يوم غريب جدا
 

الاخوان في منتدى نفساني السلام عليكم ورحمة الله وبركاته

يوم غريب جدا صحيت من النوم الساعه 8 صباحا على نوبه قويه جدا شعرت بالموت يسري داخل جسدي ودمي انتابتني خلاله اعراض وهي كالاتي
سرعه في ضربات القلب تجاوزت 130 ضربه في الدقيقه بالاضافه الى دوخه عجيبه والم في جميع انحا جسمي وخوف رهيب وايضا اشعر انني في دوامه رهيبه اه اه
اخواني تاتيني نوبات ولاكن لاول مره اصحو على نوبه بهذا الشكل
والى الان اشعر بهذه الاعراض ولا اعلم ماذا افعل ؟؟
ارجو كم الرد على موضوعي

كلنا والله كدااااا
الله يعيننا ويشافينا ويطول في اعمارنا لطاعته وفي طاعته اللهم امين
حاول تتجاهل لو قدرت
او
حاول تواااااااجه والله صعب اعرف بس حاول لاني انا مثلك ترا بانصحك وانا مقدر اسويها جرب انتا
و
خد نفس عمييييق برضو صعب لكن حاااول لانو ان شاءالله راح ترتاح
واعرف ان تفكيرك طول الوقت على الموت كلنا برضو كدا
ادعي قول يارب اعطيني الصحه والعافيه وطول العمر في الطاعه والعباده
انا اليوم نوباااااااات وربي اقول الهوا موراضي يدخل في جسمي وراح يسير شي لا سمح الله اعوذبالله
الله يشافينا ويعافينا ويخلينا اللهم امين امين امين

لا تخاف انا كل يوم وانا في دوامة هذة النوبات توكل على الله وقم بقراءة القران حتى ان لم تستيطع اضغط على نفسك

أنا تحصل معي نوبات
لكن قبل يومين تقريباً حلت معي قوويه
لا أعلم ما سببها ؟!!
قلت وقتها يأن هذا يوم وفاتي
لم أستطيع التنفس , وضربات قلبيه قويه
حصلت معي فجأه من غير سابق
حتى أني أضع يدي على جهة قلبي
وأراها رتفع وتنزل من سرعه النبضات
وأحسست بدوخه أيضاً ..

مع العلم أني لا أستخدم ولا أتعالج عند دكاتره أو أخصائيين نفسيين

ثم انتهت بعد مرور 3 دقائق أصبح النبض طبيعي

والله أعلم ماهذا

والله ريحتوني الله لايحرمكم الجنه ومشكورين الي ردو على واسوني بس الى الان اشعر وانا امشي ان قلبي بيتوقف والله مدري وش هالحاله

ان شاءالله ما يتوقف ياارب امين

شي طبيعي جدا

الهلع عالم غريب لاتستغرب فيه اي شي

وتجيني هالحاله كثييييييييييير

اخوي عنوان الهم ...
طبيعي طبيعي جدا اللي صار فيك ..
ممكن تجاوبني على بعض الاسئله ؟؟؟

من متى هالحله ..؟
ما سببها ؟
هل اخذت علاج ؟ وما نوعه ؟

علاقتك بربك ؟
هل انت مقرر انك تتعالج ولا عادي عنك اهم شي انك تنتظر النوبه القادمه ؟؟

وربي يشفيك ويشفيني وجميع المسلمين ..

وارجو الاجابه ...

هلا اخوي الله يعافينا انا لي 10 سنوات واستخدمت ادويه كثيره بدون فايده بس اليوم مرره كانت قويه علي ماتحملتها والله علاقتي بربي مدري شقول لك خلها على الله الله يرحمنا بس مافي اي نوع من انواع العباده منذ ان بداا هذا المرض معي
كل يوم انتظر هالنوبه وكل يوم تجي احيانن قويه واحيانن خفيفه على حسب مزاجها
اشكر كل من مر على موضوعي والله يجزاكم خير ولا يحرمنا منكم

ما تشوف شر ان شاء الله ..
حاولت تطبق الكلام اللي بالمنتدى ...
ومعقوله ولا علاج نفع معاك ...؟؟ عالجت سلوكي ؟؟ واذا عالجت كم جلسه خذيت ؟
وبيني بينك اساس العلاج التقرب من الله عن تجربه ...:)

اسأل الله العظيم رب العرش العظيم ان يشفيك

اقرأ المعوذات

اخوي عنــــوان الهم الله يشفيك ويشفينا وياك اللهم امين

اخوي انت لازم تستخدم دواء.. حتى لو ما حصلت نتسيجة بنسبة 100% لكن لازم تستخدم دواء وتستمر عليه افضل من انك تقعد بدون اي دواء

ولازم مهم جدااااا تكون معاك الحبوب المهدئه دائما مثل زانكس او ليكسوتانيل عشان اذا حسيت بنوية هلع قويه تاخذ حبه منها وان شاء الله بتروح النوبه خلال دقائق

هلا اخواني الله لايحرمني منكم ومن ردودكم الي تشرح النفس
انا استخدم سيبرالكس وكنكورد حق الخفقان جلسات اشلون والله ماقد اخذت جلسات ولا اعرفها والله
اخيرا الله لايحرمكم الاجر يارب

جلسات يعني مع اخصائي نفسي يسولف معاك ويحل مشكلتك بالعلاج السلوكي والمعرفي

وهالعلاج مفيد جدا في حالتنا

السلام عليكم ورحمة الله وبركاته ...

توكل على الله اخي العزيز ... ولاتفكر في نوبه الهلع خل يومك طبيعي تغلب عليها لاتخليها تسيطر عليك اذكر الله سبحانه ...

قول ( لا اله الا الله)

ياجماعه شوفوا مخارج حروف هالجمله لمن تقولوا الااااااااااااه شوفو الهاء بروحهه بس تريح لانك قاعد اطلع هواء من داخلك توكل على الله ودائما اذكر الله ...

اسال الله العظيم رب العرش العظيم ان يشفينا ويشفي جميع مرضى المسلمين ...

اخي عنوان الهم ...هل طبقت ما قلته لك وباقي الاعضاء ؟؟

ما تشوف شر ...بس حاول تطبق وحط ابالك ان هذي افكارك تسوي جذي ...

سلاماات

اخواني السلام عليكم ورحمة الله وبركاته
اليوم الحمد لله احسن بكثير راحت عني النوبات ياربي لك الحمد طبعا رحت مستشفا خاص سويت تصوير تلفزيوني للقلب وتخطيط وصلحت تصوير للكبد والمعده وصلحت تحليل دم كامل بالاضافه الى تحليل غدد وكلها طلعت سليمه ولله الحمد والشكر
وطبعا على ظوء هالحوسه كلها قال الدكتور لازم تراجع اخصائي امراض نفسيه ومدري اراجع والا اطنش احس اني اليوم طبيعي جدا ومعنويتي عاليه طبعا ماانسا وقفتكم معي والله وليتني اقدر اعبر لكم عما يجول في نفسي من شكر لكم ولموقفكم الي واساني شوي الله لايحرمني منكم بهالمنتدى الحلو والله

اخوي عنوان الهم ..

الصراحه فرحتنا بالفحوصات ...

الحين اللي عليك انك تشتغل على نفس ..وبيني وبينك اذا انت نتايج الفحوصات خلتك تتحسن ..لا توقف ترا راح ترجع الحاله شوي شوي ...عن تجربه ..
روح اخذ علاج سلوكي مو لازم دوا ... احس ان السلوكي كثير راح ينفع معاك ..

تقبل تحياتي ..
والحمدلله على السلامه

الصراحه الي ريحني ردودكم الحلوه
والله انا بجده ومااعرف دكتور جلسات كويس علشان اروح له ولا اعرف كم تكلف ؟؟ بس اهم شي الواحد صحصح شوي والله مرت يومين ماهي محسوبه الحمد لله بس

اخوانا بالسعوديه ان شاء الله بيفيدونك ...اكيد في مراكز استشاريه جمبك ...
وعندك مركز مطمئنه بالرياض ..

اخي ..حسين ..

يمكنك وضع الحل هنا لفائدة الجميع واشكرك على تفهمك

الله يشفيك ويشفينا معاك وانا انا باليوم اموت اكثر من مره والاسبوع هذا ماترقع كل ساعه ولا ساعتين تجئ ربي يرحم حالنا

ضروري تعالجون ...يا دوا يا سلوكي ...الحال هذا ما ينسكت عنه ...

الحمدلله على كل حال ..

هلا اختي والله بالنسبه لي ايست وفقدت الامل من علاج هالمرض نفسي احصل حل بس للاسف هذا نصيبنا ولازم نصبر عليه

وعلى قولتك الحمد لله على كل حال

يؤيؤيؤيؤيؤ ....
انا اخوووك مو اختك :)

اخوي لا ما ينفع هالكلام ....لا لليأس...لا لليأأأأأأأس ....راح نهزم هالمرض صدقني ...
بس شد حيلك شوي ....

انت راضي على حالتك ...:( محد راضي ...

الحمدلله احسن من غيرنا بس ضروري نرجع نفس قبل ....

المشكله انها كلها اوهااااااااااااام هذي المشكله ...

ندااء الى العلمااااء....نحتاج علاج نهائي للنوبات ....تعبنا ..!!

هلا اخوي معليش انا اسف تلخبطت علي الامور كيفك انشالله بخير
والله مااني راضي بس الشكوا لغير الله مذله شنسوي تعبنا ندور حل ولا حصلنا وش نسوي بوجهة نظررك وجهنا والله انا مدري ماباليد حيله

باليد مو بس حيله وحده حيل كثيره ...

اخوي حاول تستمر على علاج سلوكي ومعرفي.... واذا تقدر عالدوا اخذ السيبرالكس زييين ...

واذا ما عجبك دكتورك غيره .. وكثر من الدعاء والتقرب من الله سبحانه وتعالى ...وعليك بالرقيه الشرعيه ...

وزيت الزيتون مقري عليه وماي مقري عليه ...وروح لشيخ يقرا عليك ... كل هالامو ر وتقول ما باليد حيله ..

لا هذي نفسك الاماره بالسوء تقولك هالكلام ....اسمع كلامي وبترتاح مو بس كلامي انا كلام اغلب الاعضاء ..

المدمر الاساسي لمرضنا اهو اليأس والاحباط :)

تقبل كلامي بصدر رحب

وعليكم السلام ورحمـة الله وبركاته

اهلين فيك اخوي بين اخوانك واهلك وناسسسك

اول شي الي تمر عليه شي طبيعي ولا تخاف فـ النوبات انواع

منها ما يسبب لاغماء ككثير من الاعضاء وكم مره جاتني في النوم وصحتني

ولو تشوف اعراض نوبات الهلع في المواقع راح تشوف التآكيد على كلامي .

ان بعضها يجي في النوم ويصحيك كانك تبي تموت

وكل الاعراض الي قلتها هي تبع : نوبات الهلع : وهي دقات القلب وغصه وتنميل في الجسسم

واشياء كثيـــر مره . وتحس روحك تبي تطلع وخلاص الموت قرررب ومافي فرار

طيب الي ابي اقوله لك اشياء تسويها وان شاء الله تطيب .

1- الصلاه في وقتها وقرائت القران صفحـه ع الاقل في اليوم

2 - شوف لك دكتور ( شاطر ) واستمر ع الدواء

3 - الرياضــه / كل يوم انزل خذ لك فره شم هواء

4 - طرد الافكار السلبيه ومواجهة الخوف الذي بـ داخلك

5 - اتبع المثل هذ1 مع نوبات الهلع ( طنش = تعش = تنتعش )

يعني خلاص لا يهمك شي فكر في اشياء حلوه تفتح نفسسك ولا تجلس كثيـر

لـ حالك ولا تفكري في الموت حتى لو حشر نفسه في راسسك : عادي حاول تشتت افكارك

وان شاء الله تكون بخيـــر ( وطمنا عنك ) ولا يهمك شي :rwq: