جعل ربي يسعدكم ويفرج عنكم .. ساعدوني :(
 

الله يعافييك يآرب ويسسعدك ..

طيب آخوي انت الحين استمعت لرقية الشيخ عبدالله السدحان بدون نفث ؟

يعني يكفي اني استمع لها بس وان شاء الله بإذن الله تفيديني .؟

طبعا غير المويه وقراءه سورة البقره ..

معليش ازعجتك ..

وعليكم السلام ورحمة الله وبركاته ..

آآآآآآآآآآآآآآآمين يآرب ويآك ..
آيه والله نفس الآعراااااااض اللي تجيني مرره :(
خصوصا اذا رحت انام نفس كلامك يمكن مأأصحى ومن هالحكي ..
بس والله مآأتصور اروح لطبيب نفسي وش أقول لأمي وأخواني :(
وربي خايفه ماأتخيل :(
الله يوفقك آخوي ويسسسعدك ماقصرتوا معي ..

الله يسسعدك وين مآتكون ..


طيب حسيت ان شاء الله انها فآدتك .؟

الله يجزاك كل خير ماتقصصر والله ..

الحمد لله شفيت من هالمرض التافه

بفضل من الله تعالى ثما بفضل الرقيه

والخطوات اللي ذكرتها في موضوعي

اختي حلم الي عندك هي نوبات هلع..وبسبب نوبات الهلع جاك اعراض بسيطه من الاكتئاب

وتطمني يا اختي حالة الهلع من ابسط الامراض النفسيه وعلاجها فعال جدا عن طريق الادويه مثل الي ذكرها اخوي جهراوي اللي منها ( بروزاك - سبراليكس - سيروكسات - سبرام - وغيرها .. )

وايضا تستخدمي الحبوب المهدئه عند الضروره فقط مثلا اذا جتك النوبه تاخذين حبه وحده وراح تختفي اعراض الهلع خلال دقائق باذن الله

وايضا لا بد من جلسات العلاج السلوكي المعرفي الي تهدف الى زيادة معرفتك حول المرض وانه حاله بسيطه ويمكن علاجها وايضا تهدف الى تطوير سلوكك وتفكيرك الايجابي ومع الوقت و التدريب بيصير عندك مهاره في التفكير الايجابي انك تقضين على كل المتاعب النفسيه الي تواجهك

وانت الان بسبب نوبات الهلع صار عندك سلوك تجنب يعني صرتي تتجنبين كثير من الاشياء خوفا من النوبه..وهذا غلط وراح يزيد الحاله..ولكن مع بدايت استخدام الادويه راح تقدرين تسوين اي شي تبغينه وما راح تتجنبين شي ابدا ومع الوقت بتنسين الذكريات السلبيه وبرتسخ في راسك الذكريات الايجابيه

اسباب نوبة الهلع مالها سبب وحيد او واضح لكن ايضا الضغوطات النفسيه تلعب دور في حدوث نوبات الهلع ويمكن يكون من ضمنها وفاة صديقتك الله يرحمها..لكن ما في سبب رئيسي للهلع نقدر نقول ان هذا هو السبب

وايضا العين ممكن تكون سبب لاي مشكله في الحياه لكن بغض النظر سواء كان الهلع سببه عين او مش عين لازم تبداين بالعلاج وايضا تمارسين الرقيه الشرعيه الي هي طبعا مفيده في جميع الاحوال

اختي ح ـــــلم ~

صدقيني ان زيارة الطبيب النفسي مثل زياردة طبيب الباطنيه وطبيب الاسنان وطبيب الجلديه ومثل زيادرة اي طبيب اخر.. لا تضخمين من الموضوع وخذي الموضوع ببساطه

واصلا يا اختي لما تروحين العيادات النفسيه المتخصصه و تشوفين الزحمه هناك و تلاقين مئات الناس يراجعون يوميا عند الاطباء النفسيين بتعرفين ان التعب النفسي شي عادي ويصيب جسم الانسان مثله مثل الزكام والتهاب الحلق و الم الاسنان ومشاكل المعده..يعني عادي النفس هي عضو من اعضاء جسم الانسان والنفس تتعب مثلها مثل كل اعضاء الانسان

وانصحك يا اختي انك تروحين العيادات النفسيه المتخصصه..مثل عيادات ميدي كير الى يشرف عليها الدكتور السبيعي..وايضا عيادات مركز مطمئنه الي يشرف عليها الدكتور طارق الحبيب... ولكن ايضا ممكن يكون في عيادة لطبيب نفسي تبع مستوصف ايضا تكون ممتازه... انتي روحي عند الطبيب او الطبيبه اذا لاحظتي ان تعامله جيد وحريص ومهتم ولقيتي منه نتيجه كملي عنده لاحظتي العكس اتركيه وشوفي طبيب اخر

جزاك ربي كل خير آخوي المتفائل ..

إن شـآء الله بإذن الله راح اكلم آهلي بالموضوع ..

طيب أخوي هل نوبات الهلع قد يكون معها الوسواس القهري ؟

يعني انا احس فيني وساوس كثيره مثل اللي ذكرتها من العين ومن الآمرآض ..

وخوف منها بشكل قوووي جدآآآآآآ ..

او ان حالتي بشكل عام تكون من [ القلق النفسي ] اللي يندرج تحتها نوبات الهلع والوسواس القهري .. ؟؟


وحبيت اسأل اخوي .. اذا كان فيني وسااوس ونوبات يكون لكل شي علاج ولا وشلون .؟

آسفه اخوي آزعجتك .. بس حبيت استفسر ..


آلله يفررجها قرييب يــــــــــــــــــــــــــآرب ..

آللهم اشرح لي صدري ويسسسر لي آمري ..

يب أخوي هل نوبات الهلع قد يكون معها الوسواس القهري ؟

يعني انا احس فيني وساوس كثيره مثل اللي ذكرتها من العين ومن الآمرآض ..

وخوف منها بشكل قوووي جدآآآآآآ ..

او ان حالتي بشكل عام تكون من [ القلق النفسي ] اللي يندرج تحتها نوبات الهلع والوسواس القهري .. ؟؟


وحبيت اسأل اخوي .. اذا كان فيني وسااوس ونوبات يكون لكل شي علاج ولا وشلون .؟


______

اي نعم اخت هند نوبات الهلع ممكن يكون معها وسواس قهري وهذا شي عادي

ومثل ما ذكرتي اختي كلامك صحيح القلق النفسي يندرج تحته نوبات الهلع و الوسواس القهري والرهاب الاجتماعي

لكن مو ضروري ان الشخص يصاب بهذه الثلاث حالات مع بعض ممكن مثلا يصاب بحاله وحده وتكون الحالتين الباقيتين اعراضها خفيفه

و بنسبة للعلاج العلاج هو واحد لجميع هذه الاعراض الدواء يعالج القلق والهلع والوسواس القهري والرهاب الاجتماعي والاكتئاب كل الادويه النفسيه الي من هذا النوع مثل سيروكسات بروزاك سيبرالكيس سبرام وغيرها تعالج هذه الاعراض الاربعه مع بعض..ولو تقرين روشتة الادويه راح تلقين في دواعي الاستخدام انها تعالج الاعراض الاربعه كلها


وايضا في حبه مهدئه لا تصرف الا بوصفه طبيه تستخدم عند الضرروه فقط يعني عند حدوث نوبة الهلع او عند حدوث اي تعب نفسي شديد ولما تاخذين حبه وحده منها راح تروح كل الاعراض المتعبه خلال دقائق باذن الله

وكمان في العلاج السلوكي المعرفي وهو مهم جدا وهو نصف العلاج

تطمني اختي حلم بشكل كامل الحراره سببها القلق والتوتر..وايضا بداية تناول الدواء اول شهر تقريبا في تناول الدواء تجي هذه الحراره

وفعلا مثل ما ذكرتي الحراره تكون داخليه الواحد يحسها داخل جسمه ولما مثلا واحد يمسك راسك ما يحس باي حراراه انتي فقط الي تحسين بهذه الحراره

انا استمرت معي الحراره لمدة 3 اسابيع احيانا تشتد واحيانا تخف..وبدت معايه لما استخدمت الدواء الي هو سيروكسات..وبعد 3 اسابيع اختفت تماما

تطمني يا اختي الحراره الداخليه هذي مجرد احساس بالحراره وليست ارتفاع في الحراره ابدا..وهي غير خطيره ابدا ومالها اي مضاعفات حتى لو استمرت اسابيع..وان شاء الله كلها فتره بسيطه وتروح الحراره بشكل كامل

اهم شي انك ما تفكرين فيها كثير عشان ما توهمين نفسك انك مريضه وحرارتك مرتفعه لاني مثل ما ذكرت لك هي مجرد احساس بحراره داخليه و لكنها ليست ارتفاع حراره ابدا فلو تقيسين حرارتك راح تلقينها طبيعيه وما فيها اي ارتفاع ابدا

وايضا يا اختي عيشي حياتك بشكل طبيعي..روحي واطلعي واضحكي واستانسي لا تقعدين طول الوقت تفكرين في نوبة الهلع .. انسي نوبة الهلع وهي كمان راح تنساك...وتاكدي يا اختي ان هذا مرض بسيط والادويه والعلاج السلوكي المعرفي يعالجونه بشكل كامل باذن الله وكلها فتره بسيطه وراح ترجعين زي اول واحسن باذن الله

مرحبا اختي حلم

الله يفرجها عليج و يشفيج و ترجعين مثل قبل و أحسن

لا تخافين كل الأعراض و الوساوس و الأفكار و اللي حتى في قلبج

ما قلتيها لنا انا حاسه فيها لا تخافين ابدا كلها اعراض عاديه و مرينا بها

اول شي بنصحج بالرقيه الرقيه الشرعيه في كل وقت مب بس و انتي تعبانه

هذي المفروض الانسان يواضب عليها مثل صلاته بس نحنا مقصرين

ثاني شي شوفي لج استشاري جيد عندكم و روحي مع اي حد من افراد

الأسره تثقين فيه و ترتاحين له و ان شاءالله بالتدريج مع العلاج راح تحسين

بتحسن طبعا مب 100% لأنه المشكله تحتاج صبر انا ترددت في البدايه اروح

لطبيب و خفتهم يعايروني بس الحمدلله رحت مع خالتي لاني اثق فيها

و الحمدلله من شهر تقريبا و انا استعمل الأدويه و حسيت بتحسن

ع الأقل الوساوس خفت و القلق خف عن قبل :)

صدقيني يا اختي حلم انا من كثر ما أوسوس بالأمراض كنت أدخل

النت اسوي بحث و اشوف الأعراض اذا في اعراض متشابهه

أتوهم انه المرض فيني.....

المهم يا حبيبتي الله يحفظج و يخليج و يشفيج ان شاءالله

وسامحيني ع الإطاله

اسال الله ان يشفيك يا اختي حلم ويسعدك دنيا واخره

لكن هل انتي تستخدمين دواء الحين؟؟

يا اختي اذا كنتي لا تستخدمين دواء لازم تبداين في استخدام الدواء من الان وصدقني راح تحسين بتحسن كبير جدا..وايضا لازم تمارسين العلاج السلوكي المعرفي عند اخصائيه نفسيه

الشافي هو الله عز وجل اولا واخيرا.. ولكن لازم تستخدمي الدواء وتمارسي جلسات العلاج السلوكي المعرفي .. واذا ما سويتي هذين الامرين فحالتك بتظل مثل ما هي وما بتشعرين باي تحسن