|
مواقف ليلة الدخله مواقف لا تنسى !!
بسم الله الرحمن الرحيم
اضع لكم هذا الموضوع بمناسبة هذا الشهر الكريم الذي تكثر فيه الاعراس و يالله نشوف بعض المواقف التي تحدث في مثل هذه الليلة و هي ليلة الدخلة :D ليله الدخله 00 او ليله الخطوبه تقع الفتيات في انواع من الاحراجات 0 لدرجة تلاقي وجه البنت من كثرة الخجل والارتباك صار مثل الطماطم 0 1- وحده جاب زوجها لها تمر وجلس يُأكلها حبة حبة 00 طبعا ً البنت استحت من عريسها ان تطلع نواة التمر امامه لذا فأنها قامت ببلع تلك النواة وعلى هذا الحال استمرت هو يعطيها واختنا في الله تبلع الى ان انتهى بها الموضوع في المستشفى 00!!! 2- وحده جا خطيبها يشوفها وطبعا هي خجولة جداً .. وفيها حيا كثييير 00!!! المهم دخلت عليه وابوها كان موجود فجأة دخل خالها وبعدين عمها وشوي يدخلواا خوانها كلهم ( يا حبيبي ) صار المجلس مليان ناس وكلهم عيونهم عليها ومن يوم شافتهم المسيكينة متجمعين اغمن عليها 00!! 3- وحده جات بتخطب صديقتها لاخوها عزمتها في بيتهم وقالت لاخوها طل عليها من الشباك وشفها اذا اعجبتك نخطبها لك 0 وافق اخونا ما كذب خبر ولما جات البنت عطتها شوكولاته والبنت رفضت تاخذها وهذي تلزم عليها والبنت مصرة ما تاخذ . ولما طلعت الأخت تسأل اخوها عن رأيه في البنت 0 !! الاخ شاف البنت وهي تخش الشوكولاتة في شنطتها 00 ولما سألته اخته وش رايك 00؟ قال موافق على طول وتم الزواج 0؟؟؟ وفي ليلة العرس يسأل الزوج البنت : وين الشوكولاتة اللي خذيتيها من بيتنا0000؟؟ هبل بقووووووووه " ما ترضين واحد ياخذ من بيتكم شي وما يستأذن " 000!!! 4- واحد في ليلة عرسه جالس في زاوية وزوجته في زاوية يكلمها وهي مستحية وتطالع الارض00 ينطل (يعني يقول) نكتة (يستهبل) عليها00 عجبتني يستهبل 00 البنت تطالع في الارض ولا كن فيه احد جالس جنبها 00!! رهيبه البنت الولد من كثر ما يكلم نفسه وبنت الناس ساكته 0 قال ياولد خلني اطنش واسكت شوي 00 هههههههههه فجأة اصدقاء الرجل قالوا لازم ننكد عليه ليلة زواجة (والله الغثاثة) ونحرجه قدام زوجته 00المهم قام واحد منهم وأخذ حصاة وحذف بها الشباك 0عاد تخيلوا البيت قمه في الهدؤ + سكون البنت وصمتها وصوت ضربة الشباك ( قوية ) كانت مفاجأة للبنت اللي يوم سمعت الصوت ومن الخوف والرعب طمرت ( نطت ) وضمت زوجها من الخوف 0الرجال استانس واعجبته الحركة ( ياســـلام ) ترك البنت على جنب وطالع من الشباك لقاهم اصدقائه صاح لهم وقال : مرة ثانية شباب لو سمحتوا 00 مرة ثانية تكفون00؟؟؟؟؟ قمه الصرقعه الا وحدة حصاة بالغلط تصيب في رأس العريس 00 ويا ليل ما اطولك وصارت البنت هي اللي تداويه طوااال الليل وتنظف جروحه راح الحيا وراح الخجل والسبب حصاة00!!! 5ـ وحده اول مره بتشوف الي خطبها ويوم قالها ابوها يالله ادخلي المجلس دخلت ومن قوة الحيا دخلت وسلمت على اخوها 00!!! 6ـ واحد وده يتزوج وقال لامه دوري لي وحده دلوعه وشكلها بيبي فيس وجسمها صغيير وشعرها طويل واهم شي مو دبة وكل مرة يروح ويشوف البنات ما يعجبه الشكل * وفي يوم لقت الام وحده وقالت له روح وشوفها يوم راح ودخل المجلس جلس على الكنب وقال ابو العروسة لبنته يالله ادخلي يوم دخلت وجلست على الكنبه الي جنبه وشافها من قوة الفرحه وانها طلعت زي مايتمنى اخونا في الله ماقصر قام وباس البنت قدام ابوهااااا ههههههههههههههههههههههه الله يرجه |
ذكرت ليلة الدخلة يوم قام زوجي يصلي السنة صلى عكس اتجاه القبلة وأنا نسيت أنه كان مخطئ, وفي اليوم الثا ني صلى بنفس المكان فقمت نبهته قا ل يعني شايفتني أمس أصلي عكس ولا نبهتني من الحياء الزائد!!!!والله ماكان قصدي . .. << فضيعه ام عبود انجرحت مرررره
|
مواقف حلوة أنت تحفة بأم عبدالله..
|
مواقف ليلة الدخله مواقف لا تنسى <<< وهذي امثله اخرى
تقول احداهن : في يوم زواجي عندما هممت بالخروج من بيت أهلي أردت خلع التاج حتى ألبس عباءتي فلم ينفسخ حاولت ولكن ما استطعت حاول زوجي أن يساعدني وليته ماحاول لقد(حاس التسريحة ونتف شعري وبعدين انفسخ وشعري صا ر شوشة منفوشة) واخرى تقول : يانهارأسود..... بعد الملكة كنت مرتبكة جد ا وعندنا أهل زوجي على العشاء بعد ما دخلوا فاجأتني أخته بأ نه ينتظرني عند الباب في السيارة لنخرج سويا,لم أكن مستعد ة حقيقة لانفسيا ولا فستانيا ,,,فقد كنت ألبس فستانا كبيرا.....ذهبت إلى غرفتي بسرعة وغيرت ملابسي ولبست عباءتي وخرجت...ركبت السيارة الوحيدة الواقفة أمام بيتنا ولم يكن موجودا حينها.....وانتظرت عشر دقائق...ولم يأت...قلت لايكون ينتظرني عند الباب الخلفي لبيتنا؟؟؟وفعلا خرجت إلى الباب الخلفي فإذا به جالس في السيارة....يانها ر أسود يعني كنت راكبة سيارة شخص مجهول !!!ولمدة عشر دقائق !!!!!! ايضا فيلم هندي من احداهن : أما أنا بعد ما لبست ثوب الزفاف واستعد الناس للزفة اكتشفنا أن طقم الذهب نسيناه في البيت....وراحت أمي بسرعة للبيت حتى تحضره وتأخرت جدا...وكنت قد بكيت عدة مرات في ذلك اليوم من شدة التوتر وجاء هذا الموقف وكمل الناقص...وبعدين عملت مناحة على الكوشة لأني سأسكن في مدينة بعيدة وكان يوم زواجي فيلم هندي ..كل الجمهور بكو معي حتى اللي ما يعرفني... وفتاه ايضا تقول : كان زواجي بعد أيام من السهر وقلة النوم وعدم رغبة في الأكل من الهم وسافرنا في ليلة زواجنا إلى المدينة المنورة...ودخلنا الفندق.....قال لي زوجي لم يبق وقت لننام ....لننزل الحرم نتهجد إلىأن يؤذن الفجر ولا تفوتنا الصلاة ماقلت له شئ مستحيه ...المهم رحنا.....لما وصلنا الحرم مشي على الأقدام....طبعا ً قال خذي المفتاح إذ ا صلتي إرجعي وأنا سأجلس إلى شرو ق الشمس ...وبعد ماصليت طلعت أمشي وأمشي َيعت الفند ق ماا انتبهت له ولاإسمه!!!!!ولاأعرف منين رايحه ولامنين جايه وأبكي من قلبي , وراني الشرطي وأنا أشهق من البكا ء واييييييييي........وجلس يبحث ويدور معي إلى الظهر وفجأة....رأيته....عريس الغفلة وهو في حا لة الله يعلم بها و......وسقطت على الأرض مغمى علي.........ولم أصحو إلا اليوم الثا ني!!!!وكا ن يوم لاينسى..... [movek=left]وبس اسفين تعباناكم بالقراءه[/movek] |
ههههههههههههههههههههههههههه رائعة يأم عبدالله
|
اقتباس:
الف شكر |
هههههههههههههههههههههههههههه فطستيني من الظحك الله لايعوده من زواج اذا السالفه كذا ابطل احسن ههههههههههههههههههههههههههههههههههه والله فعلا مواقف وانتي يام عبود احكي لنا عن مواقفك مع ابو عبود
|
اقتباس:
هذي الذكرى اللي ماراح انساها اختي مفتاحه ،، ولاتتورطون بهالسالفه مثلي |
والله سوالف حلوه
اما انا صارلي موقف لحد الان وزوجي منقهر مني اللي هو انو لما وصلنا من القاعه جلسنا في الغرفه وغير الرجال وقعدنا تقريا ساعه وهويحتريني اغير بس وين ماتعوتد اغير عند احد غريب قال ليش ماتغيرين الفستان ثقيل قلت معليش ممكن تطلع شوي(عروس جريئه ) وطلع الرجال على باله اني بخلي الباب مفتوح انا ماصدقت على الله وقفلت الباب وراه وجلس مسكين في الصاله يحتريني لين فتحتله الباب . |
ههههههههههههههه ياام عبدالرحمن
|
انا لو في مكانك تغطيت عنه مو اقفل صعب رجال غريب دخل حياتك فجاءه تقدرين تاخذها عادي هههههههههههههههههههههههههه
|
مشاء الله عليك يا ام عبدالله والله تحفه ......
تدرين انتي اعطيتيني كورس مجاني اسمه (( انتبه يوم خطبتك او ليله زفافك)) بس يارب اللي تعلمته يكون في مكانه sun_moon |
انتي بتجيبي الكلام ده من فين ؟؟؟؟؟؟؟
sun_moon |
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه اشكرك ام عبد الله الملقبه بام عبود
|
أشكرك يا أم عبدالله انت مرحة جدا وتحبين السوالف الزينة لقد أمتعتينا جميعا ، الله يوفقك وأكثري من هذه السوالف التي توسع الصدر ولا تجرح شعور أحد لابل تعلم المقدمين على الزواج أن يأخذوا حذرهم لئلا يقعوا في مطبات مثل التي تعرض لها من ذكرتيه والله يحفظك0 |
حلوة أم عبودي ,,,,,,,,
ننتظر المزيد منج (: |
ههههههههههههههههههههههههههههههههههههههههههههه
هههههههههههههههههههههههههههههههههههههههههههههه خالتى أم عبدالله ؛ والله إنتى عجيبة وغريبة ؛ دايما تأتينا بالأعاجيب والدرر والطرائف . على فكرة لو واصلت كتابة هذا الموضوع ؛ والله ممكن يكون كتاب تطبعيه وتنشريه ... ويكون أول كتاب فكاهى وطريف وموضوعه جميل ؛ وليس فيه ما يخدش الحياء بل على العكس ؛ راقى جدا .. على فكرة .. إمكن لو كان هناك علاقة سابقة بين الزوجين ؛ يعنى خطوبة طويلة المدة أو علاقة عاطفية فلربما كسرت هذا الحاجز بين الزوجين ... مابعرف ؟؟ بس هيك بتخيل ؟ |
شكر خاص لمرورهم بالموضوع لكل من :
sun_moon76 مروج الورد ابراهيم الدريعي عذوووب |
اقتباس:
وميرسي على تعليقك الجميل بالموضوع والاضافه |
سمعو هالطرايف مادام عجبتكم هالسالفه
واحد طلب يد أخت صديقه ولما جاء يبغي يشوفها قاله صديقه خلاص أنا بقولها تجيبلي كاس ماي وأنت تعال غرفتي انخش وشوفها ( لان البنت خجولة كلش) المهم جاء الموعد وجاء الرجال ونادى أخته.. وجات الأخت وهي تفحط... ( ماسكة الصينية على شكل دركسون ،وهي ماخذته سياره وتفحط) هههههههه ،المهم يوم تزوجها قال لها القصة وماتت من القهر وكانت راح تذبح أخوها ************************************************** ****************** هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ما عاقت معه وجز راس المعرس .. مووووووووووس .. المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقية والغترة ومشى كل شي سليم .. عاد يوم جا في البيت لازم يشيل الغترة موب على طول بتبتل كذا .. يوم فصخ الغتره وطلعت الصلعة البنت قالت ذا مهبول ولا فيه بلا .. ولا أحد يحلق مووس يوم زواجه .. اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !!) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير .. ************************************************** ******* ثنين توهم متزوجين .. أول ما رجعوا لبيتهم إلا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الأكل من أصبحت من زود ما هي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لتس لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها .. خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة إلا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت إلا ذا الي يمد لها كاس الموية يقول لها سمي خليه ينزل الاكل في بطنك وهي الي تتروع.......... هههههههههههههههه ياحرام ********************************************** شيبس بنكهة البصلhttp://www.qassimy.com/st1/images/icon/12.gif لما جاء زوجي ليراني في يوم الخطبة..طلب أبي مني أن أدخل عندة فرفضت بشدة ..لقد كنت مستحية وخايفة...فأصر فلأضطررت أعلل سبب رفضي قلت:<أنا توي ماكلة شيبس بنكهة البصل>....قال أبي بغضب:<ليش وش ناوية تسوين>...ومت من الخجل |
واحد في ليلة الدخلة يوم وصل هو وزوجته لبيت الزوجية .. كانت البنية مستحية .. فدخلت بدون
ما تقول أي كلمة لغرفة النوم .. عاد الرجال بدأ يجمع أفكاره و يرتب الكلام و يصفه .. و ضبط وضعه .. و استعد للموقعة .. أتم استعداد و لما دخل الغرفة تفاجأ و ما لقى زوجته ... انهبل طارت عيونه ... بدأ يدور عليها و ينادي .. و مرررة لا حس و لا خبر .. هو متأكد انها دخلت الغرفة قبلها وش صار انخطفت و لا نطت من الشباك .. الشباك عليه حديد ..... آخر شيء لقى أختنا في الله خايفة و منخشة في الدولاب |
/// هذا موقف مأساوي ////
عروس بعدما سقت عريسها العصير و اسقاها وهما في ليلة الزفاف.. انكب قليل من العصير على الفستان فشتمت زوجها فقال لها انت طلق ـ طالق ـ طالق . ملاحظه :هذه حقيقية ومعه حق يطلقها إذا شتمته في أول يوم ... كيف ستعامله لاحقا...؟؟؟؟؟؟؟؟؟... |
يعطيك الف عافيه ومشكوره يام عبد الله على الوناسه اللي دخلتيها بصدورنا وربنا ان شاء الله يزيح همك انت والمسلمين
محبتك قارئة الفنجان |
تسلمي اختي قارئة الفنجان وحياك معنا
|
والله يأم عبدالله انتي انسانة فضيعة جدا اعجبني هذا الموضوع من جد اعجبني بس انا الى الان ما تزوجت ولا خطبت
لاني متشرط بقوة ابغاو وحدة شعرها ناعم كثير وطويلة وجسمهما حلو مرة واهم مافي الموضوع انها انسانة خلوقة من بيت محترم واهلي تعبو يدورن لي مدري بس الصراحة مدري ايش بيكون موقفي في الخطوبة اهلي متوخوفين مني اني احرجهم وارفض لأني متشرط اني لازم اشوفها بنظره شرعية بس بصراحة يأم عبدالله المواقف الي قريتها ما اقول خفت منها بس مدري ايش بيكون موقفي في الخطبة وفي ليلة الدخلة بس انا ناوي من الأن اني لازم نسافر نروح دولة مليانة طبيعة واشكرك يام عبدالله على هالموضوع الجميل واقول يا م عبدالله اذا تعرفين بنت بالمواصفات الي قلتها تكفين لاتنسيني قولي لي وعطيني عنوانهم ترى انا ما قاعد امزح انا جاد في الموضوع |
اقتباس:
والله بصراحه بقولك نصيحة يابن عمي ...الرجل بيقول " ابي وابي او بالهجة السوريه بدي وبدي " بس ياطويل العمر كل واحد مابياخذ الانصيبه من هالدنيا ...والرسول عليه #######################...وقال : " اياكم والدمن " قالو : وماالدمن ؟ ...قال : الفتاة الجميلة في منبت السوء ." وكمان قال : " لاتتزوج المرأة لجمالها ولا لمالها لانك ماراح تنال مرادك " .... " انا اسفه لخبطت بالاحاديث " بس بقول على حسب التفسير والفهم تبعي ... المهم " الزبدة بالحساوي " والخلاصة بالعربي ههههههه : الله يوفقك ..وربي يرزقك ببنت الحلال اللي تسعدك وتفهمك وتفهم كيانك وتحقق مطالبك وتكون انسانه خفيفة دم عليك وميرسي على ردك الحلووووووو |
ام عبدالله ،،،
ليه ما قلتي لزوجك يصلي من أول ليله صح وياخذ القبله ؟؟؟ كل هذا خجل ؟؟؟ ههههههههههههه |
خخخخخخخخخخ..............................
|
اقتباس:
ههههههههههه اساسا مو حال صلاة ذاك الوقت ......< استغفر الله ،، اقصد من التوتر والحيرة |
اقتباس:
|
اي صح ماسترو نسيت اقولك سر !!
ماقلت كم مقدار الطاقه تبعك 110 والا 220 فولت <<<<<< |
يقطع سوالفك يالغاليه والله انك رائعه بمواضيعك نبغا مواقف اكثر
|
هههههههآآآآآآآآآآي ام عبودي مواقفك روووعه
|
اقتباس:
الموضوع أخذ منحنى الجد يقطع سوالفك ياام عبدالله :) |
ام عبدالله تغيب تغيب و تطلع بقذيفة
حمد الله على سلامتك طولتي الغيبة المرة دي |
اقتباس:
تعرفي في واحد ليلة دخلته حاول انه يقول كلام معسول لزوجته ويوم شاف عروسته تلخبط وماعرف ويش يقول ...قال لنفسه : ليش ماكتب الكلام في ورقه صغيره وارميها بالسرير ،، قام عاد وسوا الفكرة ........المهم شافتها زوجته وضحكت ضحكة خفيفه وقالت : شو هالرومانسية طلع متل افلام هوليود اللي يؤمن بالحب وباقات الشعررر ههههههههه ،، المهم يوم شافها وهي تقرى خرعها وقال : ويش تسوين ؟!............ سوت نفسها خجولة وقالت : اللي شفته عجبني مررررررره .!!!؟؟.........فتح عيونه وقال في نفسه : ويش اللي عجبهااااا ؟! .........يعني قصو علي وغشوني فيهاااااا وشافت غيري ....اقولك يافلانه : تعرفين رقم بيت اهلك ؟ ..قالت : ايه وليش مااعرفه ؟! ...قال : اجل دقي على ابوش خل يجي ياخذك مابغاك تنامين عندي الليله ؟ ....طبعا البنت شهقت شهقة قويه وقالت : ويش علامه ؟!...اظنه خجول ومستحي .....صرخ بوجهها وقال : انا ماخاف من ابو اللي جابك عشان اخاف منك ....اقولك : مع الف سلامه ........... << طبعا اطمنو انحل سوء التفاهم وعاشو بسبات ونبات وخلفو صبيان وبنات |
اقتباس:
|
اقتباس:
اتمنى لك التوفيق في حياتك |
اقتباس:
لك مودتي الخالصه من القلب |
يقطع ابو الحيا عاد برق خلوها مافيه تطور شوي يعمي ههههههههههه بس حلوه منك يسلم بوقك ربنا خلونا نحكي مصري شوي وبحريني شوي وحساوي شوي نبغا لهجات دروس بالهجات
|
| الساعة الآن 02:37 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا