بقينا نسوي حادث بالسيارة بسبب جرادة !!!
 

صباح الخيرر عالجميع ......وكل عام والاحبة من اعضاء نفساني بخير وبصحة وسلامه
<> < > نكتة العيد السنة <> <>


الله يسلمكم القصه والحمدلله ذيك الايام ماكان فيه بلوتوث والا جوالات بو كاميرا كان رحنا فيها خخخخخ ونشروها ليومنا هذا !

الحقيقه كنا نازلييييييييين بالاحساء نشم هواء ونشوف اهلي والغوالي ونسامر معهم ونضحك ونتغدى ونتعشى لمدة اربعة ايام
....بعد الوناسه والاستمتاع في بيوتهم رحنا لمزرعة خالي الوحيد وطبعا كان فيها ليمون وطماطم وفجل ونخيل وبركة سباحه ....الخ ،، الكل حب السباحه الا انا طبعاً قلت : اسفه مامعي ملابس تغيييييير <<< اساسا تعمدت اقول كذا لاني معرف السباحه ليش افشل عمري قدامهم !

المهم بعد ماخلصنا وودعناهم توكلنا على الله وركبنا السيارة ، ففوجئت انه مع عبدالله جرادة في علبه !!!!!! طبعاً صرت اقول : ياااااااااايي ويش ذا http://www.mahjoob.com/ar/forums/images/smilies/eek.gif...ليش جايبها ومن عطاك اياها ،،يالله ارميها من النافذه تولي خخخخ .. رفض عبدالله يسمع كلامي ، قالي ابوه : ويش عليك منه ، اهي في علبه مسكره ..يعني ماراح تاكلك . فقلت له : شوف شكلها تثير الاشمئزاز حقيقه !
قال ابوه : احد طلب رايك عاد اشمئزاز والا عود مزاز ..لما نوصل احرقيها اشويها اوارميها سوي اللي تبيه تراك بطيتي راسي مسويه نفسك عايشه بفيلا وبنت ملوك وماقط عمرك شفتي جرادة ....قلت له : امبلى شفت بس ماحب اقرب من الحشرات ولا الحيوانات
حاجه " تقرف " صار يتضحك ويقول : ابي اسوي حديقة جراد في البيت عشان اذا عصبتيني والا ضايقتيني بشيء برميك عليهم ، طبعا ضحكت ضحكة بسخريه وقلت له: تبي تسوي دمك خفيف ! وفر كلامك احسن لك ..... وبين ماكنا نسولف مع بعض .....الا سمعنا عبدالله يصرخ : الجرادة طارت ......بابا http://www.mahjoob.com/ar/forums/images/smilies/cry.gif،، فصار ابوه يهدي فيه ويقوله : اسكت ياعيون بابا تراها قدام.. جنب ارجول امك ! مالقيت نفسي الا نافضه هدومي وشلت السيارة من الصراخ ودموعي اربع اربع كني مضروبه ضرب او احد جالدني بخشبه وبحديده ! .....فارتبك ابو عبدالله وصار يقولي : ويش فيك استخفيتي تراها جرادة ماهي فيل ، اجل لو تشوفين اسد ويش تسوين !! ...صرت اصرخ وانا مغمضه عيوني : يمه شيلهااااا .." فلان " شيلها ..يمه بمووووووووت ....والا احسن لك وقف السياره ابي انزل ! ...صار ابو عبدالله يتضحك ويقول " ويش تنزلين فيه ؟؟! " اقول الله يثبت عقلك ....كل ذه خوف من الجراده ! ..ترى شكل" السكان" حق السياره بينكسر وماني عارف كيف اسوق من صراخك ؟! ....طالعي ولدك ويش حلاته ويش زينه هادىء ومحارب بنفس الوقت وقلبه قووووووي.. ويضحك عليكي << والمصيبه مسويه نفسك مسترجله وماتخافي من شي ابد !!

،، اضطر أخيرا ً انه يوقف السياره ويصفطها على جنب ،، ونفض كلشي من السياره ومالقى حاجه ، وانا اقوله : دور عدل ترى ماني راكبه بالسياره والا اقولك وقف سيارة تاكسي او اي سياره قال ابو عبدالله : شوفي اذا بتركبين اهلا وسهلا والا روحي بيت اهلش مشي << صج عطيتك وجه زيادة !!

المهم انجبرت اركب السيارة وانا فيني الغليقه وكل ما حسيت بشي يتحرك صرت انقز واصرخ ،، حتى انه عبدالله رمى النعال حقه جنبنا لانه تعب منا ويبي ينام ،، ومالقيت نفسي الا ماسكه قلبي واقول : يمه شكلي بمووووووت وربي ....ابو عبدالله ترى جد حرارتي مرتفعه صابني هبوط في الدم والدورة الدمويه ! ،، قال ابو عبدالله : أهدي ويش فيك ترى والله مالقيت شي بالسياره ،، ويوم قلت انها جنب ارجولك كنت امزح معك ،،،قلت له : طيب متى راح نوصل ؟! ..ترى ودني على الاسعاف فورا احس نبضاتي مو طبيعيه ،، وصج رحنا عالمستشفى وبعد الفحص اتضح انه الضغط مرتفع جداً ويلزمني الراحه 3 ايام ،المهم رحنا البيت واكيد اخذيت دش ونمت نومة الكهف من بعد اليوم الكئيب !http://www.mahjoob.com/ar/forums/images/smilies/shy.gif

جرداه اجل ايه خالتي بالله كم حجمها هذه الجراده ومشاءالله تسمونها جراده
انا اذكر اسمها جروده
عموما حصل خير حمدلله على السلامه وتوك تقولين لي

هههههههه الله يسلمك ،،،، والله حجمها صغير جداً احنا بنسميها " قطنه " لان لونها بيضاء
من القطنيات يعني !

ايه من القناطيل المقنطره لا طيب حمدلله على السلامه ثاني مره سوقي انتي

خخخخخخخخخخخخخ حلوه القناطيل <<< قصدك من المساطيل !!!
على فكرة حاولت السواقه مره وماافكر اعيدها مو خوفاً بس احسها مو شي ،، يعني فرق انه يفتح لك الباب وتنزل شامخ العينين وبكبرياء وانك تمسك المقود كنك ذليل !


كنه الاذان اذن والله سمعت شي الحين

هههههههههه الجرادة يعني موووووووو انااااااااااااااااااااااااا
أعصابي الحيييييييين حديد ولا ضابط في الجيش خخخخخ

هههههههههههههههه

وناسه ام عبود قصه فله تصدقين عاد تجيب النوم وانا داخله نفساني من الطفش مافيني نوم ولاالمفروض نايمه بكره دوامات :(

اقول ام عبود الفي عشاني حتوته تانيه ودي من جد انام ههههههههههههه

بس ايه عن جد حمدلله على سلامتك وماتشوفين جراده تاني يارب :)

بقينا


حلوه هههههههههههههههههههههههههههه

وحياتك المواقف البايخه اللي يعتبرها البعض.. بالنسبه لي حاجه كبيرة وتنشف دمي صراحه ومش تاليف بل واقعيه جداً !
وأن شالله نوماً هنيئاً لكِ

بقينااااا باللهجة الحساوية "بغينا " باللجهة حقت الجنوب خخخخ
<< حقوق الطبع محفوظة لذلك تم التعديل !

ههههههههه ويش لك بالجراده اظنها ماتت وشبعت موت لانه القصه صايره من زمان !

والله الك وحشششششششه سمسمه وشافتك العافيه دوووووم

وعساك من عوداة يارب والجميع

انا شوي وراح انهبل كله من سبتك ياخالتي شوي بس

اجل جراده ام عيال وتخوفك جراده وين جدتي عنك تزفك زف ههههههههههههه


الحمدلله على السلامه

خمس عشر رجل ماتو من اجل جراده ههههههههه

سلامات والله وعيدك مبارك

هههههههههههه

انا بعد اخاف من الجراد ولا احب حتى اشكالهم تقرفني

عيدك مبارك وسلامات..

ماودي اقولكم منهم بس فيه ناس يحبون ياكلون الجراد يحطونه بالقدر وتسمع الطقطقه وهم حيات وه حامت سبدي

سلامت سبدك هههههههههههه

ههههههههههههههه

سلامتك من الهبل تبغاني ازيدك >>>> رشاش اسكوف

ههههههههه هاللي تشوف طال عمرك
هذا مو بس خوف.... هذا في موت بعدين ايودي مقبرة مال مسلمي هي خخخخخ

ههههههههه كيف يعني قصدك منتحرين ؟! !!!!!! <<<<<< والله لو بيع بالسوق ماابيعهم قطع !

تسلميييييييييين اختي فاتن وعساكِ من العايدين والفايزين ان شاءالله
تحــــــــــــــــياتي

الحمدلله في وحده مثلي خخخخخ
الله يسلمك ويعافيك

ههههههههههههههههههههههه

وييييييييييييع من اللي ياكل جراد الحين
بعد زمان الأولي العالم الله بأحوالهم من الفقر يعني غصب عنهم !
الحين تطورو بالسمك والروبيان والدجاج وبروستد لحم !

الله يديم النعمه كان مايحدهم ياكلونه من جديد من بعد انفلونزا الطيور !

الجراد هو الروبيان البري!!!

هههههههههههههههههههههه ترى صكيت معدتي صك وحياتك ،،،،،، وش بري والا صحراوي
خلينا عالبحري أحلى

سبدك = تلاقوه يمكنه غامدي والا عنزي !

على فكرة الجراد المأكول هو الجراد المهاجر الذي يأتي على شكل أسراب من افريقيا في مواسم معبنة وليس الجراد الموجود لدينا في المزارع,,,

والله اخي عمران !!
معلومه اول مرة اسمعها ميرسي

اكره حشرتين عندي الجرادة والصرنوخ

انحاش من المكان لمن اشوفهم بس عاد مش مثلك
بس لمن تجيني هالحشرتين احس بكهربة بجسمي


ما الومك يام عبدالله يرتفع ظغطك شكلها مقرف تغزز


وانا اقول وين ام عبدالله في العيد ..... مرضتي هااااااااا الجرادة العبت حسبتك
لو منك انا اخذها واشويها و اكلها مع قوطي بيبسي ييييييييييييييييييييييييييييييييم

لذيذة

نعم الجراد المأكول يختلف اختلافا كليا عن الجراد المستوطن في المزارع,,وهو كبير الحجم وياتي مهاجرا على شكل أسراب ضخمة جدا جدا,,وهو خطير جدا على المحاصيل يلتهمها في لحظات بسيطة, وقد يسبب كوارث لا سيما في الدول الفقيرة التي تعتمد في غذائها على المحاصيل المحلية فقط,, ولذلك فان الدول تكافحة وترشه بالمبيدات,,,وقد وصل الينا في المملكة قبل عدة سنوات ففرح الناس به واخذوا يصطادونة ويبيعونة ويأكلونة,,,واذكر انه انتشرت نكتة في ذلك الوقت حيث قالوا ان احدى وكالات الانباء الاجنبية ذكرت ان الجراد أتى الى افريقيا فاكلهم وأتى الى السعودية فأكلوووووه!!!!

ههههههههههههه الصرنوخ قصدك الصرصار بالمصري خخخخ
وفي العيد كنت مع الاهل http://mahjoob.com/ar/forums/images/smilies/tongue.gif..بتعرف الحساويه لازم تطوف عليهم كلهم مثل اعمال الحج ، واذا ماسويت كذا ترى حجتك و زيارتك باطله خخخخ >> استغفر الله !

ههههههه يسلمو عالنكته
بس قصة الجراد اللي اكل المحاصيل ايه سمعت فيها !

الجراد ممتاز شويا على الفحم

وااااااااااااو بعد تبيه على الفحم <<< صحتين على قلبك هههههه

لا ما يتحمل الشوي على الفحم احسن طريقة يوضع في قدر ويغلى ويضاف اليه الملح وعند النضج يصفى من الماء وينشر حتى ييبس تماما(يقرمش) ثم يحفظ في مكان بارد ويؤكل على مدار السنة,,,

هههههههه من صجك على مدار السنه <<<< اجل يطول بعمر الانسان