|
اللي مايعرف الانجلش مثل الفلاح اللي يحش !
اللي مايعرف الانجلش مثل الفلاح اللي يحش
[ يحش : تعني باللغه العربيه جز العشب ] نعم لقد اعتدت كثيرا على سماع تلك العبارة من قبل جدتي رحمها الله لاولادها الذي كان احداهم والدي العزيز .. وقد كان لها الاثر الكبير في نفسه وحياته ..وقد ساهمت بجعله نابغه في التحدث باللغه الانجليزيه وبدوره نقل تلك العباره لابناءه وبذل جهده الكبير في تعليمهم في المنزل كتابة ونطقاً ..ماعداي فقد كنت لااحب نطق الانجليزية او بالاحرى كنت انطقها بلفظ أخر او اغير معناها وحروفها لتصبح جمله لااساس لها .. وجلب معه الكثير من الكتب والقصص الانجليزية ليساعدني على التعلم ! .. ونجح قليلا وذلك بأنه في كل ليلة يخبرني اذا تعلمت كلمة سوف يكافأني على ذلك ..وهكذا استمريت حتى انني قمت بترجمة صفحة كامله لاحدى القصص الصغيرة ..وغمرتني الفرحة ساعتها ولم اصدق نفسي ..حقيقه لم اشك يوما في ذكائي ولكن كان لدي شيء اسمه " عدم ميول او الملل لهذا التخصص " .. وعملت جاهدة واكملت الثانوية العامه بتقدير لم يتوقعه احد من افراد اسرتي رغم تفوقي ولكن " تجري الرياح بما لاتشتهي السفن " ..وبعد مضي سنتين تقدمت بأوراقي لدراسة الانتساب الذي لم يطبق الا متأخرا معنا .. ورفض ابي ذلك قائلا : انها نوع من النصب والاحتيال وان كنتي تريدين الدراسه فاختاري اللغه الانجليزيه ، بالطبع تغيرت ملامحي " وضربت بوز " قائلة : [ يعني مابغيت الا هالتخصص انتحر فيه ] ، سرعان ما اطلق والدي ضحكاته قائلا : اللي مايعرف الانجلش ........الخ ، فقلت له : [ لك جز العشب ارحم من اللغه الانجليزية ، والتعليم خسارة لانو انا ماارغب في هالتخصص الحلزوني اللي ماله نهايه ] ،، فنطقت والدتي قائلة : انه مفيد هذه الايام في الوظائف ، فهززت برأسي قائلة : نعم انا معك ولكن أن شئتم اجعلو اخي يتعلمه بدلا مني ، فهو من سيحمل اسم والدي ولست أنا ،، فأبتسمت والدتي ووالدي قائلا : وهل تظني بأن اخوكي سيقبل بالتعلم مرة اخرى بعد جلوسه كل هذه السنوات ، اجبتهم قائلة : لاعليكم سأحاول اقناعه وبالفعل نجحنا ، واصبح " امبراطور باللغه الانجليزيه ولازال يدرس " ...أما انا فقد تزوجت ولم اتوقع يوما بأني سأحتاج للتحدث باللغه الانجليزية ، او انني سأنسى بعض الكلمات التي تعلمتها ،، الا حينما تعرضت لاكثر من موقف في حياتي ، جعلني اضحك على نفسي قائلة : [ الحين اللغه الانجليزية والا جز العشب ارحم ] ،، ذات مرة اتصلت على شركة ابو عبدالله لابلغه بأن احد اقرباءة قد توفى ،، فتفاجأت بأن الذي يرد على الهاتف هو فلبيني لايعرف سوى لغته واللغه الانجليزيه فقط ولايفهم العربيه مطلقا ،، بالطبع بقيت متسمره وحائره عالهاتف تقريبا نصف ساعه لافهمه الحكايه واخيرا قلت له " اي كان سبيك انجلش " ،، ولم يفهم الا هذه العبارة فقط من كل كلامي الذي قلته ربما كنت اتحدث الفرنسيه هههه فسكر الخط ، فقمت واتصلت مرة اخرى فأجاب هو نفسه ، فقمت بالصراخ ولطمت وجهي قائله : لماذا لايضعون مترجم خاص في كل شركة ، والا المدراء هم الهنود والعمال هم السعوديين >>>>> تم حذف المقطع المهم انني عجزت ان اخرج عبارة واضحه كلها كلمات مقطعه غير مفهومه ، وحينما اخبرت ابو عبدالله بالموضوع اجابني قائلا : وين اللي علموك بالمدرسه ؟ ..فاجبته قائله : والله ماعلمونه الا " اورانج " والثانيه " ايسكريم " والثالثه " كاسيت " ... " وجملة " تيرن لفت ومدري ايش " ...بالطبع اطلق ضحكاته الرنانه قائلا : الحمدلله والشكر بس هذا اللي تعرفيه ...اجل وين اللي تقولين تعرفين انجلششش طلع كله مكسرر وخرابيط ، قلت له : في فرق بين اني افهم الجمله المكتوبه وانطقها بدون فهم !! ، لم يتمالك نفسه من الضحك قائله : اسكتي يرحم ابوكي ، بالله ويش قلتي حق العامل الفلبيني ؟! طبعا حطيت رجل على رجل وقلت له السالفه وهي كالتالي : الووووو ، وير ابو عبدالله ، طبعا رد : يس ، وت [ لم يفهم عبارتي ] ، طفشني ربع ساعه ابي افهمه فحكيت بالعربي : اقولك وين ابو عبدالله ابي ضروري هههههه، فقال : ايم سوري / باي " توووووت توت " [ سكر الخط ] وانتهت السالفه ] |
ماشاءالله عليك اجل كان لك نصيب في ارامكو السعودية بالتوفيق ياخاله
|
ههههههههههههههه ارامكوووووو الله يخلف علينا ، حتى خطه المجاني للنت ماوصلناااااا
اذا انت موظف في ذي الشركة ترى احسد اللي تتزوجك خخخخ |
هههههههههههه
حلوووووووووه بصراحه حمستني ادرس بدايركت انجلش وش رايكم صبايا من يدرس معاااااااااي |
هههههههههه
موقفك مر علي لكن مع ممرضه ماتعرف عربي لكن إلى الأن مدري وشلون تتفاهم مع المرضى إلي كلهم عرب!!! |
لاعاد جوووووووود لاتقولين دراسه ترى والله فشيله
تذكرت جملة [ فيست اند فيست ] // هذي الجمله طيحت الدكتور قدامي من الضحك / ورجعت البيت وقلت لابو عبدالله لقيته يفحط حتى هو من الضحك ، قلت له : ويش السالفه ، ان شالله قايله كلمة غلط ،، قال الحين تعرفي معناها : قلت له : مدري بس كذا نطقتها ، هذي اصلا ماهي من اللغه الانجليزيه ،، قلت له : امبلى متأكده ذي قالتها مدرسه الانجليزي النا يوم من الايام ، قالي : اخاف انها عباره عبريه ترى جد مالها علاقه بالانجليزيه ،، والى يومش مدري ويش سالفتها والا ويش معناها |
اقتباس:
المصيبه اذا شفتي ممرضه عربيه تتمايل بالانجلش اوفففففف ، ولا وزيرة ! >>>>>> ترى المشكله في المنهج المدرسي مو فينااا |
لا والله ماني موظف فيها بعدين وظايفهم متعبه يكدون الواحد كد مايخلونه يرتاح بس رواتبهم قوية
|
ايه على فكره نسيت العمري يشتغل فيها مسؤول كبير العمري ابو عبدالله ماشاءالله عليه ذاك اليوم قالي تعال اوظفك فيها قلت تسلم ماتقصر خلني في الحكومي اريح لي
شوفي العمري |
ههههههههه العمري الله يستر عليه ، بذمتك شوو راح اشتغل معهن انااااااا
فراشه والا ممرضه ! |
خخخخخخخخخخخخخخ
الله يعينك يا اخي ابو عبدالله من البيض المسلوق للبرياني ربيان حتى الحش بالانكليزي خخخخخ |
اقتباس:
ههههه بس شو بنعمل ؟! ... ايه قبل ماانسى بتعرف تحكي انجلش والا نو؟ |
لاااااااااا مو بايخات سوالفك ابدااااا بالعكس اختي ام عبد الله والله اغلب الاعضاء يحبون مواضيعك المرحة وخفيفة الدم جدااا وانا اولهم يعطيكي العافية
بتعرفي اني من الناس يلي عندهم مساحة اللغة بالدماغ ضيقة جدا خخخخ لكن بالاجبار صرت مثل البلبل باللغة الانكليزية يعني عندي المقدرة اشتغل ترجمان ومحلف كمان ههههه بس بعد جهد جهييييييييييد ..... حاليا احاول ان اتعلم الايطالية ولكن دون جدوى..... وجدت نفسي متقن للغة الطعام اطيب شي خخخخخ |
اقتباس:
بس تعال قصة الايطاليه كثير حلوه ،، ذي اللغه جميله مع الفرنسيه انا بعرف اتكلم شوي كلمات فرنسيه بجد للاحتياط وحتى هندي ههه |
لا والله محشومه غيرها طيب ليش التحطيم مايصير كذا فراشه مره وحده
|
اقتباس:
المهم يقولون رحم الله أمرء عرف مقدار نفسه ، يعني وحده ثانويه عامه " علمي" ..وفي الانجلش هيك وهيك ماشي الحال [ الحمدلله بعرف اكتب اسمي بالعنجليزي هههههه] ، بس الصراحه نفسي اكون سكرتيرة او موظفه استقبال جد براتب 3000 ريال سعودي >>>> كان زين بالدولار |
صبـــــــــــاح الـنـــــــــور :
و الله أم عبد الله لك مواقف روووعة يعطيك العافية و لكن في نظري خلك على جز العشب أحسب أقلها داريه وش تسوين و لكن الإنجليزي ما ندري وش فايدته .... أنا عني قاعدة أجز عشب و إلين أموت أبجز العشب ما لي خاطر باللغة وعوار الراس بدون قيمة تحياتي : سمية القحطاني ... |
اجل احسن لك اجلسي بالبيت احسن وش تبين في وجع الراس والغثاء انا لو يحصل لي اجلس بالبيت بس مايحصل لي
|
اقتباس:
|
اقتباس:
ترى انت والله لو تقعدون بالبيت تستخفون وتنتفون شعوركم من ضيقة الخلق ... بس وشحلات البنات ماعليهم من شي ، كل الكرف عليكم " مهر وشبكة وزواج ودندره وطوشه وبالنهايه الرجال راح فيها بالمصاريف ..هذا بالاضافه الى الشقه اقصد الفيلا اللي تسكنون فيها مع السايق والسياره ، مع خدامة تشوف الطلبات << ترى والله بيت خرابه بيطيح على اصحابه حاطين فيه شغاله تتكلم انجليزي هذا اللي يقول ماعنده ياكل عنده خدامه ..الحمدلله والشكر |
اقتباس:
يقول أمين .... مو من زين حياتي أعيش 100 عام حدي أوصل 40 سنة 45 سنة إن شاء الله يعني أنا ألحين عمري 23 سنة أتمنى أموت بعد 27 سنة ... ياشخة الله يحسن خواتمنا .... الحمد لله على كل حال... تحياتي: سمية القحطاني. .. |
اقتباس:
وان شالله انتي نفس الشي تنسعدي وتركي عنك الدلع وش تقولين 27 سنه ، ذي 27 سنه للمرأة " فترة نضوج كامل وصحة " ..اما للرجل خرف مبكر الله يكفينا هههههه |
ههههههههههه
ذكرتيني بموقف في ايام الدراسه ..ما احب الانجلش ولا طاريه بس مجبورة في يوم اتكلم واتعامل به... تسلمين ام عبدالله تحياتي |
اقتباس:
تحسين إنك بالـ16 أنا أحس أني بالـ 40 و ش لي بهالدنيا أم عبد الله الحمد لله أحب اني أموت و أنا بكامل قوتي و نضجي ما أجلس إلين أعجز و أرتمي من بيت في بيت ( البعد عن منت الحريم أبرك ) ... تحياتي / سمية القحطاني ... |
اقتباس:
انا فهمت السؤال وابتسمت بثقه زايده بحت خخخخخخ ..عرفت ان السؤال فيه " تعداد " .. فعلى طول قلت لها : 3 ، فأبتسمت المعلمه فرحه وقالت : اكسلنت " يعني ممتاز " ... فشوي عدلت راسي من الفرحه ...فقالت بالانجليزي لي : بليز عدديهم ..فطبعا مافهمت ..فقالت الزميلة اللي جنبي بالخفيف : ياحظي طالبه منك تعدديهم الهاااا ..طبعا رفعت انفي في الهواء حتى كاد ان ينكسر من الكبرياء / فقلت : يس ، انهم " الفطور ، والغداء ، والعشاء ...ففجأة شفت زميلتي ميته من الضحك ..فقالت : شلون تقولين فهمتي السؤال ..فطبعا المدرسه صرخت بنبرة عاليه ..قائله : اسكتوا يابنات ... ثم وجهت بصرها الي وقالت : يس " فلانه " ثم اعادت طرح السؤال قائله : ربما تشعرين بالجوع ؟..فابتسمت بسمه خفيفه قائله : الحقيقه يااستاده افتكرتك تقصدين الوجبات الرئيسيه اللي نتناولها يوميا وابد ماجه على بالي " ايربورت " اي مطارات .. فطبعا ختمتها بالضحك وتركتني واقفه ..ومن ثم طلبت من احدى الطالبات ان تجيب فقالت للمدرسه : اي دنت ناو " يعني مدري " ماعندي علم كنه في الدوله مطارات ..اول مره اسمع فيها منش ... فغضبت المدرسه ظنا منها بأنه اتفاق مع الطالبات ..فوفرت الجهد على نفسها وقامت بالاجابه .خخخخخ ...فكان احدى المواقف المحرجة في حصة الانجلش وتسلمين بائعه الهموم عالمشاركة مع مودتي |
اقتباس:
|
هذه حريم اول قاضبة بيته لا تروح ولا تجي اهبي على حريم الحين السوق مسكنها والمنتزهات مجلسها وووو مايملون
|
أرجو ان تتكلم بالفصحى معنا عرب من دول الجوار خخخخ
|
والله الشي والوحيد اللي عقدني بالدنيا هو الانجلش
لاكن غصب عني لازم اتعلم ومن الصعب انه احد يقدر يعيش بدون انجلش هذا الوقت ويعطيك العافيه ام عبد الله |
سعودي عسل ..الله يبعد عنك العقده ..بس سؤال بعد اذنك :
هل لازلت على طاولات الدراسه تدرس ؟ |
تسلمين ياجزء العشب ومشكوره ياام عبدالله
|
تسلم اخي راشد .....بس قولي بصراحه ويش اخبارك بالانجلشششششش
|
تسلمي
لا ام عبدالله انا صرت رجال موظف ادور عروس هههههههههههههههههه |
اقتباس:
|
اقتباس:
|
يتيم الحظ ...رحت مشووووووار اليوم والا من طلعت من الدوام ماطلعت ؟
|
اقتباس:
|
ههههههههههههههه يتيم الحظ ..منيح قلت فصحى مو بالانجلشششششش
كان رحنا فيهاااااااااا .. |
فيه تقدم هههههههههههههههههه
|
اقتباس:
|
| الساعة الآن 01:08 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا