|
مافى اماكن بالرياض
اللى بالرياض بيحس فينى بصراااااااحه تطفش ولله الحمد الواحد احيانا ودة يغيرجو ويطلع ويكسر الروتين ومايدرى وين يروح مافيه شى عندنا الا اسواق ومجمعات وتطفش كثر الفساد فيها والواحد مايجيها الا لحاجه والواحد ينثبر بالبيت بس احيانا يحتاج يرفه عن نفسه ويطلع من جو الراتبه والملل وبرضو مافيه فايدة ماعندنا شى هنا بالرياض,,,,,,,,,,,,,,,
|
هذه هي الرياض
محبوبتي الغالية معشوقتي التي لا أرضى بديلا عنها نعم لا بحر لا نهر لا جبل إنما رمال متحركة وأجواء متقلبة وأنا بها وبمن حولي أجعلها روضة غناء وجنة الجنات وأنشودة الصبح والمساء هذه هي الرياض لن تتغير ولذلك نحن الذين نتغير ونحبها وتحبنا ونعمل فيها لنعيش في دفئها مآذن شامخات وصلوات قائمات ودعوات مباركات أفلا أحن إليها حينما أكون بعيدا عنها لساعات ؟! |
شكرا لك ابن الرياض على تعقيبك واحترم نضرتك ولكنى احترم الرياض وعشت فيها ولكنى اعتدت عليها ولا اضن انى احببتها
|
ولا احلي من الرياض
وانت صادقه اختي دموع ساخنه شئ يضايق المنتزهات والاسواق تبرج من تنصحين ومن تخلين احيان اروح عشان اخواني الصغار واحب اروح بايام الدراسه يكون الجو هادي مافيه زحمه واقل فتن الاوش رايك نروح اليوم يادموع لــــــــــ والااقول اختاري المكان انتي |
عزيزتي .. دموع ساخنة
الرياض .. أجمل .. وأحلى .. وأبهى .. نعم .. هي كذلك .. لمن عرفها .. فأنا أذهب لأسواقها .. ومنتزهاتها وفنادقها .. وكل شي فيها رائع ؟ .. نعم .. يوجد فيها ماذكرت من مخالفات .. لكن غيري قدر استطاعتك .. فإذا تهربت أنت من المنكرات .. ؟ وذهبت أنا عنه .. فمن يقوم بالأمر بالمعروف والنهي عن المنكر ؟ .. إذا تخليت عنه .. وتخليت عنه أنت .. حتما سيستفحل الخبث .. ونحن صامتون .. وكأن الأمر لا يعينينا .. ومع احترامي الشديد لوجهة نظرك .. دمت موفقة .. ويحفظك ربي دوووم .. أختك .. ن س ي م ا ل ج ن و ب |
جود الفرح هلا والله بك ياختى ماعندى مانع وترا اليوم جمعه ودى اطلع بس كالعادة مافى شى ياللله ميخلاف بس ترا العزيمه عليك,,,,,,نسيم الجنوب هلا والله وشكر لتعقيبك ولكن الله يهدينا اولا لازم نصلح انفسنا كى نصلح الغير بوجهه نضرى لنفسى لم اصل لمرحله الالتزام الشديد الذى يجعلنى امشى وانصح واتمنى من الله ان اكون بهذالوضع بس اللله يهدينى وانا احس بوقتنا هذا من يريد ان يذهب لسوق وينصح لازم يكون قوى ويتحمل وش يجيه واحنا عندنا بالرياض مجمعين احس تنتشر فيهم بزيادة التبرج المملكه والفيصليه خصوصا مملكه المراة وماكانك بالرياض الله يستر علينا بسترة بس وشكرا لكم
|
عزيزتي ..
لو الإنسان يتوقف عن الدعوة لأجل إصلاح حاله .. لما ظهر عندنا الدعاة ولا الداعيات .. نحن بشر مجبولون على النقص والخلل .. وغير معصومين من الخطأ .. أختي .. أنا ما أقول تحدثي على كل وحدة .. وناقشيها .. لا مع أنه لو حصل لكان أفضل .. لكن أليست النشرات والأشرطة موجودة في كل مكان؟؟ وبسعر زهيد .. لا أريد منك الا أن توزيعها فقط .. جعلنا الله وإياك ممن يحمل هم الدين .. وجعلنا من الدعاة العاملين المصلحين .. دمت رائعة .. أختك .. ن س ي م ا ل ج ن و ب |
|
نسيم الجنوب مثلا انا اسمع اغانى هل انصح غيرى بان لايسمع اغانى يعنى هل يجوز لى ذلك ثم حتى لو نصحته هل ستقبل سوف تقول لى انصحى نفسك هذا ماقصدته ولم اقصد الكمال اتمنى لوتجيبين لى فتوى شرعيه تبين انى مثلا استطيع نصح غيرى وانا على معصيه هدانى الله وهداكم اجمعين((سماع الاغانى مثال للتقريب بس))وشكرا لكى عزيزتى
|
القصيم قصيمك ولو طال تنسيمك
يالله لك الحمد والشكر على هالنعمة اللي حنا به مع أنه مافيه غير البر عندنا نطلع له لكن يسوى الدنيا ومابه |
حياكم الله عندنا بمدينتنا الساحليه
الهادئه00000000 على اني لست من اهلها ولكن احببتها000 |
المنسى,,والنعم فيك وباهلك بس انا ماحب اسكن بقريه صحيح انها كسكن رايقه وهدوء واستقرار اكثر من المدينه ومافيها صخب ولكن الانسان يحتاج للضجيج مرات لكن ضجيج الرياض ماحبيته ,,,,,,,دمع القمر تف تف مشالله عليك ياحضكم والله ليتنا هناك بس الحمدالله...شكرا لمروركم
|
عزيزتي
الفساد موجود في كل مكان الافضل ان لا تهتمي بهذا لانه مصيره البيت في اماكن حلوه بالرياض شاليهات نوادي مطاعم كافيهات منتزهات بس ماادري انتي ايش تبغي بالضبط وانا جاهزه اذا تبغي مرشده سياحيه ماعندي مانع وضحي أكثر ......... |
اقتباس:
كفت ووفت الغالية الله يحفظك |
عودة لاىا لموضوع الأساسي
أحب الرياض جدا ....فمثلا خلال الاجازة الماضية قالوا حسافة خمسة وعشرين يوم تروح منغير مانسافر فيها قلبتها يمين وشمال ..ما لقيت أحلى من الرياض اذا راحوا الشرقية تكوا كل النهار عند التلفزيون في الشقة والبحر برد ما ينطلع له نستاجر شقة أو بالفندق بالرياض أصرف :) |
ماأجمل الرياض حتى وانا في بيتي لااخرج هي ارضي التى ولدت فيها وعشت سنين عمري فيها لااستطيع فراقها بالرغم من انني لست من اهلها لكنني ولدت وعشت وتربيت فيها وساظل احن لها كلما ابتعدت عنها لانها هي موطني ( عاد اذا سمعوني اخواتي اقول كذا ذبحوني لاني ارفض ان اطيل البعد عنها ولا ارغب ان اعيش في بلدي الاصل وهي القصيم لانني احن لارض الرياض وترابها وولائي لها اكثر من بلدتي الاصل )
|
مريام شكرا حبيبتى لمرورك والله والنعم فيك بس افهمونى انا انسانه واقعيه وشفت كثير يعانون من مشكلتى استغربت يوم حطيتها هنا ماشفت احد يعانى من هالموضوع الزبدة انا معك الرياض فيها اماكن حلوة صح لكن محدودة يعنى مثلا تقولين الشاليهات صح فيه بس لازم معك مثل هالاماكن محرم يعنى رجل والرجل موب فاضى لنا الله يخلى السواق بس ,,ثانى شى تقولين نوادى صح معك بس انا عنى ماعرف الا نادى الضباط ونادى الامير سلمان ونادى المناهل وكلها تروحين مرة مرتين تملين ومطاعم واسواق هى راس المال الرياض بوجه عام ليست سيئه ولكن اتمنى مثلا عندنا ملاهى حلوة العاب راقيه عندنا منتزهات من طراز جديد واماكن نسائيه حلوة يعنى ماعندك الا مملكه المراة الى راقيه والباقى الله المستعان يعنى انا عنى اذ بغيت اطلع اغير جو اتمشكل مالقا مكان,,,,,,رسيل شكرا لمرورك وجزاك الله خير,,,,اسيرة الحزن,,,شكرا لمرورك واحترم وجهه نضرك ودمتم بخير
|
دموع ساخنه
الحين وصلت فكرتك تمام ودوم الاسواق زحمه اما المقاهي انا ارفضها والشاليهات يبغالك رجال وين نرررررررروح دموع اليوم الجمعه بس باتغدا مع اعمامي وش رايك الخميس الجاي |
واللله جد ماعندى مانع ابد ابد وفكرة حلوة والله اعرف مرة منتدى سووها راحو البنات كلهم بنادى الامير سلمان اتفقو وهناك تعرفوا انا عنى ماعندى مانع ابددد
|
| الساعة الآن 09:38 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا