|
سوق المال السعودي//برعاية شراني
طبعا....مافيه بزر معه جوال الا و يعرف وشي سابك وكم راس مالها وطبيعة نشاطها
وتلقاه يعرف اربحها السنوية و الربع سنوية وتلقاه عارفن قوانين المضاربات المالية.. بس يقدر ينفذها ********************* على بلاطة اللي له في سوق الاسهم السعودي يتابع هذا الموضوع ... لان لي عودة بعدما اتخلص من الديون الجامدة على شنباتي ( يعني الين يرتفع اسمنت اليمامة) |
مازالت أسهم شركة اسمنت اليمامه في نزول ..
إلى تقوي قلبك وتبيع وتبحث عن شركة أخرى تعوض فيها خسارتك ومازال موضوعك في نزول .. إلى أن حضرت ورفعته لا تبطي علينا يا شرار |
ابشركم
خلصت نفسي من اسمنت اليمامة,,, براس مالي |
اول قاعدة يانشمي بخصوص سوق الاسهم
الصــــــــــبر |
القاعدة الثانية
لاتدخل السوق بفلوس تحتاجها بعد فترة قصيرة |
القاعدة الثالثة
لا تستمع للاشاعات القديمة استمع للاشاعات الجديدة |
قصدك الأشاعات اليوم بفلوس والخبر بكرهـ ببلاش ؟ .يارجال يقولون الفلوس وصخ دنيا .. >> الأخ يموت بهالوصخ هاهاهاااااي . مشكور أخوي على الموضوع . |
مشاركه استراتيجيهِ من نون النسوه! .................................. نصيحه "نسويه" : لا تساهم بكل راس مالك في شركه واحده , وع راس المال لـــ3 وارمي كل ثلث في.......................حِتــــــــه. |
وع = وزع!!
|
معليش يابوعبدالعزيز
اقصد ان الاشاعة الطازة تصير سارية المفعول... و الاشاعة بعد فترة تصبح منتهية الصلاحية و اقل تاثيرا لذلك خلك مع الاشاعة على طول.... والا اتركها الين تتاكد ****************************************** زويعة هانم نصيحتك خاطئة و في غير محلها اذا اتبعتي لقوانيني فلا قيمة لنصيحتك بل العكس... يجب ان تضعي فلوسك في شركة واحدة |
القاعدة الرابعة
طنش المؤشرات و التحليلات البيانية |
معليش شرار :الخاسر لا يحق له توزيع استشارات ماليه اسهميه !!
تووك بايع اسهمك براس مالك , والا لا؟؟ والا تبي الخساره لغيرك؟؟ وضح يا مو ستشــــــــــــــــار |
التجارة ربح و خسارة
ولا فيه ربح دايم على طول والخسارة هي التي تعطي الدروس |
القاعدة الخامسة (ب)
السوق السعودي لا يخضع للتحليل العلمي و الشارتات التحليلية |
(( السوق السعودي لا يخضع للتحليل العلمي و الشارتات التحليلية ))
هذا ما أعتقده .. كنت قبل شهرين أشتريت مجموعة من الأسهم في الشركات التالية الكهرباء القصيم الزراعية المكيرش وكان تحليلي الشخصي يقول : (( مجموع السوق تقريبا إرتفع عن الأسعار المعتاده ما عدى بعض الشركات ومنها التي ذكرت .. وكانت أسعار هذه الشركات تقريبا في القاع .. عزمت أمري وإتكلت على الله .. وقلت في نفسي .. المجانين اللي رفعوا أسعار عموم الشركات بدون سبب مقنع ووجيه سيأتي يوم ويكون لشركاتي دور عندهم .. فماذا حصل .. قوبلت بإستهزاء والضحك من كثير من معارفي المهتمين بهذا الأمر .. ودارت الأيام وصبر كما في أحد قواعدك يا شرار .. واليوم أنا خارج السوق تقريبا ومعي أرباح تقارب الخمسين في المئة في مده زمنية لا تزيد عن سبعين يوما .. وأنتظر في مستقبل أيامي أن أرى شركة تصل أسهمها للقاع أو تقترب منه لأرمي شبكتي .. والله يرزق من يشاء بغير حساب والحمد لله على كل حال |
عاجل
سعر اسمنت اليمامة الحين 1325 شوفوا كم يوم وب تصير 1900 اللي يبي سهم مضمون الربح خلال فترة وجيزة يشتريه |
سلام يا اسمنت سلام
|
أقول أفتح لك بسطه في سوق الخضره وبع لك جرجير وبصل وبقدونس وخس أفضلك من وجع الرأس
لأنك لو بتخسر أكيد بتجيك جلطه ونخسرك في المنتدى |
جرجيـــــــر !!!!!
:04: لالالالالالالالالالالالالالالالالالالالالالالا ابد مو عارفه من تكلم |
السلام عليكم ورحمة الله وبركاته مشكور أخوي شراني على موضوعك .. عن خبرتي المتواضعه بسوق الأسهم السعودي أكتشفت أن الشركات الكبيره المعترف بها من وزارة التجاره أضمن لمالك من غيرها من الشركات والمؤسسات.. يعني بصريح العباره أقول أنا عندي أسهم براجحي وبسابك والبلاد والأتصالات وهذي أسهمها بإزدياد ولو لاسمح الله أنهار السوق لن تنهار بهذه السهوله لأنها شركات وبنوك كبرى وعظمى لا تنهار بين يوم وليله وبسهوله وإمكانياتها بإزدياد والطلب عليها بإزدياد .. الأسهم أللي يدخل فيها وفي مشاكلها أنصحه نصيحه لوجه الله ياخذ له أسبوعين على الأقل يدخل النت كل صباح أو يشوف الجرايد كل صباح وياخذ فكره عن الأسهم الأفتتاح وأسعارها ومن يتغير بين يوم وليله ومن يثبت على سعره لمده طويله وأنا برأيي الشركات الصغيره لا أعترف بها مطلقاًوأسهمها يبيلها وااحد فاضي بالسوق .. أحسن شي تشري مثلي وتاخذ الأرباح كل فتره بس ماتحط كل فلوسك بأسهم وتخليها حظ ولو حصل أنك تستشير مستشار بأحدى البنوك أو الشركات أي محترف أو أحد تجار الأسهم يكون أحسن أو تخليه يدير أسهمك بنفسه .. هذا والله أعلم .. تحياتي مع السلامه |
أقول على طاري سوق الخضره
أرتفع صندوق الكرز الى(20)ريال يعني مكسب.. وعلى فكره اخبار السوق كلها عندي والبزنس كمان.. خذ حذرك.. |
اي سوق؟؟؟؟
لا يصير سوق النبيطات؟ |
سوق النبيطات له ناسه يا فهيم؟
|
صحيح
بس احتياط .. لازم نسأل.... اي سوق شكرا لتاكيدك انه سوق النبيطات |
اللي يحب الراحه والكسل
دائما متواجد في صالات التداول وأخرتها خسااااااااه وإرتفاع ضغط والبزنس له ناسه.. |
الاسهم لها ناسها
وحقين الجرجير و الكراث لهم ناسهم و مافيه حدا مرتاح |
وكل واحد له
حساب في البنك والشاطر اللي يجلس في خدمة كبار العملاء..!! |
يجلس في بنك!!... و كبار عملاء ( يضحكون عليكم)
خخخخخخخخخخخخخ البنك هو اللي يجي عنده... و يعطيه خط خاص مباشر مع خمسة بروكرز متفرغين للشطار بس:36_1_12::36_1_6: :36_6_2::36_6_2: |
ياطويل العمر شراني
مادام الله معطيك والبزنس كثير ترا فيه دور تحفيظ محتاجين تبرعات فإذا ماعليك كلافة علمنا وينك فيه عشان نرسلهم يأخذون المبلغ نقداً من اليد لليد وعتبرها صدقة ومانقص مال من صدقه موافق ماأظن بتقول لا |
دور التحفيظ .. لا تستلم التبرعات الا بشكل رسمي
ولهم طرقهم الخاصة في تحصيل الدعم بعد حنا يالتجار ( تبرعاتنا لازم تكون تحت الاضواء) عشان ما تشك فينا الحكومة |
أنت عطني التبرع وأنا أسلمه لهم بشكل أكثر من رسمي وتحت مو الأضواء بس إلا تحت الكبوس والثريات بس أنت وافق ياتاجـــــــــر شراني
|
اسمنت اليمامة ... يسلم على الهوامير
3000 ريال |
| الساعة الآن 02:43 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا