الأنذار00يااااالهوووووي 0000ألحقني يا بف باف0000وتجيب البف باف وتطلقه على ذا المسكين00الي جاء يدور رزق عياله000لين فاضت روحه ومااااات الصرصور00وماتت أحلامه معاه000كان يحلم أنه يشوف عياله صراصير وش كبرهم00متوظفين لكن الحلم مات00والسبب تهور الشهيده0aaa::aaa5 وتنام الشهيده مرتاحه00فرحانه بالنصر المؤزر00وهي ما تدري أنها ساهمت في تعاسه تلك العائله 00وقتلت كل أحلامهمaaa::aaa500 وتحولت حياتهم إلى حياه تعيسه بائسه حزينه000بعد فقد الأب المسكين0aaa::aaa50 ومرررررررت الأيام00تزوجت الأم الصرصوره00تقول تبغى تشوف حياتها00 والأبناء تشردوا00000وهكذا بدأت مأساه جديده والسبب تهور الشهيده00وقتلها نفس معصومه!!! ************************* تصدقين ضحى لما تأملت في ذي القصه 00أكتشفت كم هي مسكينه الصراصير ولماذا نقتلهم00000مساكين حتى هم يبغون يعيشون صراحه تعلمت منك حقوق الصراصير. |
من فوائد ذكر الله عزوجل
1-يطرد الشياطين 2- يرضي الرحمن 3- يزيل الهم والغم 4- يجلب البسط والسرور 5- ينور الوجه 6- يجلب الرزق 7- يورث محبة الله للعبد 8- يورث ذكر الله للذاكر 9- ينفع صاحبه عند الشداد 10- يحط السيئات 11- ان فيه شغلا عن النميمة والغيبة 12- انه يؤًمن من الحسرة يوم القيامة 13- الذكر امان من النسيان 14- انه امان من النفاق 15- انه ايسر للعبادات 16- انه غراس الجنة 17- يغني القلب ويسد حاجته 18- يقرب من الآخرة ويبعد من الدنيا 19- يجمع ما على القلب من اراده 20- الذكر يذيب قسوة القلب 21- الذكر رأس الشكر 22- يوجب صلاة الله وملائكته 23-الله يباهي بالذاكرين 24- يجلب بركت الوقت 25- سبب النصر للاعداء 26- له تأثير عجيب في حصول الامن 27- سبب لقوة القلب 28- للذكر من بين الاعمال لذة لا يعدلها لذة هذه بعض فوائد الذكر على سبيل الاجمال واذا اردتي ياضحى المزيد والتفصيل وذكر الادلة فراجعي كتاب (الوابل الصيب) لابن القيم0 افضل الذكر: سبحان الله والحمد لله ولا اله الا اللهوالله اكبر. فهذه الكلمات افضل الذكر بعد القران .. لا حول ولا قوة الا بالله. فهذه الكلمة كنز من كنوز الجنة ولها تأثبر عجيب في تمل المشاق و الصعاب.. وخلاصة القول: ان ثمرات الذكر تحصل بكثرته وباستحضار ما يقال فيه وبالحذر من الابتداع ومخالفة المشروع وبالمداومة على اذكار طرفي النهار وغيرها من الاذكار المفيدة0 مو احسن من الصرصار ؟ ضحى اسلوبك يشبه اسلوب شراني |
اختي الشهيدة ... حبيبتي شلونك
أول ما شفت القصة التعيسة للصرصور ضحكت من قلبي الله يعطيك العافية .. فرحتيني وونستيني .. و أنا في أتعس حالاتي يااااااااااااااااااااااااااااااااااااااااااااااااا اااااااااااااي شومهضومة كلماتك أول ما تكلمنا علصراصير ..... الله لا يحرمنا من شهودة الحلوة |
أخي ملحم يس ... ( المغبر )
حمد لله على السلامة على فكرة ... ما قلنا شي .........كليتني بقشوري و على فكرة ثانية ... التفكر في خلق الله ... يعني انت أكيد قريت موضوعي و شفت شنو كنت قاعد أتكلم عنه إنه سبحان الله كيف لهالصرصور يكون له قلب و معدة .... الخ شكبرهم ..... و على فكرة ثالثة .... طلب العلم فريضة و حنا ما سوينا شي غلط .... قاعدين نتفكر في خلق الرحمن مو أحسن من إنا نطالع افلانة شلابسة و شمطلعة ....الخ على العموم .... لا تفهمونا غلط الله لا يحرمنا من ضحكتكم الحلوة |
| الساعة الآن 06:07 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا