|
رهاب اجتماعي متخصص وام عبد العزيز وكل من يستخدم السيروكسات
السلام عليكم ورحمة الله وبركاته
ودي نتناقش في مسئلة زيادة الوزن الي يسببها السيروكسات كيف تعاملتو معها اما من ناحيتي فأنا في الاصل مليان قبل لا استخدم السيروكسات ولما استخدمت السيروكسات حسيت انه وجد ارض خصبه لزيادةالوزن ههههههه نبي الحلول بس المشكل كل ماسويت رجيم احس بضيق ويرجع لي الاكتئاب بنسبه معينه ويخرب كل الي بنيته. يله عطونا تجاربكم اخوكم الأمل القادم |
أخوي الأمل القادم
أخوي الأمل القادم أنا كان وزني قبل سنتين 65 ولحين 97 ولا حاولت اسوي رجيم لأن
الرجيم لازم توقف معه العلاج ونا صراحه ماقدر اوقفه ولا يوم صرت مدمن عليه. |
المشي
والاكل الصحي يعني اكل كثير بس خضار الياف ابعد عن جمع النشويات والبروتينات والمشي المشي |
السلام عليكم
رهاب اجتماعي متخصص ام عبد العزيز شاكر لكم ردودكم وما قصرتو واتمنى من الاخوه الاخرين كتابت تجاربهم مع الوزن لكي يستفيد الجميع اخوي رهاب اجتماعي انت كم الجرعة الي تستخدمها منا السيروكسات اخوكم الأمل القدم |
......
الاخ الأمل القادم استخدم حبه وحده كل يوم بعد العشاء
|
السلام عليكم..
انا استخدمت السيروكسات لمدة عدة اشهر..لكن اللي صار معاي عكس اللي صار معك نزل وزني كثير و فقدت الشهية..كان يمر علي يوم كامل بدون اكل عادي..واللي زاد اهو النوم..كنت انام يمكن 14 ساعه باليوم و حتى ما تكفيني.. |
السلام عليكم
اختي ساره شافاك الله وعافك غريبه بالعادة السيروكسات يسمن بس يله احسن لك بس اذا نحفتي كثير بعد مشكله قولي لطبيبك وش يصير معك اول بأول علشان يعدل لك العلاج او يشوف لك حل اخوك الأمل القادم |
الحمدلله على كل حال
|
انا وصلت للجرعة القصوى
وترى زاد وزني 15 كيلو مع الاحتياط تخيل ؟ عاد الان الحمد لله بدأ يرجع وزني لطبيعته تدريجيا |
السلام عليكم
اختي ام عبدالعزيز كم الجرعة الي وصلتي لها وكم الي تستخدمين الان وكيف بداء يتراجع الوزن عندك لأن انا زاد وزني تقريباً مثلك في حدود 15 كيلو غير الي انا مجمعه قبل السيروكسات انتي ذكرتي المشي والعناية بالاكل هل هذي الطريقه من بداية استخدام السيروكسات او بعد ملحظتك للزيادة الوزن اخوك الأمل القادم |
مشكله زيادة الوزن
انا كان وزني 63 والحين 79 لكن بنزله ان شاء الله الى الوزن المثالي |
السلام عليكم
اخي العزيز دوت كوم حفظك الله وعاك وجعل الجنةمثواي ومثواك هل زاد وزنك بسبب السيروكسات ؟ وكم الجرعة الي تاخذها اذا كنت تستخدمه اخوك الأمل القادم |
اولا اللهم لك الحمد كما ينبغي لعظيم وجهك وجلال سلطانك انت هونها وتهون اذا بعد ماتترك العلاج بيرجع وزنك لاتهتم بعدين انت ولد موبنت ليه تحرص علي هالشغلات |
صبـــــــاح الخـــــــير
موضوع مهم ....بالنسبة لي أكثر من سبعة اشهر وانا استخدم السيروكسات ولازاد وزني ولاشي وزني 52 كجم من قبل ومن بعد العـــلاج .... والضبط صــار معي مثل الاخت ســــارة فقدان الشهية و كثرة النوووووووم .. وعلى طـــاري السيروكسات بدأت المـــأونة تقل منه و صيـــدلية المستشفى ماعندهم .....هل هو موجود بالصيدليات وكم سعـــره؟؟؟؟؟ تحياتي للجميع |
عليكم السلام والرحمة
جزاك الله خير اخوي الامل القادم على دعائك نعم زاد وزني بسبب السيروكسات والجرعة كانت حبتين والان واحده |
اخوي ثامر السيروكسات موجود في الصيدليات وسعره 147 ريال سعودي
|
شكرا جزيلاً (دوت كوم)..
والله سعره غالي .... الله يعز حكومتنا.... ننتظر والله يفرجهــــا تحياتي للجميع وامسية سعيدة ... |
العفو اخي العزيز
|
للاخ ثامر والاخت سارة .. لزيادة وزن سريعة وآمنة أستخدموا super gain .. مرخص ويباع فالصيدليات . طريقة الاستعمال: ثمان ملاعق في لتر واحد من حليب كامل الدسم ويوضع في الخلاط الكهربائي . تناول نصف الكمية صباحا واحفظ النصف الاخر في الثلاجة لتناوله مساء يزيد الوزن أربعة كيلو خلال شهر . |
اخي الامل
بمجرد ما لاحظت زيادة الوزن وكانت سريعة بشكل لافت بدأت في مراقبة اكلي على قد ما اقدر يعني مو مرة اشغل عقلي مثلا : الغيت من ميزانيتي الرز / وصرت ما اكله الا عند الناس / يعني كضيفة الخضار / وجبتي الرئيسية ادام كل يوم نوع بعد كذا فواكه / اشغل وقتي بالقراءة والزيارات والمشي وهذا ما نزل الوزن بس اوقف الزيادة بدا وزني ينقص بعد ما تركت العلاج وانا تركته بعد استشارة طبيب لاني الحمد لله وصلت لمرحلة اقدر اعتمد فيها على نفسي اذا اكتئبت ساعدتني الجلسات والعلاج السلوكي على اني اتخلص من السيروكسات وغيره واسمع نصيحتي : حط في بالك انك تستخدم السيروكسات كدعم للعلاج السلوكي وتنمية مهاراتك الشخصية ولا تهتم بالوزن كثير الين يجي يوم تستغني عن العلاج وينزل وزنك طبيعي ودعواتي لك بالشفاء |
سلام الله عليكم جميعا اخواني اخواتي
اشتقت لكم جدا... بالنسبة لي مع السيروكسات وزيادة الوزن .. فلله الحمد لم يزد وزني من السيروكسات... انا محافظة دوما على نوع الاكل... وامارس رياضةالمشي اليومي لمدة ساعة كاملة يعني مايقارب 4،5 كيلومتر على الاقل خمسة ايام في الاسبوع ولي الان سنة كاملة وانا مارسها مارست هذه الرياضة في البداية لتخفيف الوزن الزائع نتيجة حبي للاكل... ولكن الان امارسها والهدف الاول منها تعديل المزاج... فهي رائعة لجعل مزاجي معتدل وانصح الكل بممارسة المشي ... اتمنى لكم دوام الصحة والعافية اختكم ام احمد |
السلام عليكم ورحمة الله وبركاته ,,
فعلا اخوي الامل القادم موضوع مهم وشكرا لك على طرحه اما بالنسبة لي فكان وزني خمس وسبعين تقريبا وبعد العلاج لفترة طويلة صار الحين وزني 97 ك والحمدلله على كل حال ,, وبديت اخفف من تقليل الاكل وسويت حمية لاكن مانفع اذا كنت استعمل العلاج , ولكن في رأيي انه مافيه الا حل واحد واللي هو اني اترك الادوية لمدة زمنية وفعلا بدأت بتخفيف الحبوب ونزل وزني حتى الان ستة كيلو والله يعين على اعراض ترك الادوية . ولاكن من ناحية الوزن على طول ينقص في خلال اقل من اسبوعين سبحان الله !! ملاحظة : ترى ماجربت الرياضة مع الادوية هل هي طريقة جيدة لاانزال الوزن ؟؟؟ |
السلام عليكم
اي نعم السيروكسات يزيد الوزن كثييييييييرا...انا زاد وزني 10 كيلو ... وبمجرد ماوقفته ورجعت تعبت النفسيه بخلال شهر واحد نزلت ال10 فورا... لا تخافوا بعد التوقف انشاء الله غالبا بريجع ينزل الوزن... شافاكم الله وعافكم.. |
الراكد
الرياضة مو بس لانزال الوزن بل مثلما قالت ام احمد راح تعدل مزاجك وتساعدك تقلل من الجرعة ويقل وزنك اكثر بالتوفيق للجميع |
السلام عليكم
هلا بكم كلكم حيا الله اختنا ام احمد والحمد الله على سلامتك بشرينا عنك وعن العيال عساهم بخير ياليت ماتقطعينا الله يحفظك عندي لك سؤال انتي قلتي انك مارستي الرياضة في البداية علشان الوزن . هل نقص الوزن ؟ واخبار الجرعه الحين حبه ولا نص حبه اخوك الأمل القادم |
السلام عليكم ورحمة الله وبركاتة
اخواني واخواتي رهاب اجتماعتي متخصص ام عبد العزيز سارا دوت كوم جود الفرح (فشلتيني يوم قلتي انت ولد مو بنت ليه تهتم بهالشغلات )الوزن زايد مره !! ثامر بالانجليزي ثامر بالعربي ام احمد الراكد ( ماادري ليه حبيتك ولا يهون الاخوان الباقين ) نادرة جداً انا بديت امارس الرياضة ولي فيها عدة اهداف اهمها المساعدة في تخفيف الوزن المساعدة في تعديل المزاج العام والي ابيه منكم انكم تبدون معي لأن الفائده من الرياضه كبيره وحنا محتاجينها كثير ياليت تعزمون وتمارسون الرياضه انتظركم تبشروني اخوكم المحب لكم الأمل القادم |
| الساعة الآن 03:44 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا