|
حيــــــــــاة العزوبية .....||
تعريف العزوبية :- هي المرحلة العمرية اللي يكون فيها الشاب منبوذ من جميع فئات المجتمع
مواصفات العزابي 1. مسكين 2. مطفر 3. جائع 4. مديون من جميع الناس: الهندي راعي البقاله، مغسلة الملابس، راعي المطعم لو يشوفه يقلبه دجاج شوايه أو لحم مشوي 5. مضطهد 6. مريض 7. الملابس: الله لا يوريك شقة العزابي : 1. الصاله: تلفزيون // اربعة طفايات زقاير // ثلاث روس معسل // ترمس شاهي // كاسات شاهي منكبه // عشرين جريده // خمس دفاتر(مو للدراسه) لااااااا كلها لنا ولهم .بنت سمرا ولا هند أو بلوت 2. غرفة النوم: سرير // فنايل مرميه // ثياب وسخه // مسجل // 200 شريط 75% جلسات // اكياس مطاعم (شاورما .........الخ) 3. المطبخ: سته او سبعه اكياس بخاري // عشره عشرين علبة تونه // اكياس ليبتون << نص المطبخ ليبتون مشاكل العزاب: أكثر كلمه يسمعها العزوبي هنا هي ((((((ممنوع)))): أ/ إحتفالات العيد (ممنوع مافيه احتفالات يعني طول السنه نفس الوضع واذا تبي تحتفل رح للبر لحالك والا طق راسك بأكبر جدار ب/ دخول الملاهي((((((ممنوع))))) طيب ليه يعني هم اللي بيكسرون الصحن الدوار والا حاطينه للعوايل بس ج/ دخول الأسواق(((((ممنوع)))))) وهذي مره مقهورين منها الشباب ليييييييه يعني يقولون حنا اللي نبي نكسر المحلات والا نبي نقضي البضاعه عن العوايل -----يقولون انكم مزعجين داخل السوق------ فيه رجال أمن داخل السوق وأي واحد يحاول يزعج يطردونه برا ----- يعني حلها سهل العزوبي والقطة: القطه بفتح القاف وهذا مصطلح في معجم العزوبين يعني رسوم الاشتراك يعنى بالعربى خمسه مع بعض كل واحد يدفع 20 ريال يصيرون 100 ريال القطه هي كلمه تسبب الحساسيه للشاب الاعزب وهناك أنواع متعددة من القطه منها: 1. قطة الشقه (وهذه غالبا ماتكون قاصمه للظهر) يعني يبيع ملابسه عشان يكمل المبلغ 2. قطة الاكل (وهذي لايسمح لك بتناول اي طعام أوشراب الا بعد دفع قطتك فيها ) ***كل حياة العزوبين قائمة أساسا على القطة***** أكل, شرب , نوم , ملابس ,كتب ,طواقي ,شمغ ,حتى ؟ (( مدري )) العزوبي والسفر : السنه فيها 365 يوم لا يعيش الاعزب مبسوط فيها سوى أسبوع بالعربي يعني 359 يوم وهو يجمع الريال فوق الريال عشان اذا جاء الصيف يقدر يسافر للخارج ، قد تصل قطة ( خمسة أنفار 2000 ريال ) عاد العزوبي هنا منقطع مايشوف الا الديانه والا الدكاتره اللي مضطهدينه والا مديره في الشغل اللي حايس مريره ,,, ولو يكح جهت جيرانه قالو له أنت تغازل بناتنا ولا يدري عن شي أسمه هـــــدى وأول مايوصل برا ويشوف العيشه ما يصدق وتضيع علومه --- وحده تقوله أحبك يصدقها ويأمنها على كل شي ومايدري من بكرا الا وهو مطفر عالحديدة وضاعت فلوس 359 يوم ولا معه حق التكسي اتمنى تعجبكم حالة العزوبيه تحياتي للجميع .... نقل |
والله مســــــــــــاكين الله يكون في عونهم
|
يخوى والله ذكرتنى ايام الجامعه وغثاها
|
انا منهم الله يرحم حالي بس انا ساكن مع الوالده آآآآآآآآآآآآآآه متى ياربي
|
|
قليى يقول لى انك بحاجه للزواج لكنك مطفر ابفزع لك
|
مشروع وصفات السمنه والتخلص منها
|
http://www.shbaka.com/vb/images/3d/36_3_19[1].gif
البلاء مو بالفلوس البلاء اني صرت مثل قيس ايه قيس ماغيره عشيق ليلى |
الله يعطيك العافية :
والله المستعان بصراحة بدون زعل هذا مو حياة عزوبية في شباب عايشين عزوبية بس بأحسن حال و أنظف لأن الوصف المذكور لا يدل أبداً على الحياة أصلاً تلفزيون والله أعلم وش القنوات وطفاية زجاير و معسل يعني مو كفاية الدخان و الدفاتتتتتيير الله المستعان و لا غير الأوساخ تبع المطاعم ( النظافة من الإيمان ) تقولون مطفرين و ديون خففوا من الدفاتير والزجاير بصراحة هذه حياة لاتدل على إنسان ناجح أسمحلي هذه حياة فاشلين ولا فاشلين بقوة بعد و الأقوى من كذا تبون تحضرون حفلات لو العزوبي يجلس يكتب في دفاترة أحسن له وهو في الشقة مو مخلي أحد فما بالك لو حضر الحفلات على قولتك ممنوع وممنوع وممنوع بعد منعاً باتاً . سمية ........ |
الله يعظم اجرهم والله اني اشوف خواني وارحمهم ...مايصدقون على الله اجيهم تكفين اغسلي وسوي وجيبي وحطي والله لايوريكم ..واذا سويتي كذا ابشري بعزك وانا ياعمري مسيكينه اصدق واذا خلصت شغل ...يله اقضبي الباب......ايه تعودنا الله يعينا ويعينهم
|
سمية اكثرهم مدرسين اللي يدرسون خارج المنطقة اللي هم فيها يالله حاله العزوبيه
فيه شي صار لي موقف محرج مالها داعي اقولها يزي بس تسلم على كلامك الحلو فعلا الله يعظم اجرهم والله |
حيـــاة الضياع
الله يفرج هموم الجميع ان شا ءالله تحياتي لك |
بائعة الله يرحم والديك على الدعوة ادعيلي بالليل عسى الله يفرج همي ويوفقني ويوفق العزوبيين ياربي
|
الله يكون بعون كل عزوبي
لكن لي سؤال يطرح نفسه : اذا كان العزوبي هذه حالته ليه اذا تزوج تمرد وتمنى لو يرجع عزوبي من جديد ؟؟؟؟؟؟؟؟؟؟؟؟؟ تحياتي ........... نسرين الرياض |
سؤال جميل ولكن المعذرة يااخت نسرين اوجه السؤال الى الاخ ابو حفصه لانه متزوج ودمتم ،،،،
|
انا ساجيب على هذا السؤال http://www.3rbe.com/smiles/data/15/3rbe.com_163.gif
العزابي قد تعود سنوات قبل ان يتزوج على الحرية وعدم مسؤلية احيانا لن اعمم..http://www.3rbe.com/smiles/data/22/3rbe.com_088.gif ولكن الشخص العزابي لم يكن مسؤل في يوم عن مستقبل اشخاص اخرين وكثرة المسؤليات والمتطلبات وغيرها قائمة طويلة والطفش والملل احيانا من الزوجة او الزواج او الروتين .. تدفع الزوج في يوم ان يتتذكر ايام العزوبية ولكن سرعان ما يعود الا صوابه ويتذكر ايجابيات زوجته فمن هو الذي سيطبخ وينظف ويهتم به غيرها !!لا يمكن ان يعيش بدونها لانها خلقت من اجله http://www.3rbe.com/smiles/data/5/3rbe.com_026.gif.. |
خخخخخخخخخخخخخخ وش هذا يابائعة ههههههههههههههههههههههههه
|
ليست الا حروف قد كتبتها وارجو ان اكون قد اجبت على السؤال بشكل جيد تحياتي للجميع http://www.3rbe.com/smiles/data/5/3rbe.com_026.gif |
ياخوى تزوج ماهنا اكثر من البنات
|
أخي يتيم الحظ
إلي تقوله أعذار واهيه أنت وغيرك بنعمه لكن مو مقدرين هالنعمة وعلى ماأعتقد المحاضرتين إلي أعطيتك أياهم أمس كافيه وإلا لا وإلي هي عن كيف يستغل الشاب الوقت وعن الزواج وأعذاركم الواهيه وكانك تبي محاضرات أخرى ماعندي مانع تراني في الخدمه |
نور ترا الدنيا ماهي على كيفي فيه اشياء مااقدر اغير فيها شي ............
|
الله يكون في عونكم يا شبابنا... ترى بنات الحلال واللي يبون الستر وايد، ياالله تعبو على روحكم ودرسو واشتغلو وكونو مستقبلكم حتى ما تعيشون على القطه، صح كلامي ولا غلط؟
الله يحفظكم،،، |
يتيم الحظ
مسكين انت والله ،،، ما تكتب كلمتين غير فزعو عليك كلهم ،، وهات يا محاضرات ،، واسمع كويس ، ونصائح ،،،، بعدين يا خوي طالما انك تعبان من عزوبيتك ،،، شوف بنت الحلال وخلصنا ،،، بس ما تيجي تقول بكره اووووووووووووووف ياحلاة العزوبيه ،،، ترى بنت الناس تبي اهتمام بعد وتبي واحد يكلمها مو واحد على النت طول الليل وفي النهار شغل ،،،، وخل معك دفتر ابو صفحات طويله ،،، وقلم رصاص مو حبر ،،، وتلفونك ما يتسكر ولا ينشغل ،،، وخلك جاهز للطلبات ،،،،، هات معك لحم ودجاج وخضار وسكر وملح وبقدونس وحليب وبسكويت ورز وقهوه وهيل ،،، ترى القائمة طويله ،،، تقدر تروح بندا وتسجل كل اللي عندهم ، ويوم يجيك التلفون ، ضع دائرة حول الجواب الصحيح ،،،، ترى كل ما ذكر صحيح في القائمه ،،،، وتستعجل تبي اولاد ،،،،، تضيف على القائمة اشياء كثيره ،،، ولازم يكون عندك شوية عناوين ، دكتور عيون ، ومغص ، وانفلونزا ،، انفلونزا اطفال مو انفلونزا طيور ،،، وياليت تشتري لنفسك بعد سدادات الأذن ،،، ترى الأطفال مالهم وقت ، يبكو بالليل وبالنهار ،، وما يصير تقول لبنت الناس شيلي الولد وروحي الصاله ،،، |
هههههههههههههههه وش رايك نشوفلك بنت الحلال معهم يالحوراني بس اخاف تزنطني ام العيال لاتشوف ولا تتابع الموقع اهي ياويلي بس من هالناحيه نشوفلك عروس قمر بنت 17 بس من الرياض تونسك هنا
|
مفتاحه ،،،،،
اجت يدك على الجرح ،،،،،،،،،،،،،،،،، بس اقول لك ،، انا مو ناوي ،،، ولا اعمل مثل يتيم الحظ واشكي حالي ،،،، ياريت لو تشوفي ليتيم الحظ عروسه تسعده ،،،، بس أخاف يقرفها حياتها بمواضيعه ،،،،،،،،،،،،،،،، |
ايولله ويقولها احذفي هذا وحطي هذا زي ماعقدنا معاه
|
راح يعقدها ،،، ويقول لها طبيخ بملح وبلا ملح ، مسلوق ومو مسلوق ،،،،
يوم يحب مالح ويوم ما يحب ،،، يوم يبي مسلوق ويوم ما يبي ،،، الله يعينها ......... |
هههههههههههههههههه ولا في هذا معك الله يكون بعونها
|
يسعد مساكم :
سعيد الحظ ما يهمك إنت لو مشيت على السراط المستقيم ماراح تشوف منها إلا الخير بس كون مطيع و كريم وكثير الكلام المرأة تموت في الكلام بشتى المواضيع فطرها وغديها وعشيها كلام ( الكلام الزين مووووو ....) و لاتنسى شيء واحدة المرأة تتعامل مع الحكمة القائلة ( كما تدين تدان ) ( أفعل خير تلقى خير ) أخــــيراً : على قولة أخوانا المصريين ( أمشي عدل يحتار عدوك فيك ) المرأة أصعب من العدو إذا تعرضت للظلم والظيم ... أكيد بعد كل هذا بتحرم الزواج أصلاً .... تحياتي : سمـــــــــــية ... |
سميه القحطاني ،،،
عاد يتيم الحظ شاطر بالكلام ،،،،، مدري من وين يجيب الكلام ،،،، مره صرصور ،، ومره اسرق شنطه البنت ،، ومرة عزوبي ،،، ما شاءالله عليه راسه مليان بالكلام ،،، بس اخاف تهج بنت الناس وتطفش ،، يقوم يحكي لها كيف تقتل صرصور ، ويحكي لها حكايات من العقاريه ،،، اقول يا يتيم الحظ ، المرأه تحتاج للكلام ،، بس مو أي كلام ،،، ترى كلامك هذا ما يجيب نتيجه معها .... الله يكون في عونك |
وســــــــــــع صدرك يايتيم الحظ ترى مو بس الرجال يحنو للعزوبية .......في بنات يحنو للعزوبية ودلال الاب والام والخال والعم .... واكيد الزوج مو مقصر في الدلال بس مرات تقووووووووووول : اوففففففففف وش جابني هناااااا ...زمان كنت انام على كيفي واسهر على كيفي واكل اللي احبه .........الحين حتى ايسكريم ماذوقه !!!!!!!..
وآآآآآآآآآآآآآآآآه على الطلعات الاول تنبسط الوحده تركب دباب وتشوف البررررررر والحدائق وشغلات تانيه ..لكن لما تاخد الزوج وين ؟! ..يااما مشغول بالدوام والا اذا جى حط راسه وشخر هالشخرتين ولا يدري وش صاير بالبيت ......." الله يعينه اذا كان الدوام من الساعه 7 صباحا لحتى الساعه 7 بالمغرب "" هذا اذا ماصار شغل اضافي ...يعني يطلع بالنهار ويجي بالليل وين الوحده تشوف الشمس وخلق الله وتتمشى على الكورنيش ...ولو حصل بعد في الاجازة بالغلط عالسريع حتى ماتدري اذا جالس بالحوش مال البيت والا عالبحررررررر ... واللي يزيد الطين بله لما الزوج مايحب اكل المطاعم كتير ويحب اكل البيت كثيرررر ..هنا تحتار المرأه وتقووووووول : والله صج وهقه وحوسه ..الحين الواحد ماياخذ اجازة عن الطباخ ..ويقول طالعين نتمشى ونشم هواء عن زهق البيت والمطبخ !!.. واذا حبيت تسوي السهره صباحي وتتغنج ماتلقى لك وقت متل الناس خصوصا اللي شغلهم مايجون الا بالشهر خميس وجمعه ...يالله وزع لك يوم الخميس يبسط فيه العيال ويوم الجمعه راح بيت اهله ...وليلة السبت يالله رتبي الشنطة لايفوتنا القطار ...وياحظ الوحده لو تأخر عن موعد القطار وراح عنه ..يرجع البيت مكسور الخاطر وكنه الشغل بيطيررررر ...تقوله زوجته : الله يرحم والديك مايسوى هالزعل ..ترى هذي ساعة المباركة ..يعني الواحد مايريح جسمه كله شغل شغل وكنه ماكينة خياطة..ترى حتى ماكينة الخياطة تتعطل وتاخد اجازة مو بعد الرجال ...فيرد ذاك الرد السنع : يعني اذا قعدت هنا وخصمو علي قوليلي ويش بستفيد ..والا مو حاسه بالمسؤوليات اللي علي ...تقعد تقول الوحده بين نفسهاا : ياااااااه امحق هالراتب اللي يسمعه يقول نص مليون ...واذا طلع ذكي مو حمار متلها وحس بنظرات عيونها ..يقول لها : حمدي ربك عيوني والا ارمي عفشك بالشارع اخر الشهر اذا ماسددنا الايجار ...ترد بكلام معسول وتقوله : يابو الشباب ماعندي مانع نسكن بيت اهلك والا بيت اهلي فترة لما الله يفرجها عليك !!...يبدا يقول : تنطنزي علينااا ..تدرين اني انا واحد مالي خلق اني اسكن مع احد ياخي ابي اتمتع بحريتي واشوف زوجتي بالشكل اللي يعجبني ماحب الحكره والحبسه ومستعد احط الدين على الدين بس مانسكن في بيت مع ناس ... "" طيب هذي نظريته ويتحملها بعد ويش تسوي الوحده تقعد تسكت " !!... واذا حظها نحس ذاك اليوم تنزل لك فواتير الكهرباء والهاتف ومدري ايش ..وكل فاتورة فيها وردة حمراء خخخخخ " علامة الحد الائتماني " ..المهم تقعد تحط يدها على خدها وتسوي نفسها ضايق خلقها ومو عارفه ويش تسوي ؟؟..وبعدين تروح له وتوقف متل وقفه " فيفي عبده الرقاصه " ..وتقوله : يعني لو ماتسددت هالفواتير راح يقطعون الكهرباء علينا ..يعني اولادك راح يموتوووون حر ودرجة الحرارة 45 ، طبعا اذا كان حنون وداق الصدر ماتهمه الفواتير ..يقعد يقول : ياعمري الحين اسددها كلها ضغطة زر على التليفون وتسدد الفاتورة ..اما اذا طلع واحد غليظ بيقول : اقووووووول خفي شوي عليناا والا خليها للشهر الجاي تجي دبل واسددها مرة وحده " هذا الخبال بعينه " ..طبعا الوحده اذا كانت قوووووية بتقوله : ياحبيبي من زود الحساب اللي عندك وش عليه وتشق ورقة الفاتورة وترميها في الزبالة هههه ، اما اذا كانت طيبه وحنونه تقوله : لا ياولد الحلال ويش دبل احنا ناقصين ..سددها الحين الله يرحم والديك احسن لك .. !! <<<<<<<<<<<< وانتهينا على سالفة الفواتير ويمكن لنا عودة مضطرين للخروج |
ام عبدالله
بصراحه وصفك روعه ههههههههه تحياتي لك |
تسلمييييييييييييين اختي بائعة الهموم ...وهذا اللي قلناه اشووووي الله يجزيك خير
بعد ماطلع القدر والملاس من القلب هههههههه ،، واوففففففف لو اقولك على سالفة اول ماينزل الراتب اخر الشهرررر ...تقعد المره تحسب وتقول في قلبها " ايه اليوم نهاية الشهر والا نص الشهر اكيد بيعطونه الراتب " ..مرات اذا عنده سوالف الرجال يقول : ياحبيبتي خاصمين علي يومين وانا مدري ..عشان كذا جه الراتب ناقص ، عاد يمه اذا كانت الزوجه " سعره " يعني شريرة تاكله بقشوره وتقعد تطلع المبلغ الناقص من عيونه " عاد يسرق يستلف مو شغلها هههههههه " ،، اما عاد اذا كانت مثل ام عبود تقوله : ياعمري يفداك المبلغ ،، بس خير ليش كنت غايب هاليومين ..مريض والا صايبك حادث بالطريق !! ..يرد ذاك الرد اللي يقطع القلب : ابد حسيت كذا بدوخه وغثيان وانا بالشقه وماقدرت اروح العمل .. طبعا زوجته ينكسر خاطرها عليه ، ويمكن تطبب عليه وتواسيه لانه مرض في غيابها وكان بحاجه الهاااااا ،، المهم ..على طول ماتخلص الزوجه من حسبت الراتب الا تسمعها تقوله : اقووووول ابوي عيني ..ترى الحقيقه بنت عمي بتنخطب و خالتي اتزوجت وبنت عمتي جايبه ولد ولازم هدايا حلووووووه وسنعه تبيض الوجه ماتفشلنا ..يمسك زوجها قلبه ويقووول : اهااا افكر شي ثاني ...يعني انت ملزمة تعطين كل وحده هديه ...ترد الزوجه وتقول : اجل كيف ؟! ...شوف ماتطوف مناسبة في البيت عندي الا مايقصرون واله ..يعني اناااااا ويش اسوي لازم ارد جمايلهم ..فيجاوبها ودمعته بعينه المسكين خخخخ : اقول ويش رايك تسافرين معاي للشغل وطبعا عذرك معاك كنتي مع زوجك لما تروح كل المناسبات العائليه هذي هههههه ( ترى في بنات يسوون كذا والا يدعون انه فيهم مرض شديد ولا الاحراج ) ...ولما ترو ح المناسبات يطلع شي اسمه " بنك التسليف " ...تلاقي كل يوم اخوه داق الباب يبي فلوس والا واحد من اقرباءه واصحابه ..عاد شوفونه يشق وجهه من الضحك والذرابه ويسوي نفسه قارون زمانه بالاموال ويقوووووووووول : يابن الحلال الفلوس تروح وتجي ولايردك الا لسانك ..يبه خذ !! ..طبعا متى ينصاب بالعرق ؟! ..لما الشخص يقوله : ابي مبلغ حوالي 3000 ريال !! ..يقعد يحوس بنفسه ويقول : دقيقه حس زوجتي تنادي علي ، المهم يدخل داخل ويشوف زوجته ويقول لها : ياحياتي انتي تحبيني ؟ ترى انا اموووووووت عليش ......ترى مافي اجمل منك بالعالم ...الخ ،، طبعا يطرطش الكلام الحلووووووو كله ..وبعدين تقوله : آمر تدلل ..كنك تبي شي ...يقعد يتبسم مثل المجنون والخجلان ويرد : بصراحه ياطويلة العمر فلان في ضيقه ماليه ويبغاني اساعده وعاد تعرفين من فرج كربة عن مؤمن فرج الله عنه كربات يوم القيامه ...طبعا تضرب بوز وتقول : الحين ماخطر حديث في بالك الا هذا ...ليش ماجت في بالك الايه " لايكلف الله نفسا الا وسعها " ..الحين من وين تجيب له المبلغ ..يعني ماباقي الا تقول عطيني ذهبك ابيعه !..طبعا يقول : لا مابي ذهبك اخاف تقولين راح احطه بالاسهم ، بس ابي المبلغ اللي عطيتك اياه حق الطوارىء ....ترد زوجته المسكينه : امري لله ..حسبنا الله ونعم الوكيل ...المهم يروح ويعطي فلان المبلغ ويجي نافخ الصدر ويقول لزوجته : تصدقين عاد الرجال ماخله كلمة زينه ماقالها في وجهي ، ترد زوجته : ايه اكيد مو انته عاطيه مبلغ ولاتدري اذا بيرجعه والا لاء ...فيقول لها : ياروحي اذا رجعه كان بها مارجعه ....تقطع كلامه زوجته وتقول : جمع قواطي البيبسي وصدعهم وتروح تبيعهم وتجيب المبلغ <<<<<< عاد هذي قووويه |
ام عبدالله وش لون الحين ارد عليك ٍ احترت مدري وش لون ارد مصائب قوما ً عند قوما ً فؤاد ٍ
|
ولايهمك يتيم الحظ ههههههه ترى لخبطت الموضوع عليك ..
بس بتمنالك حياة سعيدة وتتزوج ونشوفك معرررررررررس خخخخخ هالله هالله بغترة البسام والا مدري نسيت الاسم الثاني |
الله يسمع منك ويزوج عيالك ويوفقهم وعيال المسلمين اجمعين ومني هديه لكم متزوج ومتزوجه
http://banotaksa.jeeran.com/36R.gif |
ياروحي على الحرية وناسه بس ناقصني شي واحد الحلقة القادمة اقولكم
|
|
http://www.balhakm.net/vb/images/smilies/016.gif
لعبنا لعب نحط الاكل ودقيقتين وناكل اللهم لك الحمد |
123
عجبني الموضوع .. |
| الساعة الآن 11:30 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا