أعاني من الرهاااب .. ابي نصيحتكم
 

كان الله في عونك اسال الله ان يحفظك ويعافيك ، انا ايضا اعاني من نفس المرض ولاحول ولاقوة الا بالله العلي العظيم ............................

جزاك الله خير

أسأل الله العظيم رب العرش العظيم أن يشفيك

نعم اذهب الى طبيب نفسي واتعالج توكل على الله واعمل بالاسباب واكثر من الاستغفار والدعاء .. وان شاءالله يتم الشفاء ..

اليوم رحت عند الدكتوره وقالت لي انتي ليش ساكته عن نفسج

سنه ونص
l
وعطتني أدويه وأهو ( Tryptizol )

محتااره ودي أخذه بس أخااف

بس ابي اعرف اذا احد يستعمل الدوااه هذاا

.؟؟؟؟؟؟؟؟؟؟؟؟؟؟؟

الله يشافيكي اختى همس المشاعر .. أنا فيني رهاب اجتماعي وذهبت للدكتور وعطاني دوا ماناسبني بغيت اموت منه بس اسبوع وتعبت حييل .. وغيرته ولا لحين ماكلت منه..بسالك اي دكتوره راجعتي عندها ؟؟

الله يشافيج ان شااء الله حبيبتي

انا رحت مستشفى عندنا بالكويت اهو بالأحمدي

بس يريت تقولين لي شنو الدوا أللي استعملتيه .؟؟؟

اختي همس المشاعر ... انا مثلج بالظبط ...
ما اسوق سياره ..ولا اطلع ولا شي اتوتر حيل

اسمحيلي اختي ضروري تغيرين دكتورتج لانها تخوووره :)

شسمها ؟

اي انا اخااف واايد لمن اسووق سياره وارتبك

بس اليوم رحت عند دكتوره وعطتني الدواا أللي ذكرته
( Tryptizol)

اهي تقوولي راج يريحج وتقولي استخدميه لمده شهر

وقالت لي مالت شغل بأي احد اذا قالج يأدي حق ادمان وتقولي كل واحد يطلع كلام
من عنده

انا احس اني وثقت فيهااا

بس من خلال حالاتنا ما نشوف هالدوا يستخدم حق هالحالات ...

وايد ادويه متخصصه ومفيده وسليمه ... احنا ما يبنا طاري الادمان ,...

ممكن تقولين لنا الاعراض اللي تييج لما تسوقين سياره ؟

الأعراض الخوووف واحس اني دايخه

واحس في بعض الأحيان ان بيغما علي

اي هذي علاجها السيروكسات والسيبرالكس بالاضافه الى مهدئ مثل الزانكس...

اختي ضروري تروحين حق دكتور فاهم ..

عندج دكتور عبدالله غلوم ..
ودكتور عصام الانصاري ... وايد زينين .. وراح يفيدونج عدل...

انزين يعني عقب هالدوا ...!! قدرتي تسوقين السياره وانتي مرتاحه ؟؟

انا اليووم اول يوم استخدمه :)

بس للحين ما سقت سياره بس احس اني هااديه

واحس بنشااط يعني الحمدلله احسن من قبل

وانتي استخدمتي هالأدويه ؟؟؟؟ أللي تقولي ن عنهاا

وانا ماخذه موعد عشاان اشووف دكتوور نفسي بمستشفى الشركه بس الموعد شهر 6
الله يعين وايد بعيد

بس هالدكتووره وايد زينه وقاالت هذا الدواا ما يأثر يعني اني ادمن عليه

اختي انا ولد :)

شوفي طال عمرج انا مو قصدي ادمان وجذي ...

بس يعني هالادويه معروف انها اقوى ادويه حق حالاتنا ...

وبلنسبه لي ....لا ما خذيت ... كنت ناوي اخذ سيبرالكس ...بس خذيته يومين عفسني :) ...
فقلت الله يخلي العلاج السلوكي تحسن حلو وبدون اعراض جانبيه ... يعني تخيلي انا بالسلوكي كنت متحسن تقريبا 70 % ...يوم خذيت اول حبه جان ينزل التحسن !!صار - 20... الحمدلله على كل حال ...الحين في تحسن من غير دوا ....بس يا اختي والله سالفة السياقه هذي متعبتني ....يعني صج صج صج تعبت ...بس ولله الحمدلله انا متأمل التحسن ...يعني انا بلشت علاج نفسي سلوكي من 3 شهوووور.... وتحسني ...60 % ... بكمل شهرين وبشوف ....وشكلي هاليومين بمر على اي دكتور يكتبلي مهدئ ...حق الضروره ....لان وراي دوام شلون بداوم مادري ....انتي شلون الدوام وياج ؟؟!!

ههههههه سووري مادري انك ولد

ما شااء الله الحمدلله

بس شووف انا اقولك هذاا الدوا اللي عطتني اياه الدكتوره تقولي هذا اخف نووع

ومعطتني نص حبه يعني مو كل الحبه عرفت

وانا ابي اتعاالج بالسلوكي بس ناطره الموعد بعد شهرين الله يعين بس

وباجر عندي دواام

بس نصيحه استخدم الدوا أللي قلتلك عنه واخذ نص حبه بتحس ان خفت الدوخه
وتقدر تسووق سيااره يعني تخليك تركز أكثر وثاني شي انا بنت عمي كانت عندها الحاله هذي
وخذت نفس الدوا أللي انا آخذه والحمدلله حالتهاا وايد تحسنت وبين عليها التحسن لدرجة نفسيتها
ارتاحت وصاارت بطه هههههههه الله يثبتها

ودوامي الله يعيني عليه الكل ملاحظ اني مو مثل قبل البنت الملتزمه بالدوام والنشيطه

احس بخمول فيه بس بشووف مع الدواا شنو راح يصير شعووري


ادعيلي بلييييييييز والله خايفه ><

الله يقدرج ان شاء الله ..
ويعطيج الصحه والعافيه ... والحمدلله على بنت عمج ....!!
يا ترا ليش جذي فجأه انتشرب المرض... ترا والله حتى ... تغيرت حدي
كنت فلان اللي يضحك وينكت ويشعلل الجو ..والله كنت غير حبوب و اونس ومتفاؤل ..
فجأه عقب اللي صار ..كل اللي قلته انعكس ..:( ...
عاد اتوقع القطاع النفطي شغله نفس الخاص يبيله نشاط وهمه ومع الهلع ..الواحد يطخ ..:)

الله يسلمك ويعاافيك

ومشكوور على الدعوووه

انا اقوولك مرض الهلع ماا اييي إلا اذا حاشك موقف قووي او مرض طيحك بالفراش مثلي :(

وانا بعد كنت غير اطلع واحب اتمشى بس الحمدلله الله المستعاان

انا حكومي مو خااص بس الواحد شيقول غير الحمدلله

والله يشفينااا قول آمين

آمييين يا رب العالمين .....

جربتي مهدئات مثل الزانكس والوكسوتانيل ...؟!!

اي والله بعد حتى انا تخيلي دوخه يتلي ما تعدت الدقيقه ...قلبت 8 شهور من حياتي ...

لالالا ما جربت انا اول دواا خذيته أللي قلتلك عنه

وان شااء الله يكون فيه فايده يااارب

هذا دواا حق الإكتئااب انصحك فيه

حلو راح اسأل عنه ...

معني وااااايد اخاف من الدوا .... عفسني لوووول... كرهت عمري يومها والله حطوني بالملاحظه بهادي ... واخر شي السبب الهلع ..!!

لالا تخاااف انا راح افيدك وان شااء الله راح نعين بعض ^_^

انصحك فييه ثااني شي صل صلاة استخااره وو اخذه وتوكل على الله

قل لن يصيبناالا ما كتبه الله لنااا

تفائل

^___^

الله كريم ...

انزين ما تشوفين ان من الافضل اني ما اخذ اذا العلاج السلوكي وايد فايد معاي ؟؟؟

خاصه ان ماله اعراض جانبيه ؟

انا اقولك بنت عمي كانت تاخذ هالدوا مع العلاج السلووكي

وفادهاا واايد

والحين بنت عمي واايد زينه وتزوجت بعد ما شااء الله عليهاا

والحين انسانه اجتماعيه بشكل مو طبيعي
ومافيه اعراض جانبيه وانا سألت الدكتوره وأكدت علي ان هذا اخف نووع
وتقولي الدكتوره ان هذاا يخليك ريلالاكس وهاادي وانت راح تحس بتغير من اول يوم

ومثل ما قلتلك صل استخااره وتوكل على الله وادعي ربك ان يوفقك ان يشفيك
ونصيحه بعد كل يوم قبل لتنام صل ركعتين لله وبعدهاا اقراا الرقيه الشرعيه

وبعد شغله ثانيه انا دايمه اسويهااا لان الرسوول صلى الله عليه وسلم وصانا فيهاا

قال رسول الله صلى الله عليه وسلم
الآ أدلكما على خير لكم امن خادم (إذا أويتما إلا فراشكما فسبحاثلاثا وثلاثين ، واحمد الله ثلاثا وثلاثين ، وكبر الله أربعا وثلاثين فذلكما خير لكما من خادم

سوو كل اللي قلتلك علييه وحط بقلبك اليقيين برب العالمين انك راح تخف عن قبل

واهم شي اليقيييييييين مو تنااسه االلي ما يوقن ان ربه راح يعالج ماراح يتعالج

^____^

وطمني بعد التجربه

ان شاء الله ....:)

ادري واايد قرقت على راسك

بس والله ابي مصلحتك ^___^

أحنا راح نتوكل على الله والله يشفينااا

وحط ابالك ان على كثر تعبناا راح نحصل اجر فيه لان صبرنا

^^

عادي قرقي لي باجر ...

بالعكس ارتاح لما اشوف احد فاهمني ويساعدني ...

آميييييييييييين

همس شلونج اليوم مع الدو...

ووين خذيتي موعد حق علاج سلوكي ؟

والله الحمدلله

اليوووووم رحت الدوااام مع التوتر بالسيااره ^___^

وتطقطق البريكااات بويووه النااااس مساااااكين هههههههههههههه

اقولك من غبااائي اني خذيت الدواا الساعه 12 بليل وتعرف الدواا هذاا يخليك تحس بالنووم

والمفرووض اني اخذه بعد العشاا على طووول

وانا قاعده بالدوااام فيني النووووم بشكل مو طبيعي احس ودي انسدح بالأرض وأناام هههههههههههه

المهم استئذت وطلعت وردييت نمت لي الساعه 2 ونص حدي بدعت ^______^

بيييه والله حاله لووووووووووول
لا ان شااء الله مع الوقت راح تضبطين كلشي بخصوص الدوا راح تعرفين الوقت المناسب حقه ...

يبا اهم شي انج تداومين ..عشان المعاش يساعد بالعلاج بعد ...:)

ولا كلامي عدل ...;p

هههههههه

اي والله بعد شسوييي

ممكن ارجع انا خذيت إجاازه عشاان اريح ^__^

هلا همس ....
بس اهم شي ما تكون طويله عشان ما تتعودين عليها وتأثر على حالتج ...

وانتهزي الفرصه ابهالاجازه ...انج تطلعين من اللي انتي فيه

سوي علاج سلوكي ... وحاولي تغيرين تفكيرج ...وان شاء الله خير..

تقبلي تحياتي ومروري

ودي اسووي علالاج سلوكي يمدحوون لي

الدكتور عبدالله غلووم شكلي بدق على العيااده واجرب

والله المستعاان

وإجازتي يمكن 8 اياام بس

الدكتور عبدالله غلوم ما يسوي علاج سلوكي بس دوا!!!

اذا تبين اقولج منو يسوي انا حاظر ...!!
اي 8 ايام زييين

صــج والله ..

منو اي دكتووور زين يسوي علاج سلوكي

بس واايد ناس يمدحونه ويقولن انه ممتاز

وبعد مادري والله ><

عبدالله غلوم ممتاز بالدوا.,..

هموووس ... شوفي الموضوع بنوبات الهلع ..اللي عضو يطلب طبيب نفساني بالكويت ...وشوفي ردي فيه الدكاتره اللي يعطون سلوكي ...!!

اوووكي

تدري ان حدي خفت اني اروح له :_(

ما في شي يخوف ...انا اتشوق اني اقعد مع دكتور نفسي (( سلوكي طبعا ))

لان احسه يفهمني ...

اختي همس...

طولت الغيبه ...عسى المانع يكون خير.

الســــلام عليكم ^___^

احلى تحيه لأخووي ممكن ارجع وراااح ترجع بإذن الله سبحانه


انا اليوم رحت حق دكتوور عبدالله وصرفلي دواا اسمه seroxat

بس ان شااء الله يشفيني والله يستر :)