قصتي مع نوبات الهلع من مرحلة اليأس الى مرحلة الشفاء والأمل
 

بسم الله الرحمن الرحيم
أهلاً وسهلاً بك, dalnit.
زيارتك الأخيرة كانت: 26-06-2008 الساعة 04:36 PM
اخواني واخواتي هذه كانت اخر زياره لي لهذا المنتدى الذي كنت اعيش فيه انا والكثير من رواد هذا المنتدى الجميل نفس المشاعر ونفس الالم ونفس الحزن وللاسف نحن في مجتمع لايرحم من يعاني من اي مرض نفسي مع العلم ان في امريكا تحديدا يعتبر الشخص الذي لايذهب الى اي طبيب نفسي في حياته شخص مضطرب سبحان الله قمة التناقض لاكن ليس هذا موضوعي ولا احب الاطاله اتيت في التاريخ المكتوب اعلاه اشكي من نوبات هلع جديده ضلت معي لمدة 4 سنوات لا اعرف ماهذا الشيئ الذي اصابني لم اترك اي دكتور في اي تخصص الا وذهبت له وكلهم نفس الرد لاتشكو من شيئ نصحني احد الاخوان جزاه الله خيرا بالرقيه ذهبت الى احد المشائخ ولم اتحسن عندها قررت ان اذهب الى مستشفى الحمادي بالرياض تحديدا الدكتور الوحيد النفساني بالمستشفى واسمه دكتور عزت طبعاً هذا مو دكتور هذا جزار جايبينه مستشفى الحمادي عشان يسرق الناس بالله عليكم قد شفتو دكتور نفسي تجلس عنده ويشخص حالتك خلال ربع ساعه من اول زياره ... شكيت له حالتي ووصفلي السيبرلكس استعملته لمدة سنه ونصف ولم الحظ تحسن في حالتي الا ان اشتدت علي نوبة اللع في احد الايام وذهبت الى دكتور قلب وقال لي الدكتور مراجعاتك للطوارئ كثيره وتعاني من نفس الحاله قلبك لايشكو من شيئ ولاكن سوف ارسلك لدكتور نفسي صديق وجيد ,, اعطاني الدكتور كرت الدكتور ولم اهتم به الا عندما اتتني نوبه قويه قررت الذهاب للدكتور فهد الوهابي استشاري الطب النفسي خريج كندا بالعياداة النفسيه التخصصي بشارع الضباب في الرياض جلست معه ساعه ونصف شرحت له حالتي ووصفلي سيروكسات 20 مل حبه ونصف يوميا لمدة 4 شهور وحسنت حالتي بشكل مذهل ومخيف بنفس الوقت لاني كنت اترقب النوبه تاتي في اي وقت والحمدلله اتتني نوبتان ولاكن تمكنت من التغلب عليها بعد ست اشهر من اللعلاج تم تخفيض الجرعه الى 20 مل حبه واحده باليوم صدقوني يااخوان بدون مبالغه ان جميع النوبات الهلع اختفت بشكل لا يصدق ولله الحمد وفي كل مراجعه للدكتور اقول له اني لا اصدق اني شفيت من هذه النوبات اللعينه .
انا اسف جدا على الاطاله صراحه تذكرتكم بعد ماتصفحت ايميلي الشخصي اسمحولي على الانانيه لاكن والله ماانلام ابي اعوض الايام الي ماعشتها بسبب هالمرض اتمنى يارب كل واحد يعاني من معاناتي يفكر بالدكتور قبل الدوا لان اتوقع ان نسبة الشفاء الكبيره على الدكتور وليس الدواء
انصحكم بهذه العيادات يوجد بها اطباء على مستوى عالي
اتمنالكم التوفييييييق

تمنياتي لك بدوام الصحه والعافية

وتمنياتي لباقي الاعضاء بالتماثل للشفاء

الله يشفيني ويشفيكم
 

انا اخذ سيروكسات من ثلاث سنوات بس لاقطعته رجعت لي الحاله والله تعبت

وش اسوي

الحمد الله على سلامتك اخوي dalnit والله يديم عليك الصحه والعافيه...لكن اهم شي اخوي انك ما توقف الدوا بذات بدون استشارات الطبيب لان الحاله ممكن ترجع من جديد اذا توقف الدواء في وقت غير مناسب

وفعلا اخوي مثل ما ذكرت الطبيب شي رئيسي ومهم جدا في العلاج...هناك بعض الاطباء سيئين جدا وهم بحد ذاتهم مرض ويجيبون المرض..وفي المقابل في اطباء ممتازين...فالمريض لازم يبحث الين يحصل الطبيب الممتاز الي يراجع عنده...واتنمى الصحه والعافيه


اختي صمت الشموس .. لو تستخدمين السيروكسات مدى الحياه ما في مشكله لانه دواء امن.. وفي ناس تستخدم السيروكسات لها 10 سنين و15 سنه وعايشه حياتها بشكل طبيعي..فلا تخافين من طول فترة استخدام الدواء.. واسال الله ان يشفيك ويحفظك ويسعدك دنيا واخره

سبحان الله اتوقع للي ياخذ علاج خلص طول حياته علي الدوايه

شكر
 

اخوي المتفائل اشكرك على ردك والله يطمن قلبك مثل ماطمنتني

طيب وش الذنب الدكتور الاول كيف يكون جزار وهو صرف لك علاج

والثاني نفس الشي ماجاب شي جديد

كيف يكون طبيب ممتاز

المشكلة في الدواء وليس في شهادة الدكتور من اين

اعتقد ان الاطباء النفسيين متشابهون لافرق بينهم

كله على الروشته

ماشاءلله تبارك الله..

الله يتمم عليك..

انحااااشوا عن دكتوور عزت اللي فالحمادي

السيروكسات يسبب افكار انتحاريه ولا لا اريد جواب ؟

انت قلت انك تحسنت اخي؟؟ لكن هل ما تزال تاخد السيروكسات لحد الان ؟؟؟

نعم اخذ سيروكسات من سنة 2004 الى الان كلمت الدكتو ابي اتخلص من الدوا قال خفف العشره لنصف حبه يعني 10 مل جلست 3 شهور تعبت ورجعت للحبه يوميا وعليها الى الان

اووه معقول يعني حتى المرض النفسي صار متل العضوي ؟؟..انا كنت اظن انه يحتاج مدة قصيرة من العلاج و ليس مداومة عليه

علاج نوبات الهلع في امريكا يتطلب 6 شهور الى سنة كحد أقصى,و العلاج عبارة عن باكسيل(اللي هو السيروكسات),و العلاج السلوكي. 6 شهور الى سنة,و اضطراب الهلع ينتهي بإذن الله.

شكرا على مرورك

والله يالغالي اخذت سليبرالكس اكثر من سنتين ولا اثر فيني ابدا غيرت الدكتور ووصفلي سيروكسات 20مل حبه ونصف يوميا ثم خفضت الجرعه الى حبه وان شاء الله تحصل تحسن

تصدق لما شفت المووضوع حسيت بالتفائل ،،،، والله فيك الخير اللي ربي شافاك وعافك ومانسيت اخوانك اللي نفس حالتك يعانووون
فعلاً نحن بحاجه لمثلكم من مر نفس الحاله وتحسنت حالتها ،،،

حتي لما شفت تاريخ تسجيلك بالمنتدي استانست حيل بصراحه ،،،

الله يعطينا الصحه والعافيه وطولة العمر

اشكرك على مرورك

اهديك هذا المقطع واتمنى يعجبك

http://www.youtube.com/watch?v=g5mmj-_nLos