الازواج المتفتحين
 

السلام عليكم ورحمة الله وبركاته

بأختصار يعني احنا نشوف المشاكل بين الازواج هالايام والحمدلله الوقت هذا النت وغيره موفر لنا كل شي يعني عارفين وشايفين كل شي وعارفين نلقاء لها حلول عن طريق النت يعني اللي يقرون بالنت يشوفون المشكله وسببها وحلها

فالسؤال تتوقعون ان مثلي ومثل اي بنت بالمنتدى لو تزوجوا مايصير بينهم مشاكل يعني راح يقدور يتفاهمو مع بعض ويحلوااا المشكله قبل تصير مدري


دار هالموضوع براسي قلت لو اتزوجة بنت متفتحه وتقراء وتكتب بالمنتديات وشايفه حال الدنيا ومشاكلها راح تقدر تريحني



ان شاء تكونوا فهمتو علي ولكم مني جزيل الشكر

صباح الخير :

طيب سؤال أنت شايف فرق بين البنت إلي تدخل نت و تشارك بالمنتديات و البنت إلي ما تدخل نت ولا تشارك منتديات ؟؟

برأيك أنت أولاً ليش سميت البنت داخلة النت متفتحة و غيرها لا هل التفتح بنظرك بدخول الإنترنت فقط و باقي البنات يا غافلين

لكم الله ....

جاوبني علشان أقدر أرد على موضوعك ...

لك كل التقدير ... سمية القحطاني ...

انا اشوف ان الموضوع جدا عادي
وما فية اي مشكلة لانك ما راح تتزوجها الا انت عارفها
كل شي فيها
(يعني تتزج وحدة مقتنع فيها)
مو علشانها تعرف تحل مشاكل (متفتحة)
واهم شي تكون هي مقتنعة فيك
والله يوفقك
(علي فكرة)
لا تنسى انا اول المعزومااااااااااااااااات
اطبع لي 10 كروت شخصية
يمكن اعزم الحارة معي

ماذا تتوقع من البنت اللي ما تشارك في المنتديات ؟؟

وماذا تتوقع من البنت اللي تشارك في المنتديات ؟؟

وما الفرق بينهما حسب رأيك ؟؟

لا فرق يا سعودي عسل بين الإثنتين ،،، كما يقولون ،،، الفرس من الفارس ،،، فلو كنت أنت قادرا على ضبط أمور بيتك ، وجعله متوازنا بكل شيء ، تأكد انك بترتاح ،،، ولكن لو
تركت فرصة لزوجتك أن تسألك وتلومك وتنكد عليك عيشتك ،، فستأكل هوا كل ليله حضرتك ،،،،

عشان أنت غلطت ولم توازن بين حياتك في البيت وحياتك خارج البيت ،،،

في النهاية ،،، ( الفرس من الفارس ) ...

ايوه في فرق كبير بنظري وانا اقصد البنت اللي تقراء عن العالم والكون اذا عن طريق المنتديات او الكتب لان اللي ماتقراء ماتشوف ايش صاير بالدنيا وماتشوف المشاكل اللي كثير يعنون منها وايش حلها يعني طريقة التعامل مع الزوج اوكي هي متسنعه وتصون زوجها بس ماتعرف تدلله وتخلي عينه عليها بس اختي حتى بلبسها اذا مو متفتحه وتشوف الميك اب الجديد وتسويه لزوجها واللبس الافضل ونكون صريحين شوي حتى المشاكل الجنسيه والمشاكل الزوجيه وحتى لدرجة هديه لزوجها وكيف تقدر تكسب زوجها يعني انا بنظري ان في فرق كبير



اوكي بتقولون الميك اب واللبس و و و ......
ماله شغل اهم شي تكون مقتنع فيها بس ابيها غير
تكون عارفه كل شي بعالم الزواج مو بس شكلها حتى كلامها يعني في كذا شي

مشكوره اختي على مرورك

اختي ممارسه هلا فيك
اوكي اختي انا مقتنع فيها بس ابيها افضل من غيرها مثلا كيف تمتص غضب زوجها


مالي شغل مافي ولا كرت انتي اطبعي واعزمي لحالك زواج اخوك مو احد غريب


تحياتي لك اختي

الحوراني اسعدني حضورك هالوقت

انت شايب مالي شغل بالسوالف هذي الحين ههههههههههه

على فكره اخوي انا اقصد اول الحياه الزوجيه يعني ايش تلبس لك كيف تساعدك حتى بمشاكل العمل من غلاتك كيف تكبر حبها في قلبك وكيف تدلعك

ولا هي بعدين بتنكد بتنكد حتى لو عباطه منها ليه رايح ليه جاي هههههههههههه امزح يابنات


استاذي احترامي

انت تقدر تحكم هي افضل والا لا
وبقول لك شي من تجربة
اهم شي تحب زوجتك وتقتنع فيها
علشان ما تشوف عيوبها
اما انك تبيها مميزة وكاملة (مافية)
لانك تطلب ملاك والزوجة بشر تخطي مثلها مثل غيرها


لا اطبع لي انت والا ما راح احضر
وانت براحتك

اخوي سعودي عسل

صدقني اليوم الأول مثل الثاني ،، ومثل بعد 10 سنوات ،،،،

لو علمتها كيف تكون هي عشان انت تكون مبسوط ، هي ما راح تقصر ،،،

أهم شي تكون انت تستاهل ،،،

لو هي شافتك حنون وطيب ، صدقني بتاخذ عمرها طول العمر ،،،

ولا بأس بالقليل من النكد أحيانا ،،، عشان هي إمرأه ،،،

لكنها ستبقى تشعل نفسها كالشمعه لكي تنير لك كل الظلمات ،،،

أهم شي يا سعودي ياخوي إنك انت تكون طيب وحنون ،، مثل ما تاخذ منها اعطيها وزيادة شوي ،،

والباقي على مسؤوليتي ..

اشكركم على هالحل او الجواب السريع انا كنت محتار هي نفسها ولا تفرق عنها بالتعامل مع الزوج

وانتم جزاكم الله خير وضحتوا لي الامر بسرعه بسرعه

والمثل يقول اسأل مجرب ولا تسأل دكتور


يعطيكم العافيه اخوواني

ممارسه اوكي بطبع لك الله يعيني بس بشرط الدي جي عليك هههههههههههه
او الثلاجه

مرااحب :

يا أخي يا سعودي قول إلي بخاطرك أنت كيف لازم تكون الزوجة لكل أنسان نظرة خاصة به ينظر بها

للامور و لكل جيل طريقتة وأسلوبة و لكل عائلة مبادئها و عادتها ...

المسألة لا تحتاج إلى تعقيد كيف تتعامل الزوجة مع زوجها بتربيتها و عقلانيتها الراجحة و أدبها المرموق

و إحترامها لك ولذاتها قبلك ، المرأة هي نفسها المرأة متفتحة أو غير ذلك ....

المرأة الحكيمة هي من تسير حياتها على الطريق السليم و ليس المتفتحة والمتطلعة على المشاكل و كيفية التعامل معها

سأعطيك مثال ربما خارج عن الموضوع قليلاً ولكنه يعطي نفس المفهوم ..

طبعاً بما أني بنت مو ( ......... ) أنا أهتم كثيراً بمشاكل الطفل و تربيتة وأعمل أبحاث وانسق خطط تربوية في المركز

و متطلعة لكل مشاكل الأطفال و سلوكياتهم و لكن لو نظرنا للواقع لا أتمنكن من تطبيق ما أقرأ و تعلمت علىأرض الواقع

فكل الحلول التي ربما نقرأها من مختصين لا تتناسب مع شخصيات الكثير من البشر ..

نرجع للموضوع : أي أنه لو أنك تزوجت بفتاة متطلعة ومثقفة و منفتحة ووووو ( يعني شيء ما يغرها شي ) هذا ما سمعته

أنت عنها و لكن بعد الزواج شخصيتك أنت لا يتوجب أن تواكب شخصيتها وطريقتها في التعامل .

يعني بإختصار فنون التعامل تختل من شخص للأخر ...

لك أحترامي : سمية القحطاني ...

مشكوره اختي سميه

مراحب :

العفو أهم شيء وضحت الفكرة ...

لك أحترامي : سمية القحطاني ...

ياعيني علىالناس الذووووووووووق يسلموا اخت سميه القحطاني

مرحبا :

ليش هل سبق وشفت مني غير الذوق أنا أم الذوق كله <<<< وحدة واثقة بنفسها >>>>

سمية القحطاني ...

انتي منبع الذووووووووق مو ام الذوووووووووووووق ههههههههههههههه

مشكووووور خلاص أنتهى قفل لو سمحت ...

سمية القحطاني ...

اهم شي يا سعودي عسل انك تقتنع بها كانسان لها حسناتها ولها عيوبها مثلك بالظبط

ولو اقتنعت بشريكة حياتك من البدايه وحبيتها راح تعيش مرتاح ومبسوط لانك ما اخترتها ولا راح تتزوجها الا وهي ماليه عينك

ومسألة اللبس والميك اب مع شوية غنج ودلال هذي سهله كثير وانا معك انها مهمه للزوجه عشان تأسر زوجها وما يطالع برا

لكن في الاخير الانسان يختار اللي تصونه وتصون عرضه وماله وبيته وتضحي من اجله بالغالي قبل الرخيص

والحياة تعود وممارسه وراح يجي الوقت اللي راح تمل من الحب والهدوء والرومانسيه وراح تشتاق للتغيير وفي هذه الحاله المرأه تحس بقرونها الاستشعاريه الروحيه انك محتاج لشوية نكد

لذلك تنكد عليك عشان تحس بالنعمه اللي كنت عايشها

سواء دخلت نت او ما دخلت الركّ على الاقتناع

تحياتي .. نسرين الرياض

اخي الفاضل / أعزك الله " سعودي عسل "

القضيه مش قضية " أنفتاح " في شيء اسمه " تفهم واقناع الزوج " !..يعني هناك فرق بين الحالتين ؛
الانفتاح حالة تشيع فيها الخوف لدى الزوج بمعنى الوصول الى المعلومات السريه والغير سريه دون موافقة الزوج او عدم حبه لهذا الشيء ؛؛ ولكن " نظرية التفهم والاقناع " هي محاولة جيدة وممتازة جدا لكلا الطرفين بحيث يشعر كلاهما بالارتياح النفسي وتحسن التطور العقلي مدى العمر ؛؛ وتجنبا للازمات النفسيه التي تحصل !

<<<<<<< معليش اذا ثرثرت وماحدى فهم << فينا النعاس

الاخت نسرين الرياض
الاخت فاتن العسيري
الاخت ام عبدالله الاحسائيه


مشكورين على مروكم وتعليقكم والحمدلله جت الاخت فاتن وضحت الفكره اللي ابي انقلها لكم والحمدلله قالت لنا انها لها فوائد ويعني ماشاء الله عليها بكل صراحه قالت في فرق بين المتفتحه والعاديه

وان شاء الله الاقتناع موجود بأذن الله

ولكم مني جزيل الشكر



ام عبدالله وصلت ابشرك نوم العافيه اختي

بس لون فسفوري عاد هههههههههههه

الله يعطيكم العافيه

أخى سعودى عسل

ممكن تصغر صورتك الشخصية شويه لانها كبيره جدا وتصعب علينا متابعة الموضوع

ابشري اختي

ماعليه حقكم علي ياجماعه مشكوره اختي