|
التخلص من نوبات الهلع والرهاب والاكتئاب ...برنامج علاجي تفضلوا ...!!
السلام عليكم ...
شلونكم ... شخباركم ...!! هذا الموضوع اعتبره بمثابة خطة عمل للخلاص من نوبات الهلع وكل اللي بقوله اهو عن تجربه مو بس كلام .. وانا حاس بكل اللي حاسين فيه اني جربت النوبات وجربت احساسها المزعج والقلق والتوتر اللي يصاحبها .. اول شي اللي حاب ابينه ... _ هذا الكلام عن تجربه يعني مو 100% صحيح .. للصراحه طبعا .. _صاب اهتمامي وتركيزي على انها مرض نفسي ولا انكر ابدا ان تكون مرض روحي .. _اتمنى من الاعضاء ان ياخذون اللي يشوفون انه مفيد لهم ويحذفون اللي ما يفيدهم .. _للعلم اني ما تشافيت .... لاكني تحسنت بنسة تقريبا 35% في احسن حالاتي .. _لم اخذ ولا حبه نفسيه ... كل علاجي يعتمد على الجزء المعرفي والسلوكي .. فكلامي لا يتعارض مع من يأخذ الدواء من الاعضاء .. _اتمنى اخذ الفائده من الموضوع وتطبيقه لكن من تعب من النوبات ... اول شي راح ابدي ابعض النقاط المهمه باتباع هذا النوع من العلاج .. *هذا العلاج لا يغني عن اي علاج اخر مثل الادويه او الرقيه الشرعيه . * هذا العلاج يحتاج لوقت طويل بعض الشيء لكن ...ما راح تحسون بالوقت فجأه راح تشوفون التحسن وتقولون ما شاء الله بسرعه مر الوقت .. * هذا العلاج يعتمد على عقلك بالدرجه الاولى .... نبتدي بسم الله الرحمن الرحين ... توكلنا على الله ...الذي لا اله الا هو الحي القيوم ونتوب اليه ... انتظرو تجهيز الجزء الاول من العلاج ان شاء الله في اقرب وقت ... ويمكن علاج اكثر الامراض النفسيه بالعلاج وليس نوبات الهلع فقط ... وشاكرلكم انتظاركم ... |
عساك ع القوة
شد حيلك نزلها كلها فى يوم واحد |
تعريف نوبة الهلع : هي حاله نفسيه مفاجئه .. تحدث نتيجة خلل نفسي او عضوي معين او من تراكم الاحداث والضغوط النفسيه و تأتي بصورة اعراض سريعه التحول والاشتداد ...
اعراض النوبات الجسديه : 1) اضطراب نبضات القلب ( تسارع – قوة- نبضات غريبه – نبضات مخيفه ) 2) ضيق التنفس ( عدم كفاية الهواء في الرئة – التنفس السريع ) 3) الدوخه الدوار ( الاحساس بالهبوط –وعدم التوازن-وفقد الطاقه ) 4) التعرق ( تعرق الاطراف_ وبرودة الاطراف . كثرة التعرق ) 5) خلل في الاذن ( ارتفاع ضغط الاذن _ طقطقه بالاذن _ انسداد الاذن ) 6) الام العضلات ( خاصة الصدر _ بسبب قوة شد العضلات وتوترها وعدم راحتها ) 7) التعب العام والضعف العام واعراض اخرى تختلف من شخص الى اخر .. اعراض نفسيه : 1) الخوف من المجهول . 2) التوتر الدائم من غير سبب معين او سبب غير منطقي 3) القلق من الحاله وعدم القدره على فعل شيء بالحياة . 4) الخوف من الموت 5) الحزن والاكتئاب على الحال .. 6) افكار سلبيه تختلف من شخص الى شخص 7) خوف من اشياء كثيره غير مبرر 8) الوسواس هذي بعض الاعراض اللي مرت علي واتوقع على اغلب المصابين بالنوبات . ..،، طبعا هذا تعريف بالمشكله بس لازم نعرف المشكله والاعراض وبعدين نبتدي العلاج ... معلومه :- نوبة الهلع لا تكون اكثر من 3 دقائق .. في ذروتها لكن أثارها المترتبه تكون مستمره لسنوات اذا ما تم علاجها في اقرب وقت ... |
الله يقويك الحربي ...
بحاول كثر ما اقدر رغم تعبي وانشغالاتي ., اشكرلك تواصلك |
نكمل ...ما بدأناه
بعد ما تعرفنا على النوبات وتعرفنا على اعراضها وتم التأكد انها ( نوبات هلع او فزع ) .. نأتي الان لنحدد نقاط علاجنا الاساسيه ..وسوف ادعم الموضوع ببعض الامثله الوضيحيه عن كل نقطه .. اولا ً : العلاج المعرفي :- وهو المعلومات اللي لازم تعرفونها وهي مثبته علميا و ايضا نشعر بها في الواقع وهي اساس هذا المرض .. أ) الافكار ...:: آآآه وما ادراك ما الافكار .... الافكار اهي نقطة الاساس بموضوعنا ... فهي اللي سوت اللي سوته ... اول شي بوضح دورة حياة الافكار ..:) على كلام علم النفس الافكار تتحول الى ____مشاعر تتحول الى_____جسم يتحول الى ____سلوك ... خلونا نوضحها ونفهمها :: الفكرة : راح اروح البحر واتمشى واستانس واضحك واغير جو وارجع المشاعر : فرح سرور متعه راحه نفسيه الجسم : نشاط حيويه طاقه سلوك : ابتسام ,,, ضحك .,, سوالف ... مزاح هذا اذا كان الشي ايجابي وماكو مشكله .. اما اذا كان نفس حالتنا ... الفكره : اذا طلعت راح تييني النوبه ويمكن يغمى علي او اموت .. المشاعر : خوف توتر ترقب الجسم : رقعات قلب _ ضيق تنفس _ الم بالصدر السلوك :قلة الشهيه او زيادتها _ ارق _حركات لا اراديه ... استعجال .. هرب ** معلومه مهمه : هذي الدوره لا تقف ابدا ان لم توقفها بنفسك .. لكنها تدور تدور تدور وتكبر نفس كرة الثلج .. كل ما خليتها على راحتها .. تزيد الافكار تزيد المشاعر تزيد الاعراض . يزيد السلوك الى ان تصل الى ذروتها وهو عدم راحتك تماما من الوضع . لي عوده واكمال للموضوع |
تم تعديل العنوان ..
جزاك الله خير ومتابعين ان شاءالله .. |
بعد توضيح النقطه الاساسيه الا وهي الافكار ..:
فهنا يكمن السر...وتكمن قوة الشخص في تغيير افكاره ... اللي بقوله ,,, لاحظ معاي ان افكارك خلال فترة النوبات كلها سلبيه ...في يوم من الايام قمت من النوم وقلت اليوم ماكو نوبات ...؟؟! اتوقع لا انت تقوم تقول ان شاء الله ماكو نوبات وتقعد تنتظرها .. ليما تجي .... • للعلم :: نوبة الهلع تبدأ من شي بسيييييط جدا ... مثال : دقه قلب قويه وحده بس انت بس تحس فيها تبدأالنوبه ويزيد خوفك وتزيد الاعراض... او دوخه مثلا تكون بسيييييييطه ... لكنك تخاف حيل وتزيد الاعراض وتصير النوبه .. لازم تمنع هذا الخوف اللا منطقي ... طقت قلب غريبه اوكي طااف مع السلامه مو الحظها واحط ايدي على صدري واحسب نبظاتي بالدقيقه كم ؟؟ نيي هني حق نقطه مهمه ... في ناس يقولون يمكن انا فيني مرض حقيقي .. جسدي ..!! اوكي طال عمرك ... زهب فلوسك وروح حق اكبر واشطر اطباء في بلدك وافحص اذا قالولك في شي (وهذا نادرا ) .. كمل علاج معاهم ...اما اذا قالولك سليم مثل حالتنا كلنا ... ترجع تطبق هذا النظام العلاجي ...:) بتقولي لا انا قلبي انا راسي انا بطني ... امساك سهال عرق رجفه ...اقولك نو بروبلم ... القولون العصبي يتوتر مع النوبات ويختل توازن الجهاز الهضمي عندك وتصير هالاشياء ... اذا خف القلق .. اتحداك تشتكي من هالاشياء ..!!! وانا حاليا ولله الحمد ما اشتكي من هالاشياء اللي عبتني من قبل .... تقولي بس انا تييني دوخه فجأه ... اقولك اي لان الفكره جتلك فجأه فالدوخه تبي تبلش النوبه ... لا تخاف طوف ولا تهتم .. والله ياما يتلي دوخه وانا اطوفها وكاني ما صار فيني شي ... تيي وتروح ... وسبب ادوخه الغريبه ...اهو (( قناة استاكيوس فيها عضلات هذي القناة تقع بالاذن الداخليه مع التوتر تشتد هذي العضلات وتسوي مشاكل بالاذن الداخليه تؤدي الى عدم الاتران او الضغط او الانسداد .)) هذي القصه كلها ...طبعا هذا كلام دكتوور بالاذن والانف والحنجره ...وانا الصراحه كان اكثر سبب نوباتي الدوخه وانسداد الاذن ... وشعور اللاواقعيه لو تلاحظون له علاقه بالاذن .. يعني كأنها تنسد او الصوت يصير بعيد .... هذا اللي يصير اذا انسان عصبي عصب حيييل .. تتأثر اذنه بالتالي يدووخ ...لاحظو احنا ليلحين ما تكلمنا عن اعصاب ولا نواقل عصبيه ولا شي ... بس خلونا نمشي وحده وحده ... ولي عوده قريبة ان شاء الله |
نكمل بإذن الله ...
بعد اكتشاف النقطه الرئيسيه الا وهي الافكار السلبيه غير المنطقيه .: يكون العمل على تغييرها بعدة طرق مختلفه : - اول طريقة هي محاورة الذات :: يعني اول ما تبي تبدي النوبه .. انت تقول ستوب ... طالع طالع شوف انا خايف من شنو ... يالله الحين لو اكمل تفكير راح تييني النوبه ويومي كله راح يروح علي بحزن وكآبه ... - ثاني طريقة اهي دراسة اسباب المشكله ... اي اي ادرس ..صير بروفسور نفسك وادرس نفسيتك .. تحطلك اوراق واقلام وتبدي تكتب المشاكل اللي واجهتك من اول ما بدأت النوبات الى يومنا هذا ...اي مشكله مثلا ))حبيت وانتها الحب بفشل ... عليك ضغوطات بالحياة ,.,, ضغوطات دراسيه ضغوطات عمل ...مضايقات ...ظروف عائليه ...شخصيه ...الخ)) كلها كلها تكتبها ... وتقتنع ان من تراكم هذي المشاكل صارت مشكلة النوبات ...فأنت تفكك الموضوع ... عشان ترجع تركبه بالطريقه الصحيحه ...ترا هذي مو اشياء خياليه ..لأ ...هذا واقع ... شوف مثل الاكله اول ما تشوفها مفككه ... طحين وملح وماي وزيت و خضره ...بتقول شنو هذا حتى وانت تسويها مو مقتنع انها بتنوكل ولذيذه ...حتى قبل لا تحطها بالفرن ..لكن بعد خروجها من الفرن راح تنصدم انها لذيييييييذه وكلشي تغير فيها ... هذا اللي نبي نسويه انت طبق طبق كل اللي مقتنع فيه وشوف النتيجه بالاخير مو تشوفها من النص لان ماراح تعجبك خذينه الاوراق كتبنا كلشي... نشوف نطالع ولا كل هالمشاكل قديمه وعفا عليها الزمن والحين مو مأثره عليك ..صح ؟ ... تحل المشاكل كأنك تحل مسأله حسابيه ... وتحاول تنسى وتقول ابنفسك انا لي متى على هالحال ابي اعيش ابي استانس نفس الناس ... طبعا هذا موبيوم وليله .. لا هذا يبيله صبر ..يبيله مخ مفتح وسليم .... ملاحظه __ كثر ما كنت مشكك بفعالية العلاج كثر ما راح ينفعك العلاج ...بمعنى اقتننننننننع ان علاجك ابعقلك .. الطريقه الثالثه : روح جدد افكارك مع الاستشري النفسي ... سولف معاه ابكلشي علاقتك ابربعك .. علاقتك باهلك المشاكل اللي واجهتك .. اهو راح يلين المخ عشان يتقبل الافكار اسهل من تقبلك الافكار بروحك ... هذي نقطه مهمه ... لو تلاحظ مثال ::شخص مو مقتنع ابفكره وصارله 3 سنين معارض الفكره ... يقعد مع شخص ثاني اب نص ساعه يقتنع .... مهما فكر بروحه ما راح يقتنع ...بس مساعدة الاشخاص راح يقتنع ويصدق الفكره .. فأهم شي هو الاقتنااااااااع التام بتغيير الافكار ... وايضا يمكن تغيير الافكار من خلال متابعه وقراءة المواضيع المختصه بالتفكير الايجابي وتغيير التفكير والتفاؤل والسعاده .. في الجزء التالي سوف ابين من هم اقوى الناس بالتأثير عليك ..!! ومساعدتك على العلاج ... وتأثيرهم اقوى من الدكتور النفسي ... راجع للاكمال |
اختي يارب ارجووك .... الموضوع يهمج اكيد ;p
|
الله يجزاك خير و يعطيك العافيه اخوي ممكن ارجع على هذا الموضوع الرائع.. شكرا لك
|
الله يعافيك ... ما سوينه شي
بس اطلب منكم الدعاء عن ظهر غيب :) وربي يشافينا كلنا وبقية الموضوع ان شاء الله اذا جهز ... |
بارك الله فيك وفي مجهودك ,,,
,,, |
وفيج يا ام عبدالله...
|
شكراااا بارك الله فيك ليه مانلقا علاج للاذن الداخلية لانها كما تقول من الاسباب
|
جزاك الله خير ع طول من دخلت حس قلبي بلقى موضوع
والله كلامك لو نطبقه اضافه للقران ابصم ع المليون بااذن الله نتشافى بااذن الله ببدا اطبقه بكرى في اول يوم دوام لي من بعد الاجازه 2 اسبوع كاملات ويومين غايبه شاااايله هم ماتتوقعونه بس بسيف الموضوع بالموبايل وكل شوي اقرا كل ماحسيت بخوف ويلا ننتظر المووضوع كااااااااااامل تسلم يقويك الله |
اي التهاب الاذن الوسطى يأثر على التوازن وفيه حبوب تباع بالصيدليات بتأكد من اسمها واعطيكم
|
اقتباس:
العفو فهد البدر .. بغيت اوضح شغله يمكن انته ما فهمتها عدل ... الا وهي الاذن الداخليه سبب من اسباب النوبات . اوكي ,,, بس شنو سبب خلل الاذن الداخليه ..!! الا هو القلق والتوتر ... بالمعنى الاصح ..: قلق وتوتر وترقب النوبه القادمه .... يؤدي الى شد العضلات... يؤدي الى خلل في قناة استاكيوس ... يؤدي الى عدم توازن او ضغط او انسداد (( لا واقعيه )) .... _&فيؤدي الى فكرة سلبيه الا وهي فيني شي والنوبه قربت ...فتؤدي الى مشاعر الخوووف والتوتر ....فيؤدي الى الاعراض الجسديه ..وهنا بدأت صديقتنا الصدوقه النوبه ..يعني اهي دائره مفرغه تدور حوالين نفسها وتزيد مع الوقت .. للعلم : تختلف الاعراض من شخص الى اخر ..والاذن سبب لكنه غير رئيسي ... وانا ركزت عليه لان هي اللي خلت النوبات تفترسني ... يا رب ارجوك ... الحمدلله الله قدرني وقدرت اكتب اللي اقدر عليه اليوم .. وان شاء الله لنا تكمله ... واتمنى منج تطبيقه وراح اشوف شيصير معاج كل يوم ... للعلم ترا تو الناس باقي اجزاء وايد ان شاء الله ..فيعني انتي فهمي المكتوب وحاولي تطبقين وحده وحده ,,, فبالسرعه الندامه كما يقولون . ولنا عوده ..:) |
اقتباس:
من كثر ما وصفولياها .. وفي ستوجيرون نفس النوع تقريبا لكن الاذن مو سبب رئيسي لانها عامل مساعد واشكر لج متابعتج :) |
^^
يب هذهي تذكرت صديقة امي مره اتصلت وقالت لها فيني كيت وكيت اعراض الهلع وتقول اخلي عيالي يودوني المستشفى مع الكشف تقول طلع فيني التهاب بالاذن الوسطى وسبب لي عدم اتزان وهالشي خلاها تتوتر ونتيجة التوتر ضربات القلب تزيد بالتالي تتوقع ياموت يامرض خطير بالقلب فعلا توي انتبه لهالموضوع بااذن الله وان شاءالله يجيب نتيجه |
يااااااااااااا رب ...
ما يروح هالمجهود هبااااء اشجع كل مهلوع ان يقرا بتمنعن ويفهم ويقتنع .. |
نكمل ...
الان نتحدث عن دور الاهل ... والاصدقاء... من اكبر الاخطاء التي يقوم بها المريض هو عدم مصارحته لجميع محيطه بالمرض .. وذلك لظنه انه سيكون فيه احراج ... لكن العكس هم الاصح ...انا لما يكون صديقي اللي طالع معاه عارف حالتي 100% راح تفرق اشياء كثيره منها .. راح اثق واتطمن اذا صار ما صار .. هو فاهم شللي قاعد يصير ويقدر يتصرف ... فهذا راح يحسسك بالامان اكثر..غير ذلك كثير منا لا يريد ان يسمع شي يضايقه ..مثلا يوم كامل وانت مستانس ومبسوط ... والساعه 10 بالليل قبل النوم يجيك مسج في خبر يضيق الخلق...للأمانه ..مو هالخبر الصغير راح يخرب كل وناستك ويخيم عليك الحزن والاكتئاب ويمكن تجيك النوبه ؟! هذا اللي راح يصير بما ان صديقك او اخوك او ولد عمك كذلك البنات فاهم انت شنو فيك فراح يتجنب ان يقول شي يضايقك ... وهذا راح يفرق كثيير بالحاله ..النصيحه هني انك شتسوي ,, اهي خطوة غريبه لكن كأني مره قريتها احد مطبقها الا وهي (( اطبع موضوع عن نوبات الهلع ونسخه ووزعه على كل اللي يحيطون فيك الفاهمين )) صدقني ابهالخطوه راح تشوف الناس تتلاقط عليك الكل يبي يساعدك ويعطيك افكار ...غير هذا اقعد مع اي شخص تحس انك ترتاحله واشرحله حالتك ..ايي اييي فضفض ...قوله شرايك ؟؟ كأنك تستشيره ...انا يمكن قعدت مع فوق ال 5 غير الاستشاري النفسي وخذيت رايهم ... والحمدلله في تحسن مستمر ... بلنسبه لي انا رحت الشاليه قبل اسبوع منتزه كبيير ... ويبيله واحد لياقه عشان يمشي وانا ما توقعت امشي ..لكن اللي صار ان هناك كل الناس تشجعني وتبي تطلعني من اللي انا فيه ...مشيت كثييييير الحمدلله وم جتني نوبه ...قعدت بورحي بالشاليه وما جبتني ....تمشيت على البحر وما جتني ...ولله الحمد .. كل هذا بفضل ان في اشخاص قاعد يمشون معاي خطوه خطوه وقاعدين يخلوني اتفاؤل وابعدد عن جو النوبات .. وكل واحد يقولي تجاربه ويشجعني ويرفع معنوياتي ...انت فيك كبت ... ما يصير تخليه داخلك راح تنفجر على شكل نوبات ...طلعه طلعه طلعه كثر ما تقدر خلك صااافي من داخل ومرتاح ... اي شي ببالك طلعه ...ناقش ربعك عن هالمرض ... افتخر ابانجازاتك ..جدامهم ...انا كنت ما اقدر اروح الحلاق ورحت على يوم ... على طول رجعت كتبت بالفيس بوك انجاز جديد حققته الا وهو (( الذهاب للحلاق )) .. لانها كانت معانات والحمدلله عدت .. حاول تخلي كل محيطك فاهمك كللللله ... يعني تقعد مع اي واحد تأمن عليه ....لكن هناك مشكله .. وملاحظه لازم تنتبه لها .../ ((ابعد كثر ما تقدر عن الناس المحبطييين المأيسيين اللي كل افكارهم سلبيه وتخرب نفسيتك )) لا تقعد معاهم ....وحاول تقعد مع اللي يرفعون معنوايتك .. ترا الدنيا فيها خير وراح تكتشف اللي يحبونك ... صدقني جرب ...اي عداوه فلها ... اي مشكله حلها ..اي عائق وخره عن طريجك .. وان شاء الله راح تكون سويت شي .. وتقدمت بالعلاج ... وربي يشافينا كلنا ويغفرلنا .,... ويكتب لنا الجنه آمين يااا رب العالمين .. سأعود |
بسيفه بالموبايل وبقرا ع رااحة مشكووور
|
اقتباس:
قد تكون هناك اسباب اخرى الله أعلم لكن حسب علمي ان هذه العظيمه هي المسؤوله عن التوازن ,,, أسأل الله لكم الشفاء والعافيه ,, |
اقتباس:
اتمنى التطبيق ... لتعم الفائده ... هناك بقيه للموضوع ... اشكر لكم الانتضار |
عدنا
الحين ..... واهم شي .... والشي اللي ينزل التوتر والقلق عندك بشكل عام ...اهو ....... علاقتك بربك وبالدين ... انا اللي لاحظته ابهالموضوع ... ان اغلبنا كان ايمانا ضعيف وكنا بعاد عن الدين ومنهمكين بالمعاصي ...ومن بدت النوبات اتجهنا الى رب العالمين سبحانه ..شي جميل ...لكن اللي نبي نسوي بالعلاج المتكامل ..هو : - المحافظه على الصلاة بوقتها ..وللرجال المسجد واذا النوبات تصير بالمسجد ... بالبيت لكن لا احث على البيت بس يعني اللي ما يقدر ... والله اعلم - - قراءة صفحتين من القران يوميا ً. - التصدق . - كفالة اليتيم . - صلة الرحم ولو كانت صعبه . - الابتعاد عن المعاصي بشكل تااام او تدريجي . - اي معصيه راح تقرب النوبه صدقوني .. - الاستغفار الدعاء نشر الدين بالايميلات والمواقع .. - التحلي بالاخلاق والسلوك الاسلامي .. صدقوني اذا سويت هالاشياء مع الكلام اللي قلناه راح تشوف فرررق كبييير ..وراح تتعجب وتقول اوف في تحسن كبيير ولله الحمد ...بالنسبه لي هذ اهم جزء يجب التمعن فيه ... انت لما يكون ربك راضي عليك واهلك راضين عليك راح تحس براحه نفسيه كبيره فراح يقل القلق ... وتقل النوبات بشكل كبير ...تأمل خلق الله فهذي عباده ... ياخي اقل شي تأمل النوبات شلون بتصير .....سبحان الله ..... كل دقيقه اذكر فيها ربك ... وتوكل عليه ..وادعو الناس الى الالتزام ... قول ( يارب اجعلي بكل نبضه من نبضات قلبي استغفارا لك وتكفيرا لذنوبي ) ... راح ترتاااااااح لما يطق قلبك بسرعه .... قاعد تستغفر ...ان شاء الله تنكتب استغفار لك ... والعلماء يقولون باليوم 100000 نبضه ... تخيل 100000 استغفار ... الللللللللله .... راحه راحه راحه ... قوم الليل لو ركعتين ...حاول تجمع حسنات كثر ما تقدر ... سولك مشروع دعوي حتى لو بس بالايميل صدقني راح تحس براحه ... لا تنسى ولا صلاة نصيحه ترا اذا نسيت تصلي صلاة وحده .. راح تحس بضيق وراح رجع النوبات ... امسك نفسك تحمل وقووول انا قاعد اعبد ربي لا نوبات ولا اي شي يمنعني ...وربي يسهل عليكم وعلي ... وان شاء الله استفدتو من هالجزء ولي عوده |
اتمنى اشوف تفاعل .... واتمنى اي واحد يشوف الموضوع مفيد يقولي ..
عشان اكمل ...لان اذا الموضوع مو عاجبكم ليش اتعب نفسي واكمل يالله ناطر ردودكم وتشجيعكم وتفاعلكم ... على ما اجهز بعض الاجزااء ..وشكرا لكم |
????!!!!???!!! ??
|
لا يااخي الكريم
لابد ان تعرف ان موضوعك مستفيد منه الكثير وخصوصا اصحاب الهلع -شفانا الله واياهم - اما انا فعندي اكتئاب ولو اقرا موضوعك كلة بيجني معه هلع لاني اتاثر من كل شيء والله المستعان لا حرمتم الاجر والمثوبة |
بالعكس اختي فجر منير ... موضوعي مليء بالافكار الايجابيه ولا مكان للسلب هناك :) ...
يمكن الاكتئاب يخف :) حاولي تطبقين المكتوب :) اللهم انا نسألك الجنه ...ونعوذ بك من النار |
تسلم يمينك
استمر بس هالاذن الاوسطى اول مره اسمع بها شكلها ابتشغل لى الوسواس المرضى سالفة الاذن هذى الله يحمينا منها |
لا ان شاء الله ماكو وسواس ولا شي.... تصير مع بعض الناس مو كلهم .... وتصير على شكل انسداد خفيف مع بعد الاصوات نفس حالة اللاواقعيه ... ووضحت انها تصير من شد العضلات ...
وعندي لك خبر لكنه مو زيين ... صاحبي اللي تعالج :( رجعتله النوبات بشكل قوي ... الله كريم |
بس اللي لاحظته عليه ... ان ما يدري عن العلاج السلوكي ولا شييييي
.... مثل ما قلتلكم .... الادويه بدون علاج معرفي سلوكي ... تعتبر مسكنااااااااااات فقط ... لانك مو قاعد تغير افكارك واسباب خوفك |
يعطييييييييييييك العافيه
بس صراحه ماعندي الجرأه اقول لااهلي لان يوم كانو يعرفون كانو يخلوني اوسوس اكثر بتفاعلهم وخوفهم:( الحين امثثثثثثثل صح اتعب ويوم تجيني نوبه احتاج احد افضفض له ويهديني بس الى الان شايله من راسي اصارحهم |
يا رب ارجوك ... صدقيني راح ترتاحين .... اوكي يخرعونج اول يومين ... بس فهميهم ان اذا خفتو علي ترا راح اطيح ... حاولي توصلين الفكره .... ترا جد يعني شي مهم ..
انا هالشي ريحني كثييير |
^^
ترى اكره نفسي احسني شي ماش:( اصغر بعيني ماحب ابين ضعفي الا لربي |
اقتباس:
لا تظهري ضعفك حتى لايستغلك أحد وينظر لك بعين الشفقة والاسترحام انت لست في حاجه لهذه النظرات ,, كوني كبيره في نفسك تكوني كبيره في أعين الناس ,, لكن عند الكبير ربنا نكون صغار ضعاف ,,, اعجبني ردك فأحببت التعليق ,,, شكرا لك ,,, |
توني قرأت الصفحه الأولى بس و حسيت بإرتياح و خوف < احساس ملخبط مره
بروح وأرجع بعدين لأني بدأت أفكر بأشياء كثير .. |
ميما ... ميخاف اذا ارتحتي اقري اقري ليما يتبرمج عقلج عالكلام ...مع الوقت راح تشوفين انج اوكي ...
ام عبدالله شكرا عالتعليق .... يعني الموضوع مو عاجبج ..!! وبس حبيتي تعلقين على يا رب ارجوك ..:( بالعكس ماراح تصغرين ...هذا شي راح يحط بقلبج طمأنينه ....وامان لان اللي يمج يدري انتي شفيج ... بعدين شنو يعني شفقه ما شفقه ....الحمد الله اوكي انا احس ان يشفقون علي ... بس عالاقل مرتاااح لا خوف ولا شي ...أوف لازم الشخص يضحي بشي عشان راحته ... اصلا انا صديقي اذا بيطلع يمرني البيت ويطلعني ويرجعني ... اوكي هذي شفقه ... بس عالاقل مو قاعد اضطر اني اسوق سياره ...واتوتر وتجيني النوبه ... لا تفكرون بالعكس ..!! وبيني وبينكم لا تنسون ان فينا مرض نفسي ومو عيب الناس يساعدونا ...! (( وجهة نظر )) واشكركم |
اقتباس:
|
اقتباس:
شوف انا وحده لو احد يقولي يوووه شفيك بسم الله عليك لالا لاتخافي وروقي ومعرف ايش تزيد الحاله عندي واوسوس اكثر ولان ماحب احد يقول وشفيك تعبانه ولا يحكو من وراي الله يعيينها على للي فيها ولا مسكينه ولا ولا ولا مااااااااااحب حتى لما كانو اهلي يعرفو كانو يرحموني مره وهالشي كان مسبب لي ضيقه وصرت ارفض اي مساعده منهم انا احس اذا كل اللي حولي عرفو رح اتعود على اللي فيني وصعبه اتشافى بما انو المحيط اللي معي يعرفون وبيصيرون يذكروني |
| الساعة الآن 02:42 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا