|
ليش مع الرجل جوالين أو اكثر ؟!
الجوال هو وسيله أتصال حديثه وله الاهميه القصوى التى لا يستطيع المقتدر على هجرانه.ولكنني سوف ادخل بموضوع وهو:
وجود جوالين أو اكثر لدى كثير من الرجال ..وقد ثبت لي هذا بكل صراحه والموقف الذي استغربت منه هو ان احدى الصديقات أتصلت على زوجها عندمنزل احد الصديقات ووجدت الجوال مقفل فقالت. أأتصل على الجوال الثاني؟ فقلت بكل صدق دقي عليه ليش متردده فقالت لا بس الجوال ذا الثاني هو ما يدري اني اعرف رقمه لانه سري وخاص له . طبعا ذهلت. وقد لاحظت الصديقه التي كانت جالسه انني ذهلت فعلا واستغربت فقالت وهي تضحك(ليش مستغربه انا زوجي عنده جوالين والجوال الثاني ما يدخله البيت يخليه بالسياره اذا نزل البيت ..وبعدها اصبح موضوع الجوالين للرجل محور الحديث وأصدقكم القول أن الاغلبيه قالن أن لدى أزواجهن جوال خاص وأعتقد ان التي لم تقول كانت منحرجه أو لا تريد القول وكلهن يقلن لماذا؟ لماذا جوال ثاني لدى زوجي؟ لماذا يغضب اذا عرفنا رقمه الثاني(الخاص)؟ لماذا بعض الازواج لا يرغب اصلا في معرفة زوجته بأن لديه جوال ثاني وما السبب؟ ارجو أن لا يفسر كلامي أنحياز لا سمح الله ابدا ولكن لــــ معرفة السبب . والله أسال التوفيق للجميع ودمتم سالمين |
اول سبب- يكون واحد عائلي وواحد للصديقات مثلا >>> عاد كل وحده تعرف رجالها
ثاني سبب -بعض الزوجات جوال زوجها يكون بمثابه جهاز مراقبه يعنى كل ثانيه وهى دقه فيسلك الطريق الاقصر بدل الاحراج امام الزملاء ويقتنى جوال اخر (واحد عائلى وواحد لاصدقائه ) السبب الثالثه- وهذا عندى لما ينفصل جواله يطلع بطاقه مسبقه الدفع ولما يسدد تبقي معاه وهيك هيك يصير معه جوالين ,,عاد انا عندى اربع جوالات وواحد منها اهديته بنتي يعنى يعنى ناس بطرانه وسلامتك |
فعلا هذ الامر صار منتشر بين الرجال والنساء ولا اعلم الحكمه من ذلك؟؟
ع كلا احد الصديقات تفاجئة بوجود جوال ثاني عند زوجها ولما كانت راكبه معه السياره تقول شفت حاجه تئشر يعني كان تاركه ع الصامت سكت وما قلت شي وطلبت حاجه من السوق عشان ينزل يجيبها ولما نزل اخذت الجوال وسجلت الرقم الي كان يتصل ودقيت منه ع جوال وخزنت الرقمين وبعد كذا اتصلت بالرقم الي كان موجود فاصارت وحده وبعد البحث في الامر صار الاخ مصاحب اكثر من واحده انا ارى ان المشكله لاتكمن في وجود جوالين المشكله اخفى امر الجوال الثاني ؟؟ هنا تكثر علامات الاستفهام والحيره والشكوك خاصه ان كانت الزوجه من النوع الذي لايتابع الزوج ........... |
بصراحه : اسوء مافى هذه الحياة اساليب الخداع واللف والدوران ..استغرب كيف يتاتى لانسان العيش بين هذا الكم من الكذب والمداراة ..الصضدق والصراحه ( وان كانت جارحه احيانا ) هى الاسلوب الامثل للعيش .. قديكون هذا رايى بسبب عوامل نفسيه واجتماعيه معينه ؛ لكن احسبه صحيحا ..والله اعلم ..اسامه ..
|
مرحبا : بلاك أم عبود ما شفتي زميلاتي بالدوام كل وحدة جوالين و ثلاث على الأعقل هو رجااااال لكن البنت ليش معها جوالين و أكثر . الرجل رجل مش راح يقول الناس والله فلان معه جوالين ولا ثلاث و يعيبون عليه بالعكس بتمشي عاااادي جداً ولكن البنت بيقولون و بيقولون لين ركبونها مصيبة وهي الضعيفة يمكن مالها بالسوالف التعبانة بس برضوه بتظل بنت و العيون عليها ولا عيون البومة اللهم صلي على النبي ... سمية القحطاني ... |
علشانة لعااااااااااااااااااااااااااااااااااب
هههههههههههههههههههههههههههههههههههههههههه |
يمكن شغله يجبره يسوي الشيء هذا
او انه لعاب ويلعب على الخطين ههههههههههههههههه عطوه جوه هههههههههههههههههههههههههه يمكن معه جوالين علشان مبلغ الفاتوره مايصير كثير |
اية هين يا راشد علشان الفاتورة
افلقني هذولي التماسيح لاقين المراءة يعطونها على قد عقلها قال ايش قال شغل |
خلاص بافقلك
ههههههههههههههههههههههههههه ممكن يكون كلامي صحيح هههههههههههههههههههههههه |
علشانة لعااااااااااااااااااااااااااااااااااب
هههههههههههههههههههههههههههههههههههههههههه |
شوفي ردود الرجال >>>>عارفين لبعض
وربي لو زوجي لا اصفقه بالجوال على وجهه يخبيه ليه يبي يلعب يلعب على المكشوف اما خايف منها مو رجال بصراحه >>>> بحمس الشباب يطلعون المستخبي |
تصدقين يافاتن والله العظيم يوم قالي ابو العبد انه طلع شريحة لجوال ثاني علشان الاولي تسكر وصل للحد الائتماني .......قلت له : اقول رد على قديمك وسدد الفاتورة ..صار يقولي " ويش فيك يا حرمه ترى بالله ماني خابر انك تغارين او تشكين فيه " .قلت له : والله مو غيره ولاشك ويش علي منك كلم اللي تبغاه وسوي اللي تبيه ترى الحبل مهدود ...ماشفته الا قال : اجل ليششششش عصبتي عالرقم الثاني ؟؛ قلت له : ترى بالله الاولي ماني حافظته الحين الدور الثاني وشلون احفظه ذه قلي خخخ ؛؛ قالي : والله انك ناقصة عقل عدل ..حسبالي بتكسرين الجوال وشريحته .....قلت له : هين بسسسسس والله لانشر الرقم بالمواقع ليمن اخلي الشريحه تحترق وتتأذى اذا ماصرفته ...صار يصارخ : هي هي ويش فيك انجنيت ترى بالله مو زوجه "أسد " يمه منك ....
|
اقتباس:
والمشكله البعض من البنات بيستغلون الفرصه وبيطلعوووو فعلا بيسوووون هالحركات اللي تثير الانتباه ؛؛ واحد للعلاقات والثاني للاهل والصديقات << هنا يكون الحكم اعدام بالكهرباء او شنقاً حتى الموت بحق الفتاة من قبل المجتمع لكن لو تيجي للشاب والله الوضع عادي <<<< يبه فحل حقه يحط ويكلم !!! |
واشكر من شارك بالموضوع ايضا كل من :
خواطر العشاق _ اسامه _ ممارسة نفسيه _ راشد السيكولوجي _ ابو حفصه تقبلووووووووووووو تحياااااااااااااااتي |
هلا أم عبود
انتي تحفة بس لايهمك فعلا شئ يشكك ليش جوالين اوكي جوال عام وسوا أوموبايلي نمشيها بس عامين والله شئ غريب حتى البنات الي عندي بالعمل عندهم ثنين واحد سوالف بنات واحد للعائلة بس ماتعجبني الشخصية الي كذا احسها تثير شكوك الي حولها وكله كوم والي مايعرفون اهلها ان عندها جوال ثاني ودي ادق واعلم اهلها سلمتم لي |
اهنيك الاستاذه الاحسائية
اتمنىلك يوما سعيدا انا اختصرها انها مجال لشك فعلا للرجل فكيف للفتاه قد يكون العمل احينا يصرف جوالات للموظفين لكن لاارى له اي فائدة ابدا ودعونا من اختلاق الاعذار فالتسديد امر محتوم والمسبقة للدفع تفتح مجال اوسع للشك لكم التحية ولاختي خواطر والاحسائية اعظمها |
الف شكر لمروركم اختي المحبة جود الفرررررررح والعزيزة صاحبة القلب الكبييير
تقبلووووووووو اجمل تحيااااااااتي |
اقتباس:
عفي عليك وريه العين الحمراء من اولها >>>>مالي صلاح بس اشجع |
مرحبا اختي الاستاذة ام عبدالله الاحسائيه..
بخصوص الجوال ارى ان 99% من الاشخاص الذين يحملونها نقول لهم بلغتنا العاميه(زبايين) ياخذ واحد لزوجه والاخر ....... ..و1% منهم يحملونها مثل بعض رجال الاعمال او بعض الاطباء الذين يحتد عليهم الامر بان يحملوا اكثر من جوال بحكم عملهم بمعنى تلفوناتهم الخاصه بالعمل والاخر لحياتهم الاسريه... اشكرج على الموضوع... |
فاتن عسيري ... أعصابك على الخلق وكفى إثارة ... قاهر الاكتئاب ... سبقتني بالاعتذار لبعض الرجال ( وليس كلهم ) أنا جوالي مميز(عندي) وجاءت سالفة الرديف وحرصت أن الرديف يكون من نصيبي ( ياحظي ) صار جوالين ... بعد فترة وجيزة وبسبب كثرة إلحاح المراجعين خاصة من خارج الرياض على إعطائهم رقم الجوال فيما لو دعت الضرورة ... خصصت رقم جديد خاص بالمراجعين فصارت المعادلة كالتالي : جوال + رديف + شريحة مسبقة الدفع = 3 جوالات !!! الاهل عندهم جميع الأرقام ... هم الجهة الوحيدة المخول لها الاتصال على اي رقم يريدون وفي أي وقت كان ... الان أفكر أتخلى عن الرديف ( للبيع ) ... وقريبا ... عن مسبقة الدفع .... أعطيه للسواق يتصرف فيه ... ! وأتمنى لاحقا أرتاح من الجوال برمــتــــــه ... لأنه سبب لي الصداع .... فالحكم الجائر و 99 % ماأظنها الا تخرص ... ماأجمل المسير في الشمس وترك الظلام لعشاقه |
انا احب اولع بالبيوت وش اسوي ,,يعنى الحرمه تقول رجالها عنده جوال ثانى ومايبيها تدري فيه اقلها لا نيته طيبه ,, حرام لازم افطن الحريم ولا تضيع حقوقهم <<<وحده تدور وظيفه
|
الان أفكر أتخلى عن الرديف ( للبيع ) ...
وقريبا ... عن مسبقة الدفع .... أعطيه للسواق يتصرف فيه ... ! وأتمنى لاحقا أرتاح من الجوال برمــتــــــه ... لأنه سبب لي الصداع .... فالحكم الجائر و 99 % ماأظنها الا تخرص ... ماأجمل المسير في الشمس وترك الظلام لعشاقه هههههههههههههههههههه دالحناكي تفكر تبيع رديف الجوال ياكثر الي بيشترونة ههههههههههههههه ما علية اذا انت كذا وعطي الارقام الاهل غيرك يلعب بيدينة ورجلينة الله يهديهم انا ما اخص لكن هذا الي صاير جوال للعب وجوال اللله يهدية للاهل خاصة المتزوج والا وش رايك |
اقتباس:
ههههه |
ههههههههههه ممارسة نفسيه حيلك على الرجال ،، ترى بيعطيني اياه هديه << لاتتهاوشين وتغارين !!!!!
وفتوووووووووونه تحب تولعي خخخخخ ولعي هو انتي راح تدفعي شي من جيبك ما كلووووو عالحكومة هم اللي بيطفو الحريق !!!!!! |
أخي الرجل المتزوج ... لاتنس هذا الرقم 998 هناك من ( يولع ) بالبيوت ...فانتبه |
.. ممارسة نفسية .... ... تقول العرب : يداك أوكتا .. وفوك نفخ .. وصلت .. |
اييييييييييييييييه دارت الدنيا وصار معي جوالين واحد سوا والثاني موبايلي بس الاثنين مسبقة الدفع يعني يمي يمي اهم شي ابسط روحي فيهم ههههههه ...<< وغاويه الثالث بعد !!
وسلام خاص لدكتورنا العظيم الحناكي اطال الله عمره . |
عقبال جوال الثالث من زين..
وتفتح عندك محل جوالات... ههههههههههههههههههههههههههههه انا عنديجوالين..موبايلي واخد فاتورة خاص بي..وثاني مسبوق الدفع خاص للعمل والانترنت.. |
والله عجيبه جوالين هي مو مشكله لكن الاهل لازم يعرفوا بها ...ما بينقص عليه ولا بيزيد ...على الاقل من باب الثقه والشفافيه والوضوح بينهما....
في ناس تحتاج لجوالين وناس على الفاضي...... وما شاء الله الردود ما قصرت.... تحياتي لك ام عبدالله وسلامي يالغاليه.... |
بالنسبة لفكرة الجوالين سواء مع الرجل أو المرأة
اوك الفكرة مقبولة اذا كان واحد خاص بالعمل وواحد عام ولكن فكرة ان يكون الجوال سري وعن الزوجة وفوق كذا تكون هي عارفته وبدون علمه هذي مو مقبولة |
عادي يكون جوالين واكثر يمكن واحد سوا والثاني شريحه
مفتوحه والثالث موبايلي مافي مشكله ابد بس المشكله في انه يخبيه هذه المصيبه واللي خاطره يلعب والله يقدر لو عنده جوال واحد كل الشكر لروعه طرحك |
مهب بس الرجال
انا شخصيا عندي 3 جوالات اتوقع السبب انه يكون خط للشغل وخط للاهل وخط للاعمال الاخرى .. |
| الساعة الآن 05:30 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا