|
شاعر يحضر زواج حبيبته..ويقول ..
قصيده اعجبتني ونقلتها لكم .... مع اني ما اهتم بالشعر كثير ..بس احس بشعور كاتبها
أبد .. ما جيت ابارك ولكن جيـت باوصّيـك على الله ناوي ٍ تدخل بهـا الليلـه .. مُعذّبْتـي ترى لولا الظروف اللي عطتْك وحدّت محاكيك قسم بالله ما تدخل عليهـا لـو علـى رْقبْتـي ولكنّ النصيب اقوى ولا ادري ويش اسوّي فيك نعم .. صارت معزّبتك .. ولا صارت معزّبْتي كذا شاءت بنا الأقدار تحرمني لجـل تعطيـك كذا لازم عشان تفوز إنت .. أخسر بتجربْتـي تراها غاليه جـداً .. وتكفـى .. والله يخليـك تـدللها .. تدلعهـا .. تنسّيـهـا مصاحبْـتـي أنا من كثر ما اغليها أحس اني بديـت اغليـك ولا تسـأل بأيّـة حـق ولا ّ وش مناسبْـتـي لإنك لو بتسألني بتسمع شـيء مـا يرضيـك لذا ياخـوي لا تسـأل ولا تسمـع لأجوبْتـي أبيك تحطها في داخل عيونـك وبيـن ايديـك وهي دلوعه اعتـادت علـى كثـرة مداعبْتـي فداعبها شوي شـوي حتـى تشتهـي طاريـك وشاغبها إلين تقـول لـك: بطّـل مشاغبْتـي واذا هي مالها خلقك..ولا تضحك ولا تسلّيـك تحمّلها وإسألهـا: يـا عمـري ليـه عصّبْتـي وبالك اسمع انّك يوم تضربها وهـي تشكيـك ما يحتاج اورّي لك بفـن الضـرب موهبْتـي صحيح انك بتملكها ومعـك الصـك بالتمليـك وانا عارف حدود الله ومـن حقـك معاقبْتـي ولكن قلّها المجنـون وصّانـي وهـو يعنيـك يقول انّـه بينتظـرك ولـو شيّـب وشيّبْتـي وانا مجنونها اللي ما نساها وانت مـا يمديـك تغطّي ذكرياتي في هواها.. وربْـع تجربْتـي أحس اني تماديت بكلامي.. والغضب حاديـك ولو انّك في مكاني ما تفكّـر فـي محاسبْتـي كفاك اني تركت الليله اشغالي عشـان اجيـك دخلت القاعه برجلي ولا ادري ويش عاقبْتـي وانا ما جيت اخرّب عرسك الليلـه ولا أذّيـك أنا جيتك عشان اخاطبـك واسمـع مخاطبْتـي توصّى..وانتبه..واحرص عليهـا والله يهنّيـك ترى كل الكلام اللي طلَع من ضيقـيَ وكبْتـي ولكن ما قدرت انّي أقوله وانـت مـا يخفيـك أخاف انّـي إذا قلتـه تقـوم وتقطـع رْقبْتـي |
حركات خواطرررررررررررررررررر
بس لو كل ذا حب ليه فلتت من يده . |
لسى ما شفتي شي فاتن..... هههههههههه
حب اجل ايش مشروع تجاري ...؟؟ بس ليش ماتم الزواج الله اعلم |
جاني الخبر ياصاحبي وأظلم الكون * * قدام عيني ثـم نطقـت الشهـادة
على العموم اقولها الـف مليـون * * مبروك من قلب شكالـك أبعـادة مبروك لايهمك سواليف وظنـون * * من عاشق يهديك فرحـة فـؤادة سو الفرح اليوم وابليـس ملعـون * * واللي يشب النـار يجنـي رمـادة انا اول العالم على القصر يلفـون * * أول معازيـم الفـرح والـحـدادة أبشر أنا برقص فعرسك بالهـون * * كـل يعبـر فرحتـه بأجتـهـادة والبلا رقصـي يقولـون مزيـون * * المشكلـة القلـب يفـضـح ودادة يوم العذارى في دخولـك يغنـون * * وعروستك باحلى ثواني السعـادة كنت اتمنـى بدالهـا والله أكـون * * وأحط أنا كفي تحت راسك وسادة وشلون ابكتم صرختي يوم تمشون * * تكفـى خذنـي للعروسـة قـلادة حتى معازيم الفرح قامو يمشـون * * اصبحت أنا وحدي بدون استفـادة وطفو علي النور من غير يدرون * * قصـر الفـرح ياقبـر ومهـادة وصيتي لو جاتك بنت وأنا أمـون * * سميتهـا لـك قـبـل الــولادة |
غريبه جدا ان العريس ماذبحه على مصاحبته زوجته قبل
او على الاقل على التوصية بدل مايقوول وش دخلك بحرمتي يسكت له شئ عجيب |
تبقى قصيده وقد تكون خيال شااااااااااااااعر
|
كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي ابيات مولمة الله لايوريكم هالألم تحياتي لكم |
اشكرك جود ع المرور
وهي فعلا ابيات جدا مؤلمه وخاصه لمن له نفس التجربه |
حلوة عشاق
انا ابي واحد يكتب هالحين قصيدة فيني وش فايدتها بيوم الزواج بمووووووووت قهر |
حلـــــــــــــــوة
يكتب فيني الحبن مو يوم زواجي زين قوليله باتزوج هه ه ه ههههههههههه |
يارب ممارسه ما تذوقين طعم الفراق والبعد ..وخاصه الاشخاص الي تحبينهم
|
خلاص انت قولي من وانا اقوله يكتب فيك الحين ويوم زواجك ولا يهمك
|
خواطر انتي اكتبي لها شعر اعتقد تقدرين تكتبين حاولي مايبغالها شي
خلاص ممارسة خواطر راح تكتب لك شعر وكل بيت عليه عشر قطع من الذهب |
صباح الخير : ممارسة هذي لك :) غابت عني ولا ادري وش حالتها 00 ولا أدري وشلون قلبي بتنام عيونه قلت أقوم أنشد عنها بنت خالتها 00 عله رتاح قلب تلعب فيه ظنونه صدت عني ما تبيني أشوف دمعتها 00 قالت ياولد البنت بالعود مدفونه ماتت وغابت بالسما أحلى نجمتها 00وحزن النجم والقمر إنخطف لونه ماتت ومات بالحديقة أغلى وردتها 00وبكى الشجر والزهرقاموايرثونه وقفت مذهول وزاد بجسمي رعدتها 0وقفت صامتن وعقلي جنت جنونه رحت المقابر علي الحق جنازتها 00 لقيتها مكفنه وقبرالبنت يحفرونه وصلت المقابر ومحدن فيه حرتها 00 غير امها وأبوها وأخوها يعزونه شالوها يبغون يحطونها بحفرتها 00 وغطوها بالتراب وقلبها يدفنونه لولا خوفي من الله ثم فضيحتها 00 لأقول هالبنت جسمها لا تدفنونه إلتفتلي شخص أظنه من جماعتها 00 يقول هالولد علامه تبكي عيونه غمضت عيني ماأبي تزل دمعتها 00 بس بان الحزن والناس يشوفونه وإنزلت دمعة من قوة حرارتها 00 احرقت خدي وخلته احمرن لونه قلت انا اللي روح روحي فدتها 00 قلت انا من روحي وقلبي يفدونه قلت انا من تركتني وحيد بدنيتها 00 وانامن عشقها وحبها دايم يصونه أحبها واسالو عين ياكثر ما بكتها 00 و اسألوكل هالبشروهالعالم وكونه أبيات شعري يا ما ويا ما تغنتها 00 تقول أبيات شعرك قلبي يطربونه من لام روحي عله يعيش حسرتها 00 ويعيش طول الدهر تبكي عيونه يا لايمين قلبي شوفوا صورتها 00 بعدها تبون تلومونه لكم تلومونه ما أبي غيرها أبي أسعد بضمتها 00 ماأريد غير قليبي تنجلي حزونه فو ق قبر هالبنت تعالت ضحكتها 00 يا عسى قبرالبنت بالسما يرفعونه لعن بو عين عقبك ما تحدر دمعتها 00 ولعنبوخلقن كان إسمك ما يطرونه لعنبو روحي كان تكتمل فرحتها 00 ولعنبو الحزن لو فارق يوم بسجونه روحي فقدتها ودموع عيني رثتها 00 بأبيات شعر مكسرة ماهي بموزونه يالله يا كريم تغفر لها كل زلتها 00 وتغفرلها ذنب كل الملا يقترفونه يا كريم إجمعني بها بجنة عدتها 00حج البيت والصيام وخمس يصلونه يا ليتني ساكن اليوم بوسط حفرتها 00وروحي بجنب روحها اليوم مدفونه طبعاً بعيد الشر عنك بس حبيت أحقق لك طلبك وتخيلها جت منه :) سمية القحطاني ... |
قصيده حززينه وتقطع القلب
تسلمين خواطر العشاق .. |
شكرا يتيم ع المرور وتحت امرك انقلها قصيده مو اكتب لاني مو من الشعراء ولكن متذوقه فقد
نزعل .. ونتكبّــر .. وحنا .. من الطيـــن .. والكل .. منا ... صــــدّ .... لا .. أقبل ...... خويّــه ...!! نفخر .. نقول .. إنا .. على الصد .. قاوين .. وهــــي .. علينا ... في الحقيقـــــة ........ قــــويه ...!! نشفق على الطيبة .. و كسب ... الكريمين .. وهذي بنا ..؟؟ .. لاشك .... فعــــلة .... رديـــــــــه ..!! ننسى نهايتنا .. وعلى .. وين .. ماشيــــن .. وننسى الزمان ... اللي ... جمعنا ...... ســـــــويه ..!! المشكلة .. ماهي بـ حاجة .... لــ تخمين .... ولاهي .. بعد .. ياناس .... صعبـــــة .... القضيـــه ..!! دق الرقم : كيفك .. هلا فيك ... وأهليــن ... أنــا .. الخـــوي ... اللـي مـــــزعّــل .... خويــــه ....!! قلّه : تغيب ... وصـــورتك .. داخل العين .. ويبقــى لـ حبك ... في خفـــوقي .... بقيـــــــــــــــه ..!! أخوان حنا ... لو ... يجي بيننا .. شيــن ... و مانفتـــــــــــرق .. دام المحبـــــــة ..... نديــــه ....!! خلك قــوي ... لاتحتــــكرك .. الشياطين .... قبل الفوات ... وقبل .... وقت ... المنيــــــــــــــــه ..!! كلّم خويــك .. بـــ اطيب الهرج ... واللين ... وأعرف .. جميل الهرج ... يمســــح ... رديـــــــه ..!! هذي ... هي الدنيا .. من الحين .. لـ الحين .. لابد ... بين الناس ..... تحصــــــل ..... خطيـــــــــه ..!! ومن لايقدّر .. غلطــــة أحبابه ..... الحيــن .. يقـــــرأ .. حـــــروفي ... ويعتبرها ......... هــديه ...!! باكر .. تمر .. سنين .. وسنين ... وسنيـــــن .. والــــــكل .. يرحـــــــل في الدروب ..... المـــــديـه ..!! صدقني .. تندم .. وأذكر .. حروفنا ... زين ... تندم على خلك .. إذا .... غاب ........ ضيّـــــــــــــه ..!! دنيا .. غريبــــة .. وأكثر .. الناس ... ماشين .. وكم .. صــــاحبٍ .. والله .. دفنته .. بــ يديــــه |
شكرا سميه ع المشاركه قصيده جدا حلوه ومعبره
|
شكرا دمعه ع المرور والاطراء شرفتيني
|
سبع ساعات اسولف واتكلم واستخف دمي
وهي تسمعني وتضحك ومبسوطه على الأخر :: سبع ساعات اعلمها عن احزاني وعن همي واسولف عن حكايا الطفل كان وصار هالشاعر :: سبع ساعات تتساقط حروف الصدق من فمّي على صحرا مسامعها سحاب العشق متناثر :: سبع ساعات وتحلف لي براس العشق وتسمي تقول انت الوحيد اللي ملكني حبك الساحر :: سبع ساعات ونادتني بأسمه ما هو بأسمي تناديني فهد واسمي انا ياللاسف جابر :: تشنج كل شيٍ كان حولي ومسمعي يدي ركز خنجر فهد في مسمعي من صوتها الخادر :: تخدّر فكري وجسمي وذاب بداخلي عظمي وصرت اسمع صدى صوتٍ يردد غلطة الشاطر :: يردد غلطة الشاطر بعشرة واقعي وحلمي وترددها زوايا غرفتي والواقع الغادر :: كثير اصوات شقت جلدي اللي يحتضن عظمي وصراخ الباب والدولاب والشباك والساتر :: وونات القلم والدفتر اللي يلتفت يمي وخايف وش ابي اكتب بوسطه من هنا لـ باكر :: وكانت ساكته وصوت النفس من خشمها و خشمي ربع ساعه وبحة صوت قالت: خير وش صاير :: وطرا في بالي عبدالله وخالد واحمد ونشمي ولآخرهم فهد تسعه وانا مدموغه العاشر :: وقلت ابداً مغير الخير ولكن امسحي رقمي اكيد انه فهد جالس سبع ساعات وهو ناطر :: وقالت لي: رجاءً او اقولك.. طير ياعمي مسوي حضرتك في هالزمان العاشق الطاهر :: وقالت لي: اقول! وقلت: انا بقول وذا علمي عجب هالناس وش هالناس تخطي وبالخطى تكابر :: انا يابنت بنثر لك حياتي واجمعي لمّي بعضه بنثره في مسمعك هالحين ومن خاطر :: ترا عمري انا تسعه وعشرين وكذا رسمي ولكن عشت ايامي دبلها مقبل وعابر :: اصيل وكل اصيلٍ مايبي مدحي ولا ذمي وسبع انعام في هالناس اخص الحامد الشاكر :: انا من نجد وربعي هم عتيبه وخالي الدحمي وبرقا لحمي ودمي وانا من روق ومع ناصر :: انا جابر ولد هايف وسلم الطيب هو سلمي ابو الي مربيني على الجزلات واتفاخر :: انا راعي مجاهيمٍ يشع بفخذها وسمي وراعي خيل وراعي بير وبيتٍ مبغضه كافر :: على الرمضى ابت رجلي بأرضٍ عاشقه ضمي وشمسٍ تشرق وتوقف على راسي وانا صابر :: عرق وجهي يصب وامسحه بشماغي وكمي وألد عيوني عن ناسٍ سرقني يمها الناظر :: وانا شاعر ولو اكتب عجز كل فكر في نظمي ولاني بالغرور احكي ولكن واثق وقادر :: وانا رجال هاوي للقمم ويقودني عزمي وابي ارقى على راس الجبل وانتي مع الحادر :: عرفتي ليه انا طاهر؟ لانك همي وغمي ولان الدنيا في عيني جبل نرقاه ونغامر :: يابنت الناس شفتي كيف بليّا سلاح مانرمي ولانوقف بوجه البندق المليان ونخاطر :: خلقنا الله بشر بعقول وذا واقع وذا وهمي وكلٍ يتبع مراده وفينا رابح وخاسر :: وقالت لي فمان الله شعلت النار في جسمي فمان الله يالطاهر ومثلك قله ونادر :: ورحت آخذ كتاب الله واحلف بالكتاب:" امي لو ان اسمي فهد بالله ماكان احلى من جابر..!!؟ |
وصيت صديق لصديقه بان يحب حبيبته لتنسى معه حبها الاول (قصيده معبره لعشاق القصائد)
وصاتي لك من بعدي .... تموت فيها علشاني أبيها تعيش وتحيا بك .... و اظل بالذاكره مفقود وصاتي لك تنسيها .... ملامح وجهي و تنساني وتعزفها قصيدة حب .... على عكس اللي عزفته بعود وصاتي لك تبعدها .... عن أشعاري و قيفاني تراها مغرمه بالحيل .... ويشهد لي عدد الردود وصاتي لك تسايرها .... ترى فيها من أحزاني طلبتك لا يضيق بالي .... طلبتك و الطلب مردود وصاتي لك تناديها .... حياتي,,عمري,,أزماني أنا عودتها دايم .... أدلعها و أنا موجود وصاتي لك تعاملها .... بطيبه وقلب و إحساني تراها تذرف الدمعه .... و دمعها بليا حدود وصاتي لك تحفظها .... سور و آيات قراني وتخبرها عن الميت .... رحل لايمكنه بيعود وصاتي لك ترسمها .... على قبري و أكفاني أبيها لوحه تبقى .... على طول الزمن محدود وصاتي لك تمازحها .... وتشوف الضحكه باسناني سعيتك ياحظك هالكون .... طلبتك لا تصير جلمود وصاتي لك تقهويها .... من دلالي و فنجاني تراها تعشق السمرا .... ويكفيها دخون العود وصاتي لك تركبها .... على خيلي وعلى حصاني وربى فارسه من قلب .... شهاده ماهي لشهود وصاتي لك تسفرها .... بلاد الشام و لبناني ترى يحليلها تقطف ورده .... ورده من بلد الورود وصاتي لك تراقصها .... على ألحان رحباني ترى فيها عرق خال .... وفيها من جنون السود وصاتي لك تحببها .... فأبو نوره بعد هاني وتنسيها ندم غلطه .... انا فيها ترى المقصود وصاتي لك تكرها .... في تاريخي و عنواني أبيها تلعن اللحظه .... وتلعن كل فرح موعود و تخليني أنا الظالم .... و انا من حرق الأخدود وصاتي لك تشبهني .... بدم أحمر قاني وأنا هالقاتل السفاح .... مجرم من عصر النمرود وصاتي لك تحلفها .... تتوب تحبني ثاني ترى يكفيها ما عانت .... ويكفي حيلها مهدود وصاتي لك تنسيها .... وصيه قالها لساني أنا أخبرك رجل موقف .... و أنت قدها و قدود صديقي ما لقيت غيرك .... يعرف واشلون تنساني أمانه ضمها بقلبك .... ترى عزيز رحل ما يعود |
| الساعة الآن 05:39 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا