|
يهينوني لاني بنت
من دون مبالغه اول مره بحياتي احس اني كرهت...امي.......واخوي
عمري بحياتي ماشفت ام تظلم بناتها وتوقف ضدهم حتى لو معهم الحق100% تدعي على لاني وقفت مع اختي بمشكله مع زوجها واختي تبكي وتترجاني اسوي اي شيء وانا ورب الكون حاولت بكل الطرق وكلمت زوجها وتقول امي واخوي انت مالك شغل ليش تتدخلين بالموضوع اذا امي تخلت عن بنتها بهالوقت اللي هي محتاجتها واخوي نفس الشيء انا ما راح اتركها لو على حساب حياتي وامس حلفت ما اكلم اخوي طول عمري وكانت ردة فعله(الحمدلله انها جت منك) وامي بعد مع اخوي وهم السبب بدمار حياتي والحين يقولون لي يالمجنونه يا المريضه نفسيا يالموسوسه وكل هذا نقطه ببحر من حياتي بليييييييييييييييييييييييز ساعدوني |
أخت ميمو لا بأس عليك إن شاء الله
حاولي أن تهدئي حتى تستطعين التفكير بشكل جيد وخذي الامور ببساطة وستجدينها أسهل مما تتصورين... قد تختلف وجهات النظر بين الآباء والابناء حول موقف معين لكن يجب أن يدوم الود والمحبة... حاولي النقاش مع امك بهدوووء وأحسني اليها وبحول الله ستتيسر أمورك وفقك الله |
مشكور اخ عمران على ردك
وشلون اخذ الحياه ببساطه وحياتي كل يوم تتعقد اكثر من اول وأي وجهة نظر ياخوي هي عمرها ماوقفت معنا بالعكس هي دائما مع الناس ضدنا ورب الكون حتى اخواتي دائما يقولون غريبه ليش امي دائما ضدنا واللي يحرمني حياتي اني ما اتذكر بيوم وقفت معنا امي ماينفع معها النقاش لانها تقول هي معها الحق واحنا غلطانين اتمنى اعرف ليييييييييييييييييييييييش؟ (وللمعلوميه اذا صارت اي مشكله وهي السبب فيها تحاول تطلع نفسها من المشكله واحنا اللي بناكلها) |
ببساطه لانك بنت ،،،،،،،،،،،،،،،،،،،،،،،،،،،،،،،، !!!!!!!
حبيتي ولايهمك وعيش حياتك وانبسطي واذا كانت والدتك مش اللي على بالك وتتمني انك تغيييرها كمان لو بيدك ،، ومابقصد هالشيء بس هاي واقع اغلب الفتيات بتعيشه ،، ربي يوفقك وانا معك هنا |
ميمو قلبي
كيف الحال انشاء الله بخير الحييين مسويه شجاعه ومكلمه زوج اختك وتضعفين لمشكلتك حبيبتي نصيحتي لاتحاولين تغيرين في امك اي شي وحاولي تتقبلينها باللي هي عليه ميمو لما تكلمك امك عن الموضوع اسمعيها طبعا كلامها اكيد قاسي بس اسمعيها واسمعيها ولاتخلين الكلام يلامس مشاعرك يعني لايتعدى حدود السمع وانتي تسمعين وجهة نظرها في الموضوع سوي نفسك انك كنتي غبيه لما كلمتي زوج اختك وانك نادمه بس في نفس الوقت كوني شجاعه وافتحي اكثرموضوع حساس بينك وامك قولي لها وابكي عندها قولي ببساطه ليش يمه هاالقسوة والتعامل مو بنتك انا وحسسيها انك ودك تسمعين كلامها بس تعاملها القاسي اثر فيك قولي لها وش ودك تسوين عشانها ووش كثر تغلينها بس تعاملها يجرحك وابكي معها عادي واحسن ماتبكين لوحدك واهم شي تفتحين مع امك اكثر موضوع يحرجك او حساس بالنسبه لك احسن ماتقولين لحد ثاني ميمو اتمنى لك السعاده وقلب الام مهما كان طيب بس يبي اللي يعرف كيف يتعامل معها ميمو قولي فقلبك امي اعز الناس وقوليها لها...اول ماتكلمينها يمه يااعزالناس.. |
مشكوره ام عبدالله
الله يسعدك دنيا واخره الله يعطيك العافيه على مرورك وكلامك اللي يريح القلب |
هلا قلبونتي اخباري؟؟ ماتسر صديق ولا عدو
الله يعطيك العافيه ويجزاك خييييييييييييير على مساعدتي الحييين مسويه شجاعه ومكلمه زوج اختك وتضعفين لمشكلتك مو شجاعه بس كنت اتمنى اساعدها دائما وهاليوم هي احتاجتني واحتاجت اهلي وما لقتهم حولها وانا مستحيل اتخلى عنها لو على حساب حياتي لان حياتها وسعادتها تهمني حبيبتي نصيحتي لاتحاولين تغيرين في امك اي شي وحاولي تتقبلينها باللي هي عليه انا ماراح احاول اغيرها لانها ماراح تتغير ميمو لما تكلمك امك عن الموضوع اسمعيها طبعا كلامها اكيد قاسي بس اسمعيها واسمعيها ولاتخلين الكلام يلامس مشاعرك يعني لايتعدى حدود السمع امي ماتعرف تتكلم وتتناقش لانها ماتتفاهم وانتي تسمعين وجهة نظرها في الموضوع سوي نفسك انك كنتي غبيه لما كلمتي زوج اختك وانك نادمه أي وجهة نظر حبيبتي اقول لك هي مع الناس ضدنا وانا ماراح اسوي حالي غبيه لاني كلمته لاني ما سويت شيء غلط وكنت مع الحق وما ابغاها تحس ان امي واخوي تخلوا عنها بهالوقت آه احس اني خسرت كل الناس وربي احبهم واموت بدونهم بس هم عمرهم ما يحسون فيني اتمنى سعادتهم تصدقين احس بغربه ماكأني ببيتي وبين اهلي وربي تعبانه مووووووووووووووت امي مو مثل الامهات ماتحس فينا (مايهون علي اكتب هالكلام عن امي بس وربي تعبت من كثر الصبر خلااااااااااااااص ما اقدر اتحمل) |
الله يكون بعونك أختي ميمو
ولاتنسين أهم سلاح وهو الدعاء فألحي على ربك في الدعاء وأدعي لوالدتك وأخوك وأختك أسأل الله في هذه اليلة المباركه ليلة الجمعة أن يفرج الله كربتك وكربتي وكرب جميع المسلمين ..آمين.. |
جزاك الله خير اختي نوووور على مرورك ودعوتك
الله يصبرنا ويكون بعونا أسأل الله في هذه اليلة المباركه ليلة الجمعة أن يفرج الله كربتك وكربتي وكرب جميع المسلمين آمــــــــــــــــــيـــــــــن |
اهلين والله بميمو
ميمو حياتي صدقيني بما ان المشكله مشكلتك ماراح تلقين الحل الاعندك ادعي ربك يحنن قلب امك عليكم والله ياميمو اعرف وحده حياتهم كذا لدرجه انها لو تنام 3ايام مادرت عنها امها كلش امها مو مهتمه فيها ارت تصلي باللليل وتدعي من كل قلبها وتغتنم ساعات الاجابه والحين الحمد لله كل شئ تماااااااام |
ميمو
طاقه في راسي ماخليك لين تصيرين صديقة امك وش رايك؟ بس اقول اخاف انا اللي اصادق امك احب الامهات اللي مزاجهم حاد يطلع معي فن التعامل ولااروع |
حبيبتي جود الفرح مشكووووووووره على ردك ومساعدتك
بس هالشيء مو جديد بحياتي وانا اروح عياده نفسيه بسبب اهلي حطموني ودمروا حياتي وعلى هذا كله يقولون وش اللي ناقصه......؟؟ حتى اخواتي مو قادرين يساعدوني واختي كانت عندنا بالبيت وقعدت اسبوعين والله العظيم من اول يوم كلمت زوجها وقالت له ابي ارجع (انصدمت بالحياه اللي عايشتها انواع الظلم) |
ياحبي لك عروس الاحزان
آه ما ابي منها شيء بس ابيها تتركني بحالي واذا طلبت شيء ماترفض (لاني اذا طلبتها شيء ترفض واخوي طلباته اوامر وما تقول لا لا) وطلباتي وربي مو كثيره وما ابيها تحكي عن نفسيتي عند الناس لان هالشيء يخصني بالحالي للأمانه هي طيبه بس الصفات الشينه يغلب على الحلوه |
الله يكون بعونك
شوفي قلبي لاتتوقعين انك لحالك عايشه هالمعاناه والله كثير مثل حالك واسوا انتي حاولي تطالعين الشء الحلو بامك حاولي تبوسين راسها تجلسين اكثر وقتك يمها تجهزين لها القهوه الي تحب |
الله يكون بالعون
الله يعطيك العافيه |
ميمو قلبي
احلى شي فيك انه واضح انك بنت واعيه عشان كذا ابي استمر معك حبيبتي بيجي اليوم اللي أخلي امك تقول لك ميمو حبيبتي امري تدللي <<<<<<<واثقه عروس الحزن بس صدقيني كل شي سهل بس نكون صادقين مع بعض ومستعده اجي ادخل هنا بس عشان اتواصل معك ولو تبين ايميلي تبين رقمي تبين تسيرين علي حياك بس مع امك :) ميمو كل البنات يقولون الولد طلباته اوامر عند الماما بس انتي تقدرين تكونين المنافس القوي لهذا الولد عند الماما قلبي والله ان عيوني تعبانه من نور الشاشه بس وعد لارجع اتفلسف عليك :) |
ياحياتي ياعروس الاحزان ومشكوره على اهتمامك وانا بجد محتاجه احد يساعدني وفيك الخير قلبي
مااتوقع راح ادخل النت بعد اليوم لانه راح ينقطع الثابت وامي حلفت انها ماتسدده عشاني استخدم النت دائما بس ان شاء الله احاول فيها وتقتنع تصدقون المشاكل اللي تحصل لي ما احد يوقف معي فيها بس الحين اول مره احس احد معي الله يسعدكم ويوفقكم دنيا واخره |
ميمو وش تبين اقول
كنت اتمنى اتواصل معك لاني حسيت بك ماعليه قلبي نصيحتي تصادقين اختك هالفترة واعتبري علاقتك بامك جهاد وانك لازم تنتصرين برضاها حبيتي الله يحفظك ويفرج لك ويعينك بالبر بامك واتمنى لو رجعتي للمنتدى تلاقيني اخاف بعد انا اختفي :) |
مشكوره اختي على تواصلك بس ممكن انقطع عن النت فتره بس مو اكيييييييييييد
ياحياتي حظي التعيس اختي سافرت اليوم وقاعده بالحالي ان شاء الله اذا رجعت القاك حبيبتي وماتكوني عروس الاحزان تتغيرين لعروس الافراح الله يعطيك العافيه |
غاليتي مــيــمــو
انا مع الاخت عــروس الأحــزان برئيها حاولي تظهري ضعفك قدام امك و تحسسيها انها الوحيده اللي ممكن تساعدك وان مالك بلدنيا غيرها و انك تفديها بحياتك و ياريت ما تغيبي عننا كثير اذا اتقطع النت الله يكون في عونك اختي ميمو و بتمنى لك السعاده من كل قلبي اختك الأميرة الصغيرة |
الاميره الصغيره مشكور على اهتمامك
ان شاء الله ابرها وتكون راضيه علي وان شاءالله ما ابعد عن هالمنتدى لانه بجد هو المكان اللي قدرت اطلع اللي بقلبي فيه وانت بعد الله يسعدك ويوفقك مشكوووووووره |
أختي ميمو
تحية طيبة مرة اخرى لا بد من البساطة وتسهيل الامور عشان ما تتعقد زيادة! وضعك هو وضع الكثيرين من الناس وهي الفجوة بين الآباء والابناء وكثير من الامهات يكون لهم راي وحكم معين بس المشكلة انهم ما يوضحون لابنائهم الاسباب او يحاولون يقنعونهم لذك يصير فيه(فجوة) في التفكير والتعامل.. أنتي حاولي تردمين الفجوة وتتقربين منها وتاخذين وجهة نظرها يمن تقتنعين فيها واذا ما حصل شي تنازلي يا اختي عشان امك وانتي الكسبانة والتعامل مع الام غير كل التعامل مع الاخرين لان لها اعظم الحقوق وانصحك قبل كل شي تحسنين لها لان الاحسان والرفق تأثيره كبير على النفوس فكيف لو كان لقلب الأم؟!! أنا واثق بمشيئة الله أن امورك راح تتيسر والله يوفقك ويخليلك والدتك |
اخوي عمران كلام صحيح مليونين بالميه
ومن كلامك طفت النار اللي بداخلي جزاك الله خييير |
الحمد لله..
نتمنى ان نسمع عنكِ اخبارا سارة.. |
ان شاءالله
ربك كريم |
بخاطري اشياء كثيييييره ابي اطلعها وابيكم تساعدوني اذا ماعندكم مانع
ولي رجعه قريب ان شاءالله |
تفضلي يا اختي قولي ما تشائين والجميع سيساعدك..
|
مرحبا كيفكم تمام؟؟
بصراحه بخاطري اشياء كثيره ومو عارفه وش اسوي بحياتي لاني بجد تعبانه وبالبدايه راح احكي عن اهلي بالبيت امي ما اكلمها الا اذا كلمتني او اذا ضروري اكلمها واخوي الكبير متوفي من 5سنوات وانا ماشفته من8سنين وخلال هالثلاث سنوات كنت كل يوم ابكي ابي اشوفه بس كان فيه اسباب تمنعنا من شوفته وبلحظه كنت افكر فيه وباخره مره كلمته وش قال لي وقتها وبوفاته تدمرت نفسيتي وحياتي واخواتي تزوجوا ومو موجودين معي بنفس المدينه اخوي اللي اصغر مني ثاني مره يهيني ويجرحني والمره الاولى ماتكلمنا مع بعض سنه كامله وهالمره انا حلفت ما اكلمه لاني بجد تعبت منه ومن اهاناته صديقاتي بالكليه كثير انصدمت منهم احبهم من كل قلبي وبالاخير انصدم فيهم صديقاتي اللي تعرفت عليهم قبل الكليه عندهم ظروف وصعب نتواصل مع بعض دائما يعني لازم ننقطع عن بعض فترات واذا بغيت اطلع مافيه احد اروح له او اروح معه وقرايبي فيهم اللي ما ارتاح لهم وما اروح لهم كثير واللي اموت فيهم ساحبين علي ولا اشوفهم كثير ولي اسبوع ما انام زين اذا ولا اكل زين وراسي مصدع احاول انام بس مافيه امل وربي تعبت حياتي مافيها شيء يقدر ينسيني همومي بجد حاسه حالي راح انفجر ما اقدر اتحمل اكثر بلييييييييز ساعدوني |
ميمو
ياكثر صدماتك لا وشكل سيارتك ماش تنعدم بسرعه وش رايك نتقاط انا وياك وتشترين لك جيب لاندكروزر حبيبتي شوفي ابي انصحك الحين من ناحية الحساسيه انتي ليش تكونين في اغلب مواقفك مستقبله يعني تنصدمين لانك تتوقعين وتتحترين عشان كذا تنصدمين اختي انا اتوقع والله اعلم عمرك 21 ,22 سنه صح وممكن اصغر انا كنت اعاني مثلك تماما وممكن اشد والى الحين يعلم الله بس لما صارت امي صديقتي هان علي كل شي انا حاليا عمري 24سنه ماعرفت امي الامن 3 سنوات كنت احب كل الناس الاامي كنت اشوفها قاسيه معي كنت احلم بعطائها واحلم بتواصلها معي بس كنت الاقي التعامل القاسي معي والمشكله لما تتعامل مع قريباتي الاحظها قمة اللطف والطيبه وحتى البنات كلهم كانو يحسدوني عليها وانا اقول مالت على حظي لاوكنت اتمنى كل يوم ام غير كل مره احلم وحده تكون امي بس بعد ماتا بعت برنامج في التلفزيون في التعامل مع الاباء وليس الابناء قبل 3 او 4 سنوات وكان يتكلم ان الام مثلا تكون غير متعلمه وانتي متعلمه ودارسه وواعيه كيف تبين امك ترتقي لفكرك وتتعرف على اساليب التعامل معك وفعلا صعبه عليها تفهمك بس انتي الفاهمه والواعيه وبسهوله تقدرين تتواصلين معها وتفهمينها ميمو انا ودي اول شي تطلعين قلبك وتحطينه بيدك تخيلي جد.. انه بيدك تفرجي عليه قولي له يااخ ممكن تفهم مو كل الناس يعطون حب.. فلا تصير بخيل..واصدري له امر يفتح جمعيه خيريه لتوزيع الحب .... وقولي له بأمر مني انا ميمو ووزعي حب على الفقراء اللي مايعرفون يعطون حب وابدي بأعز الناس...... ميمو صدقيني لما تصيرين تعطين وتعودتي على العطاء ماراح تنتظرين من الاخرين شي ولاراح تنصدمين منهم ... صدقيني ميمو يصيرون هم اللي ينصدمون ... ميمو .... كلنا نعاني مو انتي لحالك ميمو.. انا عندي اعز انسان مات بطريقه مريعه وقبل لايموت كان متحدث معي لفترره طويله وكنت اكلمه حزينه وهو يوعدني اني ماراح احزن بعد اليوم لانه بيحل لي مشكلتي بس مات وبطريقه محزنه تقدرين تتخيلين كيف عشت بعده... وبما اني ذكرته يارب تغفرله وترحمه وتسكنه فسيح جناتك ياااارب وجميع موتى المسلمين ميمو.. اقسم بالله اني بعده فكرت في الانتحار بس كنت مااتصرف الابعقلي والحمدلله... ميمو انا بعد تزوجت وانصدمت بس ماودي اتكلم عن زواجي لأنه هذا الجرح اللي مابعد التئم عندي ميمو انا الحين الكل يتدخل في شئوني وحاسه ان مالي كلمه ولاراي بس بالعقل الواحد يقدر يقلب كل الامور لصالحه... ميمو... عشان تعيشين قوي قلبك ...وعيشي يومك بس غير يومك وش تتبين؟؟ ميمو قلبي والله انه يضيق صدري لاحسيت ان فيه احد متضايق الله يفرج لك يارب... |
يالله ياعروس الاحزان
انتي عبقريه هاميمو اقرئ كلامها مو مره الامرتين وثلاث والله يكون بعونك |
بس ياجود
كن ميمو ما اعجبها صامته ميمو حبيبتي معنا |
ياحياتي ياعروس انت و جود الفرح الاعاجبني بس مثل ماقالت جود راح اقراه مليون مره وراح ارد على كل نقطه
|
احلى ياعروس الحزن
والله وصرتي كاتبه يقرأ مقالك مليون مره والله ياميمو لو تقرينه مليون مره لاقدم طلب يسجلون مقالي من ضمن المقالات اللي ضاربه رقم قياسي وندخل انا وياك موسوعة غينيس وندخل عالم الشهره من اوسع ابوابه هههههههههههه هاه وش رايك بس اسمعي لازم نذكر جود الفرح معنا خلي اسمها بعد يطلع ولا بعد نبي نجيب امك معنا اقول كني مصختها ميمو انا طالعه ويعلم الله احتاج دعواتك مسافره بس راجعه انا كل يوم اسافر متغربله اختي تكفين ادعي لي قلبي معورني اليوم حاسه بيصير شي المهم ميمو لاوصيك اميمتك ونفسك وقولي اللي في خاطرك وانا معك استودعك الله الذي لاتضيع ودائعه ولن انساك في طريقي من الدعاء ودعاء المسافر مستجاب تحياتي |
ياكثر صدماتك لا وشكل سيارتك ماش تنعدم بسرعه
وش رايك نتقاط انا وياك وتشترين لك جيب لاندكروزر والله لو اشتري همر راح انصدم خخخخخ ابي انصحك الحين من ناحية الحساسيه انتي ليش تكونين في اغلب مواقفك مستقبله يعني تنصدمين لانك تتوقعين وتتحترين عشان كذا تنصدمين بصراحه انا حساسه وصح اكون متوقعه الشيء الشين بس مو دائما اختي انا اتوقع والله اعلم عمرك 21 ,22 سنه صح وممكن اصغر انا كنت اعاني مثلك تماما وممكن اشد والى الحين يعلم الله بس لما صارت امي صديقتي هان علي كل شي انا حاليا عمري 24سنه ماعرفت امي الامن 3 سنوات كنت احب كل الناس الاامي كنت اشوفها قاسيه معي كنت احلم بعطائها واحلم بتواصلها معي بس كنت الاقي التعامل القاسي معي والمشكله لما تتعامل مع قريباتي الاحظها قمة اللطف والطيبه وحتى البنات كلهم كانو يحسدوني عليها وانا اقول مالت على حظي لاوكنت اتمنى كل يوم ام غير كل مره احلم وحده تكون امي عمري 20سنه انا اقول لك امي مو قاسيه بشكل عام بالعكس والله طيبه بس الوقت اللي تحتاجها فيه تتخلى عنا ودائما توقف مع الناس ضدنا وما اتمنى اغير امي اتمنى هو تتغير حتى فيه اشياء كثير غلط فيها وربي اني خايفه عليها من عقاب ربي ميمو انا ودي اول شي تطلعين قلبك وتحطينه بيدك تخيلي جد.. انه بيدك تفرجي عليه قولي له يااخ ممكن تفهم مو كل الناس يعطون حب.. فلا تصير بخيل..واصدري له امر يفتح جمعيه خيريه لتوزيع الحب .... وقولي له بأمر مني انا ميمو ووزعي حب على الفقراء اللي مايعرفون يعطون حب وابدي بأعز الناس...... عارفه ان مو كل الناس تعطي حب وعمري ماكنت بخيله بالحب بس تدرين وش مشكلتي الناس مايحسون وش كثر احبهم ويفكروني مطنشتهم وانا ورب الكون كل تفكيري فيهم واذا ضاق صدرهم اتمنى انا اللي يضيق صدري وهم يكونوا سعيدين بحياتهم ودائما اقول لنفسي انا عندي طاقه حب وحنان مو طبيعيه بس ما اعرف وشلون اطلعها وتصدقين ماتطلع الا مو عيال اخواتي بس متى اشوفهم؟؟ ميمو صدقيني لما تصيرين تعطين وتعودتي على العطاء ماراح تنتظرين من الاخرين شي ولاراح تنصدمين منهم ... صدقيني ميمو يصيرون هم اللي ينصدمون حاليا ما ابي من احد شيء اللي ابيه احد يكون معي وبس لاني بجد وحيييييييييييييده والله يرحم اموات المسلمين والمسلمات والمؤمنين والمؤمنات الاحياء منهم والاموات وان شاء الله يلتئم جرحك وتكوني سعيده بحياتك وما احد يدخل بحياتك ومشكلتي ما اقدر اقوي قلبي الله يبعد عنكم الهم والحزن وتعيشون بسعاده وراحة بال |
تروحين وتردين بالسلامه وان شاءالله ما يحصل الا كل خير
الله يوفقك دنيا واخره وييسر كل امورك |
وطبعا ما انسى جود الفرح لانها وربي عسل والله يوفقك ويسعدك وينور دربك ياقلبونتي جووووووووودي
|
اختي ميمو لي موضوع في منتدى التجارب الشخصية بعنوان(تعامل مع مشاكلك بفكاهة) ان احببتِ الاطلاع عليه وحاولي ان تتعاملي مع وضعك بتبسيط شديييييد ومرح وستلاحظين ان المشكلة تضعف بشكل كبير ومن ثم حاولي تحديد الاشياء التي تزعجك واكتبيها في ورقة على شكل نقاط بسيطة واجعلي نفسك في موضع(قوة)امامها وحلليها بعقل ومنطق وتبسيييط وقبل ذلك حاولي ان تسترخي في مكان هاديء وتتنفسي ببطء شديد وقولي بينك وبين نفسك(أبنسى هذي اللحظة بس) وبعدين ستلاحظين انك اكثر قوة وصلابة على المواجهة بس اهم شي التبسيط الشدييييد...
جربي وراح تشوفين فرق بمشيئة الله |
اخوي عمران مشكور على اهتمامك
وحبيت اقول انا بالاساس لو كان هالشيء اللي حصل لي كان عادي وبتكون بسيطه بس المشكله اني كنت من النوع اللي مايحكي ولا يفضفض الا مع الناس المقربين لي (صديقتي) يعني دائما ساكته مع اهلي مشكله على مشكله وهم على هم ونكد على نكد وش يحصل بالاخير؟؟ اللي حصل اني انفجرت وما اقدر اتحمل احد حتى اهل احاول مع اتكلم معهم يعني طول الوقت على النت حتى اليوم مارحت للكليه لاني تعبانه بمعنى الكلمه وحتى بكره ما اتوقع اروح لاني اكره الكليه ولو رحت لها بتنكد اكثر وبنفس الوقت نتيجتي ما بعد شفتها يعني الحال يرثى لها وانا الحيييييين باقرا موضوعك الله يصبرنا كلنا على همومنا |
شوفي يا اختي أول شي الهدوء مطلوب لان أفكارك واضح انها مشتتة ودرجة التوتر عند عالية نوعا ما لذلك لا بد أول شي واهم شيء انك تزيلين التوتر باي وسيلة او على الاقل توقفينه عند حد معين لان استمرار التفكير يتعب الانسان ولا يخليه يفكر صح وافضل شيء لايقاف التوتر هو انك تاخذين (وقت مستقطع)لذلك قولي لنفسك انا ابتوقف عن التفكير بالموضوع لمدة يوم فقط وحاولي تناسين الموضوع بس يوم وشوفي اي حاجة تسعدك بالعادة وسويها واذا طبقتي هالشي بشكل صحيح راح تحسين انك اهدأ وبعدين تقدرين تفكرين يشكل سليم...
هذي طريقة مجربة للهدوء وانتي جربيها لان ما فيه حل آخر الا الهدوء المؤقت قبل التعامل مع المشكلة... |
اختي ميمو لم اقرا مشكلتك الا الان لاكن لما هذا الحزن مع هذه الاعضاء المحبه والرائعه لانريد ان اراك حزينه ابتهجي واسعدي فانتي لستي وحدك من يعاني فلو نظرتي لمشكلتي لقلتي الحمد لله كل يوم ابكي من شده الالم لست مثلك يمكن انتي اقوى مني في قوه التحمل لاكن امك كامي تما ما ويبدو انها ظاهره يعاني منها حميع الابناء صدقيني لو تجاهلتي ولم تضهري الحزن واصمتي واتركي الموضوع لطبيبه النفسيه صدقيسني ستساعدك وتستدعي امك لتوظيح المشكله وحلها العياده ليست للمراض بل لحل المشاكل الاسريه والزوجيه اختي ولا تحزني ضعي يدك بيدي لنساعد بعضنا فنحنو نعاني من مشكله واحده والله معك وانا لن اتركك لوحدك صدقيني قلبي ومشاعري معك
|
| الساعة الآن 06:48 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا