|
" نبض الشوارع " *·~-.¸¸,.-~*عبد الرحمن بن مساعد *·~-.¸¸,.-~*
مساء الورد أعضاء نفساني :
من منا لا يعرف نبض الشوارع صاحب السمو الملكي : عبدالرحمن بن مساعد و قرأنا و سمعنا له أعذب الأبيات و أحلى الكلمات فمن ذلك أحب أن أنقل لكم شيء بسيط مما أحب لنبض الشوارع قصيدة إسأل الأعمى ... اسأل الأعمي .. ان كان في نومه يشوف ليه يصحى ؟! واسأل اللي ما درت عنه الهموم اللي درى ان العمر محدود وان الفرح مهما اختفي .. موجود اسأله ليه ينوم ؟ وان جاوبوك اسألني ليه حنـّا افترقنا يا صاحبي مابه سبب لفراقنا غير اننا جينا بزمن ماهو زمنا ياصاحبي مابه سبب لفراقنا غير اننا في حبنا عشنا الصدق وفي وقتنا وشهو الصدق في وقتنا لجل اللقاء تكذب ولجل تاصل ماتبي تكذب ياصاحبي خذها من جرحي نصيحه كانك تبي تاصل ؟ اكذب .. اكذب .. اكذب الصدق في وقتنا اصبح فضيحه في وقتنا دايم تهيم في شي ماتعرف مداه دايم تهيم فلي بعد عن سكتك واللي زهد في محبتك واللي فـ يدك ومتحمل جروحك معك ما يهمك تنساه ولو تقتله ما يؤلمك وبقدامك تاطاء على دماه يا صاحبي وقتنا في اوله ضيّعنا أولى القبلتين وفي آخرة الله اعلم وش بيبقي في وقتنا صار الغدر شي ٍ عظيم والوفا ماظنتي ان كان بتدور بتلقى يا صاحبي في وقتنا أطول مسافة ممكنه تمشيها بين النقطتين الخط المستقيم يا صاحبي في وقتنا وقت الألم من يسمعك مهما حكيت من ينصفك مهما شكيت منهو اللي ما يضحك إذا ذلتك دنياك وبكيت يا صاحبي في وقتنا ما للمشاعر ناس يا صاحبي في وقتنا لبعض القلوب إحساس يا صاحبي في وقتنا وقت الكلام وقل الفعل .. لامات احد وانتقل لعلى رفيق من طيبنا نحزن عليه نصلي عليه ناصل معه للمقبرة وفي المقبرة غير الدعاء وقولت الله يرحمه مابه كلام .. وندفنه .. ولا دفناه نبكي بدون دموع أو بدموع المهم بعد ما نبكي نتركه ونروح وتلقانا نقول مسكين يا فلان مسكين من دنيتك وش اللي خذيت ؟ وبعد باب المقبرة بشبرين واقل من الدقيقة لامن دخل فينا الزحام من طيبنا نضحك ونسمع أغنية لجل نتسلى في الطريق بين المقبرة والبيت يا ربي سبحانك ياللي تجير من العذاب قلوبنا وش صابها ؟ في وقت غدا بين الحياة والموت وبين البكاء والضحك شبرين ودقيقه وباب ويدننا اللي قد حثت في وجه ميتنا التراب هي نفسها اللى بعد شبرين واقل من الدقيقة اختارت شريط وحطته لجل تقتل طول المسافة بين المقبرة والبيت يا صاحبي في وقتنا احسن كثير من بعضنا في المقبره على الاقل ميت وندري المشكلة متنا وإلى الحين ماندري يا صاحبي في وقتنا ضاع احترام الموت في وقتنا حكينا ما أكثره وللأسف كل الحكي من غير صوت وان كان به فم ٍ صدق واسمحوا يحكي بصوت .. ما نسمعه ياصاحبي قدامنا كان اختيارين يا نجاري وقتنا ونكذب ونخدع نفسنا يا نفترق .. لان الفراق في وقتنا هو الصدق .. افترقنا يا صاحبي كانك تشك في أسباب الفراق دور لك اعمي وإذا صحى اسأله ان كان في نومه يشوف ليه صحي وليه افترقنا ؟؟؟؟؟ و القصيدة بالصوت : إسأل الأعمى .. أتمنى لكم المتعة و الوناسة أكيييد مع نبض الشوارع و أوعدكم بالمزيد ... سمية القحطاني .... |
روعة ياسمية يعطيك العافية اموت في هذا الشاعر مع انه جاري بس ماشفته
|
اوه وربي كلااااااااااااام قوي بالفعل هذا اللييصير هالايام
الف شكر اختي سميه وننتظر جديده منك |
مرحبا :
سعيد الحظ صدقتك بقوة هههههههههههههههههه جارك:wink: إلعب غيرها لو قلت سواق الأمير جاري أبحاول أصدق لكن الأمير بكبرة أعجبتني كثيييير ... على العموم حياك الله سعيد الحظ نورت لك تقديري ... ــــــــــــــــــــــــــــــــــــــــــــــــــ ـــــــــــــــــــــــــــــــــــــ سعودي مرحبا فيك أخوي و بإذن الله سنرى الكثير و نقرأ الأكثر مما أحب من قصائد نبض الشوارع لك كل التقدير و الإحترام .. ــــــــــــــــــــــــــــــــــــــــــــــــــ ـــــــــــــــــــــــــــــــــــــ سمية القحطاني .... |
اقتباس:
|
مراحب :
سعيد الحظ أقول أمير و ساكن بحارتكم و إلى الأن ما شفته لو مكانك ما تحصلني بالبيت تلقاني متربعة عند باب بيتهم هههههههههههههههه يعطيك العافية سعيد الحظ صدقت خلاص سمية القحطاني ... |
ايه اشوى انك صدقتي
|
ههههههههههههههههههههه لا خلاص توبه ....
حياك سعيد الحظ ... |
وإلقاؤه أيضا جميل!
شكرا لك أخت سمية |
اقتباس:
حياك الله أخوي عمران إلقاؤه قمة في الروعة كشعره >>> زين ضبط معاك الرابط <<< شرفني مرورك أخي الكريم لك مني كل التقدير و الإحترام ... سمية القحطاني ... |
السلام عليكم عدت اليكم بعد غياب اسبوع واول مشاركه مع سميه شكرا لك اختي سميه على الموضوع
|
مساء الورد :
حياك الله أخي المفتاح ... شرفت الموضوع و أتمنى أن يكون أعجبك >> أكيد << و أشكر لك أختيارك لموضوعي كأول موضوع تمر عليه ... لك كل التقدير والإحترام ... سمية القحطاني ... |
مساء الورد :
نعود من جديد لنبض الشوارع الأمير الشاعر : عبدالرحمن بن مساعد ... «®°·.¸.•°°·.¸.•°®»مساء الخير «®°·.¸.•°°··.¸.•°®» مساء الخير .. والإحساس iiوالطيبة مساءٍ .. مايليق الا باحبابي مساءٍ غير غصن لطير يحكيبه عن اللي مسكنه جفني iiواهدابي هلا باللي احبه كثر iiتعذيبه وكثر ماهو يغيب وكثر iiترحابي حبيبي هو ولو ماقصّر iiالغيبة ولو عن بسمتي قد طوّل iiغيابي اعرفه زين وعيتني iiاساليبه عدوي يوم .. ويوم اقرب من اصحابي ملكني بين ترغيبه وترهيبه يفارقني وهو واقف على بابي به الصادق به الغارق iiباكاذيبه يبي بعدي .. ودمعه بلل iiثيابي به القسوة .. به الرقة .. به iiالهيبه به الضعف القوي به نشوة iiاغضابي هلا باللي يصيب العطر بالريبة يقول العطر .. انا زايل ويبقابي هلا باللي يقول الورد وش iiليبه من المهدى ؟ .. انا او هو iiلأطيابي هلا باللي عجزت ألقى iiعذاريبه هلا باللي تحبه .. كل iiأسبابي مساءٍ فاق كل الشعر iiترحيبه بجية من سكن جفني واهدابي مساءٍ فاض بالإحساس iiوالطيبة مساءٍ .. مايليق الا باحبابي لكم خالص التحية ... |
][®][^][®][فقــير!!][®][^][®][
فقير وعندي المال الكثير فقير وملبسي غالي حرير ويا صاحبي الحافي الفقير ابنشدك ابسألك وشهو الحصير !! وابسألك وشلون انا امر وانهي واذا حكيت قبل انتهي من كلمتي يقاللي سم ويصير ولاشكيت من غفلتي طوّل زمنها يقاللي لاتشتكي .. ماخلقت الشكوى لأمير وابسألك وشلون انا مع كل ذا .. اقول عن نفسي فقير ؟؟؟ ياصاحبي لاصار للضحكه ثمن وصاروا اصحابي كثير بس بثمن والوفاء مابه وفاء الا بثمن ابسألك ماني فقير ؟؟؟ ولاصارت اقوالي حكم ولاقالها غيري غدت حكيٍ قديم ابسألك ماني فقير؟؟ ولاصرت انا مانيب انا ولاغلطت قالوا صحيح .. وكل شي اعمله يصبح عظيم ابسألك ياصاحبي ماني فقير؟ وياصاحبي ابنشدك لامن جفتني دنيتي وابتدأ الدرب الطويل اللى ابد ماينتهي وانتهي العز القديم وماكنت اظنه ينتهي والموت بدد فرحتي .. وحطوني في قبر ٍ صغير وحزنوا علي .. وبكوا هلي وناس من ربعي قليل وارتاح من وجهي كثير وبقيت وحدي في حيرتي مابه احد لا طال عمرك ولا تحت امرك ماغير انا وخوف ولحد وحساب قدامي عسير وقتها ذكرت اني من زمان يوم انه امهلني الزمان هذا ظلمت .. هذا جرحت .. ياما كذبت وذنوبي ماتحصي كثير وقتها الىَ ندمت .. ونفسي كرهت عرفت ان الله كبير وان الهلاك اصبح اكيد واني انا مالي رجاء .. ولاهروب من الدجى من الجحيم الا بأمل عندي وحيد ان الله غفـّار ورحيم ابسألك ياصاحبي عني أنا في وقتها ماني فقير ؟؟؟ سمية القحطاني ... |
الف شكر لك اختي سميه القحطاني على هالموضوع الاكثر من رائع
تحيه خالصه لك على حسن اختيارك للموضوع بس عندي طلب اذا ماكان يضايقك ؟؟؟؟؟؟؟؟؟؟؟؟؟؟؟ ابي قصيده محمد احمدسلامه لنفس الشاعر ( نبض الشوارع صاحب السمو الملكي الامير عبدالرحمن بن مساعد ) ودمتي سالمه وغانمه |
بصـــــــــــراحة
حلو لكن يعور قلبي الفراق |
اقتباس:
مساء الخير : أسعدني وشرفني وجودك بين صفحاتي أخي راشد بالنسبة للقصيدة ولا يهمك الآن بعد الردود بأنزلها ... لك مني كل التقدير ... سمية القحطاني ... |
اقتباس:
هلا بك ممارسة ... الفراق ممارسة مرحلة لابد من توجدها في حياة كل واحد فينا بس ما نقول إلا عسى الله يصبرنا و يعيننا ... شرفتيني يالغالية أتمنى من كل قلبي ربي لا يحرمك من غالي و يجعل السعادة عنواني و عنوانك ... سمية القحطاني ... |
مســاء الورد :
[^][®][قصيدة : أحمد محمد سلامة][®][^] في زمن وهمي من الأزمان كان ياما وياما كان .. سلطنة وسلطان .. وف يوم من الأيام .. يتصفح السلطان جريدة .. موضوع يسترعي اهتمامه .. أحمد محمد سلامة .. فـرد من أفراد شـعبه .. يائس وأوضاعه صعبه .. في الصبح يشتغل بواب .. في مدرسة أطفال .. وفي الليل يشتغل شيّال .. عنده ثلاث عيال فيهم مرض نادرعضال .. ماله علاج إلا فبلدان بعيدة .. كلفته ما يحتملها وفاقته أصلاً شديدة .. انسدت الدنيا أمامه .. وارتأى أن الطريقة الوحيدة .. لفتح أبواب الأمل .. انه يوجه ندا .. عبر الجريدة .. لاهل الكرم .. واهل الشهامة تبرق .. في عين سلطان البلاد غمامة .. ويهطل الدمع من عينه .. يمسح الدمع بكفوفه .. ويخلع العمامة .. ويرفع للسما راسه .. ويقول .. ياربي الفرد الصمد .. سترك وعفوك .. ألهتنا عن الناس .. أمور الحكم والسياسة .. ينادي سلطان البلد : يا حاجب .. استدعي معالي وزير السلطنة الأول .. رعد .. يجي رعد .. ويبدي ولاَءه واحترامه .. ـ صاحب المجد والكرامة .. سيدي السلطان أمرك .. ـ أي كرامة يا رعد .. أي كرامة والمواطن في البلد .. ضايع مقامه .. اتركك عن هالحكي .. واسمعني زين هذي مليونين خذها .. وصلها لمحمد سلامة أحمد محمد سلامة خذ الجريدة .. تلقى التفاصيل في الجريدة لكن اسمع يا رعد .. ما أبي يدري أحد أحذرك .. لا صحافه .. ولا جرايد هذي لوجه الله أبيها .. ويعلم الله .. من وراها .. ما أبي مدح وقصايد .. أرتجي عفو الكريم .. في يوم بالأهوال زايد .. ـ سيدي السلطان خيرك .. في القديم وفي الجدايد ربي يجزيك المثوبة .. ويعينك بوقت الشدايد ـ يخرج رعد .. ويستدعي وزير المال والأحوال .. مرسال .. يجي مرسال .. أمرك معالي وزير السلطنه الأول .. تعال يا مرسال .. فوراً وفي الحال خذ المليون هذا .. وسلموه .. للمواطن أحمد محمد سلامه .. من سيدي السلطان خذ الجريدة .. تلقى التفاصيل في الجريدة مرسال .. لابد هذا يتم الآن .. فوراً وفي الحال وبأقصى درجات السرية والكتمان .. هذي أوامر سيّدي السلطان .. يخرج مرسال .. ويستدعي كبير الحراّس فراس .. يجي فراس أمرك يا وزير المال والأحوال .. ـ فراس .. تعال خذ هذي خمسمية ألف .. سلموها .. للمواطن أحمد محمد سلامه .. من سيدي السلطان خذ الجريدة .. تلقى التفاصيل في الجريدة خذها الآن .. فوراً وفي الحال سلمها .. وبأقصى درجات السرية والكتمان هذي أوامر سيدنا السلطان .. يخرج فراس .. ويستدعي النقيب .. حبيب .. يجي حبيب .. أمرك ياكبير الحراس ـ حبيب تعال .. خذ هذي المية ألف .. سلموها للمواطن .. أحمد محمد سلامه .. من سيدي السلطان خذ الجريدة .. تلقى التفاصيل في الجريدة .. خذها الآن سلمها .. فوراً وفي الحال .. وبأقصى درجات السرية والكتمان .. هذي أوامر سيدنا السلطان .. يخرج حبيب .. ويستدعي مسئول المساكن مازن .. ـ مازن .. تعال .. خذ الخمسين ألف هذي سلموها للمواطن .. أحمد محمد سلامة .. من سيدي السلطان خذ الجريدة .. تلقى التفاصيل في الجريدة خذها الآن سلمها .. وفوراً وفي الحال .. وبأقصى درجات السرية والكتمان .. هذي أوامر سيدنا السلطان .. يخرج مازن .. ويستدعي رئيس الحي .. اللي ساكن فيه أحمد .. عبد الحي .. يجي عبد الحي .. ـ عبد الحي تعال خذ هالعشرين ألف سلموها .. للمواطن أحمد سلامه خذ الجريدة .. تلقى التفاصيل في الجريدة خذها الآن .. وسلمها لأحمد سلامة عبد الحي .. أهم شي السرية والكتمان .. هذي أوامر السلطان .. يخرج عبد الحي .. ويتوجه لمكتبه في الحي .. ويستدعي مساعِدُه أمين .. ـ تعال ياأمين .. تعال .. شوف الجريدة وخذ الألف هذي .. سلمها لأحمد سلامه ساكن هناك .. عمارة في آخر الشارع جنب مدرسة الكرامة .. الدور الرابع .. شقة ستة وديها الآن .. وقل له .. هذي من سيدنا السلطان .. واسمع ياأمين .. احرص على السرية والكتمان .. هذي أوامر السلطان أمين واقف ورا باب شقة أحمد محمد سلامة .. يدق الباب .. صوت من خلف الباب .. ـ مين ؟ .. ـ أنا أمين .. مساعد رئيس الحي .. عبد الحي يفتح الباب .. أهلين وسهلين .. ـ هذا بيت أحمد سلامه ـ نعم أنا أحمد سلامه ـ أحمد محمد سلامة ؟ .. ـ أحمد محمد سلامه .. ـ ممكن إثبات ـ طبعاً أكيد ـ فعلاً أحمد محمد سلامة سيدنا السلطان .. موضوعك استرعى اهتمامه سيدنا بيسلم عليك وحب يطمن عليك وكلفنا ننقل لك رسالة : سيدنا السلطان .. أدام الله أيامه يتمنى للأطفال عندك .. كل الشفا وكل السلامة مبروك يا أحمد تستاهل .. مع السلامة .. ! ولكم خالص التحية ... سمية القحطاني ... |
هههههههههههههههه
والله قــــــــــوية سمية لكن حلووووووووووووة سيدنا السلطان .. أدام الله أيامه يتمنى للأطفال عندك .. كل الشفا وكل السلامة مبروك يا أحمد تستاهل .. مع السلامة .. ! الله يخليك |
يعطيك العافيه سميه
|
مساء الورد : ممارسة ، فاتن مرحـــبا مليووووون نورتوني ... سمية القحطاني ... |
الف مليون شكر لك اختي سمية
والله اني اكن لك الاحترام لاني احتاج هالقصيده من جد شكرا مرة اخرى ودمتي سالمه ولي عوده |
حياك الله أخي راشـد
|
| الساعة الآن 12:37 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا