|
بصراحه ..... كم مره طبيت من فوق سور المدرسة ؟؟
السلام عليكم ورحمة الله
بما إن الأجواء الان مع الامطار صارت روعهhttp://www.nafsany.cc/vb/images/ehda...s/eh_s(18).gif , يعني (فللللللله ) بدأ الشباب http://www.nafsany.cc/vb/images/ehda...s/eh_s(20).gifيخططون كيف يهربون من المدرسه وخصوصا يوم الاربعاء , وش الي يخليهم يصبرون واصوات التفحيط براا الله لا يلومهم <<< عاشقة تفحيط ولد اخوي ... جلس يترجاني يوم الثلاثاء اني اتصل على المدرسه واقول لهم اني والدته وابيه يوديني للمستشفى <<< ناوي يوديني في داهيه طبعا انا قلت له تبطي ( مستحيل http://www.nafsany.cc/vb/images/ehda...es/eh_s(3).gif) عاد هو بدأ يغريني والله لاوديك السوق و من هاالفقشات ( الكذبات ) الي تكثر عند الشبابhttp://www.nafsany.cc/vb/images/ehda...s/eh_s(19).gif طبعا انا اصريت اني ما اكلم , وفي نفس الوقت رحمته لان اخوياه مخططين يهربون ... ومن هناك على الثمامه ... يالله قولوا لنا كم مره هربتوا ..؟؟ وش المواقف الي صارت لكم ؟؟؟ النادره http://www.nafsany.cc/vb/images/ehda...s/eh_s(17).gif |
يعني يمكن مرة واعتبرها ضمن القاااااااااااموس
هالسوآل موجة للشباب الي ماعندهم نعومة تلقونهم دايم فوق السور |
و الله انا فكرت بها انا و ي من زملاءنا بالمدرسة كنا بالثانوي
و بعد مارحنا للمكان المعتاد للهروب تبع الشباب بدأو يقفزوا واحد وراءالتاني و كنت انا الاخير اول ما رفعت نفسي فوق السور لقيت مدرس واقف خارج السور و يتلقف كل اللي بيقفز و يخليه جنبه حتى يصطاد الكل انا مجرد ما طلعت و شفته ما سويت مثلهم و امتثلت لاوامره و نزلت له بل رجعت للخلف بسرعه و بما انها اول مرة لي و غير معلوم شكلي لهم فقد كان من الصعب اصطيادي بعدها و الله سترها و عدت على خير بهذا انصحكم ان تكونوا في الاخير و لا تكونوا اول القافزين |
ممارسه اشكرك على المرور
تحياتي النادره |
كنت شقيه بس مو درجه انط هذه للاولاد اهرب لساحه المدرسه بس غير كذا مافيه
|
ههههههههههههه
وقسم بالله اني ميت ضحك من ناحية التفريك ابطي اعددها لكم كثيررررررررررر ام من ناحيه احسن موقف مره وربي من حلاوت التفريك بعيني طلعت من الشباك ثالث دور (طابق )وربي المدرس كان يكتب على الصبوره طلعة هههههههههه من الشباك والمصيبه اني لقت مدرسين يتكلمون يسولفون بحوش المدرسه الحين صرت بين نارين اذا رجعة يكفشني المدرس اللي بالفصل واذا نزلة يكفشوني اللي تحت ياولد شتسوي ومعاي خويي نذل اقوله شنسوي مارد على نزل وتركني وانا دقية اللطمه (اللثام) زين ربط ربطتها هههههههه وراها ثالث طابق وربي (لو سجن مو كذا ) ونزلنا من شباك لمكيف لشباك لمكيف لشباك للارض والمدرسين كفشونا يقولون تعال تعال ياولد وين اجيك سلامات قال تعال قال والله واوصل جدارا الحوش ورابط ثوبي ومن فوق الحديد رجل برى المدرسه والرجل الثانيه داخل المدرسه وينفك الثوب وانا مستعجل المهم لمى نقزة علق الثوب انخزق (انخرم) ودخلة الحديده بالثوب وصرت مربوط بالحديد وعلقة رجولي فوق وراسي تحت لمى جو المدرسين وجابو سياره جيب وركبوا فوقها وطلعوني وخويي النذل من الضحك ماقدر يساعدني تركني وهو جلس بالشارع من الضحك وعند الاداره واقف يومين يبغوني اجيب ولي امري (ابوي ) قلة ابوي مسافر قالوا اذا جاء ابوك تدخل الصف مساكين يتصلون على البيت الرقم اللي عطيتهم قلت لهم رقم بيتنى وانا معطيهم رقم بروستد لان مطاعم البروستد مقفله الصبح وماحد يرد عليهم يحسبون اهلي نايمن ههههههههههههه طولة عليكم ماعليه الف شكر على هالموضوع |
اقتباس:
مسكين الحمد لله انها عدت على خير اشكرك على المرور النادره |
حلوه ياالمـــــــــاسه هذا حدنا اذا هربنا على الساحه
اخوي سعودي وربي ان الموقف يموت ضحك ,ليه ماربطت الثوب زين .... وبعدين تعطيهم رقم البروستد هههههههههههه(شكلك راعي فركات ) بس والله ايااام لاتنسى ... طلعت الفضايح تسلمون على المرور النادره |
مساء الخير :
اقتباس:
سمية القحطاني ... |
ههههههههه
سعودي علشان مرة ثانيه ما تفكر تهرب بس عن جد موقف مضحك .. انا لم افلعها ولن أفعلها ..اعتقد بأني لا أملك الجرائة لذلك تحياتي |
لا انا الحمد لله ما سبق لي اني هربت من المدرسه
لان اخلاقي ماتسمح لي اني اهرب من المدرسه وغير كذا كان ابوي مدير المدرسه اللي انا ادرس فيها >>>>>>>يعني انواع التشويت في البيت اذا عرف اني هربت ههههههههه وغير كذا عندي لكم مقطع عن هروب بعض البنات من المدرسه والله قويه ههههههههههههههه |
سمية
بائعة الهموم راشد اشكر لكم مروركم النادره |
الحقيقه تذكرت موقف في ابتدائي كنا بأيام الشتاء تعرفي مافي مدرسه حكوميه في الاحياء ؛؛ يدرسون في منازل مستأجره آيله للسقوط ...المهم انااااا يوم شفت الكل طلع واغتنموها فرصه للهروب قلت خلني امشي معهم ...طبعا هم كسرو البوابه الرئيسيه للخروج حتى الفراش او البواب استغرب انه ذولا بنات " عضلات " ماشالله خخخخ ؛؛ وبعدين صار هجوم فيوم ركضت انقطعت شنطتي وماانتبهت ، مالقيت الا وحده تقولي " فلانه ..فلانه " الحقي على كتبك بالارض ...طبعاً استغربت وقلت اشوف ليش الشنطه صارت خفيفه اتاري ماسكه الخيط والثقل طايح بالارض ؛؛ المهم ركضناااااا ركضنااااا
وكاننا خارجين من قفص حمام خخخخ نطلب الحريه ..لما وصلت البيت ..على طول صرت اغرد ويوم شافتني جدتي قلت لها : تعرفين عشان الطقس طلعونا بسرعه !! ..وماالتفت يمين الا سيارة واقفه جنب باب بيتنا ونزل منها عمي ..وراح لجدتي وقال لها : وين البنت ؟ قالت : داخل ويش صاير ؟! ..قال : البنت هاربه من المدرسه وترى مسجلين اسمها ضمن الهاربين ..قلت : " شبح مع هالويه " [[ بالعربي مالت عليك وجايبهم لحد البيت صرفيتهم في اي جهه ترى رده للمدرسه ماني راده الناس بتموت من البرد ]] ..المهم بالنهايه ركبت السياره معه وكان السواق هو بواب المدرسه ويعرف هلي خخخ << فضحنا الله يفضحه >> |
دكرتيني بيوم عمري مانسيتو في حياتي
اروع يوم في الحقيقة طبيت من فوق السور مرة واحدة مع صديقتي اغلى صديقة كنا ميتين بالضحك يعني احنا اللي كان بدنا نجربها باب المدرسة كان مفتوح واحنا رحنا خرجنا بشكل عشوائي بس انا اتعورت من يدي ومن ثم بطلت اكررها كنت خايفة اتعور مرة تانية |
ام عبد الله
ماشاء الله عليك اجل طلعوكم مبكر عشان الجو هههههههههه احلام طلعتي مو هينه .... اشكركم على المرور النادره |
ههههههههههههه
لا النادره أنا مؤدبه ,,, أذا أعجبني الجو .. على طول للمشرفه ضرسي يعورني .. أبي جدتي .. وطبعا بتتصل وبطلع مع جدتي .. وكلها حبت راس وترضى الجده .. وتطلعني للبر .. العمليه سهله جدا ... وأذا المشرفه عندت .. وما أتصلت ... أجمع الشله .. ونهرب خلف المبنى ... (( ياحليلي والله أنا مؤدبه )) |
هههههههههه
كسره وريني عيونك بجد كل الهدوء والركاده فيك بسم الله عليك حبيبتي تسلمي لي على المرور النادره |
يعني الحين كلكم طلعتوا مؤدبين غير انا وام عبدالله
راشد ايه قول ابوي مدير لاتقول غير هالكلام يادب الصبح يحطك جنبه وللمدرسه والظهر يحطك جنبه وللبيت يعني غصب هههههههههههه تحياتي للاعضاء المؤدبين هههههههههه |
سعودي اشكر لك المرور مرة اخرى
النادره |
شوفوا ما هربت كثير من المدرسة يعني أيامي كلها كانت هروب
هههههههههههههه لكن الحمد لله ما اتمسكت و لا مرة |
همسة ليل
اشكرك على المرور النادره |
مساء الورد : الحمد لله ما أحتجت و لا بحتاج أسوي مثلكم علشان أروح للبيت ... أنا معرووف أني عندي إلتهاب كلوي فعلى طول أقول تعبانة 5دقايق أبوي عند الباب و طبعاً في الثانوي عندنا حصص أضافية السابعة و الثامنة أو الريادة أو الجمعيات هذي في حياتي ما حضرتها يكفيني الحصص الأصلية يزيدون علينا حصص ليييه عبط هو يعني بس مو عليه ... بس بيني و بينكم أحياناً أقول تعبانة و أبغى البيت يجي اليوم الثاني و أنا في المستشفى من جد سبحان الله ... ( لا تمارضوا فتمرضوا ) بس شسوي ما لي خلق على سخافتهم ريادة و جمعيات وما أدري إيش و لا تدخل مدرسة تتفلسف علينا شيء الحمد لله توظفت و أفتكيت .. سمية القحطاني ... |
حبيبتي سميه :
ياربي يشفيك ويسعدك بس حلوه يعني ماتمشي عليك حركااااات حصص الرياده اشكرك على المرور النادره |
انا مااغبي عليكم اكثرمن مليون مره هجية..
من بعض المرات هجية من الدور الثاني.. تدرون كيف.. طلعنا مع الشباك.. زنزلنا من مكيف على مكيف الى ان نزلنا.. وكلنا نحاف..وحنا خمسه... يوم نزلنا الا الفراش يمشي شافنا وقعد ينادينا.. حنا كنا متلطمين.. وهو حط في باله انا بنطلع مع الباب الخلفي وراح وقفل الباب.. وحنا نطينا مع الجدار الا حنا في الشارع الا فيه مدرس نعوم.. يمشي رايح للكتب الي في الشارع.. لان كتبنا دايم تسبقنا من الذكى من اول ما نستلم الكتب ما نكتب عليها اسامي.. عشان الا مور هاذي.. ونلقط الكتب ونتفرق والمدرس تحيروراح وراي وانا انكب عاد المدرس نعوم واشق البرحه.. ويتركني ويشوف واحد خاش مع الفه ويروح لمه صديقي رايح للسياره واخذها وجاءيمي.. واخذني بعدين مر اخوياي واخذهم بعدين رحنا للثمامه وفليناه.. |
اخوي وافي يعطيك العافيه على المرور
وبصراحه المواقف هذي مستحيل تنسى .... وهي من اجمل الايام النادره |
مساء الورد :
اللهم لك الحمد أنا يفتحون لي الباب أهج ما أحتجت لا للشبابيك و لا مكيفات وما أدري وشو ... ولا الإرهاق و تنقيص عشرة كيلوا علشان الهرووب ... سمية القحطاني ... |
ههههههههه
حلوه ياسميه ..... الشخصيات الكبيره لاتخرج الامن الباب ...والشقا للباقين اشكرك على المرور عزيزتي النارده |
وزني الثقيل لم يكن يساعدني على تسلق الجدران واعتلاء الحيطان لكنني كنت هادئا ومسالما,,,
اشكرك اختي النادرة على موضوعك الظريف!! |
أنا الآن نادم لأني لم أفعلها ياليتني نطيت من السور ولو مرة أنا بصراحة لم أفكر بهذا الأمر على الإطلاق |
اخي عمران
ههههههههههههه هو مافيه احلى من المسالمه والهدوء تحياتي لك واشكرك على المرور النادره |
اخي د- البدراني
الحمد لله خيره .... يعطيك العافيه على المرور النادره |
اليوم مريت بجنب مدرسه للأولاد شفت سور المدرسه لقيت فوقه حدايد صغيره وكثيره عشان إذا حاولوا يطبون مايقدرون لكن ماأتوقع أنها تمنعهم :)
مشكوره النادره على موضوعك الطريف |
ههههههههه
حلوه يانور والله ماراح تكون عائق لهم ... اشكرك على المرور النادره |
| الساعة الآن 02:01 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا