|
المطبخ يابنات يلاه ادهروا
ماعليش وبس والله اني طفشان اهلي سافروا وانا عزوبي في البيت والله نسيت الاكلات كلها كنت اول اطبخ الحين ماعندك احد بس اكل برنجز لما تفك ماراح تصك وشاهي وشي بسيط المهم اذا تكرمتوا لو تعطوني طبخه حلوه على مذاقكم والله اخاف مافيه بنت تطبخ ولا تعرف المطبخ بس انا املي فيكم كبير هاه عندكم شي
اكيد تسئلون رح عندك المطاعم ؟ المطاعم والله حامت سبدي منهم مرضت من المطاعم احب اكل منكم يلاه عطوني مقادير اكله حلوه اشكركم انا في انتظاركم من كان في عون اخيه كان الله في عونه |
اوضحت الدراسات ان الطبخ يؤثر تاثير كبير في سعادة الانسان وحياته
هذه نظريت يتيم الحظ |
الاخ يتيم الحظ
ما عليك من البنات مايعرفو يطبخون انت اطلب اي اكلة وانا اقولك على المقادير... وين توقيعك طلبت التوقيع وسويته لكن الى الان ما اشوفه في مشاركاتك .. اذا مو عاجبك ممكن اسوى لك توقيع ثاني. http://aborami.jeeran.com/Yateem.jpg |
اخي والله ماعرفت ضاق صدري حتى والله نسيت وبعدين وش ولون اسويه
|
هاه وينك ترا والله ضاق صدري ماعرفت وش لون اسويها آآآآآآآآآه
|
مساء الخيرات : يتيم الحظ - خريف العمر بنات الجنوب أفضل بنات في الطبخ و أكلهم شي ... و لا يهون الباقي الكل خير وبركة بس العصبية القبلية لها دور ... المهم إذا تبي طبخات سريعة موجود و طبخات شوي متعبة بعد موجود ... لا يغركم وظعي أنا أحسن طباخة ... و أحسن الأطباق عندي ( طبق خضار صيني ) و ( طبق سويسري برضوا خضار بس تسمه شوي) و ( صينية المنتو الكذاب ) ( الربيان بالطريقة الإيطالية ) ووووو بصراحة أشتهيت الأكل ... ترى الطبخات المذكورة أسويها تبغون أرسل لكم عبر الإيميل ههههههه .... تحياتي لكم : سمية ... |
يتييييييييييييييييييييم الأســـتاذ / خريف العمــــــر أخوك في الله ... تحياتي / سمية ... |
شكرا لك اختي سمية
والحقيقة ان كلامك خلاني اشعر بالجوع ياريت ترسلي لي على الايميل طبق مكرونة بالباشميل مع طبق صلطة والباقي اتركه لزوقك بس ياليت تكون الاطباق صغيرة عشان الـ Inbox عندي مليان. تقبلي تحياتي |
اخي يتيم الحظ
اذهب الى هذا الرابط ومنه ستتعلم كيفية تثبيت التوقيع http://aborami.jeeran.com/designs/index.html |
خطيره انتي كل هذا وتعرفينه ياحظ زوجك اذا انتي متزوجه واذا انتي ماتزوجتي الله يرزقك الزوج الصالح
|
يــــــــــــتيم الحظ : اللهـــــــــم أمـــــــــــين ... ويرزقك أنت أيضاً ... وبعدين قول ما شاء الله لا تنظرني ...هههه .. سمية ... ــــــــــــــــــــــــــــــــــــــــــــــــــ ـــــــــــــــــــــ خريف العمر أبشر بس أي خدمة أنا رهن الخدمة ( أمر ) ... سمــــــــــــــية .... |
مشكور ياخريف ياقلبي الله يعطيك العافيه حركات شف ياهوه
هاه يمديك بس لو تغير صورة البنت والله اني استحيت منك |
سمية بس جوعتيني اكلات اطاليه واطباق صينية وخضار واخرتها غداي بكر من المطعم الله يخلف
|
أحسن حل لك هو الأندومي في دقيقتين يجهز مع أني ماأفضله
وإلا صلح لك سندويتش جبن يالله من فضله |
بدل ماتقولين ابشر بسعدك تقولين اندومي مره وحده والله ماعمر ي اكلته وش الاكل اللي تحط عليه مويه ويكبر اول مره اشوف اكل زي كذا اندومي خلاص طلعت انا جاوا
|
نفس الأرز والمكرونه تحط عليهم مويه ويكبرون على قولتك شي طبيعي تبيهم أجل يصغرون..
|
سلام ....
أخوي ليش متعب نفسك ... ترى يمدحون خبز التميس مع الزبادي.... ولا بعد ترى مفيد في الصحه .... أختك .. كسوووووووووره |
اخوي مافي اسهل من المكرونه الاسباجيتي ولا اسهل من الكبسه
ومشي حالك اذا تبي الطريقه ابشر انا اكتبها لك تحياتي ........ نسرين الرياض |
مويه وتكبر ههههههههههه
يتيم يمدحون الزبادي |
صرف عمرك بالبيض اسرع للحساسيه
|
انا مستعد اتكفل بالغذاء يوميا ----- كبسه بالقمارى والصفارى ---- واعذرنى ابمشيها بعض الايام بالسمان --- هذى تخصصى انا وزوجتى الغاليه متخصصه بالحلى وعليك بالف عافيه
|
السلام عليكم ورحمة الله وبركاته
انا اقول لو تسوي "سندويتش بيض او جبنه" ومعاها عصير "برتقال او منجا او ليمون"..... مرررررره بتنفعك اسأل مجرب ...... بس لازم كل يوم عشان تشوف الفرق بين وزنك الحين ووزنك بعدين ....... ..................شموخ الليل...............:tongue::tongue::tongue:: |
وجهي قب من الحساسيه شوفوا وجهي كله حبوب اول مااحلق على طول تطلع الحبوب بيض حساسية وجبن صفر وجهي يالله اهنيكم وين الكبسه تصدق يابو حفصه شهيتني والله
الله يخليلك المدام ويجعل حياتكم سعيده ياربي شموخ خوفي بس البيض والجبن بس هذا اللي تعرفين وغيره ماتعرفين شي ههههههههه الله يستر |
اخت نسرين والله نسيت مشاركتك نسيت اعلق عليها ابقولك ايه المعذرة
وانا الحين جايب لكم خلطة كنتاكي السريه عساها تكون احسن من كنتاكي طفرنا كل يوم نشتري من عنده وغالي.......... دجاج كنتاكي المقلي التقليدي... المقادير: دجاجة مقطعة قطع صغيرة كوب و نصف دقيق بهارات إيطالية مخلوطة ومجففة (هذا النوع لا يوجد عندنا) البديل له البهارات الايطالية المتوفرة عندنا كيس شوربة طماطم مجففة السريعة (ماجي او أي نوع) تجديها في السوبر ماركت 2 بيضة مخفوقة جيدا ثلثين كوب حليب زيت للقلي يغطي حوالي نصف انش من المقلاة الطريقة : نخلط الحليب و البيض ونضعه جانبا نخلط الدقيق و البهارات الإيطالية و مغلف الشوربة المجفف نغمس الدجاج في الحليب ثم خليط الدقيق ونضعه في الثلاجة لمدة نصف ساعة او ساعة ثم يقلي لمدة من 25 – 30 دقيقة مع التقليب عدة مرات ثم يجفف من الزيت و يقدم كنتاكي كول سلو المقادير: 4 اكواب كرنب مقطع صغير ربع كوب جزر مبشور ثلث كوب سكر نصف ملعقة صغيرة ملح ثمن ملعقة صغيرة فلفل ربع كوب حليب نصف كوب مايونيز ربع كوب buttermilk تجديها في السوبر ماركت عند الأجبان و الزبدة ملعقة طعام و نصف خل ابيض 2 ملعقة طعام و نصف عصير ليمون الطريقة : نقطع الكرنب والجزر صغير جدا ثم في وعاء كبير نخلط بقية المقادير جيدا ونخفقها الى ان تصبح ناعمة ونخلطها مع الجزر والكرنب ثم نغطيها ونضعها في الثلاجة لمدة ساعتين على الاقل |
المرقوووووووووووووق
-------------------------------------------------------------------------------- التعريف بالوصفة المرقوق من الاكلات الشعبيه السعوديه الاصل ... ويمتاز بلذته وطعمه المميز ...واضافة الخضار عليه يكسبه ..قيمة غذائيه عالية .. المكونات والمقادير لحمة غنم مقطعه لقطع صغيرة متساويه.. 2بصل مفروم او مقطع صغير قليل فاصوليا ..مقطعه انصاف 3حبات كوسة مقطعه قطع كبيرة قرع ( خسب الرغبه ) حبة باذنجان مقشره ومقطعه كبير 2طماطم مع ملعقتين صغيرة صلصه ..وبالخلاط الكهربائي.. زيت قليل ملح _ كمون _ فلفل اسود _ هيل _ قليل قرفه _ وقليل ليمون ناشف ( كل البهارت مطحونة افضل ) مقادير العجين : 1/2 2طحين بر عند الرغبه اضافة 1/2 دقيق ابيض وانا بصراحه افضل بدون .. ماء يكفي حتى تطلع متماسكه ...وتكون قريبه من عجينة السمبوسك في الليونة .. طريقة التحضير تضعي الطحين في وعاء ..تضيفي الماء تدريجي عليه ..وتعجن الى ان تتماسك..تغطى .. وتترك لترتاح قلليلأ.. _ ضعي البصل في قدر متوسط ..واضيفي الزيت والى ان يبدا يسخن .اضيفي البهارات عليه ..الى ان يصفر البصل .. واضيفي اللحمة وقلبيها معه ..واتركيها لعشر دقائق ..وتقلب بين حين واخر ..واضيفي الفاصوليا عليها.. واضيفي الطماطم المعصورة ..واتركيها تتسبك ..ثم اضيفي الماء الى ان تستوي اللحمة .. _ اذا استوت اللحمة نصف استواء ...هنا اضيفي الخضار كلها .. _ وابدئي فرد العجينة الى ان تكون رقيقه جدا ...ثم ضعيها في القدر ..وهكذا ...الى ان تنتهي من العجينة ...ويراعى ان تستوي كل وحده قبل اضافة الاخرى عليها ..لكي لا تلتصق ببعض.. واذا احتاج لزيادة قليل من الماء زيديه _ وتترك على نار هادئه الى ان يستوي ...ويقدم وبالعافيــــــــــــــــــــــــــــــــــة |
صرت الحين طباخ ايه هين والله المرقوق حلو الحين الساعة ثلاثة بالليل والله اشتهيته بس شغلته شغله يطول مشورررررررررررا
|
الله يايتيم والله شهيتني
بس لسا بدري على الغداء يمديه يصلح لين وقت الغداء .... الله يكون في عونك انت والعزوبيه المدمره لصحه الغذائيه عندك انا عندي طريقه مكارونه عاديه بصلصه المقادير مكارونه (اي شكل انت تريده ) زيت ( على حسب المقدار المكارونه الي حاطه من ملعقتين زيت كبيره الى ثلاث وفائدته عشان مايتلاصق حبات المكرونه مع بعضها البعض ) ملح ( حسب الرغبه) ماء ( حسب الاناء الي بتوضعه فيه ) صلصه طماطم ( اربع ملاعق ) وتقدر تزيد اذا وجدت المكرونه تحتاج وبهارات حسب الرغبه .......... تحضر اناء وتضع به كميه من الماء وزيت وملح وتضع الاناء عشر دقائق على النار بعدها تضع كميه المكرونه وتخليها خمس دقايق بعدها تضع الصلصه والبهارات وتخليها لما تستوي وهذي طريقه المكرونه متعارفه عندنا انا وصحباتي بأسم مكرونه المرآه العجازه تحياتي اختك الشيفه الشيفه (الشيفه معناها الشيف بس يقطع اللغه ) سوسن |
اعرف اطبخ شغلات بسيطة بس
اما الباقي .... وييييييين اتعلم ههههه معكرونه وبيض وطماط والو وشاي وكوفي ووووويش بعد لحظة اتذكر بس هذا كل الي اعرف اسويه>>>>ماشاء الله عليه طباخه |
انا قايلهم علموني ولا وحده بس تقول لي اذا انت تبي كذا وكذا ماتقول خذ هذه
|
يتيم
اذا علي المرقوق تري يبيعونه الحريم جاهز انت بس حضر المرق وحط المرقوق فوقه والله شئ نور والي حميع البنات الي مالهم سوالف بالمطبخ البطاطس لما تقلينه بالزيت يصغر شوف يالاخو انا هالايام مااقوم الا الساعه 4 والقي امي الله لايحرمنا منها مجهزه لي الغداء علي جنب بس والله مايكون بخاطري اكل رز او لحم او شئ دسم اطلب من الخدتمه بطاط مقلي او سلطه سريعه وش رايك اخلي امي ترسلك غداي بس مع السايق عيب تشوف امي وقبل لا انسي اذكر مره في سنه السبله سويت رز اعطيك طريقته رز سهل انما ايه بالتونه تر والله اني جااااده |
طيب وش لون اذا انت ٍ تزوجتي بكرا مافيها مثل اهلي فيه مطبخ من الحين اقولك تعلمين ترا قوية البنت ماتطبخ ،،،،،،،،،،،،،،
سواق وخدامه لكم في الدنيا ولنا في الاخره انا مدري وش تبون من الخدامه سواق مافيها شي يوديكم ويجيبكم اما خدامه والله ماعندنا خدامه تصدقين ان امي كبيره هي اللي تطبخ وتغسل وك ل شي ولا فيه امل نجيب خدامه هي تقول لا مابي خدامه وش رايك |
^
^ مشاء الله على امك ربي يمدها بالصحه والعافيه حتى انا لما اتزوج اواكبر ما رح اجيب خدامه لانهم يخوفون وما يجي منهم غير المشاكل اما السواق لوووووووووووو ظروري .. المهم بنااااااااااااااات ياخزياه فشلوتنا الناس صارت تعرف تسوي المرقوق والله مشكله .. اقووووووووووووول ياحلوه وين طريقه الرز بالتونه دخلت مزاجي .. يتيم وكل العجازين ومشتهين بيتزا.. خبر مفرود +كتشب او اذا انتو فاضين جيبو طماطم وحطوه علىالنار ويصير صلصه مدري وشلون بصراحه انا احط كاتشب+زيتون الاسود المقطع في برطمان كبييييييييير +جيبو فلفل اخظر بارد وقطعوه دائره +جبن شيدر .. الطريقه : نضع الخبر على صنيه فرن طيب وندهنها بكتشب وبعدين نوزع الزينوت والفلفل بشكل متساوي طيب وبعدين جاء دوووووووووووور الجبن ملوها جبن ودخلوها الفرن نسيت اقول قبل ما تبدون شغلو الفرن عشان يصير حار ((اذا كان الفرن الي عندكم في بيتك نار اطلب مساعده من الخدامه اومك او ابوك اما اذا فرنكم كهربا خلاااااااااااااااااص انت في نعيم )) وبعديييييييييييييييييييييييين تخيلو المنظر الجبن تذوب على الخبر وعلى المكونات واوووو على الطعم .. بالهناءوالصحه .. قلولي ايش اخبر البيتززا السريعه .. اسمعو بروح اسويها لانو قايمه من 11 وما اكلت شي والان 1بس شربت عصير برتقال ربيع خخخخخخ.. |
تعبت والله مشورا اطبخ يعطيك العافيه على ماقدمتي
|
لين تزوجت بتعلم الطباخ اما الحين ما اقدر اتعلم لان عندي اشياء ومشاغل هيهههه
يعني امراة اعمال ما تقدر تطبخ خخخخخخ لا عن جد احس بذنب لان بنت عمي اصغر مني تعرف تطبخ حلاوة واشياااااااااااااااء وامس مسويه حلاوة بسبوسه وحلوووووة واني فشيييييييييييييييله ما اعرف صادني احباط بصراحه اتمنى اتعلم الله كريم |
لفائف الدجاج اللذيذة
المقادير: 1 كيلو صدر دجاج 200 غ مايونيز 250 غ جبنة موزوريلا مبشورة رقائق عجين 1 بيضة كاس كعك مطحون الطريقة: - نسلق الدجاج حتى يستوي تماما . - يفتت الدجاج ناعما و يخلط مع المايونيز و الجبنة . - نلف المقادير بالرقائق لنحصل على أصابع ثم نمررها بالبيض و نغطيها بالكعك و نقليها و تقدم ساخنة . جربها عجيبه |
دجاج تندوري
المقادير: 4 قطع صدور دجاج ملعقة شاي ملح ملعقة شاي فلفل أحمر ناعم حار نصف ملعقة زنجبيل مبشور ملعقتان عصير ليمون بصله متوسطه مفرومه ناعماً ثوم مدقوق كوب و نصف زبادي بشر نصف ليمونه نصف ملعقة شاي مسحوق الكاري الطريقة: - ينزع الجلد من الدجاج و يعمل بها شقوق بواسطة سكين حاده حتى تتشرب التوابل . - تخلط باقي المقادير و يتبل به الدجاج و يوضع في الثلاجه لمدة 24 ساعه . - ترص قطع الدجاج في صينيه و يسكب عليها باقي الصلصه وتدخل الفرن لمدة ساعه و نصف على نار هادئة حتى تنضج ثم تقدم مع الرز . " أفكار منى " - التندور هو فرن الطين الذي يستخدم لطبخ اللحوم في الهند و هو يضفي نكهة مميزة للأطباق التي تعد فيه , و يمكن الحصول على نكهة مقاربة عند استخدام الفرن العادي . - يمكن اضافة القليل من الكزبرة الناعمة و زيت السمسم لخليط التتبيل لإضفاء نكهة جديدة . - يمكن استخدام دجاجة كاملة , تبليها و دعيها لمدة يوم كامل و اشويها في الفرن على درجة حرارة 180 درجة حتى تنضج و تشقر . - يمكن تقديم التندوري بطريقة ثانية : بعد نقع الدجاج بالتتبيلة , قطعي بصل و فلفل أخضر إلى مكعبات , ثم شكي الدجاج في أسياخ خشبية صغيرة بالتناوب مع البصل و الفلفل . دجاج ثم بصل ثم دجاج ثم فلفل و هكذا..ثم قلي أسياخ الدجاج في مقلاة ثم يقدم . |
افخاذ الدجاج
المقادير: 5 مربعات من عجينة بف باستري بقسماط(خبز مطحون ) 4 بيضات زيت ذره ملح +فلفل+بهارات دجاجه صغيره مسلوقه بصله صغيره مقطعه قطع صغيره مايونيز ربع كوب جزر مبشور حبة الفلفل الرومي معكرون على شكل انبوب طولها5سم تقريباً الطريقة: -تسخن ملعقة زيت ويوضع عليها البصل حتى يشقر . - يقطع الدجاج قطع صغيره ويوضع على البصل ثم يضاف الملح والفلفل والبهارات . - يقطع الفلفل البارد مكعبات ويوضع عليه ثم يوضع الجزر. - تقطع عجينة البف باستري إلى اربع مربعات ويكون حجم كل مربع تقريباً 4سم. - ثم ترق قليلاً وتوضع على شكل معين وتدهن بالمايونيز ويوضع في طرفها حبة معكرونه. - ثم يوضع في وسطها قليل من حشو الدجاج . - ثم تلم العجينه بحيث تأخذ شكل فخذ دجاجه وتغمس في البيض ثم البقسماط وتترك لمدة ساعة حتى تتماسك . - ثم تقلى في زيت غزير وحار ثم تقدم . |
بائعة شوفي لنفسك حل مايصير كذا لا بد من الطبخ يالله هذه مشكله كبيره سوف نناقشها في وقتا ً لا حق
بحر اشكرك جزيل الشكر الله يعطيك العافيه واذا ممكن تعلمين بائعة وش لون تطبخ ياهوه يائعة بزنس ومين |
يحليكم من صج عندكم طبخات هههههههههه اهم شي اذا طبختو عطوني لاني ما احب اطبخ بس احب اكل هههههههههههه
|
http://www.upqtr.com/user/2006/5/26/...d1a16f272b.gif
اهلين هند بس تحبين تاكلين طيب ليه ماتطبخين عطيني طبخه حلوه يلاه على شان اسويها للغداء ههههههههههههههههههههههههه |
| الساعة الآن 04:32 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا