ماهي أسوأ وظيفه برأيك ؟؟
 

بصراحه طرحت هالسؤال بناء على ان هناك وظائف اشعر بأنها تجلب الهم والغم وبأنها عبء كثير ،،
مثلا : المدرس " مهنه التدريس " ،،
على الرغم من انها مهمة جيده ووسيله خير ،، الا أنني لاارغب بشغرها ،، حتى أنني رفضت الارتباط بمدرس ،، لانو بحس هيك انو ممل وكمان هالوظيفه تصيب الواحد بأكتئاب !!

وكثير بحب مهنة الشرطة ، بحس انها ستايل على الرغم من مخاطرها ،، بس بجد بجد بجد بحبهاا

هاو هاو يام عبود مابعد الاهو شرطيه وين ابو عبود ههههههه امزح معك حق ياليت يسمحون للمراءه والله تخيلي ببدله الظابط على ابو عبد الله والنجمه ومفتاح السياره بجيبك ههه وهذيها تفحيط في شوارع الرياض طاططاااااط طاط افتحو الطريق طراخ حادث ههههحلوه والله ياليت كان ما اخلي شارع ماتفحط فيه

ههههههه والله بجد ضحكت من قلبي ،،،

صدقتو لو في شرطه راح اكون من المتقدمين فيها
والا محققه واصير مثل كونان
أسوأوظيفه بالنسبه لي التمريض صحيح خدمه انسانيه لكن يبيله احد يكون قده وقادر على تحمل المسؤليه
قولو الله يعينني واكون قدها

الوظائف التي تعتمد على حل مشاكل الموظفين و المستخدمين
مثل الشؤوون الادارية
او مثل وظيفتي انا الدعم الفني فمعظم مشاكل المستخدمين تتم حلها و رغم ذلك دائما انت السبب في المشكلة حتى و ان كان خطأ من المستخدم نفسه
لانك سمحت للبرنامج ان يتقبل خطأ الموظف
ما شاء الله
لا شفت لا اروع و لا اجمل و لا اكرم
و لا احمد و لا محمد و لا حسن

والله صادقه يأم عبدالله ان مهنة التدريس تجيب الاكتئاب وممله وهم على القلب

بلعكس افضل مهنه عندي


مهنه التعليم بخصوص معلمي المرحله الابتدائيه


اسوا مهنه


مهنه من لامهنه له

شكريا عاموضوع

وااااااو انا معاك اكيد ،، بلا كلية المعلمين والمعلمات ، بلا بطيخ !!
بس تعرفي مهنة التمريض كان هو التخصص اللي قدامي بالدراسه اللي انقبلت فيه ،، لكن لظروف عائليه " يعني بالعربي ابي رفض مهنة التمريض ولاسبابه الخاصة ، حتى رأي زوجي مش مهم كمان بالنسبه له " ،، طبعا ماقدرت اخالف اوامره وجلسنا بالبيت ،،

عذرا للقصة الطويله

اه بتقصد دعم فني حاسب الي ،، هذي الله يسلمك بجد حلو التخصص ،، بس يمين الله مابفهم فيه ولاشي ،، علما بأنها تقريبا وظيفة زوجي ،،

بس حلوه هههههههه لاشفت لااروع ولااجمل ولااكرم ولااحمد ولامحمد ولاحسن

تسلمين يالغاليه ،، وحياش الله

ياهلا جود الفرح ههههه بعتقد انك مدرسه والا ؟

أسوء مهنه عندي التدريس .......
آسفه أخواني وأخواتي المدرسين بس في رأي أغلب إلي يشغلون هذه المهنه غير مؤهلين وليسوا قدوه في الاسلوب وفي طربق التعامل ..

من يحب مهنته لا يراها سيئة

اسوى مهنه عامل النظافه

خخخخخخخخخ

حكمة رائعه اخ عمران
احترامي لك

ام عبدالله

نعم انا معلمه للمرحله الابتدائيه



عذووووب

تدرين اسوا شئ في الطفل انه يتذكر سنين طفولته بالمدرسه السئيه

عشان كذا

احاول مااخلي اي طفله في عالمي تكره يوم تعيشه معي

وباذن الله احقق سعاده الي ماشفتها بايام دراستي في الابتدائي لاطفالي

طبعا اطفالي طالبات المدرسه

نعم معظمهم كما وصفتهم ،، ولانتهم الكل فهناك مدرسين بالفعل يستحقون التقدير لانهم يشعرون بأنها رسالة ولابد ان تطبق

اخيرا اشكر مشاركتك عذوووب

نرحب بك الاستاده جود الفرح ،،
بس حقيقه احس انها مملة وصعبه جدا ،، يعني بيني وبينك على كثر مايرغب الرجل بالارتباط من " مدرسة او عامله " ،، سرعان مايصيبه الاحباط بعد الزواج ،، ولو سئلتي الزوج والزوجه عن السر لاخبروكي بأن مهنة التدريس تتطلب الوعي والدقة دائما والحرص الشديد ،، لاانكر مهمتها وانضباطها بالبيت ،، ولكن حتى لو كانت عازبة اشعر بأنها مجرد آلة لاتنتهي !!

واستمحيك عذرا لو أخطأت بالتعبير

مجرد راي يام عبدالله


اجل وش يجلسني بالبيت مو الوظيفه احسن

أحب كل المهن وأحب أجربها كلها
وأقلكم بصراحه لما كنت صغيره كنت أفكر بجدية إني أصير نجارة أو دهَانة
وكنت أقول ليش الرجل بس اللي يشتغل نجار

السلام عليكم
اعتقد أسوءمهنة الشخص الذي يقوم بتنفيذ الأعدام ما يطلق عليه اخوانا المصريون "عشماوي"أنا ما ادري كيف زوجا تهم يتحملون يعيشون معاهم!!

انامدرسه وبصراحه اكره هذه المهنه لا احد يسأل يقول ليش طيب صرتي مدرسه؟؟؟لانه ماراح تكون فيه إجابه:)
مع اني معلمه الحمدلله ممتازه واعطي لابعدالحدود

ماشاء الله جود مدرسه لايك مي وابتدائي
اقول من زمان ماهو سرالانجذاب


عزيزتي ام عبدالله انتي ماجربتي التدريس فلاتحكمين عليه انه سيئ
التدريس اروع مما تصورين خصوصا لما تكونين حابه الماده وموشرط تحبين المهنه بعدين هي تجبرك على حبها مثلي
قبل انا كنت ارفض التدريس وفضلت اواصل تعليمي العالي وفعلا واصلت لكن لما اتيحت لي فرصةالتدريس وجربتها عشقتها حدالجنون ابدع واعطي اكثر مماتتصورين والحين شغلي عندي اهم من كل شي لاني حبيته حتى اهم عندي من دراساتي العليا
وانا زوجي (سابقا )مدرس ولامعاناة ولايحزنون بالعكس كانت مادة كل واحد فينا جاذبه للآخر وكنت برضه سابقا ارفض الارتباط بمدرس ولكن اكتشفت انه لوماكان مدرس مستحيل يستحمل الوقت اللي اقضيه في التحضير او اعداد الوسائل لأنه بيصير خابر وبالعكس ممكن اوقات يحضر عني واحضرعنه على حسب ضروفنا
لاوممكن يكون ابداعك في المدرسه نتيجة افكاره هو انا اشوف قمة التفاهم بين المدرسين الازواج واذكر اغلب زميلاتي المدرسات كانو يحسدوني على هالشي
لكن تصوري لو زوج المدرسه عسكري او موظف في قطاع اخر مستحيل يتفهم ظروف المعلمه بسهوله ويشوف الوقت اللي تقضيه في شغلها تسيب واهمال له ولبيته
عكس المدرس

ام عبدالله ..زين ماعندك بنات ولاكان اطلب نقل للاحساء عشان بس اغربلهم واوريك فيهم :)

تحياتي

على فكرة اسؤ مهنه عندي مهنة من لامهنة له

البطاله

اعوذ بالله من شرها والله يرزق كل عاطل

اسؤء مهنة عندى البطالة و اى مهنه حرام
وافضل مهنة التدريس لانها المهنة الوحيدة اللى بتؤثر فى الانسان فمن منا لا يتأثر بمعلمه او معلمته وتمنى ان يكون مثلهم له القدرة على العطاء والتفاعل و الاندماج مع الاطفال او معرفة تفكير شباب المستقبل وارشادهم وتوجيهم ومساعدهم فبدون المعلم لا نهضه فى الامة
ولكن المدرسين فى امتنا للاسف لا يتم اعدادهم بالشكل المناسب الصحيح
وللعلم انا فى طريقى الى هذه المهنة بعد 3 سنوات ان شاء الله
وبحب مهنة الطبيب
وجزاكِ الله خير ام عبد الله على موضوعك

اسوأ وظيفة....
السيكورتي او حارس الامن.....
مللللل بشكل موطبيعي......
واللي غير كدا معاملاته كلها مشاكل.....
ممنوع....لاتتدخل.....مو مسموح......
دي الاوامر.....

والحمد لله.................انها مو مهنتي.....!!