|
إيش اسوي مع هالضيقة وقسم بالله احس اني بموت من العذاب
السلام عليكم ورحمة الله وبركاتة
صدقوني تعبت ماحد قادر يشوف لي حل الضيقة تجيني في الأوقات اللي فيها متعة مثلا انا امس صائم وحاس بعطش شديد ويوم جيت ابغاة اشرب العصير وابغاة استمتع وانا اشرب العصير جاتني الخنقة الفضيعة صدقوني ما باقي الا ارمي العصير من القهر واقول انا مش قادر استمتع ونفس الشيئ لمن اكون جوعان ولا لمن احس ان فيني نوم يعني يخترب عليه الأكل وفي النوم يخترب عليه النوم خلاص ما اقدر انام يعني هالضيقة كرهت عيشتي مش قادر احس بلذة الحياة وما عندنا اطباء لمن اشكي لهم يطلعون خارج الموضوع وطرقهم مش مستفيد منهم ومش عاجبتني ايش اسوي انا تعبان |
مساء الورد :
أخوي حياك الله ... الحل سهل وبسيط جداً المتعة بالحياة لا تكون إلا بقربك من الله سبحانه أكثر أكثر من الإستغفار فهي علاج للهموم و دواء للجروح ... http://www.nafsany.cc/vb/showthread.php?t=35570 هذا الرابط راح يفيدك كثير أنا مجربة 100% ... الله يهدي بالك و يصلح حالك ... سمية القحطاني ... |
اخي الكريم
عندما تريد أن تستمتع فيجب عليك أن تعيش لحظة الاستمتاع ، ولا تجعل عقلك يروح بعيد ، ولا تفرك بأشياء ثانيه ،،، عيش لحظتك فقط ولا تفكر بأي أمور أخرى ،، انت لا تتقن فن الاستمتاع ، شكلك يوم تريد تستمتع تفتح عليك مليون هم ومشكله من الماضي ،،، يا أخي لا تفكر بشي ، وحاول تبعد كل الأفكار السودا عنك ، وفكر فقط كيف تبي تستمتع . بالسلامه ان شاءالله |
صدقيني ياسمية ماتدرين ايش قد اقرا ادعية وايش قد اقرا قران يعني في كل صلاوتي الخمس لازم اقرأ قران وادعية
عالعموم ماتقصرين ويعطيك الف عافية مرورك يكفيني |
اقتباس:
طيب كيف اتفنن صدقني حاولت ومحاولاتي ما فادتني صدقني ما اقدر استمتع احس بخوف فضيع لمن اقرب من اي متعة تفسيرك لحاتلي ما تدري ايش قد اعجبتني ويعطيك الف ومليون شكر |
اخي الكريم.......
وفقك الله وفرج همك... ولكن انصحك...بكثرة الإستغفار...والرجوع الى الله..دائما واللجوء اليه.. وحاول النظر في الصحبه..لأن لها الأثر الكبير........ صدقني انت اذا جعلت السعادة امامك... ستجدها.. واخيرا..........اتجه الى الله وناجه ليلا.. وستجد السعادة حتما.... نـــــــــور الـــــــحب |
بقولك سالفه لاول مرة اعترف فيها جد ،،
يوم من الايام كان عمر عبدالله 3 سنوات ،، وكان عنيد بشكل ولايسمع الكلام ،، وكان ابوه انسان يحب الترتيب والنظافه والالتزام والاحترام في كل حاجه ،، فمره من المرات كنت عامله فوشار " نفيش " باللهجه الدراجه ! ،، فقام عبدالله وكبه ورماه في المجلس بشكل لووووووحه فنيه خخخخ ،، المهم قاله ابوه : بابا عيب ،، يالله اجمعه وارميه بالزباله ، طبعا رفض وهكذا بالتوالي يكرر رفضه ،، قال : اليوم اول درس في التدريب ، طبعا مافهمت السالفه قالي : ابغاك تروحي المطبخ تجيبي ماي بشربه ،، المهم رحت المطبخ لقيته يحاول معاه ويتفنن في التربيه والملاطفه ،، وفجأة قفل الغرفه بالمفتاح وقاله : تبي تطلع اول نظف المكان ،، طبعا صرت اصرخ واقوووله : حرام عليك ، هذا طفل صغير ويش فهمه باللي تقوله ،، قالي : ياحياتي ،، هذا اسلوب يستعملونه اكبر الاطباء وراح يجيب نتيجه ، وطولي بالك تراه ولدي مو بس ولدك ،، لما سمعته يبكي ويضرب في الباب عشان نفتحه ،، حسيت كذا قلبي بيطلع من جسمي وانصبت بحاله هستيريه وماقدرت اضبط نفسي مثل ماطلب ،، قلت : لالالا طلعه وافتح الباب ترى والله بكسره << صايره ثور هايج خخخخخ قال ابوه : شوي ،، شوفي تابعيه من النافذه ، قاعد يحاول يرفع اللي نثره ،، قلت : انت حمار ماتفهم ، راح يموت الولد ،، ماتسمعه يصيح والا انت اطرش وانعمى قلبك ،، [ طبعا هذي العصبيه وماتعمل ،، يعني بطرطش بالكلمات اسم الله علي هههه ] ،، فلقيت عبدالله رمى حاله بالارض يتدحرج ورجع رمى اللي جمعه [ عناد ] ،، المهم قلت لابوه : والله مااصبر خلاص ،، شوي وتجيني الذبحه ،، قالي : لعنبو دارش الحين ماتشوفين الام الفلسطينيه ينذبح ولدها قدامها ولاتهزها شعره !! ،، صرت ابكي واقول : يمه ولدي ،، ابي ولدي طلعه من الغرفه ،، [[ مشاعر أم ماحد يحس فيها الا اللي جربها ــــ خبال بعيد عنكم ههه ]] ،، طبعا ابوه رفض وجلس بالكنبه بكل هدوء وصار يشرب الماي ،، وصرت اصرخ بوجهه : والله جبت لي الضيقه الحين انت موسع صدرك وانا احس اني في النار بحترق ! ،، ويش ذا البرود اللي عندك ،، اصلا انت ماتحس والله ومخك ضارب يمكنه [[ حاشاه انه يكون كذا ،، بس زي ماحكيت ذي طراطيش من الغضب ]] ،، فمالقيت نفسي الا راميه حاجه عليه شقيت راسه بهااااا ،، طبعا انخض بدني من الخوف لما شفت الدم وهو ماسك راسه ،، رحت له ومسكته وانا اقول : وي وي وحسرتي والله موقصدي حسبالي مابتصيبك عدل ههههه ،، صار يقول : يعني ناويه على الاصابه وتستهبلين ،، صرت ابكي واقول : والله مووو قصدي والله مو قصدي اشق راسك ،، حاولت اوقف الدم ماوقف صار مثل النافورة يطلع ، اتصلت على اخوه عشان ينقله المستشفى ،، وانا كنت بحاول اسعفه قالي : خذي مفتاح الغرفه ،، ماهقيت تطلعين سفاحه ، بغيتي تطيرين راسي على حساب ولدك خخخ ،، قلت له وانا خجلانه : والله انته خليتني اتوتر وانفقع من الحراره ،، يعني غصب عني بعدين انت لو سامع كلامي ماسويت اللي سويته ،، قالي : ويش دراني انك راح تسوين ؟،، المهم ودوه المستشفى وقال حق الطبيب انه طايح من الدرج [[[[[ فشله يقول زوجته منايشه عليه وضاربته هههه ]]]] ،، المهم لما جى كنت مجهزه روحي حق التهزيىء فقالي : علامك ويش فيك ساكته ،، ذا جرح ومصيره يطيب لكن تحملي تعيدينها والله بحط ساطور بالبيت ،، ماقدرت اتكلم لاني كنت مشغوله بمسح دموعي وماني قادره امسك نفسي وارتجف ،، قالي : ويش ذا الرهاب الاسري اللي عندك ،، اقول : ماتشغلي بالك رووووحي جيبي ماي اباخد مسكن ،، وفجاءة لقيت امه بوسطة الدار وتصرخ : يمه ولدي ويش ذا الدرج اللي طايح عليه وانت في شقتك ماعندك درج [[ ساكنين في الدور الارضي هههه ]] ،، المهم قال لها : يمه راسي يعورني بعدين اقولك اي درج طايح فيه ،، شوفيني دايخ ،، وصارت تحضنه وتقبله ........الخ ! حسيت كذا انه الانسان حتى بعز الالم لازم يفرح ولا يفكر بأي حاجه ،، وساعة الملل والطفش ماتجي خصوصا لما بيحول الافكار الحزينه الى كتالوج او البوم صور في حياته بيتذكر فيها كل حاجه ! |
حياتي وينك انت فيه تعال عندي اقسم بالله لااخلي حياتك كلها فرح خلهم يدلونك علي ومالك الا اللي يرضيك
|
اقتباس:
هههههههه لازم نضحك قصتك حلوة وفكاهية ونفس الوقت فيه من الحكمة اللي تسحر من يفهم المقصد صدقيني يا ام عبدالله انتي نابغة بارك الله فيج |
اقتباس:
يعطيك العافية على اهتمامك بي |
اقتباس:
ياهلا ومرحبا بك يايتيم نورت المكان بس يايتيم انا مش مسحور ولاملتبسني جني هههههه معليش لاتواخذني تقبل تحياتي لك |
وانا قالولك شيخ يقرا لا ياخوي
|
اقتباس:
راح احكي معك كتحليل نفسي <<<<< على طريقة ام عبدالله خخخخ يعني انت كشاب اتوقع عمره 25 سنه ، اعزب وعلى رأس عمل ،، في هذا السن لابد ان تختلط على الشاب مشاعره وتكون بين الكأبه وبين الرغبه ،، ويشعر بأنه وحيد رغم كثرة من حوله ،، لانه في هذا السن يشعر بالهدوء بمعنى حب العزله وحب الصمت وعمق التفكير اللا وعي ،، بعكس الفتاة تشعر بالنضج وبالهدوء ايضا ولكن الهدوء يقصد به ثبات العقل ،، فهذه امور قد لاتستطيع التحكم بها لاانت ولا غيرك لانها اشياء متعلقه في تكوين الشخصية وانت في تجدد دائم ،، فاليوم تعرف نفسك وماذا تريد وغدا تجهل من انت ؟! .. وسيأتي اليوم الذي تشعر به بأنك قد بالغت كثيرا بما شعرت به بالايام السالفه وهو متوقع مابين 29 _ 35 سنه وهي فترة النضج الكامل والركود العاطفي والاستقرار العقلي للرجل ،، بعكس الفتاة تشعر بأن مراهقتها قد بدأت للتو في هذا السن ،، وتريد الخوض في الحياة كالاخريات ،، تدخل في علم النفس تحت مسمى " تعابير الذات " ! |
اقتباس:
مدري والله يا حبيبي فهمتها كذا |
اقتباس:
اقرأ واصفق لج |
صبحكم بالخير و السعادة :
أخوي إسمحلي بس أحييي الغالية أم عبد الله ... من جد من قصتك خنقتني العبرة كيف صبرك على إلي سواه أبو عبدالله بالولد ، و مت من الضحك في أسلوبك وبالي سويتيه ... لكن إسمحيلي أقول دعيتك لك دعوة من قلبي وربي وحده يعلم إني صادقة إني كنت قايمة من النوم على صوت تهزيئة من الوالدة تقول الناس جونا وراحوا و أنتي معتكفة بهالغرفة << ما يشفوني إلا وقت الفطور >> و ضيقة خاطري بس بسببك راحت الضيقة ياجعل ربي ما يحرمك من عبدالله و أبوه و أتشوفينه بأعلى المراتب بإذن الله .. أخوي ( حياتي كلها صبر ) نصيحة بس يضيق صدرك إقرأ لأم عبدالله ولكم جميعاً بهذا الموضوع كل القدير ... سمية القحطاني ... |
[quote]صدقيني ياسمية ماتدرين ايش قد اقرا ادعية وايش قد اقرا قران يعني في كل صلاوتي الخمس لازم اقرأ قران وادعية[/quot]
أخي الكريم أبحث عن السبب الذي يمنع مثلاً إستجابة دعاءك لأنك تقول أنك تدعو الله وتكثر من الذكر فقد يكون هناك سبب كمعصيه أو ذنب تراه بسيط وهو مايمنع إستجابة دعواتك وأنصحك أخي بالرقيه الشرعيه فمثلاً إذا فرغت من الصلاة أجلس قليلاً وأقرأ على نفسك بالمعوذات والفاتحه وآية الكرسي لعل الله يبعد عنك هذه الضيقه |
[QUOTE=noooor]
اقتباس:
اختي العزيزة نور ما في حد في الدنيا معصوم عن الخطأ بس ما اشوف ذنب كبير اعمله يعني ما عمري تكلمت بالنميمة ولا عمري قتلت ولا عمري سرقت ولا عمري زنيت ولا اكذب يعني ما اشوف شيئ واضح يبين لي هالشيئ تقبلي تحياتي لك |
يانور انا قايله انا اشوف لك الحل بس هوالله يهديه
وبعدين وش دخل الزنا والقتل والسرقة والنميمة ياخوي هذه ذنوب حتى لو فعلتها لا تستطيع ان تذكرها ماشاءالله عليك يانور يعني اذا كان رجل صالح تستجاب دعوته ايه يادنيا استجابة الدعوة اذا دعيت تكون اما ان الله يستجيب دعوتك ايه هين واما ان الله يصرف عنك بلاء بسبب الدعوة التي دعوتها واما الله الله يجعلها لك يوم القيامة وانت ودك ان الله يستجيب دعوتك ياخوي اصبر انت من اللي يقول ياربي دعوة ولم يستجاب لي ياخوي فيه رجال صالحون يدعون سنين ولم يستجب الله لهم عندك الانبياء والرسول متى الله استجاب دعوتهم عندك النبي ايوب وكثير منهم |
اقتباس:
يايتيم والله انت انسان روعة وكلامك كله في محلة تعجبني يعطيكم الف عافية على مشاركتكم الرائعة واتمنى اشوف المزيد منكم وانكم توقفون معي اكثر واكثر |
اقتباس:
|
اخوي ( حياتي كلها صبر )
انت ما تستمتع الحين وانت تشوف كتابات مثل هذي؟ الناس مهتمه فيك وتحاول حل (مشكلتك!) |
اقتباس:
هذا من طيب اصلك بس يايتيم هل مريت باللي امر فيه ؟ تقبل تحياتي |
اقتباس:
الله يعطيهم الف عافية حسابهم عند ربنا |
كل شي بالدنيا مريت عليه كل شي جربته وش اللي ماجربته بس خله على الله
|
اقتباس:
كل عام وانت بخير اخوي يتيم صدقني انا ما اتحمل اسمع من احد يشكي لي همه وسمعت من شخص امس شكة لي همة صدقني تاثرت كثير كثير احس كان حالتي السابقة رجعت فا ما اتوقع اني راح استمر في هالمنتدى تقبل اجمل تحياتي |
اقتباس:
|
ان شاءالله
اتمنى ذلك |
اهلا اخوي بتكلم لك عن تجربتي بس مدري هي مثل ماتشعر فيه او هي حاله ثانيه المهم هي تجربه قد تكون قريبه منك
وإن لم تكن نفس نوعيه الحاله التي تعاني منها ............ اتذكر لما كنت في عمر من تسع الى عشر سنوات على ما اظن كانت تجيني هذي الحاله ولسا اهلي يقولونها لي انك كانت اذا جتك ودك تقطعين هدومك من القهر وكنتي تشتكين لنا تقولين احس اني ما اقدر اتنفس شي يكتم على صدري وزي الشي ثقيل على نفسك تخيل كانت تجيني في وقت السعاده زي ماقلت وفي اوقات ثانيه بس لما اكون سعيده تكثر مدري ليه اتذكر انا اموت في بنت خالتي وخالتي يعني لما تجي مع اني فرحانه تنقلب ضيقه واحس الدنيا مظلمه وكل شي راح لونه يعني مو صح لون لا في التفكير وخاصه باليل انا عندي تجيني كثير بعدها انقطعت خمس سنوات بعدها رجعت تخيل حتى النوم ماانوم اهلي فسورها قلق بس ساعاتها ما اكون قلقانه ولا كنت افكر بشي مهم بعدين انقطعت اكتشفت الان وانا ااقراء انها تجي مع التفكير في الاشياء الشينه ولما تكون حياتي مزحومه ومليانه بالحزن تجي حتى ولوكانت مقبل عىل لحظات فرح مهما كان لازلت تعيشها بعيد عن الكل زي ماقال اخوي الحوراني هي مرتبطه في التفكير لما افكر بالشياء السعيد وانا متأكده اني ابغا اكون سعيده ماراح ترجع او تجي بس انا ماحللتها مثل ماقال الاخ الحوراني لان ولا مره جاء في بالي هالتفكير بس عجبني تحليله منطقي بس انا اذا جتني الحاله القا اهلي معاي وتنحل بس مدري كيف اتذكر ابوي يقراء علي بس احس بهدوء فقط ودي ابكي هذا الي اشعر فيه واتمنى اني افيدك بتجربتي وابشرك اني شفيت منها ولي الله الحمد ويارب يبعد عني وعنك وعن جميع عباده الضيقه ويفرج همك ويبعد عنك الكربه و ويجعل حياتك من افراح الى افراح ياحي ياقيوم 0 اختك سوسن |
اقتباس:
كل الأعراض الي قلتيها مثل الأعراض اللي تجيني وبس ياختي سوسن مرت عليك بس سنة انا شقول 12 او 13 سنة وانا فيه هالعذاب والمشكلة مارحت المشفى الا في اخر الأوان يعني يوم انتهى كل شيئ ....... تدرين انا ايش ابغاة ان اللي ابغاة لمن اروح لأطباء بس ابغاه منهم يفهموني .... تعبت اشكي .... مين اكلم مين يسمعني ....دائما اقول حق نفسي مالي الا الصبر الموت هو اللي راح يخلصني ...احيانا تصدقين اقول شكلي حتى وانا في القبر الضيقة راح تجيني ماراح تسيبني وراي وراي وين ماكون اشكرك يا اختي على مشاركتك ما اقول الا الله المستعان |
اخي اضحكتني وحزنتني ..اضخكتني لما تقول حتى وانا في القبر اخاف تجيني لا حبيبي القبر ان شاءالله ترتاح فيه من كل شي بس الحساب لابد منه ..
وحزنتني في الغصه هاذي بس ترى الشباب اعطوك حلول حلوه والله..... شافاك الله اخي من كل مرض واعلم ان كل شي بااجره |
اقتباس:
اي صرنا ربع قمت ادلعها وانكت عليها بس هي عاد تحس ...... تحس فيني هي وين والوفا وين ماتقصرون ......كلها في ميزان حسناتكم ان شاءالله |
يا أخي ابحث عن العلاج ولا تيأس حاول,,
|
اقتباس:
أخوي عمران تعرف مستشفى خاص لامراض النفسية بالسعودية بس ما ابغاة يكون في الغربية او في الشمال او في الجنوب يالمنطقة الشرقية او الرياض المشكلة مركز خاص لامراض النفسية صعب نحصلها بسهولة بإستثناء المستشفيات الحكومية فالمستشفيات الحكومية فأنا ما ابغاة اتعالج عند مشفى حكومي مش عشان التقصير فأنا اتوتر كثير لمن اروح حكومي وتسلم على المشاركة اخوي عمران |
ليه مستشفى خاص,,فيه عيادات نفسية مستقلة وفيه عيادات نفسية ملحقة ببعض المسشفيات والمستوصفات الخاصة
|
اقتباس:
رحت اكثر من مشفى خاص توجد فيه عيادة نفسية لكن علاجهم سيئ جدا ما استفدت منهم شيئ بس اضاعة اموال لان المستشفيات اللي توجد فيها عيادة نفسية بس يضعون طبيب او طبيبين لكن اذا يوجد مركز خاص للامراض النفسية يكون الوضع مختلف |
لا فيه عيادات نفسية مستقلة وانت لا تيأس من العلاج احيانا الدواء ما يناسب جسمك وبعض الادوية تبغى وقت عشان يبين مفعولها
|
ياناس قريبي سحرني في التقويم خلى الناس الا ما اعرفهم يشموا فيا رايحه كريهة والا اعرفهم مايشمون واهلي مهم مصدقين انو فيا ريحه لانهم مابيشمون ايش اسوي صحباتي فارقوني ابغى مساعدتكم اذا فكيت التقويم بتنتهي المشكله ولا لا؟
|
ياناس مزيلات العرق التي استخدمها مالها تاثير في جسمي لاني مسحورة بس ماادري في باطي ولا في التقويم بس احس في التقويم لان بدات المشكله من يوم ماحطيت التقويم
|
سمر قندى
هل تشتمين رائحة نفسك ؟ إن كان المقربون لك ويعرفونك لا يشتمون أي شيء منك ، فكيف عرفتي أن الغريب يشم رائحة سيئه منك ؟ تقولين من يعرفك لا يشم رائحتك ، فكيف هربت صديقاتك منك ؟ |
| الساعة الآن 01:28 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا